(ظلمني الزمان اللي جبرني على فرقاااك) >>عشق بدوي

[حبكـ ملكني]

يعطيييج العااافيه ..لاهنـتــي حبووبه
بـــس بلـــيززز كمليهاامتشوقه اعرف شنو بيصير بدلال؟ وبدر؟

 

[3thab 2lroo7]

حدي متولها عالبارت حبيبتي لا طولين بلييييييييز

 

[لفتة فرس]

اتوقع دلال بتوافق على خالد لان بدر طلب منها جذي
ومتى الباارت الجااي؟؟؟

اولا يشرفني ويسعدني ان اول مشاركه لج بروايتي
وثانيا نورتي الروايه بردج حبيبتي
اذا مو اليوم باجر باذن الله

 

[لفتة فرس]

لا مو صج والله حدي مقهوره توقعت بلقى بارت قلبي نزلي والله ضاق خلقي

وتسلم احلا انامل

والله يا لفتة فرس انج احلى من العسل وروايتج هم نفسج عسل ترا ابي منج وعد اذا خلصتيها تنزلين غيرها

حبيبتي والله احرجتيني بكلامج العسل
ومتابعتج تشرفني وردودج تنور الروايه
عشانكم بنزل البارت اليوم باذن الله ولو اني سريعه :eh_s(15):

وبالنسبه للروايه الثانيه انا عندي اكثر من روايه لكن
هذي اول روايه قررت اني انشرها ولج مني اذا خلصت هذي وشفت
تشجيع انزل روايه ثانيه
وعندي مشروع افكر فيه اني اكتب روايتي انا شخصيا :eh_s(8): >> شرايكم :eh_s(10):

 

[لفتة فرس]

يعطيييج العااافيه ..لاهنـتــي حبووبه
بـــس بلـــيززز كمليهاامتشوقه اعرف شنو بيصير بدلال؟ وبدر؟

هلا يالغاليه الله يعافيج .. وتسلمين
ان شاء الله بكملها خلج متابعه

 

[لفتة فرس]

بنات حبايبي بما ان القصه شرفت ع الانتهاء
وكثير اللي قامو يتابعوني ولكل وحده ظروفها
فانا مضطره اتاخر معاكم بالاجزاء عشان جذي
صرت بطيئه :krkrkr:
فاسمحولي وان شاء الله بعد شوي بالليل
بنزل البارت العاشر وبعدين كل 3 او 4 ايام انزل بارت
بس بعد لين اشوف توقعاتكم وردودكم الحلوه واللي
دايما تعطيني دافع
فديتكم ودمتم بود :eh_s(7):​

 

[Maniples]

اخذي راحتج حبيبتي احنا كم لفته فرس عندنا !!!!

 

[لفتة فرس]

اخذي راحتج حبيبتي احنا كم لفته فرس عندنا !!!!

وحده :eh_s(7):
هههههههه تسلمين ع المرور الحلوو

 

[لفتة فرس]

(((((((الجزء العــــــــــاشر))))))

دلال راحت لامها بالصاله
دلال:السلام
امها:وعليكم السلام
دلال:يما انا اتخذت قراري
امها :شنو ..؟؟؟
دلال :انا موافقه ع خالد
امها:صج الف مبروك هذا الخبر المبارك بس اكيد انج مقتنعه
دلال:أي يما انا فكرت عدل وهذا قراري
قامت دلال بعد ما خنقتها العبره وصعدت دارها تبجي ولحقتها امها ودخلت عليها
امها:دلال شفيج يما اذا منتي موافقه مو لازم ماكو شي بالغصب
دلال:بلا يما موافقه بس انا مو متخيله اني بتزوج
امها:هههههه تو الناس انتي مراح اتزوجين باجر الحين بس ملجه وبعدين يصير خير
دلال:.....
امها:يعني خلاص اقول لابوج يرد ع عمج
دلال هزت راسها بالموافقه وعيونها مليانه دموع طلعت امها وخلتها بروحها زاد بجيها وتعبت خلاص مدام الدنيا ما مشت ع كيفها خلتها تمشي مثل ما تبي
-------------
بدر وصل عند ربعه وقعد معاهم سوالف وضحك ونسى شوي الموضوع وقام بيروح ينام لانه تعبان من الطياره وقبل ما ينام تذكر انه دز لدلال مسج قبل يركب الطياره اكيد انها ردتله فتح تلفونه ولقى منها مسج
(لحظه قبل لا تطلب البعد وتغيب .. وتنهي معايه مرحله من حيآتك .

