قالوا عني داثرة لما قلتلهم : ...

[أغداً القاك]

هوايتي الي للحين متمسكة فيها و الناس تستغرب منها القراءة

مرات لما اكون بالصالون اخذ كتاب معاي لان النطرة فيه تطول

تعالي شوفي النظرات الي تييني خصوصا و اني اقرى انجليزي
حتى بالدوام ينبهرون لما يشوفوني ماسكة كتاب و يقعدون يسألوني عن شنو الكتاب جني الوحيدة بالدنيا الي تقرى​

​

صاجه والله .. كله مخترعين من الي يقرا مادري شايفين كائن فضائي !
لا وانا اقرا عربي بعد وهم مخترعين .. الله يعينج​

حبيبتي بشة .. بالنسبة للمكاين انا اشتريت وحدة من زمان اول ماخلصت دورة تصميم الازياء
ومااذكر سعرها لان ابوي الي دفع (بعد عمري) عقب ما عزفتله سمفونية الحنه الخالدة​

بس احسن ماكينات نوعين (سنجر) وعلى حدها (برذر)
بس (سنجر) لا يعلى عليها يعني ممكن تورثينها حق حفيدتج بعد عمر طويل
بس طبعا تحافظين عليها وتسوين لها صيانة بين فترة وفترة
انا ماكينتي (سنجر) صناعة البرازيل طبعا الاصلية
مرات اخيط حق روحي .. بس مو وايد ذابحني الكسل
وعالم الخياطة وتصميم الازياء وااااااااااااااايد كبييييييير
وانا حاضرة باي سؤال حبوبة​

 

[بشه المنفشه]

وااااي يا زينكم بس .. ماقدر أعلق عليكم كلكم الصراحة ما توقعت عندنا بنات مبدعات هالكثر ما شاء الله


أغدا ألقاك مشكورة يا قلبي على مساعدتج بس لي الحين التنفيذ بعييييييييييد ما عندي وقت والله ولا جان زين

 

[Miss Cherry]

انا احب اقرا من وانا صغيرة كنت احب اروح المكتبة واقعد بالساعات هناك بس الحين ماكو وقت مثل قبل

كان ودي اتعلم حياكه اشوفهم بالافلام واحس تونس وتضيع الوقت بس مادخلت دورات قريت عنها وحسيتها صعبة شوي وانا بالخياطة صفر ماعرف شي ولا هي اهتماماتي


الحين يروح وقتي على الافلااام والطبخ والسباحة

 

[DaLoo3t BaBaTii]

انا هوايتي التصوير !

و شجعوني اشتري كاميرا احترافية و اشتريت

و الحين قاع يشجعوني ادش دورات تصوير ، علشان (( بالمستقبل )) ان شاء الله يصير عندي استيديو خاص !! « اممم صح كلامهم ، ليش لآ !؟

بس المشكلة انا مالي خلق

 

[بشه المنفشه]

باااااااااااك

اليوم رحت محل الكلف بمنطقتنا وشريتلي جم بكرة على جم طباقي على أبر

أمي قامت تطنز علي خخخخخخ أقولها شفيج عباتي مفتوقة بصلحها .. وأنا صاجة دش فيها الكعب من ورا وانفتقت ما يسوى أوديها الخياط

تقولي إشرايج اتخيطيلي قمصان بيت حق الشتا !!!!!!!!!!! وااااااااي يموتون على التطنز والإحباط

كيفهم عاد بدش دورة وبشتريلي مكينة عاد متى الله أعلم !

 

[برنسيسه الرياض]

انا امووووووووووت برسم وتصميم الازياء لكن ماشوف اي تشجيع اولهم زوجي ابو التحطيم اللي عندى؟؟؟

 

[bobo lover]

انا قلت ابي اتعلم كروشيه وقالت لي امي جنج عجوز اجنبية
وقلت ابي اخذ دورات بالتصوير وابوي قال شنو مصورة؟
وكل ما قريت قالوا معقدة
وكل ما طبخت قالوا مسوية نفسج سنعه هههههههه
المهم، أنا أقول سوي اللي بخاطرج ولا تردين على أحد. الناس ما يعجبهم العجب.

 

[ام محمد***]

اللي تبي دورة كروشيه
اقصد تتعلم
تراااه سهل وااااااااااااااااااااااااااايد

وشوفي باليوتيوب وايد دروس تعليميه
او حتى بالمنتدياات

الكروشيه هوايتي الاولى

بنات اللي تبي تتعلم خياطه
لقيت رابط مال مجلة البوردا ماغيرها
وسجلت عندهم

وعندهم بترونات مجانيه

بس عليج تلزقينهم مع بعض

وحاليا انا بالخطوات الاولى

تقدرين تطبعين البترون من طابعة البيت

وهذا رابط مجلة البوردا

واايد حلو ومفيد
وفيه مشاريع للعضوات
وروابط فيديو لملابس تقدر اي مبتدئه تسويهم

http://www.burdastyle.com/patterns

وادعولي بتيسيير الامور
وسلامتكم

 

[عادت ذكرياتي]

ودي اتعلم الكروشيه وفنون الحياكة لوووووووووووول


وأحب الكتابة وعندي كتابات متنوعة بين قصص وأبيات شعرية وخواطر


وأحب القراءة بعد (( العربي والانجلش )) ...


