غرفة النوم منو ينظفها؟!؟!؟!

[أم غمااازه]

تنظف جدامي وتمسح السراميك وانا موجوده عادي

 

[بسمة خجل]

انا اللي ارتب غرفتي وحمامي ما احب اخلي الخدامه ترتبهم او تنظف حمامي

 

[الكويت غالية]

الخدامة طبعا انا اكون موجودة

 

[ريم الرشيقة]

شوفي آنا من تزوجت وآنا انظف وأخم وأمسح وأبدل الشراشف وحتى الدرايش الينة جبت بنتي الثانية قمت اخليها تنظف الدرايش لأنها تطلع برة وتنظف احسن والباجي حسب التساهيل مرة اهيه ومرة انا
بس اشوف البعظ خبر خير قاطين عليها كل شي حتى تسفط الهدوم ودااااخل الكبت!

 

[ريم الرشيقة]

والحمام ألحين كل اهيه تغسله وأكييييييييييييييييد آنا معاها

 

[ام _خلودي]

الخدامه
بس اكيد تحت اشرافي

 

[أميره بكل مكان]

الخدامه ما ادش داري لو شنو انا الي انظف واخم وامسح وارتب

 

[د.شريفة]

طــــــــــــــــــــبعا انا
مستحيل تجيسها خدامتي

 

[miss_lymoona]

انا انظفها نادر مااخليها تدش بس تمسح الطاولات والجام ومرات اخليها تعدل جينزات زوجي

 

[om al ghaleen]

انا اللي انظف غرفتي وحتى ملابسي الخاصه "

 

[كتـ زوجي ـكوته]

الخداااااااااااامه

 

[تآعِبنْ قَلْبِيْ]

أنا


.

.

 

[منى قلبها ابيض]

انا انظفها وساعات اخلي الخدامه واكون معاها ــــــــ

 

[7oorq8]

يعطيكم العافية على الردود الحلوة،،

وأتوقع الاغلبية تخلي الخدامة تنظف تحت اشرافها، وشكلي اقتنعت بهالفكرة، لاني كنت انا انظف بس بصراحة تعب والتنظيف لج عليه

مشكورين يا حلوات والله يرزق كل وحدة ردت علي باكثر مما تتمنى ويسخر لها زوجها وعيالها وحمولتها ويكافيها شر كل من فيه شر،،،

 

[نوارة الكويت]

انا انظفها
لاني تعودت من يوم كنت ابيت ابوي اني انظف وارتب داري

 

[Little Things]

الخدامة لان ماكو شي بالدار خو القمصان و هالسوالف مخشوشة تمسح و تنظف و تغسل الحمام و بس

 

[بنت حمايل]

والله انا ما احب الخدامة تدش داري ابدا ابدا


ما ادري ليش وممكن الخدامة تقط بودة على الفراش عشان يكرهج ريلج
او تقط سحر ماادري انا ما احب

وبعدين رياضة انج تنظفينها ولمسات ايدج فيها

شوفي يوم انتي فاضية رتبيها ونظفيها ترى كلها دار وبالعكس حلو وترتاحين نفسيا من هالشي

عكس الخدامة بتشوف الشرشف فيه شي او المخدة مالته تاخذ من شعرج او شعره

واشياء اللهم يكافيني من كثر ما شفت وسمعت



انا لي الحين يمكن مرة وحده دشت خدامتي الدار عشان شي وانا موجودة فوق راسها بعد

 

[Eng/thumbelina]

غرفتي انا انظفها وحتى حمامي انا اللي اغسله لان الصراحة لا انا ولا ريلي نحب احد يطلع على خصوصياتنا والخدامة تقوم بباجي شغل البيت عدا غسيل الملابس انا لان ما اثق بتطهيرها للملابس

 

[ذهب]

الخدامه تنظف الارضيات و الشبابيك - و المرايا فقط و بوجودي و لا اترك لها الغرفة و اروح الدوام الغرفة دايم مغفوله
اما الفرش و الملابس داخل الكبت ممنوع اللمس. من اختصاصي

 

[fishq8]

انا اذا كنت فاضية انظفها

واذا مالي خلق اخليها اهي تنظف بس اكون وياها بالغرفة اسوي اي شي

ولمن اطلع اقفل غرفتي واخذ المفتاح لان الخدم مالهم امان