عساره وعصبيه ريلي ... مو قادره اتحملها

[مذهــلــه]

السلام عليكم
اشلونكم بنات وشخباركم

حبيت افضفض لكم وياليت تفيدوني اشلون اقدر اتصرف واتاقلم مع هالوضع

انا يابنات كنت في بيت اهلي طلعات وسينما ومطاعم ولبس عالموضه

الحين عبايه ومافي ميك اب ومافي طلعات الا للضروره حتى معاه بالحسره مايطلعني
واذا طلعنا لازم ينهي الطلعه بهوشه مستحيل نظل مستانسين

وحتى بالسفر الله لايوريج كرهني بالساعه اللي طلبت فيها نسافر

وهذا حالي من شقتي انزل عند اهله او اروح لاهلي اي اشياء ثانيه بالموت والحسره

والله ميته قهر منه وخصوصا انا حامل الحين حاسته وايد متليعن معاي

حتى بالعيد ماطلعني قضيتها عند اهله ومره عند اهلي
وفوق هذا نكد علي ثاني ايام العيد ليش حاطه ملابسي عالكرسي مؤقت بنزل لاهله مستعجله مسك ايدي ولواها لي

عصبيته لاتحتمل على اتفه الاشياء وبس يقوم من النوم يظل يلاحقني من مكان لمكان عشان يتحرش فيني ويسوي مشكله

صارلي الحين من ثاني يوم العيد مااكلمه ولايكلمني وجذي وايد اريح بالنسبه لي



وفوق حمالي والنسات هو غاثني ولايقدر اني حامل وخصوصا اني بچر احسه ولامهتم

لو مو دوامي اقرب على شقتي من بيت اهلي جان شلت قشي ورحتلهم



فيدوني بنات اشلون اقدر اتصرف مع عساره ريلي خصوصا لاني حاسه انه طفح الكيل منه

مايراعي نهائيا اني حامل وشايفني 24 ساعه لايعه جبدي وارجعانا حبيبتي كنت في بيت اهلي طلعات وسينما ومطاعم ولبس عالموضه

الحين عبايه ومافي ميك اب ومافي طلعات الا للضروره حتى معاه بالحسره مايطلعني
واذا طلعنا لازم ينهي الطلعه بهوشه مستحيل نظل مستانسين

وحتى بالسفر الله لايوريج كرهني بالساعه اللي طلبت فيها نسافر

وهذا حالي من شقتي انزل عند اهله او اروح لاهلي اي اشياء ثانيه بالموت والحسره

والله ميته قهر منه وخصوصا انا حامل الحين حاسته وايد متليعن معاي

حتى بالعيد ماطلعني قضيتها عند اهله ومره عند اهلي

فيدوني بنات اشلون اتصرف اقول لاعلي يكلمونه لانه تعود يغثني واسكت

 

[Tom ♥ Jerry]

,


اغلب البنات مثلج عيشتهم ويا رياييلهم تختلف 180 درجه عن العيشه ويا لاهل
و هاذا شي طبيعي حبيبتي


باجر مع اليهال صدقيني رآح يتغير و يخليج تسوين و تروحين على كيفج
بس صبري و حاولي كثر مآ تقدرين مآ تجآدلينه خصوصا في فتره الحمل عشان مآ تأذيج نفسيتج

 

[كارلوفي فاري]

هذا المنتج الكويتي شنسويله نفسه عند راااس خشمه ومايعجبه العجب.

 

[عذبة السجآيآ]

هذا طبع رياجيلنا

وانتي ر كأنج انا مع زوجي نهائيا مايحب شي اسمعه طلعه وسفر بس الظليمة شينه اذا طلعتي مع اهلي او حريم اخواني او اي احد مايردني


فـ انتي عليج تسوين مثلي تجينه بالمسايس والاسلوب الحلو جوود ينفع معاهم

واقعدي معاه وبهدوء واشرحيله الوضع بس ديري بالج تقولين انا عند اهلي اطلع واتمشى لان البعض يفهمها انج مومرتاحه معاه او ان همتج االطلعه وبس

