عشان يكون تحدي متكافي ابيها فوق الـ 90

[^ سراب ^]

حاطين الاراااااااااااااده وبنكون قدهاااااااااااا ان شاءالله

​

 

[تفداج روحي]

الحمدلله غداي كان سلطه سيزر وعشاي كباب مع طماط
وما ننسى الماي


والله يا كثر المغريات بس من اشوف نفسي واتذكركم احس انها اسوأ شي بالدنيا :***

انتي شخبارج ؟ شدي الحيل

 

[ام عفاف الكويت]

كفووووووو

 

[^ سراب ^]

لا افااااا عليج اخباري تسسسرج اول ماقعدت عصير اناناس وبعدها سلطه سيزر واللحين يمكن ٣ كوب شاي اخضر



اي والله مغريات اليوم حلويات مع الشاي والقهوى وكيك بس مااااااسكه نفسي اتذكر كلامكم والتشجيع والاراده وافكر بالبس والخفه بالقعده والقومه


جم وزنج تفداج ؟؟؟؟؟


انا وزني ٩٠

​

 

[تفداج روحي]

حبيبتي انا وزني ١١٧ وشوي
عفيه عليج والله ماشالله

 

[o.m.f.a.h.a.d]

صباح الخير ...صباح الورد والفل والياسمين لرشيقاتنا الحلوين :eh_s(7)::eh_s(7)::eh_s(7): ....

حبيت ارحب بالعضوات اللي دخلووو معانا بالقروب... حياكم الله :eh_s(7)::eh_s(7)::eh_s(7):

والله يا بنات هاليومين اللي تركتكم فيييه حسيته جنه صار لي سنة ما شفتكم ... والله اشتقت لكم :eh_s(7):

حمدالله اني اشوفكم كل يوم تزداد ارادتكم نبيكم جذي لا تقولون مستحيل ... مرة اوبرا سوت حلقة حق المتان اللي ضعفوو بدون عمليات جراحية و الله يا بنات حطت واحد وزنه يمكن 130 تقريبا و صار الحين ب60 و ما شاء الله اجسمه مشدود كله من رياضة ... فكل شي نقدر نسويه بس نبي شوية ارادة و صبر وان شاء الله يارب كلنا نضعف ونوصل للستين :yaaaaaarb:

لا تياسوون اذا نزل كيلوو او جم اغرام او وقف وزنج هالاسبوع المهم انه وزنج ما يزيد ... وزيدي حركتج بالرياضة او تنظيف البيت ... طلعي لج اي شغلة المهم بس تحركين ... في الحركة بركة وراح ينزل وزنج :ggdw:

والله قبل اشوف بالمنتدى هالتجمعات قلت معقولة راح يضعفون كله اقول ما اعتقد ينزلون الوزن كله خرابيط ... بس والله من دشيت ويا البنات وكل وحدة تشجع الثانية ... اشوف جدامي كاكاو اناغرامي كاكاو ... ما اعرف اعيش بدوون كاكاو لازم الكاكاوو حتى بالرجيمي لازم قطعة كاكاو ... والحين اشوفه جدامي صار عادي بالنسبة لي .... كله بفضل البنات و تشجيعكم :ggdw:قدرت اقاوم هالاغراءات


شدوو الحيل والهمة نبي هالرمضان غير ... نبي اهلنا و صديقاتنا والناس هالرمضان يشوفونا غير متغيرين 180 درجة :ggdw::ggdw:

ان شاء الله يارب كلنا ننزل وزنا بصحة وعافية و نوصل للوزن المثالي :yaaaaaarb::yaaaaaarb::yaaaaaarb:

 

[^ سراب ^]

تفداج روحي : ان شاءالله ينزل وزنج ومافي شي بعيد والله خلال اشهر يصير وزنج طبيعي والله يابنات بنت خالتي مااااااشاااءالله عليها ماشفناهاااا ٦ شهووور لا بعروووس ولابعزايم وكل مانسال عنها يقولون تعبانه ومره مالها خلق ومن هالكلام المهم كان وزنها ماشاءالله ١٢٩ واللحين ٦٤ بتقولين متحيل والله على بالنا تصغير معده ولا عمليه ولاحبوب تحلف تقول والله رجيم طبيعي وجسمهااا رياضي شفتها بعرس قبل اسبووع ماااااااشاءالله بدلتها الظهر طالع عجييييبه انصدمنااا اهي عمرها ٢٥ وشكلها اللحين روووووووووووعه عشان جذي بسوي نفسسسها وبثبت للكل اني قدها يازين الرشااقه والله انهاةتعطي الثقه لو انج حلووه وبدلتج روعه وفخمه ماتليق عليج لانه المتن يعيب





