^^^^عدت بقصتي الثانية (( بنات بو محمد في مهب الريح )) ^^^^

[Babya Doll]

يعطييج العاافية حبيبتي
اسلووبج حدده يشوق :*

 

[MaFaZ]

الصراحه القصه روووعه ولاسلوووب عجيييب الله يوفقج يارب

وحبيت اقول حق mafaz انتي احسن كاتبيه شفتها بالمنتدى لان الصراحه عمرج ماتاخرتي علينا بالبارت ولا طلعين لنا اعذار انج ماتقدرين تكتبين او مشغوله او او او وهذا المميز فيج والي لحظته عليج من روايتج الاولى (مذكرات مريم) ماشاءلله مواعيدج مضبوطه والله يوفقج

مشكورة حبيبتي على هالاطراء وهالكلمات الحلوة .. وصدقيني انا اتأخر بتنزيل البارتات بسبة المنتدى واحيانا ظروف تمنع اي انسان من ان يكمل شغله مثل البيت واليهال او الدراسة .. بكل الاحوال اسعدتني شهادتج ويشرفني تواجدج بقصتي كلامكم يرفع المعنويات كربونكم

وييع وييع
الهااموو تبط الجبد غثييثه انشالله تموت :×

هههههههههههههههههههههههههههههههههه كلنا متفقين على هالموضوع

ثااانكس على البارت اشوه صار طويل شوي لول

لعيونك حاضرين :wqedqw:

يعطيييج العآافيه حبيبتي
ناطرييييينج .... ~~ْْْ

حياج الله

مشكوووووووووووووووووووووورة على البارت

العفو ولو ..

تسلمين على البارت

بنتظارج

حيالله كل السارونات

يعطيج العافيه حبيبتييي

ميميو انتي معاي من القصة الاولى .. يسعدني تواجدج اهني مع بنات بو محمد

يعطيج العافيه حبيبتي على هالبارت​

يعافي الكل يارب

يعطيج العافيه... وخنشوف زيود شبيسوي :\

هههههههههههههههههههه اي ترقبوا ردة فعل زيود

بصراحة انا من متابعين قصصج لكن ماأحب أعلق,,,,بس احترامج حق قارئاتج والتزامج بتنزيل بارت كل يوم تقريبا خلاني مظطرة لتسجيل شكر وتقدير لأخلاقج العالية ,, وقصتج تونس .. ويعطيج ألف عافية وعساج عالقوة

يا قلبي مكانج .. والقصة قصتج .. تشرفنا بوجودج معانا ومثل ما قلت للاخت ان انا حالي حال وايد كاتبات بهالقسم المنتدى يعلق او تمر ظروف تخلي الواحد ما يقدر ويتعذر عليه انه يشبك ويتواصل معاكم

مشكووووووووووووووووووووووره عالبارت

thnx 7abebty na6reench

حياج الله حبيبتي

انا اقول بلا حب بلا بطيخ لا تتزوج زيد شكله خيخه وامه نسره راح تتأذى بالعيشه معاهم :weight_lift:

ناااطرينج

هههههههههههههههههههههههههههههههههههههههههههههههههههههههههههههههه مشتهية بطيخ

 

[so_what]

waiting

 

[سارووونه22]

ناطرينج حبوووووووووبة

 

[MaFaZ]