وعسى الله يهديهم ويسخرهم لنا يارب

 

[فوفو22]

1- من الخطأ ... تقارنين حياتج ببيت اهلج بعيشتج وانتي متزوجه....شي طبيعي فرق كبير لكل المتزوجات

بعضهم حياتهم عند ازواجهم ارحم ...والاغلب حياتهم عند اهلهم احلى

2- علاجج لمشكلتج بالزعل والصمت هذا اسمه هروب وليس علاج

3- الزوج السريع الغضب .....مشكله للزوجه الجديده لانها لسه ما تفهم موده ومزاجه

وبعد قتره ....رح تعرفين طبعه اكثر ...وتبتعدين اوتوماتيكيا عن اللي ممكن يزيد انفعاله

4- ممكن بلحظات صفاء ...تشرحين له ...بعتبك عليه ...ونرفزته على اشياء ما تسوى

5- بيني وبينك ...لو شفتي يعصب اشغلي مخج بشي ثاني فورا حتى ما يؤثر عليج وتردين عليه

واذا ما تقدرين اطلعي من الغرفه

6- في السفر والاجازات والويك اند اعطيكم وصفه السعاده انا امارسها قولو ماشا الله
















ما اخرب اجازتي ومودي باي شي
لا اقرا جرايد....ولا استقبل مكالمات ....ولا اتفاعل بزعل ولد او زوج او بنت
اشتري راحتي بوناستي
اعرف ان الاجازه لها بدايه ونهايه
وما اسمح لاي مخلوق يخرب مزاجي
ما ارادد ...كل شي يقولونه ما يعجبني امارس فيه سلوك التغافل

فوفو

 

[انثى عاشقة]

فوفو كفت ووفت ماعلى كلامها زود ​

 

[ام رينـاد]

راي من راي فوفو

 

[Mjnont '3lay]

مع فووووفووو

 

[.Om Fa6ma.]

الله يعينج ويصبرج
ومثل ماقالو البنات لا تقارنين عشا ما تتعبين
ادعيله الله يهديه لج ويصلح حاله عساه يتغير عقب البيبي

 

[منـــاي]

ما بعد رد فوفو رد

 

[Um Tuki]

انا ممكن اسكت عن كل شي الاانه يمد يده
و الله ما اسكت

لانج لو سكتي راح يتمادى ابدا ماراح تكبرين بعينه

كان المفروض تخبرين ابوج يقول له مهما يصير ايدك ماتها

هذا و انتي حامل


و هذا عيب اللي يحملون بسرعة
يعني تعرفين ان ريلج شوي حار ليش تحملين بسرعة عطي نفسكم وقت تفهمينه ويفهمج


الله يسخره لج و ادعي بصلاتج

و حرام انج ما تكلمينه هذا و انتوا بنفس البيت

كلميه بس لا تعصبين و لا تعورين قلبج انتي حامل فكري باللي في بطنج

 

[omaseel]

لا تطولي فتره الزعل علشان لايتعود علي عدم وجودك في حياته

 

[Gifts&Occaions]

مع فوفو

 

[washwoshh]

ويه عادي شفيج



انا كنت نفسج قبل وانتي جذيه ليش توكم معاريس
باجر بمل


ا

 

[بولندية]

انا ممكن اسكت عن كل شي الاانه يمد يده
و الله ما اسكت

لانج لو سكتي راح يتمادى ابدا ماراح تكبرين بعينه

كان المفروض تخبرين ابوج يقول له مهما يصير ايدك ماتها

هذا و انتي حامل


و هذا عيب اللي يحملون بسرعة
يعني تعرفين ان ريلج شوي حار ليش تحملين بسرعة عطي نفسكم وقت تفهمينه ويفهمج


الله يسخره لج و ادعي بصلاتج

و حرام انج ما تكلمينه هذا و انتوا بنفس البيت

كلميه بس لا تعصبين و لا تعورين قلبج انتي حامل فكري باللي في بطنج

معاااهاا كل شي و ينسكت عنه الا مدة اليد لا تسكتين عنه لي لوا يدج مرة ثانيه وقفي عند حده

