(ظلمني الزمان اللي جبرني على فرقاااك) >>عشق بدوي

[3thab 2lroo7]

اممممممم لاطولين اكثر من جذي والله متشوقه حدي بليييييز

 

[حبكـ ملكني]

لـــــــا تــطـــوولـــييييييييــــــن
نــــــاااااااطـــريييييييييـــنـــــج
نبــي باارت​

نبــي باارت
نبــي باارت​

​

نبــي باارت​

 

[حبكـ ملكني]

بــلــيييييييييييييييييييييييييييييييـــــــــز لـــــا تـــطــــــــوووولـــــيييييييييييييييييييييييييييييييــن
ناااااااطــريييييييييـــــــــــــــــنــــــــــــــــــــــــــــج؟؟؟

 

[Maniples]

لا تطوليييين



نبي بااارت

 

[لفتة فرس]

السموووووووحه ما رديت عليكم
انشـــــــــغلت
بس كنت ناويه انزل البارت يوم الاثنين
والحين باذن الله بنزله
مشكورين كلكم ع الردود العسل اللي تنور روايتي
​

 

[لفتة فرس]

متعب ويعه انشالله هذا وشهد مسكينه معاه يخز بالبنت جذي
دلال كسرت خاطري حياتي والله انشالله تكون من نصيب بدر>>>>>>>واخيرا اقتنعت هههههههههههه
بدر انشالله يرد ويقطع هالسم الاه يكفينا شره انشالله
خالد كبر بعيني حبيبي والله >>>>>>خلاص ما كو الا حل واحد خل يخطبني لوووووووول بدال دلال

حياتي تسلم الانامل الغاليه والله انج تفتحين نفس الواحد بهالروايه الاكثر من روعه
واتمنى انج تستمرين وانصحج حبيبتي انج تكتبين عن نفسج بس مو كل شي خلي شغلات تكون ذكرى حلوه بينج وبين نفسج مثلا انا في شغلات ما احب اذكرها لاحد تحبها تكون بيني وبين نفسي وانصح انه يكون فيها شغلات من خيالج لانها تفيد وايد
فا انا وحده انصحج انج تكتبين عن نفسج وتستمرين بالكتابه لانه اسلوبج يعجبني والصراحه انتي مزاجي باسلوبج وطريقت كتابتج>>>مثل ما يقولون انه الواحد له مزاج احيانا وانتي مزاجي دوم واتمنى ما انحرم من كتاباتج بيوم حياتي انتي
وبعد قلتي انه عندج كاتبه روايات نزليهم بليز عشان خاطري
وسلامة قلبج من كل شر والله اني بشتاق للبارتات وبنتضرهم على نار*

كلامج شهاده اعتز فيها وع راسي حيبتي
عطيتيني دافع قوي :eh_s(7):
بالنسبه للروايات الثانيه باذن الله بنزل عشانج وعشان اللي طلبوني
وبالنسبه لروايتي انا شخصيا هي مجرد فكره والله اعلم اذا طبقتها والا لا
يعطيج العافيه

 

[لفتة فرس]

((((((((((((((((((((الجزء الحاااااااادي عشر))))))))))))))))))))))

