^^^^عدت بقصتي الثانية (( بنات بو محمد في مهب الريح )) ^^^^

[P!NKia]

القصه روووعه واسلوبج احلى
ورباب تستاهل كل خير
والله يرزق رقيه
لاطولين علينااا

 

[shoOshii]

waaw al.part rw3a
alah ywafeg rbab o0 shhab shakla zain
o0 al.fal 7g rgyah enshlahh ta5ath zaid
na6rench mafaz

 

[سارووونه22]

اب اب اب اب

 

[so_what]

waiting

 

[ريـ’ـآنـهـ‘]

توني اطيح ع القصه

صج روعه

واسلوبج حيل حلوو

ورباب ورقيه حيييل يكسروون الخاطر


وناطرينج بالبارت الياي

 

[miss disaster]

توني اطيح على القصه

صج هاذي القصه غير عن مذكرات مريم

القصه تونس الله يوفق رباب وشهاب

ويرزق رقيه انها تتزوج زيد

يسلمو وناطرين الياي

 

[Lilly - KSA]

وينك؟؟

كل يوم متعوده القى بارت
وينك اليوم؟

 

[توتا كويتيه]

حياتي ما قصرتي والله خوش بارت
الله يتمم على رباب


ناطرينج حبوبه

 

[sweet.sanfoora]

waiting

 

[zO'3a]

Naaaa6reeen la tt25ren 3lena;D

 

[الاحاسيس المبهمه]

نااااااااااااااااطريييييييين ... :*)

 

[روح الدنيا]

روؤوؤوؤوؤوؤوؤوؤوؤوؤوؤوؤوؤوؤوؤوؤوؤوؤوؤوؤعـــــــــــــــــــــــــــــــــــــــه



الله يعطيج العافيه ناطرينج

 

[P!NKia]

متى البارت ؟؟؟

 

[الجرح الدفين]

وــــــــــــــــــن البااااااااااااااااااااااارت والله تشـــــــــــــــــوق <<القصــهـــ

 

[al.hblh :$]

روعه ششويه عليهآ

نآطرين البآرت اليآي قلبو

 

[الجرح الدفين]

ناااااااااااااااطرين الباااارت ..
القصـــهـــ حدهـــ تــشــــوقـــــ ...

 

[الجرح الدفين]

ناااااااااااااااطرين الباااارت ..
القصـــهـــ حدهـــ تــشــــوقـــــ ...

 

[MaFaZ]

وصلت رباب البيت وبيدها جياسها .. ولا لقت الهام متخصرة وواقفة لها .. طلعت رقية من الحمام عزكم الله اللي يغسلون فيه الهدوم وفيه الغسالات .. تمش الصابون اللي بيدها

رقية: ربووووووووووووووووب ييتي ..
الهام: ايي شرفت عشنا وشفنا رباب ماسكة بيدها جياس ذهب ..

رباب انقهرت من كلام الهام .. ليش اهي شنو ناقصها عشان ما تمسك ذهب ؟؟
رقية: وليش ما تمسك عيوني ؟؟؟ رباب تستاهل يكسونها بالماس مو ذهب !!
رباب: ونتي الصاجة رقية شرينا الالماس
وتلت رباب رقية ودخلوا الدار وسكرو وراهم .. والهام كانت تلعلع من القهر بروحها برة ..