اخذ الهدايا والصور والمكآتيب ..دامي خسرتك مابي ذكريآتك

يمكن يكون فرآقنآ راي مصيب .. خيره.كتبهآ الله جتني وجآتك

مع اني آدري انت مآعنك تجنيب ..كنك موصيني وقاضب وصآتك

راح واترك بقلبي لك اربع معآزيب ..معزتك .طآريك.حبك.غلاتك

وان شفتني اجمع شتآتي ..ماهو عيب ...باكر مع الايام تجمع شتآتك

الله معك . رح وين ماودك تغيب .. هذي حياتك .وانت حر بحيآتك))
كان وده تكتبله أي كلام أي شي بس ما لقى غير القصيده اللي مقصوده بيت بيت
قام وولعله زقاره وطبعا تضايق تمنى انه ما قالها وافقي كان وده يرد ويقولهم انه يحبها ويبيها بس ما يقدر وكل الي يقدره انه يدخن ويطلع الحره اللي بداخله
--------------------
دلال ما نامت الليل من البجي خافت انها تسرعت بس بدر هو اللي طلب منها هالشي وما تدري ليش طلبه المهم انها مدام مراح تقدر تتزوجه بتنفذ اللي يطلبه منها بس عشان خاطره
---------------
ابو بدر:خالد اليوم دق علي عمك
خالد:اي وشقال
ابو بدر:ابشرك موافقين
خالد:الله يبشرك بالخير اجل بقول ابشر بدر
---------------
بدر:هلا خالد
خالد:هلا بدر شلونك وشلون ربعك وشلون الجو
بدر:الحمدلله كلنا بخير والجو حلو بس شوي بارد
خالد:احسنلك من الرطوبه عندنا
بدر:هههههههههههه
خالد:ابشرك
بدر(حس قلبه):خير
خالد:عمي دق اليوم ويقول ان دلال وافقت
بدر(تنهد وغمض عيونه):مبروك الف مبروك تستاهل
خالد:الله يبارك فيك يالله اخليك انا قلت ببشرك
بدر:الله يبشرك بالخير سلم ع اهلي
خالد:يوصل
----------------
بدربقلبه(اه يادلال حتى ع حساب نفسج ما رفضتي طلبي امس قلتلج وافقي واليوم وافقتي عسى الله يوفقج)
طلع بدر وهو مهموم وشايل هموم الدنيا ع راسه وده بشي ينسيه اللي هو فيه وقعد مع ربعه بالصاله
صالح:خير بدر فيك شي؟
بدر:ابد سلامتك
عمر:تبي تنسى الهموم امش معي وانا انسيك
صالح:انت اطلع منها يسلم الرجال
عمر:بدرما عليك منه امش معي طيعني
عبدالعزيز:عمر شفيك بدر ما يحب خرابيطك وهو جاي علشانا وبيطلع معنا بتجي حياك الله ما تبي الله معك
عمر:بدر وشرايك؟
بدر:بطلع معكم كلكم
عمر:ع راحتك
قام عمر وطلع ولحقه بدر
بدر:عمر وين رايح؟
عمر:بروح المكان اللي ينسيني هموم الدنيا
بدر:وفيه شي ينسي الهموم؟
عمر:ايه اسال مجرب ولا تسال طبيب
بدر:ع ايدك يارجل
راح بدر مع عمر وهو ما يدري وينه رايح جنه جاهل هو يدري ان عمر عنده خرابيط بس الحين ما همه الخرابيط بس يبي ينسا
---------
عبدالعزيز:بدر وين راح ليكون مع عمر
صالح:اتوقع انه لحقه
عبدالعزيز:هههههه الحين تلقاه عقب ساعه يرد ويلعن بعمر
صالح:اي بدر عارف عمر وسوالفه وخرابيطه تلقاه راح بيتاكد اذا للحين يخربط والا لا وبيرد
عبدالعزيز:اجل قوم خنطلع
صالح:يالله
----------------------------

يتبع >>

 

[لفتة فرس]

