قبل ماتطلق من زوجى

[حب الرّمان]

أخــــــــــــــــر الدنيا الله واكبر خليج بيتج المره موكل مره لها ريل ,,,,,,,ألله يهديج

 

[كريستال]

رد : قبل ماتطلق من زوجى

حبيبتي هذي الشيطان

الله يخليج فكري في بناتج باجر من بياخذهم

لاتحطمينهم

 

[ام شووووق]

رد : قبل ماتطلق من زوجى

هذا فيلم يوم الخمبس ؟؟؟؟؟؟؟

 

[شهد صلاله]

رد : قبل ماتطلق من زوجى

الله يهديج

 

[انا لحبيبي .]

رد : قبل ماتطلق من زوجى

لا تعليق

 

[miss_jamsheer]

امبييه شكو اصلا اكبر غلط تتصلين عالريال تراضينهم امبيع انتي الحين ماراضيتيهم انتي هدمتي بيتهم وبيتج الله يهداج بس

 

[جوري 2007]

انسيه خلاص وحسني علاقتج بزوجج

 

[قمر وربي امر]

رد: رد : قبل ماتطلق من زوجى

اختي؟

يعني زعلتي بخبر زواج زوج رفيجتج

ومازعلتي على رفيجتج انها تطلقت؟؟ واختربت حياتها بسبتج؟ انا مصدومه وين ضميرج شلون تنامين على المخده؟ وانتي

خنتي ربج

ريلج شريك حياتج وابو عيالج

وبناتج؟ قطعه منج ومن زوجج

وصديقتج ؟ اللي كانت تبيج تكلمين زوجها علشان تصلحين بينهم؟ وانتي هدمتي اللي بقى بينهم؟


لاحظي ماذكرتي ولا سلبيه على زوجج فقط انه عاطل عن العمل وهذا مو عيب فيه؟ ياويلج من الله انتي ماتستحقين هالحياة

بيت وزوج وعيال

ماتدرين انه في ناس تسوي المستحيل علاج وادويه وابر وعمليات ونفستهم تتعب كل هذا بس علشان بس الله يرزقهم بالذرية الصالحه

ويحسون بالأمومه

انتي ماتستحقين تكونين ام اسمحيلي هذا الصج


الله يهديج وينور دربج في طريق الخير ومرضات رب العالمين

:rerrerek::rerrerek::rerrerek:

صدقتي والله

 

[إعلاميه]

رد : رد: قبل ماتطلق من زوجى

بنات البنت جايه تبي النصح وبس اللي ماعندها الا السب رجاء ترفعو عن الالفاظ هذي وارتقو شوي ..

ولاتزايدون كلنا فينا اخطاء حتى لو الحمدالله ماوصلنا لهدرجه بس ابن ادم عموما خطاء واتقو ربكم ..

انا اقول الله يهديج عن هالطريق ولاترجيعين تدقين ولاشي انتي اتخذتي القرار الصح من تركتيه ليش الحين جايه تبين

تعيدين الغلط؟؟؟ استغفري ربج واكثر الدعاء انج تنسينه وبس حاولي تقربين من زوجج وحاولي تشوفين حسناته لان الشيطان

قاعد يوريج سيئاته بس .. تذكري بناتج حبيبتي ترضين تصير امهم بهالصوره !!

والله يهديج ويهدي الجميع ان شاءالله

+ 1


وبعدين يااحياتي .. وش ذنب زوجته الجديده لاتحرمينها من حياه زوجيه جديده هي مقبله عليها

كذا انتهى دورك مع زوجك وصديقته انتي اذا بتدقين كانك مثل البناات ... اللي يدقون على الرياايل المتزوجين



الله يحفظك واشغلي نفسسك

واكسبي يااقلبي زوجك لاتخلين الحييياه وايامه تروح


قدامك حيياه جديده وبنت اموره الله رزقك فيها

وياامى حريم غيروا حال زوجهم وصار يموت فيه

انتي بعقلك وقلبك تقدرييين


الله يوفقك ويسعدك

ولا تتتاثرين بردود البنات اللي يسبون عادي طنشي يااما شفنا كذا :/

 

[krkooora]