خالد:السلام عليكم
الكل:وعليكم السلام
خالد:يباا ترا بروح لبريطانيا باجر انا وفهد خوي بدر
ابوه:خير بدر فيه شي
خالد:ههههه لا الله يهداك نبي نروح نتونس ونرد معاه
ابوه:بس الفحص بيطلع هاليومين
خالد:لا باقيله اربع ايام وحنا بنرد بعد ثلاث ايام
ساره:الحين رايحين لبريطانيا وبس ثلاث ايام صج ماعندكم سالفه
خالد:عادي الحين من زينها بريطانيا وبعدين حنا جايينها قبل وحافظينها وهاذا اللي نقدره ما عندنا اجازه اهم شي بنغير جو
قام خالد وطلع غرفته
ام بدر:والله غريبه روحتهم مو طبيعيه
ابو بدر:لا الله يهداج ما تعرفين خالد وفصلاته لا وفهد العن منه تلقينهم مشتهين يروحون وما عدهم اجازه وثلاث ايام لقوها فرصه
سكتت ام بدر وهي مو مقتنعه من كلام ابو بدر وقلبها ناقزها من هالروحه حاسه ان بدر فيه شي بس تعوذت من الشيطان
----------------------------------------
عبدالله مودي اهله للسوق وهم بالسياره
ام عبدالله:ها عبدالله ما تبينا نخطبلك؟
عبدالله:تو الناس
ام عبدالله:شنو تو الناس مو انت قايلي ابي ساره بنت عمي واخطبيها لي لا تروح من ايدي وين كلامك
عبدالله:يما سكري الموضوع وساره معاد ابيها الله يرزقها
حنان وشيخه انصدمو
ام عبدالله:ليش
عبدالله:من غير ليش بس جذي البنت ما ابيها وخلاص
ام عبدالله سكتت لمن شافت عبدالله عصب وتنرفز واستغربت هي والبنات ما يدرون شاللي صاير بس ام عبدالله سكتت وقررت انها تعرف كل شي بعدين
---------------------------
خالد وفهد وصلو بريطانيا وكانو معطين عبدالعزيز وصالح خبر انهم بيجون بس طبعا بدر ما يدري ووصلوا لشقه الظهر
خالد:اجل وين بدر؟
عبدالعزيز:ويييييه بدر الحين نايم ما يقعد الا العصر والا المغرب
صالح:هو متى نام اصلا ما نام االا الصبح
فهد:لا حول ولا قوة الا بالله
صالح قام وراح المطبخ ع انه بيجيب قهوه واشر لعبدالعزيز عشان يلحقه
بالمطبخ....
صالح:عبدالعزيز لا تجيب طاري لفهد والا خالد انا ندري عن بدر وسالفته مع اخوه وبنت عمه لان بدر كان يقول كل شي وهو سكران وما يدري واخوه بعد ما يدري انا ندري فخلنا ساكتين اوكيييي
عبدالعزيز؟اكيييد انا كنت ناوي اقولك بعد بس سبحان الله انت سبقتني خلاص تطمن حنا ما شفنا شي لا سمعنا شي
صالح:هذا هو
-----------------------------
خالد:اتوقع عبدالعزيز وصالح يدرون عن شي
فهد:لا ما اتوقع لانهم ما يشوفون بدر حسب كلامهم لانه يرد وهم نايميين واذا قعد يكون صاحي
خالد:الله كريم
فهد:وبعدين ما عليك حتى لو يدرون تعلمني في صالح وعبدالعزيز والله لو يدرون ما يتكلمون حتى مع انفسهم
خالد:ونعم فيهم بس حنا ما نبي الفضيحه بعد
فهد:الفضيحه والله عمر الله يستر بس ان شاء الله بدر ما يكون قايل عنده شي
خالد:الله يستر
صالح راد من المطبخ:يالله حيهم تو مانورت بريطانيا
فهد:منوره باهلها
خالد:الله يحيك
عبدالعزيز:وشخبار الكويت واهلها
خالد:ابد بخير ويسلمون عليكم
عبدالعزيز:الله يسلمهم اه يا حلو الكويت بس
صالح:ان اشهد ويا شين الغربه
فهد:هانت ما بقالكم شي
صالح:اي والله الحمدلله بس تدري بتحمد ربها اللي بتزوجني انا وعزوز
خالد وفهد:ههههههههه ليش؟
صالح:صرنا نعرف نطبخ وصرنا نغسل ونخم يعني ربات منزل درجه اولى
عبدالعزيز:انا اشهد وحسينا بمعاناتهم
فهد وخالد:هههههههههههههههههههههههههههه
فهد:ليش ما عندكم عامل ينظف لكم؟
عبدالعزيز:امبلا والله يجينا عامل ينظف لنا كل يوم ويغسل ويكرف بس الطبخ علينا
خالد:ايه احسنلكم
صالح:عاد نبي نذوكم طبخنا
فهد:يا ولد اخاف نتسمم هههههههه
عبدالعزيز:والله عاد انت وحظك
الكل:ههههههههههههههههههههههههههه
صالح:الا صج انتو متى تردون؟
خالد:ان شاء الله عقب باجر بالليل
صالح:ليه مبجر اقعدو معنا شوي ونسونا وتونسو معنا
فهد:والله ودنا بس ما عندنا اجازه حنا اصلا ماخذين طبيات
خالد:والله يالربع حنا جايين عشان بدر ندري انه بيطول وخايفين عليه من هالحيوان اللي خربه وانتو عارفين الوضع وشاللي صارله واللي يقول استرو على ما واجهتو
صالح:ابد تطمن حنا ما شفنا شي ولا سمعنا شي ولا صار الا كل خير
عبدالعزيز:ابد ولا يهمك بدر جانا وتونس معنا ورد وما صار الا كل خير والحيوان عمر شغله عندنا لا يهمك واوعدك انه ما يتكلم ولا يفتح فمه بكلمه
خالد:كفو والله هذا العشم فيكم
فهد:شبتسوي فيه؟
عبدالعزيز:حنا ماسكين عليه ممسك انا وصالح وهو ما يقدر يسوي معانا شي وبهدده ان بطل حلجه بكلمه يويله واوعدكم انه مراح يتكلم تطمنو
صالح:اي عاد من هالناحيه تطمنو
خالد:الله يجزاكم خير ويعطيكم ع قد نيتكم
فهد:اي والله الله يوفقكم ويسهل عليكم مثل ما سهلتو علينا شي واجد
------------------------------------
يتبع >>

 

[لفتة فرس]