بالمستشفى خالد وعمه ابو تركي ودلال رايحيين للفحص خالد كان واصل قبلهم وينطرهم ع نار وكان حده كاشخ وصل عمه ودلال قام وسلم ع عمه اما دلال من الحيا وقفت بعيد لف خالد وعطاها نظره مع ابتسامه كانت منزله راسها رفعته وطاحت عينها بعين خالد ولفت بنفسيه خالد عباله انها مستحيه اما هي داخلها نار تشتعل جنها تشوف بليس جدامها كرهته من قلب لانه هو اللي فرق بينها هي وبدر والحين مستحيل تقدر تاخذه خالد كان طول الوقت مستانس وفرحان عكس دلال اللي متنرفزه حدها خلصو الفحص وقلولهم انه يطلع بعد عشر ايام وردو بيتهم
--------------------
خالد:السلام عليكم
الكل:وعليكم السلام
ابوه:ها خلصتو
خالد:اي وقالنا النتيجه تطلع بعد عشر ايام يالله انا شينطرني الله يعين
ابوه:خير ان شاء الله الله يكتب الخيره ونتيجة التحليل شنو ما كانت تاكد انها بتكون خير من ربك والله سبحانه هو العالم بكل شي
امه:صحيح ونعم بالله
خالد:الله يعين يالله انا بروح اريح شوي
----------------------------
حنان وشيخه بالجمعيه يتمشون ويشترونلهم ككاويات وشغلات لزوم السهرهj
حنان:شيوخ صج سمعت خبر وماني متاكده منه
شيخه:خير
حنان:سمعت ان خالد ولد عمي خاطب دلال
شيخه(وقف الماي بجسمها):شنو متى هالكلام
حنان:مادري مو متاكد اللي قالتلي الخبر نهى رفيجتي هي مو خالتها عند بيت عمي مبارك تقول سمعنا
شيخه:الله يهنيه وياها والحمدلله
حنان:كفو والله والله ما توقعت ردة فعلج جذي
شيخه:مهما كان الله ما ينسى عبده وانا ثقتي بربي كبيره والله يرزقني باللي احسن منه
حنان:امين انزين ما تدرين اذا عبدالله يبي ساره والا لا اهو مو قبل قال ابيها
شيخه:بلا قال بس ابوي قال اذا فضيت بكلم عمك
حنان:اهاااااا
وفجاه وهم ببمر الككاو لفت حنان ع شيخه
حنان:شيوخ تبين هالك.... وفجاه انصدم لمن شافت واحد غريب يطالعها ومبتسم ومصغر عيونه ورا شيخه وكان يطالعها ومعاه وحده هالشخص مو غريب ولمن انتبهت والا زوج ابله شهد واللي معاه ابله شهد وبهاللحظه لفت شيخه تطالع وبنفس الوقت شافتها ابله شهد وابتسمت لها راحت حنان تسلم عليها ومتعب ما طاحت عيونه من حنان كان واقف ورا شهد ويطالع
شهد:اهلين حنونه
حنان:هلا فيج اشهالصدفه الحلوه
شهد:اي والله حلوه الصدفه شفتي شلون شلونج وشلونا لعطله معاج
حنان(كانت مستحيه ووجها قلب احمر وخصوصا نظرات زوجها لها اربكتها):تمام الحمدلله ماشي حالنا
شهد:يالله شدي حيلج الدوامات قربت
حنان:لا تكفين ابله لا تذكريني وتضيقين خلقي
شهد:ههههههههه
حنان:يالله اخليج مابي اطول عليج
شهد:حبيبتي الله وياج
راحت حنان وقلبها طبول من الربكه اما متعب تذكرها لمن شافها وتذكر انه مان ناسي موضوعها وحب يكمل خطته اليوم
-------------------
دلال قاعده بدارها وتفكر باللي سوته هي مو قد اللي سوته شلون بتحمل تعيش مع واحد هي تحب اخوه يعني معقوله قامت وتوضت وصلت ركعتين وقعدت تدعي ربها انه يعينها ويصبرها وعقبه فتحت تلفونها لقت شعر هي مسيفته قبل عندها بس جذي وقعدت تقراه وقلبها تقطع تذكرت بدر

لاغـــــــاب صــــوتــــك طــــــــاري الــــشــــوق مــــاغــــاب

واشــــفـــــق عــــلـــــى هـــمـــســـك ، ولــــــــــذّة طـــــواريـــــك​

​

وحـــــكـــــي الـــــغـــــرام ، ومــســمـــعـــي مـــــنــــــك لاذاب

واحــــــلامــــــك الــــــورديــــــه ، وصـــــــــــــدق امــــانــــيـــــك​

​

وحَــــضــــن الــــنــــدى لــلـــزهـــر بــاســـبـــاب الــعـــتـــاب

ومــــــجـــــــادلـــــــك ، ومــــــعـــــــانـــــــدك أو تــــــحـــــــدّيـــــــك​

​

إنــــــــــي حـــيـــاتــــك .. والـــــرجــــــا بـــــــــــي مـــــاخــــــاب