رباب: امل بليز الله يخليج لا تبطلين هالموضوع
امل: انا مابي ابطله صدقيني بس حسينو كلا قلبي
رباب: قوليله لا يحاول خلاص انا صرت بذمة ريال ثاني واني اكلمه بمثابة اني اخون ريلي .. ووانا وحدة عصيب ربي مع حسين بما فيه الكفاية
امل: هاو ربوب ونتي شسويتي ؟؟
رباب: اللي بعيونكم مو شي جايد عند الله جايد وبيحاسبنا عليه .. الله يغفر لنا .. وصدقيني لو اللي سويناه بالحلال جان الله وفقنا ويسر امورنا .. وكل شي قسمة ونصيب ..
امل: واي انا مو مصدقة ربوب تدينتي بين يوم وليلة
رباب: اللي يعرف ربع وغلطه اتجاه نفسه واتجاه ربه يكون متدين ؟؟ وليش ما تقولين ان الغشاوة اللي على عيني انزاحت ؟؟
امل: والله مادري شقولج ربوب كلامج كله صح والله يثبتج يارب ويهنيج والله يا بنت اختي اتمنالج انتي واختج كل خير
رباب: حبيبتي .. يالله خليني اقولج ..
امل: قوليلي تطورات يديدة
رباب: اي .. اليوم بيمروني نروح نشتري الذهب ..
امل: واو .. صج وناسة .. عاد انا ماعرف طريقتكم شنو تشترون
رباب: وييه امول نفسكم خو بس بزيادة
امل: هههههههههههههه على قولتج .. يعني شبكة وطقم سبحة واطقم اساورم ع خواتمهم ؟؟
رباب: تقريبا .. اخت الهام سميرة لما تزوجت قالت لنا الهام ان الشروة لازم تصير شبكتين واربع اطقم صغار يعني سبحة وخاتم وتراجي و من اربع الا خمس اطقم اساور مع خواتمهم و مضاعد وخواتم
امل: اولله اولله .. شنو كل هذا ؟؟ هذا محل كامل
رباب: اي شفتي ؟؟
رقية: منو تكلمين ؟؟
رباب: خالتي امل
رقية: سلمي عليها ..
رباب: سمعتيها؟؟
امل: لا شنو
رباب: تسلم عليج
امل: الله يسلمها .. انزين متى تجهزين
رباب: مادري والله كلش مادري
امل: مممممممممممم الله كريم
رباب: انزين اذا جهزت ابيج توديني
امل: افا عليج .. اوديج احلى عروس .. باحلى تجهيز ..انزين بيسوون عرس ؟؟
رباب: ممممممممم مادري بس اتوقع اي
امل: عشان نتجهز .. نبي نشرفج جدام حمولتج
رباب: اي امول امانة انتو الوحيدين اللي من ريحة امي ..
امل: اخيه ربوب لا تبجيني ..
رباب: خلاص خلاص لا تبجين بس كفانا بجي ..
امل: على قولتج ..
رباب: يالله خل اقوم اكوي عباتي اكلمج بعدين
امل: على خير سلمي على ابوج وايد
رباب: يوصل ..

رقية: (( تخيط دراعتها )) شلونها
رباب: (( تبطل ستاند الاوتي )) تمام .. تسلم عليج
رقية: الله يسلمها قاعدين تتكلمون عن العرس
رباب: اي
رقية: ما يابت طاري حسينو
رباب: امبلة بس انا سكرته
رقية: زين تسوين
رباب: انزين .. ما تيين
رقية: لا مابي بعد سالفة فرج الودر مابي افتح اي موضوع مع ابوي
رباب: اها احسن لج .. بس كان ودي تيين معاي اخاف اروح بروحي
رقية: احسن روحي بروحج عشان لا يقولون جايبة اختها ومن هالحجي
رباب: شكو يعني شنو بيقولون انتي مو تقولين خالتي ام شهاب طيبة ؟
رقية: اي طيبة بس في سوالف لازم ينقد عليها
رباب: اها .. امبيه رقيو استحي ..
رقية: من شهاب ؟
رباب: اي يعني من شنو
رقية: لا تستحين ريلج خلاص .. عيل شبتسوين باجر ليه تزوجتوا ؟؟
رباب: الله كريم ..

بدلت رباب وتزهبت .. بالاول لبست عباية اسلامية عقب غيرتها لانهم رايحين سوق الذهب وهناك بياعين وايد وخافت .. لان اخر مرة لما راحوا مع الهام السوق وهالحجي من سنتين تقريبا البياعين اذو رقية ورباب بالخز .. فعشان ترتاح وتريح لبست بدلة وفوقها عباية راس .. كان شكلها يهبل .. ملامحها وجمالها وشلون مكتسية ومتسترة بالسواد .. ويلفها الحيا من كل صوب ..


قعدت بالصالة واهي تفرك باصابعها من التوتر وكل ما تدق الساعه دقيقة تمر اعصابها تنتلف بزود ..

دخل بو محمد الصالة

بو محمد: ها ما مروج ؟؟
رباب: لا بعد يبه ..
بو محمد: ايييييييييي (( يلعب بلحيته )) انزين مثل ما وصيتج يا بنتي
رباب: ان شاء الله يبه اللي تامر فيه ..
بو محمد: قواج الله ..