العصر قعد بدر من النوم ودخل الحمام واخذ دش وطلع ولبس وطلع للصاله بيشوف منو موجود ازعاج وصوتهم هو اللي قعده من النوم وتفاجا لمن شاف اللي بالصاله
اما خالد وفهد انصدمو لمن شافو شكل بدر وجهه اسود وتحت عيونه سواد وشكله من زمان مو حالق ووجهه ضعفان وجسمه حييييل ضعفان يعني باين عليه التعب بشكل كبير
بدر:السلام عليكم
خالد:وعليكم السلام يالله حيه
فهد:وعليكم السلام ياهلا
بددر:بسم الله انتو منين طالعين
الكل:هههههههههههههههههه
خالد:جايين نتونس معك
بدر:الحمدلله ع السلامه والله شهالمفاجأ خير عسى ما شر
فهد:شفيك يارجال جنا اول مره نجي بريطانيا دايم وحنا هنيه
خالد:كل شي صار بسرعه وما صدقنا نلقى اجازه جينا
بدر:متأكدين يعني ما فيكم شي؟
فهد وخالد:لا ما فينا شي تطمن
بدر:اشوا اجل وشخباركم وشعلوم اهل الكويت
فهد:بخير وكلهم يسلمون عليك
بدر:الله يسلمهم
------------------------------------------------------
طلعو الشباب يتمشون كلهم مع بعض وبعدين قعدو بكوفي شوب وسوالف لي الليل وم جابو طاري انهم بيردون عقب باجر وان بدر معاهم سكتو وبيخلونها مفاجاه لبدر بيوم الرده وبيحاولون هاليومين انه ما يروح لعمر ولا للاماكن اللي كان يروحلهم بيصكون عليه وبيسهرون معاه عشان يتوهق وما يروح
------------------------------------------------------
ام عبدالله:انا اموت واهرف شفيه عبدالله قلب ع بنت عمه وما يبيها
شيخه:صح يمه غريبه مادري ليش الحين ما يبيها
حنان:يما اساليه واعرفي منه
ام عبدالله: بساله وبشوف لان ابوج للحين ما يدري عن شي وعباله انه ع كلامه قبل وانه يبيها
بهاللحظه وصل حنان مسج فتحته(ياحلو الصدفه اللي جمعتنا بالجمعيه ذاك اليوم)
حنان انصدمت وعلامات الاستفهام كلها ع وجها الرقم رقم متعب اللي ياذيها وهي شافت بالجمعيه ابله شهد وزوجها يعني معقوله متعب يطلع زوج ابله شهد لا مو معقوله توصل فيه لهالدرجه صج حقير وواطي وما يستحي وع طول صعدت دارها تمنته يدق بس ما دق كانت بتدق بس قالت ادز مسج احسن (انت زوج ابله شهد!!)
وبهاللحظه متعب طار من الفرحه وع طول دق عليها
حنان:نعم
متعب:مرحبا
حنان:صراحه انت كلمه حقير شويه عليك
متعب :افا حنان والله ما توقعتها منج
حنان:لا تقول اسمي ع لسانك اللي يسمعك يقول انا اعرفك صارلي اميه سنه وبعدين شنو تبين اقولك انت متزوج وتخون زوجتك شنو هالحقاره اللي فيك يا بني ادم
متعب:حنان انا والله عمري ماسويت هالشي بس انتي غير انتي قلبتي كياني>>طبعا متعب ابو المغازل كله ويعرف شلون يطيح البنات وهو بس وده يطيحها بيده لانها داخله مزاجه
حنان:انا غلطانه اللي للحين معطيتك وجه ووالله لو فكرت تتصل مره ثانيه لي تصرف ثاني معاك
سكرت حنان التلفون وهي بقمه العصبيه ودقت ع نهى وقالتلها كل السالفه واتفقو انه لو دق مره ثانيه بتعلم ابوها وهو يتصرف معاه
طبعا متعب يحب زوجته وعاجبته بس راعي سوالف ومغازلجي درجه اولى واذا دخلت مزاجه بنت يعرف شلون يطيحها وماكان هدفه بالحياه الا انه يكلم بنات وبس ومع هذا معطي زوجته حقها واللي ما تدري عن خرابيطه بس تحبه لانه معطيها كل اللي تبي ويحبها ومالي عليها حياتها
----------------------
وبالليل بعد ما رجع عبدالله كانت امه قاعده بالصاله بروحها ولمن سلم وقعد فتحت معاه الموضوع
ام عبدالله:عبدالله يما انا بسالك انت شاللي غير رايك في بنت عمك ليش الحين ما تبيها
عبدالله:يما الله يرحم والديج جم مره قلتلج لا تفتحين الموضوع مره ثانيه خلاص ما ابيها وخلاص مو مقتنع فيها واحسها ما تصلحلي
ام عبدالله:عبدالله يما مو منيه والطرق تقول مو مقتنع فيها انت كنت متحمس وتبيها وفجاه تغيرت انا بس بعرف شاللي غير رايك بنت عمك فيها شي
عبدالله:لا
