قالوا عني داثرة لما قلتلهم : ...

[بشه المنفشه]

السلام عليكم



يوم من الأيام طق إبالي إني أتعلم الخياطة .. إشتهيت يصير عندي مكينة وأخيط حتى من يومين رحت كارفور وشفت مكاين الخياطة بغيت أبجي ههههههههههه

الكل عيب علي بس صج صج تمنيت أعرف أخيط مادري ليش !! حسيت في شي يشدني حق هالهواية مع إني ماعرف شي عنها خير شر

حدي أركب زرار ومالي خلق بعد

شاركوني : شنو الهوايات اللي ودكم تمارسونها ومحد يشجع ؟؟؟

 

[^^ريهام^^]

أنا نفسج

احب تصميم الازياء وودي اتعلم خياطة

لان اللي يبي يشتغل في التصميم لازم يعرف خياطة

بس اللي معاي ما يشجعون , يقولون صممي بس لا تخيطين

بس انا بكيفي

بس ودي بمكان او معهد يعلم خياطة

 

[بشه المنفشه]

ما أصدق في وحده مثلي !!!!!!!

ودي أحط مكينة بداري وأشتغل عليها .. مو شرط تصاميم وبدل لا حتى لو شغلات بسيطة يعني تصليح ملابس أو أسوي ألعاب خام أو كوشيات حلوة وفناتق .. إيدي تحكني أبي أخيط

ما عمري شفت دورات خياطة .. مادري وين يسوونها !

 

[ام سعود ديكسون]

هوايتي اقرأ >> اذا خذيت كتاب او مجلة أجنبية معاي بمكان عام او استراحة انتظار الدكتور بعيادة
>>>> احس أني مخلوق من كوكب ثاني الناس تخز
والحرمة اللي يمي تدش بالكتاب و يمكن تقاطعني وتسأل عن الكتاب بفضول



ودي من زمان اسوي ستوديو مكيب و الغمط ويوه الحريم >>> متعتي المكياج حتي لو أحط ابلاش
بس رخصة و عبالة و محتاجة وقت و دورات اذا بواكب الجديد
الحين صارفة النظر عنها مخليتها حق نفسي هالهواية >> لعل وعسي تتفجر بيوم / يا ساااااااتر

 

[بنت النوخذا]

ما أصدق في وحده مثلي !!!!!!!

ودي أحط مكينة بداري وأشتغل عليها .. مو شرط تصاميم وبدل لا حتى لو شغلات بسيطة يعني تصليح ملابس أو أسوي ألعاب خام أو كوشيات حلوة وفناتق .. إيدي تحكني أبي أخيط

ما عمري شفت دورات خياطة .. مادري وين يسوونها !

ههههه حتي انا بعد ودي جذي
امكينينه اصغيرونه :ggdw:

اخيط فيها شغلات بسيطه خاصه الحين هدوم البيت
و ااااايد بسيطه و الخامات وااايد تهبل و تشجع بعد

اول شئ ابدي في مكينه صغيره و جربي

واناااااااااااااااا مشتهيه اسوي اكياس عبي حق العروس حدهاااا بسيطه

 

[حناينq8]

توكلي على الله

هالنوع من الهوايات يساعد على ابعاد شبح الاصابه بالزهايمر بالمستقبل
على الاقل مخج شغال بالتفكير ومحاوله الابداع

تدرين انا لي مليت - رحت وشريت شغله مالت قبل اذا تذكرونها نسوي لوحه من الخيوط بالاداه اللي جنها سناره صغيره

 

[بشه المنفشه]

وناسة

صج تشجعون

حناين هالعلبة لي الحين أذكرها لونها برتقالي صح ؟ يا كثر ما سويناها كانت إدمان بعدين انقرضت

حدها إبداع

 

[حناينq8]

وناسة

صج تشجعون

حناين هالعلبة لي الحين أذكرها لونها برتقالي صح ؟ يا كثر ما سويناها كانت إدمان بعدين انقرضت

حدها إبداع

اي صاجه علبتها برتقاليه - تالي قمت القى منها احيانا في فانتسي وورد واشتري واخلي متى ما حبيت طلعتها واشتغلت فيها حدها تسلي وتنفع

 

[بنت النوخذا]

توكلي على الله

هالنوع من الهوايات يساعد على ابعاد شبح الاصابه بالزهايمر بالمستقبل
على الاقل مخج شغال بالتفكير ومحاوله الابداع

تدرين انا لي مليت - رحت وشريت شغله مالت قبل اذا تذكرونها نسوي لوحه من الخيوط بالاداه اللي جنها سناره صغيره

ههههههههههههههه

غباااااااار غبااااار هههههههههههه
اخذتهم و يوم مليت علمت الخدمات و قمت اشري لهم
كل منوجاتي راحت صوايغ للفلبين
هههههههههههه


:rerrerek::rerrerek:

 

[PuPa^^SWeeT]

ودي اتعلم الرسم عدل مع الالوان والرسم بالرصاص و بالزجاج

وهالسوالف

 

[دلوعة روحي]

ودي اتعلم احط مكياج

وودي اتعلم الرسم عالزجاج

و الكروشيه كان امنية من امنياتي و الحمدلله تحققت

و هم جذي اذا رحت مكان فيه نطره طلعت خيوطي و سنارتي و اشتغلت

و هم على قولة وحده من الخوات ما يظل احد ما يخز

 