يا سلام ماخذج من بيت ناس وحمايل لج احترامج مايي واحد على بونة ريل يمد يده

 

[ام زهقانه]

عادي كل بنات جذي بعدين عيشته عند اهلج غير وعند رجلج غير
صراحه شكلج افري ورجل شكله شديده
فانا اقول نصيحه لج انج تعيشين مع زوجك ابرك لج
كل الحريم وبنات جدي
ااعرف وحده جذي نفس قصتج تبي كل يوم طلعه يوم روحه كل يوم مجمع
اهم عكس بعض لاهي اصبرت وتاقلمت معاه ولا اهوريتجاوب معها
بعد طفلين تطلقت
حرام والله
انتي اصبري توج عروس الله يهديه وادعيه واستغفري ان شا الله يعقل

 

[سنافيه91]

الله يسخر لج زوجج و يحنن قلبه عليج

 

[ام سعود ديكسون]

كل اللي قلتيه يهون و يمكن اقولج انتي صغيرة و توكم معاريس جدد
و يمكن الكلمة الحلوة والمسايس و الدلع يغير عسارته و يذوب الجليد بينكم
الا مدة الايد !!!يا لهوي صدمتيني لا تعودينه علي مدة الايد

شنو لاوي ذراعج لا يكون انتي واحد من الشباب بالديوانية

زعلي بس لا تسكتين
أكيد ريلج مو سيئ 100٪
أكيد في لحظات صفاء
انتي استغليها و قوليله الشغلات اللي مزعلتج
لعل وعسي يراضيج بلحظات الصفاء

و لا تنسين بيت أبونا شي و بيت الزوجية شي ثاني
خلاص قطي الدلع و بدليه بالمسؤولية
بس عودي الريال بالتدريج و عودي روحج بالتدريج

ولا تنسين النساة تلعب دور
الله يلعن إبليس
لا يخرب مزاجكم انتوا الاثنين

 

[مذهــلــه]

1- من الخطأ ... تقارنين حياتج ببيت اهلج بعيشتج وانتي متزوجه....شي طبيعي فرق كبير لكل المتزوجات

بعضهم حياتهم عند ازواجهم ارحم ...والاغلب حياتهم عند اهلهم احلى

2- علاجج لمشكلتج بالزعل والصمت هذا اسمه هروب وليس علاج

3- الزوج السريع الغضب .....مشكله للزوجه الجديده لانها لسه ما تفهم موده ومزاجه

وبعد قتره ....رح تعرفين طبعه اكثر ...وتبتعدين اوتوماتيكيا عن اللي ممكن يزيد انفعاله

4- ممكن بلحظات صفاء ...تشرحين له ...بعتبك عليه ...ونرفزته على اشياء ما تسوى

5- بيني وبينك ...لو شفتي يعصب اشغلي مخج بشي ثاني فورا حتى ما يؤثر عليج وتردين عليه

واذا ما تقدرين اطلعي من الغرفه

6- في السفر والاجازات والويك اند اعطيكم وصفه السعاده انا امارسها قولو ماشا الله

















ما اخرب اجازتي ومودي باي شي
لا اقرا جرايد....ولا استقبل مكالمات ....ولا اتفاعل بزعل ولد او زوج او بنت
اشتري راحتي بوناستي
اعرف ان الاجازه لها بدايه ونهايه
وما اسمح لاي مخلوق يخرب مزاجي
ما ارادد ...كل شي يقولونه ما يعجبني امارس فيه سلوك التغافل

فوفو

ماشاءالله عليج فوفو
مشكوره وماقصرتي عالنصايح
الله يجزاج الخير يارب
بس والله اني اتحاشاه لكن لسانه طويل ويظل وراي يتحرش يعني لو بمشي واخليه يظل يصلرخ ليش امشي واخليه

 

[مذهــلــه]

لا تطولي فتره الزعل علشان لايتعود علي عدم وجودك في حياته

مشكوره حبيبتي عالرد
بس ماراح اتنازل واكلمه فوق ماهو الغلطان لايمكن اراضيه