بس بخاطري الكروشيه يا ناس

 

[ترانيم القصيم]

الكتابة ,, محّد يشجّع عليها من الأهل ههههههههههههههههههههههههههه

أصلاً محد يدري عني إنّي أكتب غير أخيتي الكبيرة ,,

إذا تبين الصدز ألاقي تشجيع بس من النّاس آللي بالنت هههههههههههههههههههههههه

تسلمين يا عسل ,, و لقبك خطنطييييييييير و لو إني مدري وش معناهـ خخخخخخخخخخخخخخ

 

[~ بنت الهدى ~]

ابي اتعلم انجليزي

بس مابي معاهد و دورات مالي خلق التزام ابي من النت ساعدوني اذا عندكممم

 

[MiSs kw]

ولا يهمج حجي احد
بالعكس انتي احسن من كل الي عيبو عليج

انا من سنه او اكثر شريت لي مكينه و ما كنت اعرف شي و شوي شوي تعلمت ... صج خربت وايد اغراض بس تعلمت
طبعا ما صرت فنانه بس اذا شي اخترب بالبيت انا اعدله ما قمت اودي الخياط
و احب الكورشيه واااايد .. و هم بالبداية خربت شكثر بكرات بس الحمد الله الحين شغلي صار تمام
و احب اقرا هم وااايد

انا اشجع البنت الي عندها هوايه و اذا كانت صغيره ابد ما ادقرها
عندي افضل اوفر لها الادوات و تقعد تحوس بروحها و تتعلم شي و تستمع فيه
احسن من انها تلهى بشغلات ثانيه و خصوصا انه زمنا يخرع


مالج شغل باحد و نمي هوايتج ... و خليهم يشوفون ابداعاتج ... باجر كلهم اييونج يبيون من شغلج

 

[أحلى البشر]

حلو سوي اللي تحبينه الناس اذواق وكل واحد له هوايته اللي يحب يمارسها

والكوشيه ام صوف تحصلونها بالبلوكات بمحلات الكلف مجوده كل الاشكال

 

[سانماري]

من صغري من يوم كنت بأولى ابتدائي والمدرسات ياخذون اعمالي الفنيه
والكتابه حدث ولاحرج , لما اكتب مقالات الكل يسأل : أنت اللي كاتبتها مو أحد كبير
والبومات صور مدعومه بمقالات تخلي مدرستنا تفوز بالمركز الاول
وطبخ حلويات وموالح حفلات المدرسه فوق راسي
مدرسة التدبير تناديني من اول حصه وتخاف امل بس تعتذر وتطيب خاطري
وتصميم الازياء الله لايوريكم
وأبتكر في الديكور بشكل ماتصدقون كله من راسي
وتعلم اللغات اساسي عند الكل طبعاً وممارسة الرياضه بعد بانواعها
بس وفاة ابوي وبعده وفاة امي اثرت فيني كثير
والحمدلله بديت ارجع امارس هواياتي ومواهبي .

 

[كراميلا مرة]

انا هوايتي القراءه
ومثل ماقالت ام سعود
في مجتمعنا صايره جني كائن فضائي مختلف
اذا دخلت المنتديت وشفت احد يقرا




وبعد انا حييل ودي اتعلم كروشيه والاشغال اليدويه
ماعرفها لها شيء
بس يجي ببالي اشتري الادوات واتعلم
بس فعلا ماحد يشجع

 

[sweet.sanfoora]

حياتي شكوو مارسي الهواية اللي تبينها

شوفي انا فيني طاقة

قعدت فتره ارسم على التيشيرتات و الحين هابة بالطبخ و هم يتني فترة ميكب ستايلست صرت( بحدود بيتنا طبعاً ) وعندي موهبة الكتابة وعندي موهبة الغناء :>>الحين بنسب لا صج صوتي حلو واحب اغني
يعني اي شي تبين تسوينه سويه ولا يهمج احد خوو انتي ماكفرتي بتخيطين
انجوي يور لايف

وبثث

 

[manoooram]

أنا هوايتي الميك اب غراااااامي بس الحين لنفسي وأحب أفصل كنت منقعه بالبلوكات هههههه بس من تزوجت خلاص ماقمت أخيط نفس قبل لأن ماكو وقت مع مسؤولية الزوج والعيال اسم الله عليهم
وما عليج منهم حبي أهم شي انتي شنو اللي ترتاحين منه سويه

 

[PuPa^^SWeeT]

انا ما قمت اسولف عن قراءاتي لأحد لأن مايفكروون القراءة لتفتح العقل

عبالهم اللي يقراا هذا ماعنده حياة اجتماعية


ولا مادري شنو يفكروون فييه صراحة


الهواية هواية خاصة بالشخص مالهم شغل فييه


بس الناس زاهبة للحكم السلبي


المهم القراءة هذي امارسها طقس من طقوس اليوم حتى ما قمت احسبها هواية كثر ما اهيي خلاص جزء مني