عساره وعصبيه ريلي ... مو قادره اتحملها

[مذهــلــه]

عادي كل بنات جذي بعدين عيشته عند اهلج غير وعند رجلج غير
صراحه شكلج افري ورجل شكله شديده
فانا اقول نصيحه لج انج تعيشين مع زوجك ابرك لج
كل الحريم وبنات جدي
ااعرف وحده جذي نفس قصتج تبي كل يوم طلعه يوم روحه كل يوم مجمع
اهم عكس بعض لاهي اصبرت وتاقلمت معاه ولا اهوريتجاوب معها
بعد طفلين تطلقت
حرام والله
انتي اصبري توج عروس الله يهديه وادعيه واستغفري ان شا الله يعقل

مشكوره حبيبتي عالرد
بس والله انا ماكن فري وايد عند اهلي بس عالاقل نطلع بالاسبوع مره نغير جو نروح سينما او مطعم واذا محتاجه شي من السوق نروح مانظل ننطر الموافقه اسبوع
هو مو معترف بهالاشياء واني انسانه ازهق وامل من قعده البيت بروحي
يعني هو حلال عليه يطلع مع ربعه ويروح مطاعم انا ليش ممنوع علي؟؟

واذا قلتله ودني السوق يوديني قبل مايسكر بساعه وركضه بركضه يدودهني ومااشوف طريجي

قمت اوصي امي تشتريلي الاشياء اللي احتاجها من السوق... وهي مو مسوؤله عني

تعبت والله حياتي دوام وطبخ واكل ونوم بس مافي شي جديد

 

[مذهــلــه]

كل اللي قلتيه يهون و يمكن اقولج انتي صغيرة و توكم معاريس جدد
و يمكن الكلمة الحلوة والمسايس و الدلع يغير عسارته و يذوب الجليد بينكم
الا مدة الايد !!!يا لهوي صدمتيني لا تعودينه علي مدة الايد

شنو لاوي ذراعج لا يكون انتي واحد من الشباب بالديوانية

زعلي بس لا تسكتين
أكيد ريلج مو سيئ 100٪
أكيد في لحظات صفاء
انتي استغليها و قوليله الشغلات اللي مزعلتج
لعل وعسي يراضيج بلحظات الصفاء

و لا تنسين بيت أبونا شي و بيت الزوجية شي ثاني
خلاص قطي الدلع و بدليه بالمسؤولية
بس عودي الريال بالتدريج و عودي روحج بالتدريج

ولا تنسين النساة تلعب دور
الله يلعن إبليس
لا يخرب مزاجكم انتوا الاثنين

مشكوره حبيبتي ويعطيج العافيه

والله حبيبتي النسات مالها شغل انا حتى لو مرات اشتكيله من اللوعه والا ظهري يعورني ولاجنه يسمعني

وايد متليعن معاي ولا احس باهتمامه اني حامل وبجر

 

[مذهــلــه]

يعطيكم العافيه بنات كلكم على ردودكم بدون ذكر اسماءوالله يجزيكم الخير

بس حبيت اقولكم انا صارلي سنه متزوجه وتوني احمل مو جم شهر

 

[الغضى]

حبيبتي ادعي انه الله يسخره لج
وما مليتي من الطلعات خلاص المره
تسمع كلام زوجها
وصدقيني بعد اليهال راح يتغير 100%

 

[مذهــلــه]

يارب

الله كريم

 

[al-musk]

الله يسخره لج ويهديه ..

 

[Swerziya]

Up up

 

[sh_mashael]

طولي بالج

انزين بسإلج
اهو يرضى تطلعين مع اهله
الزوارات او السوق ؟؟

إذا يرضى

طلعي معاهم

و انتي اذا رحتي حق اهلج تقدرين تطلعين معاهم
و قوليله بيطلعون و بطلع معاهم
حفله او زواره او حتى سوق

و الله يعيينج و يسهل عليج

 

[مذهــلــه]

طولي بالج

انزين بسإلج
اهو يرضى تطلعين مع اهله
الزوارات او السوق ؟؟

إذا يرضى

طلعي معاهم

و انتي اذا رحتي حق اهلج تقدرين تطلعين معاهم
و قوليله بيطلعون و بطلع معاهم
حفله او زواره او حتى سوق

و الله يعيينج و يسهل عليج

والله مو ذايم يرضى اطلع مع اهله
وشي ثاني انا متزوجته هو مو متزوجه اهله ... من حقي اطلع معاه لو بالشهر مره
لا وسوا المشكله بايام العيد ماتفرق عنده مناسبه والناس مستانسه او لا هذا اللي يبط جبدي ان حتى بالمناسبات والاعياد محرومه من الطلعه معاه!!!

 

[Kocheko]

الله يعينج .. بس الزواج مسؤليه ... لازم تتاقلمين مع الحياه اليديده ... لان زوجج من مجتمع وتربيه مختلفه فاكيد بيكون فى خلاف لفتره معينه بس هاى كله راح بنحل جريب لا تحاتين .. لين عصب طنشيه

 

[وآحشنــي زمآنـك]

فوفو عجبني نظآمج بالويكند

الله يتمم عليج ونآستج ..