وإنـــــــــي أحــــبـــــك مـــــــــوت .. واتــــبـــــع خـــطـــاويــــك​

​

واقــــــــول : أنــــــــا بــتــعــبــك فــــــــي درب الاحــــبـــــاب

دامـــــــــك ضــــيـــــاء الـــــــــدرب والــــحـــــب يـــضـــويــــك​

​

لانـــــــــــك حــــيــــاتــــي يـــاغـــنـــاتـــي وانــــــــــــا كــــــتــــــاب

وحـــــــــــروف اســــــمــــــك تــــســــكــــن اوراق مـــغـــلـــيـــك​

​

أحــيــان .. يــعــزف بـــــك غـــــلا .. يـقــفــل ابـــــواب

وأحــــيــــان .. يــــعــــزف بــــــــك إذا مـــــــــر طــــاريـــــك​

​

مـــــــــــن الـــــولــــــه مــايـــســـكـــب اكـــــــــــواب واكـــــــــــواب

حـــلـــو الـمـعــانــي مــــــع صــــــدى عـــــــزف هـــاويــــك​

​

واســقـــيـــك عــــــــذب الــشـــعـــر واســقـــيـــك مــــاطــــاب

مــــــــــــن الــــــكــــــلام الــــــلـــــــي تــــحــــبـــــه ويــــرضــــيـــــك​

​

ونــســهــر عـــلــــى بـــيــــض الــنــوايـــا ، والإعـــجــــاب

والـــــشـــــوق ، والـــــحـــــب الــحــقــيــقــي ، واغـــانــــيــــك​

​

لـــكـــن مـــتـــى تـــرجـــع .. مـــتـــى الـــدمـــع يــنــســـاب

ويــــنــــك تــــــــرى طــــــــول مــفـــارقـــك .. وش فــــيـــــك​

​

تـــــعــــــال .. أبــحــكــيــلـــك .. مــــعــــانــــاة الــــغــــيــــآب

تــعـــال .. أبـشـكـيـلـك .. عــنـــى .. شـــــي يـعـنـيــك​

​

قــلــب ٍ عــطــى كــــل الـبـشــر كـلــمــة .. اغـــــراب

وســــمّــــاك بــــــــس انــــــــت الــقـــريـــب .. وحـــوالـــيـــك​

​

طــــارت مــــن اعـمـاقــه .. أحـاسـيـسـه .. اســــراب

وصرت السما .. لاصدق أحاسيس .. تغنيك !​

​

لايـــطـــول غــيــابـــك .. تـــــــرى الـــشــــوق مـــاغــــاب

وبـبـقـى كـــذا .. مـشـتـآق .. لـيــن الـتـقـي فــيــك ..​

​

---------------------------------
ودها تدزه لبدر بس ما تقدر والحين صار كل شي مستحيل دقت ع صديقتها الروح بالروح امل واللي تعرف عنها كل شي وبعد السلام
امل:دلال انتي تبجين؟
دلال:شسوي يا امل ماني قادره انساه انا متحسفه اني وافقت ماني قد اللي سويته انا ودي اتراجع وارفض بس خايفه
امل:دلوله الله يهداج شهالكلام خلي ايمانج بالله قوي الله سبحانه هو اعلم بعبده وشنو اللي يسره وشنو اللي يضره احمدي ربج ع كل حال يمكن هذي خيره لج صدقيني وبعدين لا تقطعين الامل نهائيا انتي ما تدرين شنو خاشتلج الايام
دلال:خلاص مستحيل بدر صار شي مستحيل انا مو متخيله شلون اخوه من بد البشر يخطبني والحين حتى لو ما انكتبلنا نصيب اهو مستحيل يخطبني لانه مراح يخطب وحده كان خاطبها اخوه
امل :قلتلج خلي ايمانج بالله كبير وتفائلي بالخير وصدقيني هذي خيره من رب العالمين انتي ما تدرين عن المستقبل يمكن خالد احسلج من بدر بمليون مره
دلال:الحمدلله بس انا ماني قادره انسى بدر والله ما اقدر يادلال وتدرين شنو الي يعذبني كل يوم
امل:شنو
دلال:ان بدر لمن تركني ما كان عايفني يا امل ياليته كان عايفني عشان اقدر انساه
امل :دلال اصحي خلاص واحمدي ربج ع اللي انكتبلج
دلال:الله يعين
---------------------


يتبع >>

 

[لفتة فرس]

