قالوا عني داثرة لما قلتلهم : ...

[ScarletteO'Hara]

هوايتي الي للحين متمسكة فيها و الناس تستغرب منها القراءة
مرات لما اكون بالصالون اخذ كتاب معاي لان النطرة فيه تطول
تعالي شوفي النظرات الي تييني خصوصا و اني اقرى انجليزي
حتى بالدوام ينبهرون لما يشوفوني ماسكة كتاب و يقعدون يسألوني عن شنو الكتاب جني الوحيدة بالدنيا الي تقرى

و لي هوايتين ثانيين ممكن يثيرون استغراب الناس اهم الرسم و الكتابة
بس للاسف بحياتي ما كملت قصة كاتبتها و لا استمريت بالرسم
انا بالثانوية كنت الون بالاوان المائية و قطعتهم
فمن فترة رديت لهم بس شفت صعوبة فبإستخدامهم فقررت اني اجرب الغواش
عاد رحت جرير و اشتريت الكراسة و الالوان و اقلام رصاص و محاية
قبل ما ابلش حملت و هم هديتهم
و بنتي اسم الله عليها ماخذة وقتي كله حاليا مو فاضية لممارسة اي هواية

 

[تذكر خافقي رمحك]

ودي تكون هوايتي الدراسة واكل الكتب
بدال المسلسلات والتلفزيون

وهم ودي اكون شاعرة لاني احب الشعر بس للاسف ماعرف

 

[عاشقة الاسلام]

اب اب اب

 

[رآيقــــــــــه]

انا مره كنت بالسوق مع امي و شفت عود كنت بشتريه بس امي رفضت تقول لي عربجيه انتي هههههههه واالله لحد اللحين بنفسي بس محد مقدر :eh_s(11):

 

[كلي أنوثة]

ماشالله فكرتج حلووووه وايد و مبتكره.. بس يبيلها فضاوة و يبيلها صبر على ما اتعلمين..و ما يندرا يمكن تصير تجاره بعدين مع الزمن
انا اقول يلاااااا بحثي عن الموضوع و اشتريلج مكينة و تعلمي و الله يوفقج

 

[~ بنت الهدى ~]

انصحج تعلميييييي ماعليج من الناس ترى الناس ملاقيف ولله

احنا هابين عندنا كله يخيطون و يسوون دورات خياطه و بعضهم يخيطون دراريع و يبيعونهمم

انا خالتي كانت ماتعرف و اخذت دوره و الحين تخيط لها خياطها جنه جاهز استفادت من وقتها و تتسلىىى

امي من شهر شرت مكينه و تبي تاخذ دوره بس ماعندها فرصه اذا عندج موقع بالنت مال هالسوالف عطيني

 

[~ بنت الهدى ~]

مكينة الفراشه تدوم و تدوووووم

هذي نفس مكينة ماما الكل يمدحها تعمر عندج عمرها طويل
امي شرتها و ماتعرف راسها من كرياسها و مع الوقت تعلمت الحين اهيا اللي تضيق و توسع و تقصر و تحط الأزرار و هالسوالف..قبل كل شي عالخياااط معتدمين عليه ..

امصحج تعلمي ماعليج من احد ترى تفيييدج و تسلين و تستفيدين من وقتج...

انا خالتي بعد ماكانت تعرف و الحين ماشا الله تخيط لهاا و تخيط دراريع جنهم جاهزين لأنها تتدرب بأستمرار و اخذت دوره
,و معاها بنات تدربوا و تعلموا و الحين يخيطون دراريع و يبيعونهم ..


و هالزيت نفس مال امي حق المكينه تقول ضروري بس مادري شفايدته انا

ر

و بس هذا اللي اعرفه عن الخياطه

 

[كلنا عشاق لكن]

