غرفة النوم منو ينظفها؟!؟!؟!

[امواج الكويت]

انا انظفها لان ما عندي خدامه

 

[منتهـى الرقه]

انا الحمدلله معتمده على روحي وانا انظف داري والله لايحدني للخدامه

 

[.. مـــلاكـ ..]

الخدامه وتحت اشرافي

 

[الابرار75]

لا يبه شيدخلها داري انا انظفها وارتبها وابخرها وكل حركه فيها بركه :ada:

 

[RaAaRy]

انا طبعن ارتب سريري كل يوم واعدل هدومي وارتبهم بالكبت بس اهيا تخم الدار وتلمع الجام وتمسح ديتول والباجي علي انا لاني ما احب احد يرتب شغلي

 

[@ام ضاري@]

والله ياقلبي الخدامه اللي تنظف احيانن اقوف عليهاا واقعد بنص السرير انا وولدي واحيانن اخليهاا الشقه كلهاا واكون تحت

عادي مافيها شي انا جايبتها تنظف الغرض معروفه

 

[om_3azoz]

انا قبل كله انا وحتى انا حامل لووول اغسل الحمام تكرمون واخم الارض وامسح وكل شي ,, بعدين يبناا خدامه مالت بيت اهلي
اهي تنظف مره كل عشر ايام ,, اتيي تمسح وتخم وتنظف الجامات وبس وبعض المرات اخليهاا تصفط الملابس طبعا قمصان النوم بروحهم مااخليهاا تجيس الادراج ,, وانا اكون عندها لمن تخلص كل شي

وطبعاا مو مره كل عشر ايام بس تنظيف لا انا كل يوم اعدل عشان لايصير عفيسه بالله اعتمد على الخداامه

 

[فراشة الوادي]

انا بس اخليها تخم وتمسح الارض وتمسح الدريشه وقداااام عيني

 

[رضاهم جنه]

انا الي انظفها لان احس باستمتاع وانا انظف غرفتي وارتبها وابخرها وعلى قولة البنات في الحركه بركه

 

[الحلا2009]

مستحيل تدخل غرفة النوم لو شيصير ما اثق فيها

 

[ابلة مبتسمة]

انا اشتغل بنفسي .. ما عندي خدامة ..

 

[Fo0o0shYa]

السرير دايما انا اعدله واغير الشراشف وهم دايما انظف بروحي الارض وابخر .. ونادر ما الخدامة تمسح لي الارض ..


والصراحة الحمام تكرمون دايما الخدامة تنظفه ..

 

[ياعشيري جعلك السلال]

انا مو متزوجة بس انا الي اسوي شغلي كله حمامي وغرفتي وملابسي

 

[اميره كويتيه]

المساح والخم عليها وغسيل الحمام بس ترتيب الملابس وتعديل الفراش علي ماحب الا ترتيبي

 

[سندريــــلا]

خدامتي تنظفها
صار لها عندي 6 سنييين ومأمنه فيها وارتاح لها
الحمدالله

 

[**reem**]

أنا انظف غرفتي مااحب الخدامة تدخلها كافي عليها الشقة لازم احس ببعض الخصوصية

 

[ام حمـد]

انا اللي انظف غرفتي واغسل حمامي الخاص وكل شي
ما احب الخدم ولا ادانيهم

 

[دانة من البحرين]

انا مو متزوجة


الخدامة تنظف وتمسح الغرفة بوجودي اما حمام الغرفة انا انظفه بروحي اخاف تكسر لي اغراض :eh_s(14):

ووخزانة هدومي ما تلمسها اهي تسفط الهدوم وتجهزهم برع وانا ادخلهم الخزانة :krkrkr:

 

[اتعبني غروري 7]

انا مو متزوجة بس انا الي اسوي شغلي كله حمامي وغرفتي وملابسي

حبيبتي مره ثانيه لمن تحوشج حالة ودج تنظفين ياليت لو تكملين احسانج وتفتحين الباب الي بينج وبين الغرفه الي يمج وتنظفين غرفة اختج هههههههههههههه مسيكينه يمكن مالها خلق


اما عني انا.. مو متزوجه .. بس لو اشوف خدامه داخل داري اقوم الدنيا واقعدها
مستحيييييييييييييييييييل احد ينظفها غيري

 

[ياعشيري جعلك السلال]

اتعبني غروري


تدرين عاد اقوولها بنظفها ماترضى وعطيتها فرصه ونفضتها نفاااض

عاد للحين ما تعفست
واذا انعفست بعفس راسها خخخخخ