رقية: ههههههههههاي حل ويا مالج يا الهام من هالقهرات .. عجبتيني ربوب
رباب: افا عليج .. بطت جبدي ما كان ودي اتلاسن معاها بس جد قهرتني ليش انا شفيني ؟؟
رقية: حبي انتي مافيج شي جنج البخت .. تستاهلين الذهب وعئبال الالماس ..
رباب: رقيوو شرولي الماس
رقية: حلفييييييييييييييي امبييييييييييييييييييه لالالالالالالالالالالالالالالالالالالا ابي منهم ماكو ؟؟
رباب: اي في مقاسات والوان ثانية
رقية: ههههههههههههههههههههههههههههه اوريج تتطنزين علي .. لا بس ما شاء الله واي طلعوا ذوق واوادم .. مو قلت لج اصلا مبين من الهدية
رباب: واي رقية صج كلامج .. واي الحمدلله ياربي يا حبيبي تراني مكسورة وماشوفك الا انت الف الحمدلله والشكر على كل حال .. ما بعد يجة الا راحة .. واي رقية لفوا فيني السوق لف .. وما غير خالتي توريني وانتصار تلبسني .. ويطلعون ويشيلون جني اميرة .. عمري ما حلمت اني اكون جذي .. او ان احد يعاملني جذي
رقية: شفتي شلون .. عيال اصل .. اكيد بيسووون جذي معاج .. بالذمة الحين انتي لو جنة هناءو جان شسوت فيج ؟؟ حتى طقم اكسسوار ما شفتي منها ..
رباب: خليها على الله .. خل يولون لا تيبين سيرتهم
رقية: اي والله صدقتي خل يولون .. انزين وشهاب كلمج ؟؟
رباب: ممم نوعا ما
رقية: شلون تحجي خو خلصيني
رباب: انزين خوو . ناداني .. دخلني محل طبعا هذا اخر شي ... ونقالي طقم وقاللي هذي هديتي لج ..
رقية: واااااااااااااااااااااااااااااااااااااااااااااي ربووووووووووووووووووووووووووووووب اسمحيلي حدي ذبت .. واي ما شاء الله عليه (( تلم ربوب )) الله يهنيج فيه يارب ويسخره لج .. الحمدلله صدقتي يوم قلتي ما بعد يقة الا راحة
رباب: ايو الله ربوب .. حدي ارتحت .. حسيت باحاسيس غريبة ..
رقية: شلون ؟؟
رباب: مادري شقولج .. بس جد راحة مو طبيعية .. معاملة خالتي وانتصار لي ومعاملته معاي مع ان لا كلني ولا شي .. بس امان وراحة
رقية: الله يتمم عليج يارب
رباب: اللهم امين .. ويرزقج يا رقية يا اختي يا بنت امي وابوي بنفس نصيبي واحسن
رقية: وين احسن .. الحمدلله على كل حال اذا فرج خطيبي
رباب: واي لا تقولين جذي .. ان شاء الله لا ..
رقية: اوكي الله يجعله مو من نصيبي .. بس من البلوة اللي ايي بعده غير زيود خروف امه ..
رباب:" حرام عليج
رقية: يا عمي ... انا اصلا افكر حتى لو بنتزوج شنو بيصير فيني في بيت ام عيد ؟؟؟ ونتي شايفة طبعهم شريعة الغاب الجنة النسرة اهي اللي عايشة وغير جذي باجي الجناين ماكلين تبن حشاج
رباب: لا حول ولا قوة الا بالله .. رقية ادعي ربج وصدقيني الله ما يرد عبيده
رقية: يااارب (( رفعت ايدها ))

تموا ربوب ورقية يفتحون بالجياس ويطالعون الاطقم ويلبسون ويفصخون وحدهم مستانسين .. ليه ما الباب دق عقب جم ساعه

رباب: منو ؟؟
محمد: رباب ابوي يبيج ..
رباب: ان شاء الله .. واي رقية فشلة شن ويبي فيني
رقية: يعني شيبي فيج .. شدراني ..
رباب: استحي
رقية: شوفي سوي عمرج ولا كأنه .. اوكي ..
رباب: اوكي ..

قامت رقية وراحت حق ابوها بالصالة ..

رباب: هلا يبه شلونك ؟؟
بو محمد: هلا فيج بنيتي .. انتي شلونج ؟؟ متى رديتي
رباب: بخير الحمدلله رديت من زمان ..
بو محمد: ايي .. مبروكة ان شاء الله
رباب: الله يبارك بعمرك يبه ..
بو محمد: قوليلي وين حطيتي ذهبج ؟؟
رباب: بالدار ..
بو محمد: لا غلط .. غلط .. شوفي انا شريت لج تجوري .. عشان تحطين فيه ذهبج وتخشينه ..

دخلت الهام الصالة جنها القدر المستعجل على قولة المصريين
الهام: عشتوو خايف على ذهب بنتك ؟؟
بو محمد: استغفر الله ربي واتوب اليك .. انتي شتبين ؟؟ انا جم مرة قايلج ومنبهج بيني وبين بناتي لا تتدخلين ؟؟؟
الهام: وليش انا مو مرت ابوهم وحسبة امهم
بو محمد: لا منتي امهم .. امهم ماتت .. ونتي لو تعرفين الامومة جان جابلتي عيالج .. بس سكتي واللي يعافيج لا اقطع عقالي على ظهرج ..
الهام: قطيعه ما تتحاجى .. لا انت ولا بناتك ..
بو محمد: قومي دارج احسن لج ولا والله وبالله ..
رباب: يبه بس خلاص طول بالك كلش ولا صحتك
بو محمد: اسكتي انتي بعد
رباب: ان شاء الله

قامت الهام راحت دارها واهو تم حمقان يتحلطم
بو محمد: انا جم مرة قايل حق هالهايشة تنطم ليه حجيت وياكم .. بس هي ما تبي فكاك الشر ..
رباب: (( ساكتة ))
بو محمد: المهم روحي انتي ورقية وجيبوه من الحوش وحطيه بدارج وليه حطيتيه ناديني عشان اعلمج شلون تسوين له رقم سري ..
رباب: ان شاء الله يبه ..