ام عبدالله:اجل شفيك البنت خوش بنت ووالله لو تلف الكويت منت بلاقي مثلها وبنت عمك احسن لك من الغريبه اللي ما تعرف عنها شي
عبدالله:انا مستحيل اخذلي وحد ما تبيني
امه:ما تبيك من قالك هالكلام؟
عبدالله:مو مهم من قالي المهم الحين ان البنت ما ابيها وخلاص
امه:لا مهم ونص شنو البنت ما تبيك حنا ما خطبناها شلون تقول ما تبيني انت اكيد في احد موصلك كلام
عبدالله:يما الله يرحم والديج قلتلج سكري ع الموضوع محد موصلي كلام ولا شي
امه:اجل شلون عرفت انها ما تبيك
عبدالله:عرفت وخلاص
امه:انزين انت سمعت منها هي شي
عبدالله:لا
امه:اجل شلون تصدق كلام يجيك من برى انزين واذا قلتلك انك تسمعها باذونك واتاكد انها تبيك شنو بتسوي
عبدالله سكت شوي وتذكر اللي صار قبل شهر تقريبا والكلام اللي جاه بمسج من رقم غريب وكان مكتوب فيه(السلام عليكم اخ عبدالله معاك فاعلة خير بغيت انصحك واوجه لك نصيحه لوجه الله انا سمعت انك تبي بنت عمك ساره ترى البنت ما تبيك وهي تحب واحد ثاني واذا مو مصدقني تاكد بنفسك بتلقى كلامي صحيح بس انا حبيت ابلغك عشان تحفظ كرامتك)عبدالله بوقتها توقع انه الكلام من ساره وانها سوت جذي لانها ما تبيه بس الحين كلام امه شجعه وده يعرف ويتاكد
امه:ها شقلت
عبدالله:صار بس متى
امه:الحين ان بغيت بنادي شيخه تدق عليها وتكلمها جدامك
نادت شيخه وجت دقت ع ساره وسلمت عليها وكانت بتفتح اسبيكر بس عبدالله رفض لان حرام ساره ما تدري وهو بيعرف كل شي من كلام شيخه جدامه معاها
شيخه:والله ياساره انا داقه باخذ رايج بموضوع ولا تستحين مني
ساره:خير
شيخه:اخوي عبدالله ناوي يخطبج بس وده يعرف رايج بالبدايه
ساره:شيخه الله يهاج احرجتيني
شيخه:لااااا اقول بس لا تستحين عادي قولي رايج بصراحه
ساره:اتوقع تعرفين رايي من زمان
شيخه:اي بس اخاف الحين في شي تغير
ساره:لا ما تغير شي
شيخه:يعني افهم من كلامج انج موافقه
ساره:اي
شيخه:كلللللللللللللللللللللللووووووش مبروك
ساره:ههههههههههههههههههههههه الفال لج
عبدالله مو مصدق ساره وافقت ع طول يعني لو ما تبيه جان قالت مادري والا بفكر بس هي ما عندها مانع بالمره
شيخه بعد ما سكرته:هه سمعت باذونك انها تبيك وموافقه اصلا من زمان انا اقط عليها نغزات وكانت تدري وفهمتني انها موافقه ومو معارضه
ام عبدالله:ها الحين تبيها والا لا؟
عبدالله استانس من كل قلبه:اي ابيها
ام عبدالله:الف مبروك يا وليدي ومن الحين اقولك لا تسمح لاي احد انه يخرب بيتك ولا تدخل احد وتخليه يهدم حياتك
عبدالله:ان شاء الله
طبعا عبدالله ما قالهم اي شي عن المسج لان يدري ان الحريم يسوون من الحبه قبه بس وده يعرف منوه اللي سوا جذي وشمصلحته وع طول راح لغرفته ودق ع رفيجه بالمواصلات وعطاه الرقم وقاله يبي يعرف من باسمه هالرقم وقاله انه باسم منال ........الحمد عبدالله استغرب من تطلع هذي قعد يتذكر وتذكر انه ان اللي طلقها بدر من الحمد واسمها منال وعرف انها هي اللي سوت كل هذا وتاكد لانها محتره من بدر لمن طلقها وحبت تقهره مثل ما قهرها بس عبدالله استغرب من الحركه معقوله في ناس وقحه لهالدرجه بس حب يادبها وع طول دق عليها
منال لمن شافت الرقم تخرعت الوقت متاخر بس طبعا ردت لان عادي عنها
منال:الو
عبدالله:الو السلام
منال:وعليكم السلام
عبدالله:اسمعي يابنت الناس انا هالمره سسكت عاللي سوويتيه لكن والله وبالله لو سمعت انج متدخله باي وحده من بنات العايله والا مطلعه كلام والا مسويه شي من مخططاتج الوصخه لاوصل الكلام للرياجيل اللي عندج عشان يربونج من جديد فاهمه وقد اعذر من انذر
وسكر التلفون وارتاح من هم كان شايله بقلبه
اما منال انصدمت وتضايقت وقعدت تبجي لان خطتها فشلت وكل شي تسوييه يفشل سبحان الله وعلى نياتكم ترزقون
----------------------------