ام فهد شخبارج يالغاليه : صححح كلامجواله ف ناس ماشاءالله اوزانهم فوووق ويضعفون كلها كذا شهر وبعدها رااااااااااحه مثال على الرابح الاكبر حيل تغيروووا واجسامهم روعخ صارت وحاطين لهم الاكل جدامهم بس قاموااا ريااااااااضهوسدوو حلوجهم وماشاءالله رجيمهم طبيعي





واحنا قدهاااااااااا

​

 

[المرتهش]

صباح الورد على الورد
تبارك اللله الكل قاعد يحث ويجتهد
ماعاد فينا الكسوله لله الحمد
بنات اليوم الثلاثا وللاسف انا بوقف رجيمي هالاسبوع
لان علي الدوره
واكرر واقول خاصه للمتزوجات
مانبي نصلح شي بفساد شي اخر
المره المتزوجه خاصه تحتاج عنايه واكل وقت الدوره
اكل شغلات النفاس تزيد الوزن
بس ضروريه للمره
وان شاءالله اني ماازيد كثير بالوزن
لان حيل وزني تغير
مع اني ما ودي ان وحده تكتب وزنها قبل يوم الخميس اللي هو يوم الميزان
بس لاني موقفه مو معاكم وزني اليوم 94
واتمنى انه مايزيد حيل
يعني اتمنى خلال الاسبوع الجاي يكون بالقليل 96
بنات انا كنت اتحدى مجموعه معينه
وهالمره بعيد ترتيب المجموعات
وترى مانبي يوم الخميس يمر نفس الخميس اللي طاف
ترى هالمره فيه مجموعه فايزه ومجموعه لا
اتمنى همتكم
ترى احنا خوات الى ان نوصل وزنا المثالي
عقبها الوجه من الوجه ابيض
ههههههههههههههههههاي
نتمى نتواصل ويكون بينا هالحميميه الحلوه
وصباحكم رشاقه

 

[^ سراب ^]

ياااااصباااااااح الانوااااااااااار ويااااااااااااهلا نورتي



اي والله مافي وحده كسسوله الكل قام يووواجه المعركه  هههههههههههههههههههههههههههههه



المرتهش يالله ماعليه المهم تردين وتقاومين.


بس بغيت اسالكم حبوب فيتامين يعني لشعر والاضافر يمتن الفيتامين ولالا ؟؟؟

​

 

[تفداج روحي]

صباااح الفللللل

شلووونكم بنات ؟
حبيبتي ام فهد توله عليج العافيه :** وتصدقين هالشعور قام اييني لازم اشبك

المرتهش لا تحاتين وانشالله ما تمتنين اهم شي لا تخربينها عالاخر يارب اشوفج ارشق الرشيقات
وافا عليج احنا طول ما انا مع بعض ونساند بعض بتسوفين الهمم عاليه بس البدايه كانت صعبه شوي

سراب
شلونج يا عسل :*
سمعت بالمرينا اف ام دكتوره تقول ان الفيتامينات ما تمتن بس احيان تفتح الشهيه عاد مو لدرجه ان نلف الاكو والماكو لازم تضبطين حالج وحاليا انا قاعده اخذ ملتي فايتمنز لاني توني مجهضه فما احس ان شهيتي انفتحت الحمدلله ودام ان عندج هدف خليه جدام عينج ولا تخلين شي يعرقلج حلوه يعرقلج*

 

[تفداج روحي]

اول ما قعدت من النوم شربت ماي

الحين ودي اكل شي بس مادري يااا بيض يااا سلطه بشوف

الغدا شكلي باكل خروووف لوووول لالا اتغشمر باكل ياربي شنو اكل يمكن تونه

العشا العشا العشا ممممم راح افكر فيه


بنات كثرو ماااااي *****

 