انتي شتبييييييييييييييييييين شتبييييييييييييين @@


يعني بدال لا تزعلين و تحزنين انه رفيجتج اللي تقوليييين انه تحبينها... ريلها طلقها !!!!
تروحين تفكرين انه ادقين عليه
و بعد ما سمعتي انه خااااااااااااااطب تروحين له شتبين تبي تخطفينه من مرته اليديده بعد @@
وعيالج مافكرتي فيهم !!
وبعدين انتي متزوجه ولا ريلج طلقج ؟؟؟
شماااااااااااااااااااله ادقيييييين عليه !! شتبيييييين فيه اوكي و اذا وسيم و اذا كريم و اذا بشوش مو كافي انه خاين !!!! خاين مرته معاج !!!
هذا الشي ما يطيح مستواه بعينج ولا الخيانه عندج عادي مثل ما خنتي اقرب الناس لج صديقتج و زوجج

 

[حجيه هيونه]

رد : قبل ماتطلق من زوجى

صديقتج الحين محتاجه وجودج

حاولي تردين لها شوي شوي


وبالنسبه له اهو دييييييييييييييييييييييري بالج وضعج كان غلط وتصحح لاتردين للغلط مره ثانيه


ومثل ماكنتى عايشه الفتره الى فاتت من غيره كملي من غيره

 

[sweet fashion]

انتي انسانه مريضه
اشلون سمحتي لنفسج تكلمين زوج رفيجتج وبنفس الوقت رفيج زوجج مافكرتي اول شي ان في ربج فوق اللى سويته غلط ومايجوز بالدين اولا واخرا
ومافكرتي بزوجج لو تحبينه ماتكلمين غيره وحتي لو ماتحبينه المفروض ماتكلمين غيره
مافكرتي برفيجتج والصدمه والطامه الكبري اللى بتطيح على راسها حرام عليج حطي نفسج مكانها شنو بالله شعورج ؟؟ اتوقع بتموتين موتتين اول شي ان زوجج طلقج وان رفيجتج خانتج اشرايك بهالشعور حس فيه واصحي

ومافكرتي ببناتج ومستقبلهم
مافكرتي بنظرت الناس لج

مافكرتي بعقاب ربج
وليش جايه تسـألينا ؟ تبين بعد تخربين بيت العروس اللى بياخذها حرام عليج انتي ماعندج قلب ماعندج احساس ماات الاحساس فيج
والرجال اللى جايبه منه اعيال موعاجبج ليش كودتي كود اعيال وبالاخير قلتي ماابيه
حتي لو كان عاطل عن العمل الزوجه السنعه واللى فيها الخير تصبر على زوجها وتساعده وتنصحه وتذكره صدقيني مع كل هذا يتغير بس دام انتي جذي وتفكريج جذي اكيد حطمتي حتي بعد زوجج وظل نص عمره عاطل عن العمل لان ماكو زوجه فيها الخير بالاساس

اسمحي لي كلامي قاسي حيل عليج بس نرفزتيني وقصتج مالها داعي تحطينها لان انتي عارفه رد البنات
مافي وحده بينا بتقول لج ردي له الا واهي تبي تخرب بيوت وانسانه مريضه
الله يهديج

 

[aldanaha]

رد : قبل ماتطلق من زوجى

تعوذي من ابليس واستغفري ربج وانسيه

ومن خان لجلك يخونك!

 

[زوارة اثنين]

رد : قبل ماتطلق من زوجى

مشكورين كلكم وقلت بعلمكم شصار قررت انى ماتصل عشان بناتى ولا ابى اغضب ربى
واتصلت على صديقتى كلمتنى برود بس اول ماسمعت صوتها بكيت وبكرة بزورها ولما سالتها عن الطلاق قالت انة يبى اطفال لان صديقتى ماتجيها الدوره الا بلحبوب

 

[زوارة اثنين]

رد : قبل ماتطلق من زوجى

مشكورين كلكم وقلت بعلمكم شصار قررت انى ماتصل عشان بناتى ولا ابى اغضب ربى
واتصلت على صديقتى كلمتنى برود بس اول ماسمعت صوتها بكيت وبكرة بزورها ولما سالتها عن الطلاق قالت انة يبى اطفال لان صديقتى ماتجيها الدوره الا بلحبوب

 

[اشتياق]

<<انربط السانها ماتدري شتقول بهالشرباكه!