قعد بو محمد يم رباب وشغل التلفزيون وهذي ما كانت من عوايد بو محمد .. ان يقعد بالبيت العصر .. لكن قلبه .. قلب الابو تعلق بشكل رباب واهي ناطرة ريلها واهله ياخذونها .. حس بو محمد بشي يقطع قلبه ويشق اعماق صدره .. وحس كانه صرخة بتطلع منه وتقول لا تروحين عني ...

رن تلفون رباب ..
رباب: (( بتردد )) الو
انتصار : هلا حبيبتي رباب شلونج ؟
رباب: بخير الحمدلله ..
انتصار : دوم يارب .. حبيبتي احنا برة ..
رباب: اوكي ..
انتصار: يالله باي
رباب: باي
رباب: يالله يبه الجماعه برة ..
بو محمد: الله وياج .. ولا تطولين ..
رباب: ان شاء الله

يت رقية ركض ..
رقية: بتروحين ؟؟
رباب: اي تبين شي ؟
رقية: (( ماسكة ايد اختها )) لا مابي شي الله وياج
رباب: مع السلامة

كان هالوداع مؤلم مع ان رباب بترد البيت بعد ما تخلص شروة الذهب .. بس محد كان مفكر ان وحدة من البنات تروح .. وتتزوج وتطلع من البيت .. اول مرة رباب تطلع مع احد غير الهام ولا ابوها ولا اختها ولا خالتها امل ..

كان شي غريب ويديد عليها .. مو قادرة تستوعبه ولا احد في البيت قادر ..
طلعت رباب .. ولقت السيارة برة .. نزلت ام شهاب سلمت عليهها اهي وانتصار .. وركبوا السيارة .. وركبوا رباب وياهم .. واول ما ركبوا رباب قالت : السلام

شهاب : وعليكم السلام .. وسكتتتتتتتت

قلب شهاب تم يدق دق دق دق دق دق دق دق دق دق دق دق دق

لان البنت اللي ركبت اهي مرته .. مرته على سنة الله ورسولة .. شهاب حس بوناسة ... حس بشعور حلوووووووووووووووووو كانه ماكل قفشة عسل ..

رباب تمت تتنسم ريحة السيارة .. كانت ريحة اول مرة تشمها .. ولا مرة بحياتها شمتها .. كانت ريحة رجولية .. عطر رجالي على لفحة جلد وزقاير ..
طول الطريج كانت رباب منزلة راسها وام شهاب وانتصار يسولفون مع بعض .. اول عشان يكسرون الجليد اللي بالجو وثانيا عشان لا الصمت والسكوت يوتر رباب وثالث شي ما اشركوها عشان يدرون انها مستحية فما بغوا ان يزيدون من توترها .. وكل ما كانوا يكلمون شهاب كان يرد بكلمة ورد غطاها ما كان يزيد ولا ينقص لان هم اهو كان مستحي من رباب .. طبعا اهو ما شافها عدل وكل ما يفكر ان يشوفها م نالمنظرة يستحي ويترد د ويقول لا لا اخاف عبالها خفيف


وصلوا السوق ونزلوا رباب كانت بالنص ام شهاب على يمينها وانتصار على يسارها وشهاب وراهم ... وهم هذي كانت استراتيجية منهم عشان يحسسوونها بالامان وانها في ايدي امينة .. وهذا ان دل .. دل على حكمة وفهامية ام شهاب .. وحسن تقديرها للامور ..

انتصار: رباب شوفي هالشبكات حلوات ؟؟
ام شهاب: خليها اهي اللي تختار .. يا انتصار .. رباب لا تستحين قولي كل اللي بخاطرج انا مثل امج وانتصار اختج
رباب: ان شاء الله
انتصار: يمه صدقيني هالمحل روعه ..
ام شهاب: يالله ادخلوا وان ما عجبنا نطلع السوق بكبره جدامنا .. شهاب احنا داخلين
شهاب: اخذوا راحتكم


كانوا يدخلون المحلات وشهاب يتم واقف برة يراقب رباب من بعيد ليه بعيد شلون ويهها احمر ومستحية وخجلانة .. ومنزلة راسها بكل حيا وادب .. سبحان الله البنية الحياوية و المحترمة تبين من نظرتها ومشيتها .. والبنت الشينة هم تبين .. رباب كانت مطلب شهاب .. وكل اللي يبيه .. ويتمناه .. في رياييل يغريهم الحيا .. ويجذبهم بشكل مو طبيعي للمرة ..