يتبع >>

 

[لفتة فرس]

بدر بهاليومين كان يطلع ويروح لعمر وهم ما يدرون عنه يعني كان يتعذر باي شي وهم يسكتون عنه لانه كبير وما يقدرون يمنعونه وباليوم اللي بيردون فيه الصبح قعدو خالد وفهد وزهبو اغراضهم وطيارتهم بالليل ونطرو فهد لمن قعد وع المغرب فتحو الموضوع
خالد:بدر ترا اليوم ردتنا ان شاء الله
بدر:توصلون بالسلامه
خالد طالع فهد وهو حده متوهق
فهد:لا انت بترد معنا ان شاء الله حاجزين لك
بدر:حاجزينلي!!!!شنو طوفه هبيطه انا ومن قالكم اني برد انا حجزي بعد اسبوع
خالد:لا محشوم بس حنا مسويين لك مفاجاه
بدر:امحق مفاجاه
فهد:بدر ضروري لازم ترد معنا
بدر:خير شصاير؟
خالد:اذا وصلنا هناك بنقولك
بدر:اهلي فيهم شي؟صاير شي
فهد:لا يا بن الحلا ما فيهم الا الخير بس انت لازم ترد معنا اليوم
بدر:انا مو حاط فبالي ارد اليوم
خالد:ما عليه انت رد معنا واذا بترد هنيه مره ثانيه اجازتك مطوله تقدر ترد
بدر سكت وكان محتار ما يدري شيدور براسهم خايف انه خالد بيفاجاه بملجته اذا ردو وهو اساسا ما راح الا عشان ينسى الموضوع
فهد:يالله ما فيه وقت قومو تزهبو عشان يمدينا نلحق
بدر قام وهو مو مقتنع بس فيه فضول هو اللي خلاه يقتنع انه برد معاهم
-------------------------------------------
بمطار الكويت وصلو بالسلامه بدر وخالد وفهد وكان الوقت متاخر وراحو سيده لبيوتهم بتكسي خالد وبدر دخلو البيت وعبالهم ان اهلم نايمين لكن تفاجاو لمن لقوهم قاعدين سلمو عليهم والكل انصدم من شكل بدر اللي تغير ووجهه اسود
ام بدر:بدر يما شفي وجهك متغير وشكلك تعبان؟
بدر:ما فيني الا العافيه يما بس تعرفين هناك اكلهم مو مثل اكلنا هنيه
ساره:هههههههههههه اهم شي والله شكلك مو ماكل صارلك اسبوع
بدر:ههههههههه
خالد كان يطالع بدر وكاسر خاطره يعني سوا بنفسه كل هذا ولا تكلم ولا بين لهم شي يعني رضا التعب لنفسه ولا رضاه لي خالد كان مخطط ع شي بس بياجله لباجر
ابو بدر:الا صج يا خالد نتيجة الفحص متى تطلع
خالد:باجر باجر
بدر حس بالضيقه لمن سمع هالطاري وقام واستاذن وطلع داره بيريح
---------------------

نــــــهاية البارت

وان شاء الله مراح اطول عليكم بالبارت الجاي
بس ع فكره النهايه قربت
بس مراح اقولكم اي جزء الاخير عشان ما تعرفون النهايه بسرعه
بفاجأكم :ggdw:​

 

[Maniples]

مشكووورة حيااااتي و ما تقصرين و لا تطولييين علينا ترا ناطرينج على احر من الجمر

 

[just smail]

يعطيج العاآاآفيهـ على البارت
ومتى البارت الجاي؟؟؟؟!!!؟؟؟؟؟

 

[حبكـ ملكني]

يعطـيييييج العااافييييه بس والله كان ودي اعرف شنو بيسوي خالد او شنو بيصيير ؟
ننطررررج حبيبتي بس لا تطوليييييين علينااا وقولي لنا متـــى البــــااااااارت الجااااي
نااااطريييينــــــــج علــى احـــــــــــررر مــــــــــــــــن الجـــمـــــررررر............[

 

[3thab 2lroo7]

تسلم الايادي قلبوشه 

اتوقع دلال وبدر راح ياخذون بعض

منال مليقه ساره شكو تخرب عليها حرام

بانتضارج حبوبه

 

[حبكـ ملكني]

ويــــــــــــنــــــــــــج حــبــووووبـــه

 

[3thab 2lroo7]

يالله يا قلبي ننتضرج

 

[qmr_14]

witing

>>متآبعه جديده :$

 

[لفتة فرس]

Maniples -> يا هلا حياج الله

just smail -> الله يعافيج قلبوو

حبكـ ملكني -> الله يعافي جان شاء الله بتعرفين بالبارت الجاي

3thab 2lroo7 -> هلا وغلا لو مو لاقيه منج رد كنت بتازم J فديتج تسعدني متابعتج وتوقعاتج حلوه وبالنسبه لمنال للاسف هالموقف (الانتقام) كثر هالايام

qmr_14 -> مرحبا الساع نورت الروايه عاد ابي رايج فيها J

مشكورين كلكم ع الردود بس فقدت شخصيه وفقدت ردودها عسى المانع خير وهي (يا حبني لك) ان شاء الله اشوفها قبل نهاية الروايه

وعشان الطلبات اللي جتني من خارج المنتدى اني انزل البارت باسرع وقت بنزله اليوم لعيونكم

وقربت النهايه بس اتمنى منكم كلكم فديتكم اذا خلصت الروايه تعطوني رايكم وذوقكم وانتقاداتكم عشان اتعلم منها واعرف اذواقكم

 

[لفتة فرس]

((((((( الجزء الثاني عشر))))))
بالمستشفى خالد اخذ النتيجه وطلع ولمن ركب السياره شق الورقه مالت الفحص وقطها بالزباله واتجه للبيت وهو بالطريق اتصل ع فهد وسلم عليه
خالد:فهد حبيت ابلغك اني اخذت اليوم نتيجة الفحص مال الزواج والنتيجه ان ما نصلح لبعض
فهد(فهم لخالد وعرف ان هذا اللي كان ناوي عليه خالد):صحيح يالله خيره بس شناوي تسوي الحين
خالد:بتجيك الاخبار ان شاء الله
فهد:كفو والله ما توقعتك بهالشطاره ما شاء الله عليك
خالد:هههههههههه استر ع ما واجهت
فهد:ارقد وأمن لا تحاتي
خالد:كفو والله
---------------
وصل خالد البيت وما حصل احد وصعد داره وحط راسه وريح شوي
------------------------
ساره:ابشرج خطيبج وصل بالسلامه اليوم الفجر
دلال:الحمدلله ع سلامتهم
ساره:بس بدر انصمت لمن شفته
دلال:ليش
ساره:ضعفان ووجه صاير اسود مادري شفيه ولا لمن سالناه يقول من اكلهم هناك ولله مت ضحك عليه
دلال:الله يكون بالعون
-----------------------------
خالد قعد من النوم ونزل تريق وسال عن بدر وقالوله انه للحين نايم تمنى ان محد يساله عن الفحص لان مخطط ع شي المهم قام بسرعه عشان محد يكلمه وراح لداره وقعد ع اللاب توب ينطر بدر يقوم وعقب ساعه قعد بدر من النوم ودخل اخذله دش وطلع وشعره مبلول ولقى خالد قاعد بداره دخل عنده وقعد ع سريره
بدر:شعندك؟
خالد:ماكو سامي رفيجي يبيله سياره وقايلي ادور وقاعد ادورله
بدر:اهااا
خالد نزل اللابتوب من حضنه :بدر ابيك بموضوع وانا من اليوم انطرك تقعد عشان اقولك
بدر:خير
خالد:اليوم اخذت نتيجة الفحص مال الزواج
بدر اول مره ما يتظايق من يجيه هالطاري بالعكس كان متشفق:ايه وبشر
خالد:النتيجه ان ما نصلح لبعض والحمدلله ان شاء الله انها خيره تدري انا ماكنت مقتنع سبحان الله
بدر مذهول ولا بين ع ملامحه شي:يعني شنو؟
خالد:يعني مراح اتزوجها
بدر:......................
خالد:بس بدر انا بشور عليك شور
بدر للحين مذهول :شنو
خالد:البنت طلع بين الناس خبر انها بتاخذ ولد عمها ومو عدله اذا ما خذيتها بيقولون ولد عمها عافها ومحد بياخذها وبعدين حتى جدام عمي بيقول خطبها وبعدين تعذر بالفحص عاد شرايك البنت ما اتعوض شرايك تخطبها وتاخذها انت
بدر علامات الصدمه كلها ع وجهه وده احد يعطيه طراق عشان يعرف اذا كان هو بحلم والا بعلم مو مصدق:........
خالد:ها شقلت انا للحين ما قلت لاحد وانت اول واحد اقوله الخبر شرايك نروح كلنا ونبلغ ابوي عشان ما يتظايقون بالخبر لمن يعرفون وما يمديهم ينصدمون بنتيجة الفحص الا ويستانسون بخبر انك تبيها
بدر:لا مو موافق
خالد(انصدم ولا توقع ردة فعله هذي):ليش؟
بدر:نتيجة الفحص لو ما كانت سلبيه جان كانت هي الحين زوجتك يعني انت تبيها واللي ردك عنها نتيجة الفحص بس وانا مستحيل اخذها
خالد:ومن قالك اني كنت ابيها هي الله يستر عليها الف من يتمناها بس انا ما كنت مقتنع واصلا من زمان كنت ناوي اقولك اني مو مقتنع فيها بس انت سافرت ومالله كتب والحين الحمدلله الله فرجها علي بس انا اقول انت مراح تلاقي احسن منها توكل ع الله وخلنا ننزل نبلغ الوالد لان انا اخاف يتظايق لمن اقوله خبر الفحص وابيه يستانس لمن تقوله انك تبيها
بدر :اسمحلي خالد انا مو موافق واذا انت تبيها اخذها وما عليك من الفحص واذا ما تبيها ورهم الفحص وخلهم يشوفونه بعيونهم
قام بدر وهو معصب وراح لداره وخالد ما توقع ان بدر بتكو هذي ردت فعله ابدا وهو يعرف بدر عنيد ماهو عارف شبيسوي الحين
بدر قعد بغرفته شوي تذكر لمن كان ببريطانيا شكان يسوي خنقته العبره وندم ع كل شي سواه الشيطان لعب براسه وخلاه يعصي ربه وهو عمره ما سوا جذي تضايق بدر من كل قلبه وده ان ربه يسامحه نزلت دموعه وقام مسك القران وقعد يقرا ويطلنب من ربه انه يغفرله شي سواه وما يدري شلون سواه حس نفسه صغير تفشل من عبدالعزيز وصالح وشلون بيواجهم بعدين حس ان يمكن هذا عقاب من ربه ع اللي سواه مع منال مع ان هي فعلا ما تصلح زوجه وبغض النظر عن دلال منال ما كانت اطباعها زينه لكن الحين كل اللي يقدر يسويه انه يلجا لربه ويحاول ينسى كل شي
اما فهد وخالد طبعا من ردو الكويت نسو كل اللي صار لبدر ببريطانيا او تناسوه بالاحرى والرجل معروف انه فعلا يكتم السر فنسو الموضوع ولا وضحو لاحد اللي صار لبدر كل حتى جدام بدر ما جابو طاري نهائيا
-------------------------------------------

يتبع >>

 

[لفتة فرس]

بالصاله الكل موجود بعد الغدا
ابو بدر:خالد بشر اليوم رحت المستشفى؟
خالد طالع بدر وكانو اثنينهم متوهقين
خالد:لا يبا ما رحت راحت علي نومه بروح باجر ان شاء الله
ابوه:بس باجر الجمعه مسكر المختبر
خالد:خلاص اروح الاحد ان شاء الله
ابوه:لا حول ولا قوة الا بالله شفيك صاير بادر ما تخلص شغلك
خالد:يبا تعبان من السفره بروح ان شاء الله الاحد لا تحاتي
-----------------------------
خالد بعد الغدا طلع ودق ع فهد
خالد:فهد قلت لبدر الخبر
فهد:وشصار
خالد:اول شي قلتله ان النتيجه عكسيه وبعدين شرت عليه انه ياخذها ورفض
فهد:رفض شلون يرفض غريبه
خالد:أي والله يا فهد رفض يقول لو ما كانت النتيجه عكسيه جان هي الحين من نصيبك
فهد:يعني هو عباله انك تبيها مثله
خالد:أي الظاهر جذي
فهد:يااااي يا بدر عنيد حتى على حساب نفسه
خالد:والله مادري شسوي يا فهد انا سالني ابوي اليوم وقلتله اني ما خذيت الفحص ولا رحت الطبيب وع اني بروح الاحد وشكله بيجي الاحد وبدر ع رايه
فهد:ما عليك منه بدر خله علي لك مني ما يجي الاحد الا مقتنع
خالد:أي والله تكفى كلمه
فهد:خلاص ابشر
---------------------------------
حنان:تصدقين احس ان المره اللي قالتلنا سالفة خطبه خالد ودلال جذابه
شيخه:ليش
حنان:يعني لو كان صج في خطبه جان انتشرت بالعايله بس ما طلع خبر ولا شي مو معقوله
شيخه:صح كلش ما سمعنا شي
حنان:يا خبر اليوم بفلوس باجر ابلاش
دق تلفون حنان وشافت الرقم وتاففت
شيخه :شفيج
حنان : (قالت لشيخه كل السالفه)
شيخه: وانتي شنو ناطره روحي كلمي ابوي خل يوقفه عند حده صج جليل حيل
حنان:شرايج اكلم ابوي والا عبدالله بصراحه انا خايفه
شيخه:لا عبدالله لا ابوي متفهم ورجال كبير وفاهم هالامور وراح يتصرف بحكمه اما عبدالله بيعصب والغيره بتعمي عيونه واخاف يروح يتهاوش معاه وتصير مشكله
حنان:صح كلامج اجل بروح اكلم ابوي
بالغرفه
حنان:يبا بكلمك بموضوع>>كانت مرتبكه حدها والربكه واضحه من صوتها وامها كانت موجوده وخافت
ابوها:خير
حنان: (قالت لابوها كل السالفه ان واحد يتحرش فيها)
ابوها: وليش ما قلتيلي من زمان
حنان:يبا توقعته بيمل ويسكت من كيفه لكن هو قام يتمادى معاي
ابوها اخذ تلفونه: عطيني رقمه والحين اتفاهم معاه
نقلته حنان الرقم واول ما ضغط سند تفاجاه لمن طلعله اسم متعب
ابوها:متعب؟؟؟؟
حنان تخرعت لمن شافت ابوها عرف اسمه شلووووون
ابوها سكره بسرعه :انتي متاكده من الرقم
حنان:اي يبا
ابوها:عطيني اياه مره ثانيه
عطته ودق وطلع متعب انقهر من كل قلبه اخرتها واحد من العايله يتحرش بعرضه وعصب والدم فار بجسمه
متعب:الو
ابو عبدالله: متعب
متعب:هلا يالله حي ابو عبدالله
ابو عبدالله :الله لا يحيك يالهيس
متعب:افا علامك
ابو متعب :اخرتها يالكلب تحرش بوحده من بناتي انت يا متعب
متعب سكت والصدمه ماليه وجه والمشكله هو يكلم كذا وحده منهي فيهم بنته وهو ما يدري
ابو متعب:اخس عليك والله ما هقيتها منك يالجلب عز الله ان رياجيلك اللي قبلك ما طلعت منهم العيبه وانت الظاهر محد رباك
متعب:قول لا اله الا الله يابو عبدالله
ابو عبدالله:الف من ذكره لكن الحشميه مهي بلك لابوك وعمانك والا جان تصرفت معاك تصرف ثاني
متعب:يابو عبدالله انتي شكلك فاهم الموضوع غلط
ابو عبدالله:وبعد شتبي تقول اكثر من اللي سويته
متعب:عطني مجال وانا اوضح لك الموضوع
ابو عبدالله :مابيك تفهمني وانت لو انك رجال ما سويت اللي سويته
متعب من الوهقه تحمل الزف الجارح والاسلوب اللي محد يصبر عليه بس اللي سواه اكيد بيخلي ابو عبدالله يقول اكثر ويحقله
ابو عبدالله :ان تعرضت مره ثانيه لوحد من محارمي والله يا متعب ليكون دفنك ع ايدي سمعت
سكر ابو عبدالله التلفون واعصابه شبه تالفه من الصدمه واللي محيره ما يدري اذا كان متعب صج متعمد يتحرش في بنته والا صدفه اما حنان كانت واقفه ومصدومه من اللي سمعته ومو مصدقه نزلت دموعها بدون ما تحس وطلعت تركض لغرفتها وطلعت شهقاتها هناك ولحقتها شيخه وشوي والا يدخل ابوها وامها
ابوها:ما عليج منه حنونه حبيبتي انا لي تصرف ثاني مع ابوه والله لخليه يتحسف ع اللي سواه
شيخه:يبا هو شقصده من هالحركه يعني يختبرنا والا شنو
ابوها:والله الله اعلم كل شي بيبين مع الايام
امها:حنونه خلاص انتي ليش تبجين الحين مهددج في شي الكلب
حنان من بين شهقاتها وبصوت مخنوق:لا كل اللي صار انه يدق علي ويدز مسجات يبيني اكلمه وانا ما عطيته وجه وهو يطلع زوج ابلتي شهد وما توقعت ان ابوي يعرفه
امها:اي صح زوجته مدرسه عندكم
ابوه:خلاص يبا انتي ارتاحي ولو دق والا دز شي قوليلي بس
حنان:ان شاء الله
------------------
طبعا جد متعب وابو ابو عبدالله يصيرون عيال عم يعني من نفس العايله ومو مختلطين فيهم حيل بس اكيد يعرفونهم وبالمناسبات كله مع بعض
----------------------------------------------

يتبع >>

 

[لفتة فرس]