 

[المستغفرة 74]

رد : قبل ماتطلق من زوجى

اشك بقصتج
واضح من نكج زوارة خميس
الظاهر انج متاثرة بالمسلسل وايد
لان بصراحة هذي القصة من قصص الافلام شلون تخونين صديقتج وزوجج
اذا كانت قصتج صج الله يهديج

 

[Diva-Q8]

رد : قبل ماتطلق من زوجى

مشكورين كلكم وقلت بعلمكم شصار قررت انى ماتصل عشان بناتى ولا ابى اغضب ربى
واتصلت على صديقتى كلمتنى برود بس اول ماسمعت صوتها بكيت وبكرة بزورها ولما سالتها عن الطلاق قالت انة يبى اطفال لان صديقتى ماتجيها الدوره الا بلحبوب

كفوووو عليج حبيبتي الله لايفرق بينكم انتوا صديقات باجر تشفعلج يوم القيامه ماعليه ردت عليج ابرود لانج اهملتيها فتره طويله الله يعوضها باللي احسن منه ويثبت ايمانج ويخليج حق بناتج..

 

[زوجة عزيز]

عويذ الله من شرج

 

[عين السيح]

رد: رد : قبل ماتطلق من زوجى

انتي كتبتي سالفتج لانج محتاجه النصيحه
اذا تتقبلين مني النصيحه بنصحج وانتي حره بقرارج

اولا :حملج بوقت قرارج بالانفصال خيره من الله لسببين ---- الاول الله مايبيج تطلعين جدام رفيجت عمرج خاينه ثانيا يبيج تصبرين على ابتلاء رب العالمين بزوج عاطل عن العمل هذا اختبار من الله عسى الله يجازي صبرج خير

ثانيا : الشخص الثاني خان زوجته معاج مو لانه يحبج بل لانه مو حاب مرته ويبي البديل بأي شكل مو شرط انتي بدليل انه طلقها وخطب وبيتزوج غيرج مع انه قال انطر العمر كله يعني على قولت المثل ( حجي مجمع تعال واتسمع )

ثالثا : طلق رفيجتج يعني علامه من الله عطاج فرصه تطلبين المغفره والتوبه واتردين حق صديقة عمرج وتواسينها بظيقتها ( قال صلى الله عليه وسلم (( كل ابن ادم خطاء وخير الخطائين التوابون)
عن انس ابن مَالِكٍ رَضِيَ الله عَنْهُ قَالَ: سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: " قَالَ: "وَالَّذِي نَفْسُ مُحَمَّدٍ بِيَدِهِ لَوْ أَخْطَأْتُمْ حَتَّى تَمْلَأَ خَطَايَاكُمْ مَا بَيْنَ السَّمَاءِ وَالْأَرْضِ ثُمَّ اسْتَغْفَرْتُمْ اللَّهَ عَزَّ وَجَلَّ لَغَفَرَ لَكُمْ "وَالَّذِي نَفْسِي بِيَدِهِ لَوْ لَمْ تُخْطِئُوا لَجَاءَ اللَّهُ عَزَّ وَجَلَّ بِقَوْمٍ يُخْطِئُونَ ثُمَّ يَسْتَغْفِرُونَ اللَّهَ فَيَغْفِرُ لَهُمْ


رابعا : ادقين على شنو عشان اتخربين بيت الثانيه اللي عرسها بعد شهر؟ اذا انتي مشوشه لا تشوشين على غيرج وخلي الريال يمشي بحياته مع اللي اختارها .

خامسا واخيرا : انتي سويتي شي زين لمن ابتعدتي من نفسج والله شاله من بالج بفترت ولادتج الحين اما تكلملين الطريج الصح اللي بديتيه بروحج من غير نصيحة احد او ترجعين للغلط اللي فعلا كبير عند الله ولا بعمرج بتوفقين من حوبت الاثنين ريلج ورفيجتج

والله راح يجازيج على هدايتج بالخير ويفتح باب الرزق لزوجج عشان عيالج ادعي ربج يعدل الحال بينج وبين ريلج كثر ماتقدرين ..

ولاتستحين انتي لا اول ولا اخر وحده تغلط الرك على اللي مايتوووووووووب واحنا مو ملائكه..!

موفقه

:eh_s(15)::icon30::icon30:

معاااااااااااااااج