راحت رقية ورباب وحطوه بالدار .. كانثقيل بالغصب شالوه .. الله يهداه بو محمد بدل لا اهو يشيله خله بناته يشيلونه .. دخلوه وعلم رباب عليه وحطت شغلها فيه وسكروه ..

رباب: مشكور يبه
بو محمد: العفو .. يبه .. ديري بالج على ذهبج .. مو كل شوي تبطلين وتلعبين انتي واختج
رباب: ان شاء الله يبه
بو محمد: ونتي (( يوجه الكلام حق رقية )) مو كل شوي تفتحين وتلعبين ولا تقولين لها فتحي خل نطالع فهمتي ..
رقية: ان شاء الله يبه ..
رباب: يبه امل تسلم عليك
بو محمد: الله يسلمها .. شلونها ؟؟
رباب: بخير الحمدلله .. دوم تسأل عنك
بو محمد: تسأل عنها العافية سلموا عليها وايد وايد وقولوا لها خل تيي عندنا من زمان عنها ..
رباب: اقولها بس ما تقدر ..
بو محمد: ايييييييي (( يلعب بلحيته )) لا والله تقدر بس الهام قطعت ريلها يا مال ريلها القطع ولسانها بعد
رقية: هههههههههههههههه
بو محمد : (( يخزها ))
رقية: × (( سكتت ))
رباب: يبه .. استأذنك ميخالف نروح وياها السوق ؟؟ انا ورقية يعني
بو محمد: ليش شعندكم ؟؟
رباب: (( توهقت )) ها ؟؟ ما عندنا بس كنا محتاجين اغراض

طبعا بو محمد راح عن باله ان رباب محتاجة انها تتجهز .. واهي استحت تقوله انها تبي تروح تجهز حق عرسها .. فسكتت .. فقامت رقية ونطت

رقية: لا يبه .. احنا اخافن طول بالسوق لان مثلك عارف لازم نجهز حق العرس ..
بو محمد: (( انحرج )) ايييييييييييييييييي مو مشكلة يصير خير ليه وقتها يصير خير .. ليش ام شهاب قالت لكم متى
رقية: لالالالالالالالا لا يبه ما فتحوا الموضوع .. يمكن قايلين حق الهام بس احنا ما فتحوا معانا شي ..
بو محمد: اي عفية خلكم ثقال لا تخفون عشان عرس .. انا ما ربيت بناتي خفيفات
رباب: صح كلامك يبه .. اللي تشوفه نسويه ..

 

[ريـ’ـآنـهـ‘]

ويييتنق

 

[MaFaZ]

مرة حلوة القصة عجبتني
بس عندي سؤال
من الاول وهم يقولون احنا وانتو ومدري وشو
طيب عرفنا انهم بدون..
بس يوم تسألها خالتها لمن كانت تبي تروح تشتري الذهب ,, شلون طريقتكم انتو ؟؟ مافهمت وش قصدها !
يعني احس البدون لهم نفس العادات والتقاليد بحكم انهم عاشوا بالكويت ولا انا غلطانه
سؤال ثاني: بداية القصه قلتي ان ابوهم عنده جنسيه بس مدري وش سوا فيها فما فهمت هذي ايضا ياليت توضحين لي :$

ثانكس

حبيبتي مرورج الاحلى

احنا الله يسلمج عندنا البدون ايون من عدة اصول .. ففي بعضهم ايون من دول وقبايل وعشاير .. اهو كان عنده جنسية بس قطها من زمان ... عشان جذي اهو بدون .. (( بدون جنسية ))

واكيد عندهم نفس العادات والتقاليد بس احنا بالكويت تختلف عاداتنا من حضر الى بدو الى عشاير واحيانا حتى باختلاق الاصول ..
رباب اهل امها حضر .. وابوها لا ..

نفس السعودية عادات اهل جدة غير البدو غير عادات اهل المناطق الجنوبية و هلم جره ..

ما اقدر اوضح اكثر حبيبتي واتمنى انج تتابعين معانا القصة .. حياج الله