[دلوعة روحي]

و على طاري مكينة الخياط

اول امي اشتركت بدورات

و كانت تسويلنا شغلات حق البيت

الحين حتى تصليح ما نودي الخياط

امي تسويلنا

الله يطول بعمرها يا رب

 

[أم توتو]

انا بعد هوايتي الحياكه بالصوف تذكرتها يوم هدى حسين بمسلسل الدخيله قاعده تحيك هههههه
والرسم الله على الرسم بس ماعندي وقت والتطريز كنت اول ماتزوجت من الفضاوة توني عروس ماعندي عيال اقعد اطرز واعلقهم للحين عندي وحده بداري ملعقتها احب احتفظ باعمالي حتى لو قديمه بس هوااتي اللي احبها والسيراميك وييييه راحت علينا خلاص بس ودي افتح مشروع كوش افراح وتغليف هدايا هذا اللي دارج الحين والله يوفقني يارب

 

[حناينq8]

ههههههههههههههه

غباااااااار غبااااار هههههههههههه
اخذتهم و يوم مليت علمت الخدمات و قمت اشري لهم
كل منوجاتي راحت صوايغ للفلبين
هههههههههههه


:d:d:rerrerek::rerrerek:

اي هذي ما غيرها لووووووول
بس في منها ماركات يديده ورسمات تونس
مرات القا منهم ومرات لا في فانتسي وورد

 

[دلوعة روحي]

اي هذي ما غيرها لووووووول
بس في منها ماركات يديده ورسمات تونس
مرات القا منهم ومرات لا في فانتسي وورد

شيشتوني عليها

انا اول كنت اشتغل فيهم و اذكر قبل ملجتي و انا احوس بالبلوكات لقيت اللوحة الكبيرة

و بغيت اخذها بس كانت القطعة مغبرة و الكرتونة مفتوحة و هونت

 

[بشه المنفشه]

ترى الرسم على الزجاج حدددده سهل بس عيبه يوصخ وريحة التنر تبط الراس

أنا أعرف أرسم على الزجاج والحرير وكنت ألون قطع خام وأوديها الخياط أسويها سكارفات أو قمصان وتطلع فنتق محد عنده مثله

 

[فطووومة]

السلام عليكم



يوم من الأيام طق إبالي إني أتعلم الخياطة .. إشتهيت يصير عندي مكينة وأخيط حتى من يومين رحت كارفور وشفت مكاين الخياطة بغيت أبجي ههههههههههه

الكل عيب علي بس صج صج تمنيت أعرف أخيط مادري ليش !! حسيت في شي يشدني حق هالهواية مع إني ماعرف شي عنها خير شر

حدي أركب زرار ومالي خلق بعد

شاركوني : شنو الهوايات اللي ودكم تمارسونها ومحد يشجع ؟؟؟

السلام عليكم

مشكورة اختي على الموضوع اينن


انا كنت اموت بالقراءة وانا صغيرة وكنت اشتري المجلات والالغاز البوليسية وروايات اجاثا كريستي كنت اموت عليها



وشوي شوي دخلت الجامعة وكنت اقعد بالساعات في المكتبة اقرأ كل شي


ويوم توظفت واشتغلت معلمة صارت قراءاتي في منهج المدرسة ونسيت القراءة الخارجية والقصص وصار النت بدل قراءة القصص والكتب


واساسا معلمة ما عندي وقت فراغ انمي هواياتي فيه


واحيانا احن لقراءة القصص بس خلاص تعودت على القراءة بالنت

--------------------------------





بس سالفتج اليوم عن المكينة وايد ضحكتني واعجبتني لاني نفسج عمري ما كان لي اهتمام بالخياطة

وفجأة قرأت موضوع هني وفي اخت كانت تاخذ دروس في الخياطة شجعتني اني اشتري
وفي يوم للحين ما كنت مقررة اني اشتري مكينة خياطة
سولفت حق زوجي عاد فديته مرة كان يتسوق بلولو هايبر جان يشتري لي وحده
بس للحين بكرتونها انطر اخذ دورة او احصل احد يعلمني


----------------------



مشكورة حبيبتي على الموضوع الشيق :eh_s(15):




عجبني الموضوع وايد قرقت خخخخخ

 

[بحر هادي]

انا كان عندي هواية الرسم واحبها..ورسمي حلووو مرره..بس ماكملت من التحطيم..طبعا تحطيم وهم ماشافوا رسمي..بس يعني ليش ارسم ويخانقون لو بغيت اروح مكتبه اشتري حق الرسم ..لان اغراض الرسم مو اي مكتبه لازم مكتبه كبيره..عقدوني وتركت ماعاد رسمت..ناس تقتل المواهب :eh_s(11):
بس محتفظه برسماتي حقت اول لما اشوفها احس اكرهها من اتذكر السوالف اللي كانت تصيرلي بسبة الرسم


لما توظفت تيتشر بمعهد احيان اشرح بالرسم يعني اشخاص واسويلهم قصه ع البورد..ينبسطون عليها كانوا الطالبات

 

[بحر هادي]

بس وش يعني داثره..ترى مافهمتها

 

[دلوعة روحي]

بس وش يعني داثره..ترى مافهمتها

يعني قديمة و مغبرة :krkrkr: