قالوا عني داثرة لما قلتلهم : ...

[بنت النوخذا]

اي هذي ما غيرها لووووووول
بس في منها ماركات يديده ورسمات تونس
مرات القا منهم ومرات لا في فانتسي وورد

هلا بالغاليه
تلاقين بعد بجمعيه الفيحاء ركن الكلف

ههههههه تتذكرين ملوت شيرة كرسمس

وفي مواقه اجنبيه تهببببل روووعه و اطوال للخيط تتعلق بالطوفه

 

[نوفا فوق الشجره]

انا اموت بالاشغال اليدويه تسلي وتشغل وقتك وتنفعك بس ودي في حقيبه فيها كل الأدوات الي احتاجها للاشغال اليدويه بس من ووووووووووووووين ياحسره رحت لاكبر مكتبه عندنا وماحصلت قههههههههههههههر

 

[بشه المنفشه]

يا زين ردودكم هههههه

طلعنا مكبوتات خنت حيلي محد حاس بمواهبنا

نوفا إذا إنتي بالكويت روحي محل بركات بالسالمية وفي وايد أماكن تبيع هالسوالف

 

[LuLiTa]

انا ودي اتعلم الرسم الزيتي البروفيشنال .. و شريت العدة جربتهم فترة و مليت و كاهم مقطوطين بـ الكبت ... و اعرف اخيط و اسوي كروشيه و تريكو بس حددي ملولة يدووب اسوي الشغلات البسيطة يعني مفارش و شباصات

 

[منيرة خالد]

حلو الوحده يصير عندها هوايه


وما عليج من السلبيات

تمسكي بهوايتج ونميها واشتري ماكينة خياطه وطقطي فيها

وفيه مواقع اشكثر بالنت تعلم الخياطه



أنا هوايتي من عمري ثمان سنين القراءة وللحين متمسكه فيها وطول عمري اسمع كلمة >>> فرااااااااغه تقرين وقتها اقعد اتفلسف عليهم بالمعلومات اللي عندي واقول احسن من اني اكون متخلفه ومخي فاضي .......... هالشي سكتهم

 

[نهى الأحمد]

موضوعج حلو حبيبتي

تسلمين


سوي الشي اللي انتي مقتنعه فيه ويرضيج

اذا هوايتج الخياطة ويكون عندج ماكينه توكلي على الله


كلنا عندنا هوايات

لكن سبحان الله الدنيا تلاهي والوقت ضيق


هواياتي
الرسم على الزجاج وكتابة الآيات القرآنية بالخط العربي والاشغال اليدوية


ومن يديد صرت احب القراءة لانها بالفعل غذاء العقول

 

[دلوعة روحي]

من عمر و انا احب اقرا

بس من دشيت الثانوي و لحد يومكم

احس فيني زهايمر

لما ابلش اقرا كتاب

ثاني يوم اضطر اقرا اللي قريته مرة ثانية عشان اعرف اكمل

هالشي خلاص اتملل

 

[بشه المنفشه]

القراءة وايد حلوة .. النت ما يغني لأ حلاته كتاب وعيونج مبققة وتقلبين الصفحات وتشوفين اشكثر باقيلج

دلوعة روحي بالعكس القراءة تقوي الذاكرة .. لعبي سودوكو أو كلمات متقاطعة تقوي الذاكرة وتنشط المخ

 

[دلوعة روحي]

بشة السودوكو و الكلمات المتقاطعة غرامي

لو اراويج مجلات السودوكو اللي عندي و العاب السودوكو اللي بايفوني راح تنصدمين

ادمااان مو طبيعي

 

[فطووومة]

خوووش موضوع


للرفع.

 

[ام سعود ديكسون]

يحليلكم طلعتوا مثلي أنا بعد كنت اقرأ روايات عبير و إحسان عبدالقدوس بالغزو >>> حدي داثرة

و سويت كروشيه و ما كملت و جربت رسم ع الحرير و مليت

لا و حتي ورود سيراميك سويت جم وردة و صبغتهم و حتي باقة ما كملت

>>> ليش يا ربي ما اكمل ؟؟؟؟؟؟ ما ادري
الحين حاطة حيلي بروحي ارتب الديكور والا اسوي لوحة بالمكياج ههههههه

 

[بنت النوخذا]

جمعت لج صــور يمكن تعجبج

يعني شغلات بيوز او اخدار غوري جاي و فوط صغيرع و جناط

 

[*المــــلكة*]