فهد يكلم بدر بالتلفون
فهد:هلا والله وينك من رجعنا من بريطانيا ما عاد شفناك
بدر:موجود والله
فهد:اجل تعالي الدوانيه اليوم انا قاعد والربع بيجون
بدر:خلاص باذن الله
-----------------------------
بالدوانيه
بدر:وين الربع محد جاك للحين
فهد:تلقاهم الحين ع وصول ولا تنسى اليوم الجمعه اكيد طالعين مع اهلهم
بدر:وانت وراك ما تطلع اهلك
فهد:ههههههه وديتهم لخوالهم وقلت اطلعو معاهم
بدر:هههههههههه الله يعين مرتك وعيالك عليك
فهد:المهم ما علينا الا متى ملكة خالد اخوك>>يدري ان بدر بيقوله وما يخش عليه شي
بدر:أي ملكه الظاهر ما فيه ملكه
فهد:ليش؟
بدر:الفحص
فهد:اهااا يا سبحان الله وعلى نياتكم ترزقون
بدر:شتقصد
فهد:ما يبلها كلام طق الصدر وقول انا باخذها
بدر:هههه ضحكتني والله تبيني اخذ وحده اخوي يبيها
فهد:وشفيها احسن من ياخذها الغريب وبعدين انت تبيها من زمان معقوله بتخليها ياخذها الغريب ولا انت ولا اخوك تاخذونها
بدر:فهد يرحم امك سكر الموضوع انا خلاص اصلا يكون بعلمك خالد كلمني وقالي اخذها بس رفضت
فهد:ياخي انت مجنون والا بعقلك معقوله انت بدر والا انا اتحلم انت نسيت كلامك لي نسيت انك تحبها وطلقت مرتك عشانها
بدر:لا حول ولا قوه الا بالله كان
فهد:شنو اللي كان حط عقلك براسك خلاص اخوك مراح ياخذها يعني يا انت تاخذها يا ياخذها الغريب وبراحتك عاد
وبهاللحظه دخل رفيجهم وسكرو الموضوع
------------------------------------
دلال تكلم امل صديقتها بالتلفون
امل:صج الفحص ما طلع للحين؟
دلال:المفروض يطلع امس بس الظاهر ما طلعوه للحين اسكتي لا تذكريني وربي خايفه
امل:شنوا توقعين
دلال:عادي اتوقع سليم خلاص تاقلمت ع حياتي الجديده
امل:زين يعني حطيتي عقلج براسج
دلال:غصبن عني يا اموله والله اجذب علي جان قلتلج نسيته والا ما عدت احبه تصدقين عاد ان حبيته زياده وفقدته واحس بفراغ بيومي وانا ما اكلمه
امل:دلال استحي ع وجهج لحد يسمعج وتطيح السما علينا يا بنت اعقلي خلاص
دلال:امول تصدقين قاعده افكر شلون بشوف بدر وبتعامل معاه عقب العرس
امل:عادي خليج طبيعيه
دلال:هههههههههههه يا حلو الكلام بس
امل:شفي صوتج شكلج تعبانه
دلال:أي والله مادري شفيني تعبانه حيل وجبدي لايعه مو قادري اكل شي واصلا من الصبح ما كليت شي وحاسه بدوخه
امل:اكيد من التفكير
دلال:اتوقع جذي والله يا امول من يوم الخطبه وانا هذي حالتي لا ليلي ليل ولا نهاري نهار بس افكر
امل:تعوذي من الشيطان واحمدي ربج ع كل حال هذي فتره طبيعيه تمر فيها كل بنت
دلال:الحمدلله يالله تبين شي بنام
امل:سلامة قلبج ونوم العوافي
دلال:الله يعافيج
------------------------------------
بدر وربعه بالدوانيه يلعبون هند
سالم:يالربع انا الظاهر اني تسممت من اكل المطعم اللي قبل شوي
فهد:وانا بعد بطني ذبحني واحس اني برجع
نادر:وانا بعد حاس باللي تحسون فيه
بدر:الحمدلله اني ما كليت معكم
فهد:رحمك ربك
بدر:تبون الطبيب
فهد:لا ماله داعي
سالم:والله انا شكلي بروح ماني قدر حاس بدوخه
نادر:انا احس اني زدت والا مساع ما فيني شي
بدر:قومو قومو خل اوديكم انتو وجيهكم تصفقت يالله بطلع اشغل السياره واقربها من الباب
طلع بدر وشغل السياره وركبو معاه ثلاثتهم وكل واحد انسدح ع الكشن
سالم:بدر وقف وقف بسرعه برجع
وقف بدر ورجع سالم
بدر:لا حول ولا قوة الا بالله لا بارك الله في هالمطعم سوا فيكم كل هذا
وما كمل كلامه الا نادر يبطل الباب اللي ورا ويرجع الموهم كمل طريقه بدر للمستشفى واول ما وصل عند الباب طق هرن وفتح الدريشه
بدر:باي جيب ثلاثه كرسي
الفراش مستغرب:ثلاثه بابا؟
بدر:أي
بدر:هههههههه الهندي مستغرب ثلاثه مرة وحده
فهد:بدر مو وقتك اتطنز
بدر:هههههههه اسف عمي بس كنت بضحكم شوي
نادر:ابك ما حنا بيم الضحك
نزلو ع الكراسي المتحركه وبدر راح يصفط السياره ونزل ولمن دخل شافهم للحين واقفين عند الباب
بدر:انتو للحين ما قصيتو كرت
سالم:بدر تكفى ما نقدر اخذ بطاقاتنا وسجلنا
بدر:ههههه الله يقطعكم صرت ابوكم اخر زمن
اخذ بدر بطاقاتهم وسجلهم وراحو ينطرون دور وبدر يطالعهم ويضحك ويسولف معاهم يبي يونسهم شوي وجا دورهم ودخلو والدكتور كان دمه خفيف
الدكتور:اله انا ضغطت رقم واحد مش تلاته
بدر:هههههه يا دكتور كلهم معاي
الدكتور:يانهار اسود خير مالك يافهد انتا ونادر وسالم
بدر:دكتور الظاهر متسممين لان مساع ماكلين من مطعم والحمدلله اني ما كليت معهم
الدكتور:هههه وأتك تهزر انتا كمان سستر ايسي حرارتهم
وكلهم طلعت حرارتهم مرتفعه
الدكتور:يانهار اسود ايه المطعم ده انتو معاكم تسمم اوي ,معاكم ترجيع؟
كلهم:أي
الدكتور:خلاص انا بسجل لكم ابره للتسمم وبسجل لكم درب كمان لازم تفضلو تحت الملاحظه ساعتين
بدر:الله يعطيك العافيه دكتور
سالم:دكتور ما في حل غير الابره؟
بدر:ههههههههههه دكتور تراه خايف
الدكتور:والله انتا عيل صغير بتخاف روح بس لو مش عايز الابره حتفضل اسبوع ع حالتك دي
سالم:لا لا الابره اجل
بدر:ههههههههههههه
طلع بدر ووداهم وحطولهم دربات ودخلوهم الملاحظه وكانت سرايرهم ثلاثه يم بعض فتح بدر الستاير بينهم وقعد عندهم اول شي كلهم تعبانبن من الابره ومحد مصحصح قعد بدر يسولف عليهم شوي ويتحرش بعدين سكت عنهم وخلاهم ينامون
وقعد عندهم يطقطق بتلفونه
-----------------------------------

يتبع >>