فديتكم والله سوالفكم إتونس حدها :ggdw:
الحين طلعنا كلنا عندنا هوايات ومهملينها هههه
عاد شوفوا هواياتي
تصميم الأزياء وكنت أشتري كتالوجات ألمانية ومع كل عدد خريطة الكنز ههه ويكونون مخططينها دواير وأرقام شغل هندسة
فايدتها إتعلمج طريقة قص كل موديل بهالعدد بس ماأدري وين يبيعونهم حاليا
هوايتي الثانية الرسم وعجينة السيراميك
بس تركتها من فترة :eh_s(1):
وصرت أصمم ع الفلاش والفوتو وكلة بعد حسب المزاج
أما السيراميك كنت أسوي أشكال وألونهم
الكتابة والشعر موهبة ربانية ماأعتبرها هواية أبد والكتابة أصلا مهملتا من قلب
ولايخفى عليكم تمنيت إنة محمد عبدة وعبد المجيد يغنون من كلماتي
القراية هوايتي المجنونة بس مع النت صارت أقل
التصوير :eh_s(21): تمنيت فية الإحتراف ويبقى أجمل هواياتي هذا اللي تمنيت آخذ فية دورة صج
بشه ودي أقيم الموضوع:eh_s(7):
بس ماأدري وين هالخاصية :eh_s(1):
ويعطيج ألف عافية ياقلبي
​

 

[خل وملح]

انا مثلكم هوايتي الخياطه:ggdw: تعلمت وعرفت اشلون اسوي درايع واخذ القياس والتنانير والبناطير كله تعلمتهم بشهر :rerrerek:
بس هالاشياء تبي لها وقت فاضى وماكينه وانا حاطه هالشي في بالي اني بشتري ماكينه بدال مالتي القديمه لان ماتشتغل معاي ونوعها قديم ،، طبعي ماعلي من احد :eh_s(4):دام هالشي هوايه :eh_s(10):وانا حابتها ومافيها مضره لي .
واللي تبي شي بامور الخياطه مايردها الا الكيبورد وتسدح كلامها :eh_s(7):​

 

[بشه المنفشه]

:eh_s(15):

ما شاء الله عليكم تهبلووون


كلنا عشاق مادري والله عن التقييم ماعرفله بس كافي وجودكم وردودكم الروووعة أحلى تقييم :eh_s(7):

رايقه ضحكتيني صج على العود .. لا كلش ما أنصح الصراحة

والطبخ هواية تونس الزوجة والزوج خخخخخخخ

وفنانات الخياطة ما شاء الله اطلعوا وايد عندنا !!! إشرايكم اتسوون مواضيع بقسم الأشغال اليدوية وتعلمونا الخياطة وتورونا شغلكم ؟ أكيد كله ذوق

ياللي تقرون .. شنو تقرون ؟ أنا أحب الكتب العلمية والإجتماعية مو صوب القصص والروايات

 

[ام محمد***]

رووحي وتعلمي خياطه

فرفري لين تعرفين وين يعلمون
وتعلميها


بروح اتغدى بعدين اكمل

 

[ام محمد***]

عدنا

اختي تعرف خياطه وللاسف ما تعلمنا على ايدها

بس انا اطقطق

وعندي مكينتين ؟؟؟؟!!!

اثنينهم سنجر وحده شريتها والثانيه عطتني اياها اختي ماتبيها مع انها وايد ممتازه

المهم

هوايتي الكروشيه الحياكه

واستفدت منها ماديا ...

الاعمال اليدويه

بعد هم احبها حيل

والتشجيع يعني مو الكل يشجع

وودي اتعلم الرسم على القماش
احس مايبيله شي ...
ياليت اللي تعرف رابط او موقع (عربي ) يعلم هالهوايه ....

ونصيحتي
....
مالج شغل بالناس اللي ما تعرف غير انها تنقد

ماتدرين يمكن هوايتج تكون باب رزق لج

سيري ونحن من وراااؤك

 

[نوره 99]

أنا كنت أحب اقرأ
بس كانوا أهلي يحطموني .. أحب القصص ولما طلبت قصه عطاني أبوي من مكتبته قصة المسيح الدجال
شوي شوي انلغى من قاموسي شي اسمه قراءه

وأحب اكتب .. يعني عندي محاولات قصصيه وفي ناس شجعوني بس أنا لهيت وحسيت مفرداتي صارت محدوده يبي لي اقرأ عشان اعرف اكتب فبطلت كل الأثنين

واحب اطبخ .. يعني مو أي طبخ .. لا أحب ابتكر ... ودايما اتخيل أن عندي مطعم أو محل حلويات واسوي فيه اشياء غريبه مو موجوده عندنا .. وأمي تقول حدك كتاب طبخ تطلعين كل حرتك فيه .. غيره لا تفكرين

باختصار كل الهوايات اللي عندي مافي فرصه اني انميها أو استمتع فيها

 

[DaByaH]

هواياتي :

القراءه

الكتابه

الرسم على الحرير

التخاطب والمحادثه باللغه العبريه

ودمتم سالمين.