اممم والله ودي اتعلم السبااحة بس مادري متى راح اتعلمها !!
واتمنى اتمنى اركب خيل واتمنى اتعلم الرسم ويكون عندي مرسم صغير امممم ووااايد اشياء اتمنى اتعلمها بس ماافي وقت كلش ​

 

[Aryam30]

والله انا طفت الثلاثين وبعدي ماعرفت شنهي هويتي ... لي اكتشفتها انشالله قلت لكم

 

[أغداً القاك]

موضوعج حلو تذكرت نفسي هذيج السنة وانا احن على اهلي ابي مكينة خياطة ومحد عبرني
المهم .. اخذت دورة في تصميم الازياء وتصنيع الملابس لمدة ست اشهر بس مو في الكويت
وكان من ضمن الدورة ( خياطة , رسم , وصيانة ماكينات الخياطة) بس صج ونااااسة
طبعا ابوي ماكان راضي ابد ابد ابد الا ادرس جامعة بالاول .. لكن استخدمت سلاحنا الفتاك
وهو (الحنه) قعدت احن احن احن ليما وافق هههههه << مو هينه هالبنت
عاد اخذت الدورة تالي دشيت الجامعة​

 

[بشه المنفشه]

بنت النوخذا يا بعد قلبي تسلمين ما قصرتي .. الألوان تشوق

السباحة حتى أنا ماعرفها .. عقدتي بالحياة اهي والقاري ههههههههههههههههههههههه

أريام مو شرط هواية تواضبين عليها بس شوفي ميولج شنو .. مرات تطري عليج فناتق تستغربين منها

أغدا ألقاك ترى المكاين شفتهم بكارفور بس مادري شنو ماركاتهم أكيد في محلات تييب ماركات أحسن واكتشفت إن أسعارهم مو هينة .. كانت مكينة الخياطة طايحة من عيني حسبالي رخيصة

 

[جروح ودموع]

والله بالعكس خووووش هوايه واذا استثمرتيها لها مردوود مادي ممتاز وانا بصرااحه اشجعج على هالشي والله يوفقج

 

[noni_q8]

انا عن نفسي قاعد اتعلم احيك بالصوف ومستواي الحمدالله كل ماله ويتقدم
وانشاء الله اذا حصلت دورات بدش بحياكة الصوف
ترى شغله تونس وعجيبه

تعلمت البيانو والكمان

واعرف شلون ارسم شخصيات حقيقيه و طبيعه بابداع

وتعلمت السباحه والغوص اللي كنت اتمناهم وانا صغيره

وتعلمت الرمايه بسلاح الشوزن والعيار الصغير لمسافات بعيده

ودي اتعلم ركوب الخيل والدراجه الهوائيه وانشاءالله احققهم

والحين قاعد اتعلم الطباخ واتفنتك مع اني عليميه بالطباخ بس ماعندي الحين دوام وقاعد اقعد الصبح واطلع اغراض الطبخ واقرى شلون اسويهم

عندي هوايه التفنتك بالبروشات والشباصات والتيجان

وقاعد اتعلم شلون احط مكياج

وودي اذا في بالكويت ادش دورات كيفية التعامل مع الناس ومع نفسي و شلون اكون راقيه بتصرافي ويكون لي اتكيت خاص فيني بكل شي


والاهم من هذا كله بحاول احفظ شي من القرآن


ودي انجز احلام شكثر قبل لا اموت وتنتهي حياتي وودي اقدم مساعدات للناس المحتاجين وازور افريقيا وارسم البسمه بشفافهم

 

[Aryam30]

نوني ماشالله عليج عيني عليج بارده عسى تتوفقين يارب بكل اللي تسوينه
بشه حبيبتي شوفي الله يسلمج اول هوايه هبيت فيها الرسم بس رصاص بعدين لما كبرت شوي عريت على الحياكه بالسناره او التيريكو وبما اني ما استمريت عليها تميت اعرف الاساسيات بس يعني ما اعرف اتفنن فيهم ابد والا والله ودي وحاليا اللي صج صج ماخذ عقلي الطبخ تلقيني اغلب وقتي بالمطبخ اتفنن بالاطباق ومايندرا باجر شنو بستقر عليه

 

[بنت النوخذا]

دكتور بشير الرشيدي

افاااااا عندكم بنت النوخذا ابكره بشحمه و لحمه
و ادورون مــــــــــــــدربه سباحه

noni_q8..... انصحج في دكتور بشير الرشيدي :eh_s(15):
و دكتوور طارق الرجيب :eh_s(15):

​