ام شهاب: شهاب .. شهاب .. شفيك
شهاب: مافيني بس سرحت ..
ام شهاب: يا امك موتر البنت لا تقعد تطالعها جذي ..
شهاب: شنو ؟؟ (( انصدم ان امه جكته ))
ام شهاب: اي موترها .. مبين عليها مهي قادرة تقعد ولا تتكلم ريجها نشف من التوتر ..
شهاب: صج ؟؟ ... ههههههههههههه خلاص خلاص .. شتبيني اسوي وين اروح يعني
ام شهاب :لا تروح بس لا تخز
شهاب: حلالي يمه ..
ام شهاب: انزين درينا .. بس خف عليها .. ترا البنية بنت بنوت لا لها ولا عليها لا شافت ولا سمعت .. حبة حبة .. والله يا امك انها كاسرة خاطري حيل ما عمري قط شفت بنت مثلها
شهاب: انزين خلاص خلكم بالمحل الحين اجي ..
ام شهاب: يالله لا تطول ..

ردت ام شهاب داخل المحل ..
ام شهاب: ها يا بنتي شنو صار ..
رباب: مادري
انتصار: ربوبة حياتي شوفي هذي جد جد جد راقية وحلوة وشيك وشوفي هذي تنفع للصباحية .. وشوفي هذي اثقل من هذي ..
ام شهاب: اشوف ؟؟ .. اللللللللللللللللللللله اتجنن يا ربوبة بس شنو اللي عاجبج
رباب: (( متخزبقة )) كل شي حلو شوفو اللي يعجبكم
انتصار: لا لا .. شنو اللي يعجبنا اهم شي انتي م وانتي اللي بتلبسينا ؟؟
رباب: اي .. بس مادري انا ما قط اخترت وتشريت ذهب فما اعرف شنو يناسب العرس وشنو يناسب الصباحية ؟؟
انتصار: خلاص خلاص .. بس شوفي امانة انا بنقييلج اشياء اذا عجبج قولي عجبني عشان نشيل موديلات ونخلي موديلات اوكي
رباب: اوكي ..
ام شهاب: يمه اني ما عمرج شريتي ولا لبسي بس ان شاء الله بتلبسين وتشترين وما تكون هذي اول مرة .. وكلنا مثلج لا عرفنا نشتري ولا نلبس ذهب بتتعلمين ان شاء الله
رباب: ان شاء الله (( ابتسمت ))

اهني ارتاحت رباب شوية .. وصارت ريلاكس وقامت تاخذ وتعطي مع انتصار .. شوي ولا شهاب رد ونادى امه ..

ام شهاب : هلا شهاب
شهاب : هاج يمه .. ماي وعصير لكم
ام شهاب : اشهد انك لوتي .. لنا يالعيار ؟؟
شهاب: ههههههههههههههه يمه .. الحين شسوي قوليلي ؟؟ وبعدين حرام عطوا البنية شكلها تعبت من فرة السوق
ام شهاب: اي والله كلنا تعبنا مو بس اهي (( تبتسم ابتسامة تفطر فيها شهاب ))
شهاب: هههههههههههههه يمه !!
ام شهاب: قوللي شرايك فيها ؟؟
شهاب: مو وقته يا ام شهاب
ام شهاب: عيار على بو شهاب
شهاب: خلصتوا ؟؟
ام شهاب: لا بعد ..
شهاب: ذوقها صعب ؟؟
ام شهاب: جان زين جان مخلصين ابجر .. الامانة لله ما نقت ولا اختارت .. ما تدري شنو تسوي ولا تعرف شي على نياتها .. بس اختك ما غير طلعوا وجيبوا وشوي شوي خلتها تنقي وتشوف ..
شهاب: ايييي يعني جم يبيلكم ؟
ام شهاب: شفيك مستعجل ؟؟
شهاب: لا يمه مو مستعجل بس بعرف
ام شهاب: مادري مادري .. انزين لما اناديك شوي ادخل ونق لها هدية وقدمها لها
شهاب: شلون ؟؟
ام شهاب: شوف شنو يعجبك واخذ رايها واشتره لها غير الشروة .. منك لها هدية الملجة
شهاب: ان شاء الله


تموا ينقون وينقون لمن خلصوا الشروة وقبل لا يحاسبون .. نادت ام شهاب شهاب عشان يدخل رباب لما سمعت ان شهاب بيدخل يبوي اعتفست .. وانحرجت ..