 

[star warld]

مدري لي جم يوم وانا ابي احترف التصوير
ولو اني ما احب التصوير كثير
بس بجرب والا شرايكم

 

[star warld]

اهو بنات صج لما تبين تسوين شي تحسين اهل البيت كله ما يتقبل مدري
ليش يستغربون حيل
الا مره اكتب قصيده عن ابوي (الله يرحمه ويغفرله ) واول مره اكتب قصيده
ولاني با القصائد ولاشي بس مدري جاني شعور اني اكتب
الا جان اسمعهم اهل البيت مو مصدقين اني كاتبته ولو انه كلماتها حيل بسيطه بس مشاعري كلها كاتبتها فيها
الا جان احلف لهم ........ البعض مصدق والبعض لا
بس كسرتو خاطرهم با القصيده (الكل بجي الله يرحمك يبوه ويجعل مثواك الجنه)
صرت ما اهتم براي اهل البيت صرت لو ابي اسوي شي دايركت رفيجاتي
والنت
لووووووووول قصة حياتي

 

[~ بنت الهدى ~]

انا احب الشعر و احيانا اكتب على قدي ودي اتعلم اكثر و ابدع بس ماعرف احاول اتعلم ..

و احب الكتب .. من كم شهر كنت اقرا كتاب اقهر الخجل استفدت منه هذا الكتاب للي تستحي حيييل لازم تقراه
عشان تكسر الخججل و تزيد ثقتها ب نفسهاا ..

و قريت كتاب عقاب الذنوب عجيب ما ينمل منه خلصته بسرعه اهو ثقافي و ديني

و عند ابوي كتب دينيه كثيره و ناويه اقرا كتاب سيرة الأنبياء عليهم السلام ..

و هوايتي مادري احس مو مركزه على شي معين بس احب الصالوناااااات
ساعات اذا رحت ودي اقعد مع اللي يشتغلون اطالع شيسوون

و بما اني فاضيه لا شغل و لا دراسه من 3 ايام صرت اشتغل في صالون بس استقبال"ريسبشن ..
تسليه و استفيد من وقتي و كل يوم اشوف ناس اشكال و الوان من كل فئات المجتمع غيرت روتيني اليومي ..

حلو موضوعج يونس اذا ذكرت شي لي باك شكرا جزيلا حبيبتي ..

 

[بنت العقربيه]

احب تصميم الازياء والديكور الداخلي وفن طبخ الحلويات


بس يشجعون في مساله الطبخ خخخخخخخخخخخخخخخخخ



يعني لية مايسمحون تتعلمين الخياطة مافيها شي بالعكس شي حلو ياليت اعرف اخيط بالمكينة

كان شريت ولا علي من احد احس مو شي يفشل انة يكون عندك مكينة تصدقين دخلتي هالفكرة

براسي يمكن من بكرة اشتري مكينة واخيط ملابسي بنفسي مشكورة على الفكرة الحلوة


والله يعطيك العافية روحي اشتري مكينة ولا يهمك الله يحفظك

 

[رجــــه بـس رزه]

هههههههههههههههههههه اي والله غبااار ..انا المكياج وصلت للاحتراف والرسم هوايه اعرغ ارسم بس ما اماارسها ماكو وقت الحين اللابتوب هوايتي :/

 

[مُخملْ]

سوي اللي انتي مقتنعه فيه ،
" إرضآءْ آلنَّآس غآية لآتُدركْ "
ومهمآ سويتي مآرآحْ تسلمين من آلآنتقآدْ
ليش تحرمينْ نفسجْ منْ شي بخآطرجْ
لآهو عيبْ ولاهوْ حرآمْ !

كوني وآثقة من نفسجْ ولأ تفكرينْ بردة فعل
آلنآسْ ، دآمج مقتنعه ان اللي تسوينه يرضي طموحجْ

وفآلآول وآلآخير هَ آلشي رآجعْ لج ْ / حريّة شخصية
محدْ له حق يتدخلْ ،


.

مُوفقهْ