غرفة النوم منو ينظفها؟!؟!؟!

[ام سلوم DoDo]

اهوا المفروض انتي اتنظفينها لان غرفه النوم لازم محد يدخلها الا انتي وزوجج لان يمكن يكون فيها خصوصيات ولازم محد يشوفها وبالذات اليهال وانا علي الترتيب والفراش واهيا بس الخمام والغسيل الحمام وسلامتج

 

[++The DuchesS++]

تنظف داري بوجودي
لانه خدامتي فضوليه حدها حتى كريماتي تلعب فيهم
وطالع شنو احط بداري وكلشي تدقق عليه

 

[حبي الاول]

تنظفها وانا قاعده لين تخلص

 

[لوكي 22]

انا انظفها طبعا ماعندي خدامه
بس ان يبت لي وحده مستحيل اخليها تنظفها الا اذا كنت تعبانه اشوفها واهي تنظف
بروحها ادش الغرفه لا

 

[الأمـــواج]

خدامتي تنظف كل شي وتغير الشرشف وغسل قمصاني عادي


اول كنت مارضا

بحكم اني مع حمولتي


الحين شقتي كلها غرفة نوم وغرفة تلفزيون وتكرمون حمام اذا مانظفت غرفة النوم اجل شتسوي الخدامة

 

[وداعيه]

انا ارتب داري بروحي
لانه ماحب الخدم ولا عندي خدامه

 

[وجه البدر]

انا مو متزوجه .. وغرامي الترتيب والنظافه .. والخدامه تنظف حمامي عزكم الله بسسس

 

[+بسبوسة+]

التنظيف اليومي..انا مسؤولة عنه
بس مرتين بالاسبوع تدخل واكون موجودة بالصالة
تنظف وتمسح الدرايش والارضيات وتغير الشراشف..
وتغسل الحمام..
زمالها شغل بغرفة التبديل الا متى ماطلبت منها تمسح الارضية

وانا جهدي اوفره حق اشياء اهم وأولى.
يعني ترتب الدار واجابل عيالي..اقرى قرآن..اسوي شغل الدوام..

وبصراحة انا اشوف خير الامور الوسط يعني تنظف بأشرافي ولا اعطيها صلاحية كاملة
ولا مثل الي تحلف ان خادمتها ماشافت دارها...
شدعوة باجر الخادمة بتهيأ لها ان هذي كبارية (وعفوا على التشبيه) مو دار!!

 

[shai5at al3arab]

اما انا

فالامور سبهللا

 

[زهورة]

اخليها تخمها وتغسل الحمام بس
لكن التواليت والسرير انا ارتبهم

 

[راجية الرحمة]

بس حمامي وانتم بكرامة والباقي انا من كنس وترتيب وتمسيح
لانها ماعمرها دخلت الا وسالت من وين وبكم
لدرجة تقولي عن العطورات الي راصتهم شكثرهم عندي
اذا مايبي مدام عطيني وصرت ادخلها الغرفة وهي مظلمة وسيدة للحمام تغسله وتطلع
عيووووووووووووووووووووونهم حارة وعلى كل شي

 

[مريم العتيبي]

غرفتي انا انضفها بس بعض المرات اهي بس اكون قاعده عندها

 

[قمرساطع من حلاه]

انا مو متزوووجه
بس مستحيل اخليهاااا تنظف غرفتي انا انظفهاااا بس تغسل حمامي <<عزكم الله>>

 

[madam_cake]

الخدامة اللي تنظف وتكون تحت اشرافي شنو المشكلة شنو تبي تسوي وجدام عيني وبعدها انا ان رحت اي مكان اقفل غرفتي

 

[الاسطورة]

تكرمون بس تغسلي الحمام
وتمسح الارضيات
اما الباجي فانا اسويه
يعني ترتيب الفراش وتغير الشرشف

 

[سعوووده]

انا بصراحة اخليها كلشى تسوى حق غرفتى من تنضيف وتغير فراش وتسفيط الملابس فى الكبت حتى لو طلعت اقولها نضفى الغرفة وصكيها اذا خلصتى بس بالامانة مو كل خدامة تخلينها تدخل لان انا خدامتى عندى من 8 سنوات واثق فيها

 

[الغاليه نونو]

كل يوم سبت انظف الحمام اكرمكم الله تنظيف بضمير بكل مااااافيني من همه وغرفتي بعد اخمها وامسح الاثاث وانظفها واغير الكفر اسبوعيا وانظف الادراج والحوسه اللي تبرد الجبد
وبالايام العاديه تنظيف الحمام شي اساسي وغرفتي بعد لها من الترتيب نصيب
والبخور والرشوش شي مااااااستغني عنه يومي الصبح والمغرب لازم ابخر غرفتي واعطرها

وحتي الزباله اكرمكم الله كل يوم والا يومين والا ثلاث يعني علي حسب اربط الجيس وانا بيدي اقطه بالدارم بره

وعندي فوق غساله اتوماتيك اغسل هديماتي وهديمات الشايب ماخلي الخدامه تجيس اغراضي اببببببد من سنيييييييييين وانا علي هالحاله ماحب الخدامه تحوس باغراضي

 

[Spoildish]

اول ما تزوجت انا كنت انظف و اكسر ظهري بعدين تنسيت عالغرفه و كرهتها لانها من فوق لي تحت مو ذوقي و لونها غاااااثني كل ابيض في ابيض و يبت بنتي فاصار مالي خلق شي و الخدامه تدش تنظف شحقه اتعب عمري على شنو على خرابه لو المكان يسوى جان مخالف و ذهبي واغراضي الضرورية بتجوري و تنظف و انا بصالتي و الباب مبطل يعني حتى لو بتسوي شي اشوفها

 

[دمعه حزينه]

احمد ربي واشكره ان ما عندي خدامه والله ..


وحتى لو كانت عندي مستحيل ولا يمكن تدش غرفتي لو شنو مستحـــــــــــــيل ما احب ..

انا من قبل لا اتزوج وكنت انظف عرفتي بنفسي هالمره اذا كنت متزوجه اهي تنظفها والله من سابع المستحيلات قطيعه ..


بروحهم مالهم امان لا اوقف على راسها واهي تنظف ولاشي انظفها بنفسي ونظافتي انا ابرك منهم استغفر الله ..



مشكوره حبيبتي على الموضوع

 

[غير كل الناس]

الخدامه لظروفي الصحيه تحت اشرافي وفي حد المعقول طبعا