عساره وعصبيه ريلي ... مو قادره اتحملها

[امـ خــزامـى]

الله يسسخرلك حبيبتي ويهديه ويحنن قلبه

 

[PuPa^^SWeeT]

مافهمت ليش لوا ايدج ؟؟؟



علشان الهدوم مجهزتهم يعني ولا شنو


؟؟؟


الطلعات مو مشكلة حليا



حلي مشكلة العصبية بالاول


و عرفيها عصبية ندية و لا نفسية

 

[Vouge]

شوي بعيد عن الموضوع
بس نقطة مهمة حطيها في بالج للمستقبل


لما يصير في يهال و مسؤوليات و روحات تكثر للطبيب و المشاوير و الأغراض
لا تصيرين سايق البيت على أساس بهالأمور يخليج تطلعين على راحتج

خليه هو يمسك المسؤولية .. إنتي روحي مرافق
بس الأساس هو .. مو إنتي

لأن الطلعات هاذي .. اهي اللي فيها الجهد و المصاريف
و إنتي اللي بتمسكين شغل البيت كله و بتصرفين عليه
وراح تتحسفين مع الوقت


إنتي عايشة معاه على أساس طول العمر
و القرارات اللي تاخذينها الحين .. اهي اللي راح تمشي باجي العمر
و مرده بتخف عسارته و عصبيته و بتعرفين مفاتيحه و شلون تقنعينه بالطلعة

و أساسا إنتي الحين حامل
و الحامل غالبا نظرتها و قراراتها مو متوازنة و مضبوطة
و نفسيتها تتعب

عطي نفسج مساحة للتفكير بهدوء بعيد عن الضغوط النفسية
و دلعي نفسج بالبيت عالآخر
الحين كل شي يوصل للبيت .. الصالونات و المطاعم و المساج

ونسي نفسج .. بنفسج
و بالتوفيق

 

[دانة_ دبي]

كل شي ينسكت عنه إلا مدة اليد

و خلى اسلوبج حلوو و كلمة ان شاء الله على لسانج و شوفي شو يحب و شو يحب من الاكلات مثلا يحب السي فود
دوري ع مطاعم فيها سي فود و غريبة واقترحي عليه

اما تقولين انا ملانة تعال طلعني كل شي بالكلمة الطيبة و الدبلوماسبة و لا تزعلين مب زين الزعل لانج حامل


انا مسوية لي نظااااااااااااااااااام امشي عليه من يوم الخطبة كل جمعة طلعتي لو عندي عزيمة او يمعة مثلا اخلي طلعتي معاه الظهر و المساء
اروح العزيمة او يعوضني بيوم ثاني مثلا السبت او الخميس و هذا نادرا لاني مخلية يوم الجمعة حق زوجي فقط وكملت سنين الحمد الله



اللي تعود زوجها ع شي من يوم الخطبة بترتاح
اما بعد الزواج و بعد سنين تقولين ما يطلعني انتي الغلطانة و تشتكين و تندبين الحظ و تقولين انا كنت اطلع هذا غلط
وانا ادور ع مطعم اسوي سيرج في النت اقترح عليه و اشجعه و ما اختار الا الاماكن الحلوة ادور مولات ادور اماكن حلوة فنادق بهاي الطريقة
يعني بالطلعات محد مثلي ع ايام العزوووبية كل يوم افتر مكان كافيه مطعم احب الاماكن اليديدة اتريق الصبح اروح اتعشى اسير السكي
بس بعد الزواج الحياة غير لا تقارنينها بالعزوووبية ابدا

ولو انتي عروس اقولج حبيبتي كلنا مرينا بنفس الفترة في البداية يغار عليج ما يحبج تطلعين و بهاي الطريقة بس صدقيني بيتغير مع الايام بس خلي اسلوبج عسل و حتى يمكن يندم ان يعاملج بهاي الطريقة خلي اسلوبج حلوو

كل شي بالتشجيع و الكلمة الطيببببببة الحلوة

 

[مذهــلــه]

يعطيكم العافيه حبيباتي

وربي يجزاكم الخير

 

[بكيزة هانم]

فسية الحمل تلعب دور
وسعي صدرج ولاتكبرينها وبالتجربه الطلعه مع الاهل وناسه اكثر من الطلعه مع الرجل
وبعد الولادة بتزيد الروابط بينكم

 

[Miss Golden]

ماشالله البنات كفوا و وفوا وقالوا اللي كنت بقوله وزيادة

بس ترى كللللنا مرينا بهالمواقف و ازواجنا مو ملائكه و يظلون احسن من غيرهم

أتذكر كلام أبوي الله يطول بعمره ويعطيه الصحه والعافيه،

يقول ريلج لا يشرب ولا يحشش ولا يخونج و يلعب ولا سوا كبيره من الكبائر الحمدالله

كل شي يهون حبيبتي و قولي الحمدالله

و قالها رسولنا الكريم من صلت فرضها و صانت فرجها و أطاعت زوجها دخلت الجنه

حبيبتي صدقيني ان شالله هذي فتره و بتعدي

كثري من الدعاء و الاستغفار والله يهدي زوجج و زوجي ويسخرهم لنا

 

[!! دلوعته !!]

ااااااااااااااااب

 

[مذهــلــه]

جزاكم الله خير حبيباتي
والحمدلله طولت بالي والوضع مستتب

احاول كل ماعصب اظل ساكته وماالاسنه