[المرتهش]

والله ماعندي خبر ياحياتي
بس ضروري تسالين صيدلي او دكتور
لان حرام تعدلين شي بخراب غيره
مو شي رشيقه بس شعرج منتف وطايح
خاصه انتي لان رجيمج قاسي حيل
تكفين اهتمي بشعرج والا الاضافر مو ضروريه
نبي ان طلعنا من هالتجمع الا كل شي فينا توب
وطبيعي
يعني نبي رشاقه وشعر ونضاره واسنان
انا بديت اعالج جم شغله فييني تبي لها تعديل
اسناني ابي لها تبييض
شعري اهتم فيه من ناحيه الزيت والحنه
بشرتي قاعده احاول اتفرغ اروح لدكتوره جلديه
وان شاءالله خلال 3 شهور اكون مصححه شي
وراضيه عن نتايجي

 

[تفداج روحي]

اييي المرتهش هذا اللي ودنا فيه انا بعد يبيلي تبييض حق اسناني

وودي اعتني بشعري من غير حنه لان بخاطري اصبغ صبغه حلوه

ويارب تتوحد لون بشرتي ماني عارفه شنو استخدم

 

[ضي]

الله يوفقكم

 

[المرتهش]

صباحج ورد ياتفداج روحي
تبارك الله اي بدايه الامر كان صعب شوي والحين لا عال العال
الهمه ارتفعت شوي شوي
والنتيجه نزول ترى
الواحد ان شاف انه قاعد يحقق شي تسهل له الدرب وارتفعت معنوياته
بنات انا البارح رحت السوق
العاده البس دراعه تحت عبايتي
بنات البارح لابسه جينز
والمهم اني وانا اتمشى احس الجينز نازل شوي شوي
وانا ارفعه
وتكرمون جوتيي مقاس 42
البارح حسيته وسيع
وترى المهم برجيم حسين دشتي ان الشكل يتغير والمقاس مو الوزن
بنات تدرون ان احنا بهالوقت نفس الطفل
شلون لما تبينه ياكل
وشلون لما تبينه يدرس
انتي ودج
وهو صعبه عليه
بنات احنا ودنا بالرشاقه بس صعب علينا الرجيم
عاملوا نفسكم مثل الطفل
لانها تحتاج شده شوي ودلع شويات
وصباحكم رشاقه

 

[shahooda123]

شلونكم بنات تقبلونى معاكم انا وزنى 97 وطولى 175 ودى اضعف وجسمى يشد لان بصراحة وايد مضايقنى ولا اكتفيتو بعددكم
انتظر الرد وموفقين انشالله

 

[simple.girly]

السلام عليكم ورحمة الله وبركاته .. صبحكم الله بالخير والسرور وطاعة الرحمن ...
من امس الظهر ما ادري عنكم ولهت عليكم .... شهودة حياج الله والساعة المباركة وماشاء الله طولج حلو ....
1- الشي الحلو انه قمت اعرف اقسم اكلي ..... وناسة ما احرم نفسي من اشياء وايدة... بس شنو صج ماضعفت بس احس قاعدة اخق ....
2- وناسة في مركز سلطان ....في علبة فيها اناناس طعمها اينن ماشاء الله .....

 

[simple.girly]

السلام عليكم ورحمة الله وبركاته ...
والله حدي مشتطه ان شاء الله ابيضها شهر 4 ياربي .....
واي المرتهش - سراب - تفداج روحي - ماكنتوش تعليقاتكم حقي عجيبة

 

[المريوم]

صباح العسل والتفاؤل ممكن اشترك معاكم ياليت تقبلووونى انا وزنى 106 خلاااص عمرى صغير ومتزوجه بس احس بالقهر من العبايه وملابسى خصوصا انى كنت 65 والله بس الكرتيزون والولاده خربونى ووطولى اخخخخخخخخخ 152 ممكن حاليا انا ابتديت رجيم ورياضه ناطره الرد الله يسعدكم

 

[simple.girly]

اليوم ان شاء الله بروح امشي بحديقة النزهة إذا ماراحت علي النومة ...