قعد شهاب عالكرسي .. وطالع وطالع ما عجبه شي حاسبوا وطلعوا .. واهما قاعدين يمشون نادى شهاب رباب .. اهي اهني تيبست ..

انتصار : هههههههههههههههههه رباب شهاب يناديج
رباب: ها .. اي ..
انتصار : ردي عليها لا تستحين شفيج ؟؟
رباب: ان شاء الله ..
شهاب: رباب ..
رباب: نعم
شهاب: تعالي وياي هالمحل ..
طالعت رباب ام شهاب وانتصار .. بنظرة خوف وتردد
ام شهاب: روحي يا امج زوجج هذا
رباب: ونتو تعالي معاي ابوي ما يرضى
ام شهاب : ههههههههههههههههههههههههههههههههه بو محمد ما يرضى ها انتصار روحي معاها يا امج
انتصار: بالله انا شكو ربوبة من صجج ..
شهاب: شكو ياية
انتصار: (( تغمز له وتبتسم )) عمي بو محمد ما يرضى ربوب تروح بروحها
شهاب: اها .. (( يتمتم )) الله يسامحك يا عمي بو محمد

دخلوا المحل .. وقعدوا ثلاثتهم شهاب ورباب وبالنص انتصار .. ورباب عينها بالارض .. تم شهاب يطالع لين نقاله طقم روعه ذهب مطعم بالماس .. حاول ان يوريه حق رباب بس رباب ما شالت عينها من الارض .. وقالت حلو وسكتت ..

شراه شهاب .. وحطه بجيس .. وعطاه حق رباب .. خذته رباب وتشكرت منه واهي منزلة راسها الارض .. لدرجة ان شهاب ما قدر يطالع ويهها عدل ..


خلصوا الشروة وردوا رباب البيت ..

 

[so_what]

البارت يووونس يسلموووو ‏

 

[سارووونه22]

يحليلها الله وناسة يارب يتمم عليهم ومشكوووووووورة حبوبة وهم ناطرينج

 

[الكونـتـيـسـه]

تسلمين حبيبتي على البارت​

 

[cute princess]

مسكينه رباب كسرت خاطري لول :\\
الله يوفقها
يعطيج العافيه

 

[Lilly - KSA]

مرة حلوة القصة عجبتني
بس عندي سؤال
من الاول وهم يقولون احنا وانتو ومدري وشو
طيب عرفنا انهم بدون..
بس يوم تسألها خالتها لمن كانت تبي تروح تشتري الذهب ,, شلون طريقتكم انتو ؟؟ مافهمت وش قصدها !
يعني احس البدون لهم نفس العادات والتقاليد بحكم انهم عاشوا بالكويت ولا انا غلطانه
سؤال ثاني: بداية القصه قلتي ان ابوهم عنده جنسيه بس مدري وش سوا فيها فما فهمت هذي ايضا ياليت توضحين لي :$

ثانكس

 

[JaN JaN]

البارت يشوق وناااسه


يعطيج العافية :eh_s(17):

 

[كاسبرينوو]

لووووول مسكييينه رباب
ناطرينج ..~ْ

 

[عشيقة ريلها]

قصه حلووووووووه اعجبتني حيييييييييييييييييل

 

[Riooma]

wa3alaya chenha banat al kuwait al7en men galb . hehehehe

 

[MeeMeeYoo_2]

البارت عجيب


يعطيج العافيه

 

[الاحاسيس المبهمه]

وناااااسه ^_^ ,...

 

[zooz92]

مسكينة ربااب وااايد تستحي لووووول

يعطيييج العاافية على البارتااات

ناااطرينج :**

 

[الجرح الدفين]

وااااااااااااااي قلبي ع ربااب <<

ناااااااااااااطرينج تكفين لاتاخرين وااايد

القصهـــــــ حدهــ تشوقــــ <<

 

[Babya Doll]

حياااتي رباب تينن ^_*
تسلميين حبيبتي يعطيج العافية

 

[zO'3a]

7elwa alge9a ;D
mtab3een