بالنسبه لصآحبه الموضوع ترا اللي فيج شي عآدي

انا لما تزوجت حسييت بالاحباط لماا اقعد بروحي وهو برااا اتذكر اياامي عند اهلي وانا عند خوااتي

بس بعديين حطيت ببالي اني خلاص انتقلت لمرحله ثاااانيه وتأقلمت عالوضع

فأنتي لا تقعدين تقارنين عشااان لا يضيق خلقج

وبالنسبه للطلعات شووفيلج يوم يكوون رايق قوليله دامك ماتبيني اطلع مع اهلي حددلنا يوم بالاسبوع نطلع فيه

عبرييله عن الضيقه اللي فيييج والتعب خليه يتقرب منج اكثر لا تعاملينه كأنه غريب عنج

 

[كستنائيـة ع ـسل]

اكيد حبوبه عيشتج عند اهلج غير وعند زووجج غييير والله كانج تكلمين عنه ههههههه بِــ̯͡سّ الـّבمډٌللـّہ مايطق

اما طلعات ماكووو گـلـهْْ عندهم الطلعات دلع مادري شكو

 

[مذهــلــه]

يعطيكم الف عافيه نات

كلامكم وايد ريحني وحسن من نفسيتي

ان شالله راح احاول اتغاضى عن نواقص بحياتي

بس اللي غاثني طول فتره الحمال اللي طافت مايسالني ولا احسه مهتم

احس همه نفسه

 

[اسبــانيــة]

فترة الحمال يديده عليج وعليه

ماراح يحس فيج الحين ترا اثنينكم بجريين

تذكروني بنفسي انا وريلي

ترى ريلي نفس طبع ريلج

اذا عصب سكتي وطخي مكانج لا تعطينه ظهرج وبس يخلص اخذيلج شاور يهدي اعصاابج وبروحه بيحس

واذا عالطلعات والله تلقينه خايف عليج ومايبي يبين ان خايف عليج او يحاتي يصيرلج شي

والطلعات لانج تعودتي عالطلعات ولي الحين مو متاقلمه عالقعده بالبييت

حاولي تلقين شي يشغلج بالبيت غسيل ترتيب مسلسلات افلام تابعي الموضة شوفي النت المنتديات

بس اذا زعلتي لا تروحين بيت اهلج خليج بشقتج

وحاولي تختارين الاوقات الحميمية وهني عاتبي باسلوب هادي وعذب وصدقيني بيسمع منج

ماتدرين شنو الضغوط اللي عليه

 

[مذهــلــه]

فترة الحمال يديده عليج وعليه

ماراح يحس فيج الحين ترا اثنينكم بجريين

تذكروني بنفسي انا وريلي

ترى ريلي نفس طبع ريلج

اذا عصب سكتي وطخي مكانج لا تعطينه ظهرج وبس يخلص اخذيلج شاور يهدي اعصاابج وبروحه بيحس

واذا عالطلعات والله تلقينه خايف عليج ومايبي يبين ان خايف عليج او يحاتي يصيرلج شي

والطلعات لانج تعودتي عالطلعات ولي الحين مو متاقلمه عالقعده بالبييت

حاولي تلقين شي يشغلج بالبيت غسيل ترتيب مسلسلات افلام تابعي الموضة شوفي النت المنتديات

بس اذا زعلتي لا تروحين بيت اهلج خليج بشقتج

وحاولي تختارين الاوقات الحميمية وهني عاتبي باسلوب هادي وعذب وصدقيني بيسمع منج

ماتدرين شنو الضغوط اللي عليه

مشكوره حبيبتي عالرد
والله يجزاج الخير ان شالله
بس انا مو اني متعوده عالطلعات انا اتكلم عالمناسبات مثل الاعياد وبين قتره والثانيه اطلع مع ريلي نغير جو ونستانس
الله المستعان

 

[sh_mashael]

شوفي حبيبتي سمعت مره دكتور يقول انه الخمس السنين الأولى من الزواج تكون اختبار للبنت و الشاب
اهو يستعرض عضلاته

الله يعيينج تحملي و تأقلمي و لهي عمرج
و باجر بيطخ ان شالله

 

[مذهــلــه]

مشكوره حبيبتي البارونه عالرد
الله كريم ان شالله
بس ريلي نحيس حتى وهو غلطان مايبي يراضيني ناطرني انا مع اني مو غلطانه

 

[تنآهيد ..~]

الله يصلحه ويهديه ويسخره لج يآرب

 

[BubbLe87]

انا ريلي نكد علي بالعيد
و فوق هذا كان يبيني اروح اعتذر له تخيلي!!!!!!
سهر و مجابل ياهل و نفسي و لبسي و بخوره و كلشي و اخر شي منفس على اسباب تاااااااافهة
تدرين شسويت
حقرته 3 ايام ربج واحد
و مرده اهو اللي يالي
حقريه بيتسنع
و لا تسمحين له يضيق خلقج و انتي حامل
ترى عسارة بنتي فقيرة من البجي و النفسية الزفت و انا كنت حامل
مو كفو الواحد يتعب عشانهم مالت
اقول لا تعطينه ويه زيادة ان عطيتيهم ويه يتمادون

 

[BubbLe87]

مذهلة ديري بالج تراضينه و انتي مو غلطانة
اذا كملتي راح تعانين
ترى انتي بشر حالج حاله و من حقج عليه انه يراضيج لما تزعلين
لا يلقاج صيده كل ما زعل و ين و تنرفز يبيج تراضينه خليه اهوا اييلج
انا قاعده اقولج عقب تجربة ديري بااالج من هالسالفة و لا تسمحين له يمد ايده اي شي والله لو انا منج اقلب عليه البيت جلوة هذي وين الاحترام بالله؟!