دلال سكرته من امل وكانت من زمان ودها تدز لبدر بس تتردد والحين اقتنعت ودزت

الصوره اللي ( بجوالي ) تعذبني

ياكثر ماجيت ابمسحها ! واخليها

ياللي جفيت وجفاك المر .. ذابحني

عقبك وجيه البشر .. ماني بدانيها

من يوم حبك .. غزى القلب وتملكني

قطعت كل العلاقات وطواريها

اقرى رسايلك ودموعي تسابقني

وارد ! واقرى الرسايل .. واحتفظ فيها

انت آخر انسان هاقي منه يصدمني

والظاهر ان هقوتي بانت مواريها

لو الوصايا ليا احتديت ! تنفعني

ياكثر ناس ٍ على ذودي بوصيها

ليت الفرح ( بنك ) لاجيته يسلفني

واقاصده ( راحتي ) وحقوقه اوفيها


تدري وش اللي يبكيني ويضحكني

انك محامي قضيتنا وقاضيها

يكفيني انك رحلت ومنت عايفني

هذا عزا النفس من كثرة بلاويها

اهديتك : دموع من طعنتك تحرقني

وانت اللي تستاهل الدنيا ومافيها

واهديتني جرح .. موجعني ؟ وعاجبني ؟

لن الهدايا على مقدار مهديها

صحيح ! ( حنا انتهينا ) .. بس صدقني !!

والله ان تبقى ( هوى روحي ) وغاليها

مفضوح ؟ راع الهيام .. ونظرته !! تغني

ملامحه واضحه ! , في وجهه راعيها

لكل داء ٍ دوا .. لو هو متعبني

الا محبتك ؟ .. أعيت من يداويها

ان قلت : علمني انسى ؟ لاتعلمني

دنياي لامن نسيتك ويش تاليها

فارقتني وضحكتك عيت تفارقني

والله يلعن ابو الفرقا وطاريها

مقدر !! أفكر بغيرك ؟ .. وانت عارفني

عشان حاجه ؟ بقلبي .. مقدر !! أخفيها

اخاف لاحبني غيرك ؟ ..و عاشرني

يشوف صورتك في عيني ويوحيها

نشدت عنك ؟ وسمعت اللي يفرحني

وارتاح صدري من هموم ٍ يحاتيها

تبي تعرف ! وش ؟ على الفرقا مصبرني

انك بخير .. وحياتك مهتني فيها

من يوم ماغبت ! والوحده تعذبني

اقرى ( رسايلك ) في حرقه والاحيها

اشوف ( صورتك ) .. ودموعي تسابقني

وياكثر ماجيت أبمسحها ؟ وأخليها
-----------------------
بدر كا توه قاعد من النوم وقاعد بالصاله بروحه قعد يفكر هو شسوى امس مو قادر يتذكر والصداع ذابحه وبعد ما تريق قعد بروحه ربعه كانو طالعين وما في احد بالشقه غيره مسك تلفونه وشاف مسج توه جاي فتحه وهو مو مصدق عيونه قعد يقرا الشعر وسكر تلفونه مايدري شيسوي بس اللي المفروض يصير الحين ان دلال تنساه وهو بعد ينساها هو ما يقدر يخون اخوه مهما صار وحتى لو كان يحبها الحين لازم يبتعد عنها طبعا هالشي غصب عنه والا هو وده انه كل يوم يكلمها ووده يقولها عن اللي بداخله مو متحمل الثقل اللي عليه والمشكله انه ما يقدر يقول لاحد الا فهد رفيجه وع طول دق عليه وبعد السلام
بدر:فهد دلال دازتلي مسج
فهد:شلون تجرات فهد اللي صار غلط هي بهالطريقه تخون اخوك يا بدر
بدر:فهد لا تصير انت جذي بعد هذا وانت عارف كل الموضوع البنت مو قصدها وانجبرت عليه شتسوي
فهد:بدر البنت توها صغيره ولو انت عطيتها مجال انها ترسلك صدقني بيصير شي ما تحمد عقباه والله لتخسر اخوك يا بدر اصحى ووقفها عند حدها
بدر:خير ان شاء الله
فهد:بدر اياني واياك ترسلها شي طوفها هالمره واذا ارسلتك مره ثانيه هزأها خلها اتسنع
بدر(بعصبيه):فهد انت عارف عن منوا تكلم لا تغلط وانا عارف شلونا تصرف والشرهه علي اللي داق افضفضلك
فهد:بدر هذا الصج و......
طووط طووط طوووط
فهد(لا حول ولا قوة الا بالله الله يعينك يابدر ويستر عليك انا مستحيل اسكت لين اشوف تصير مشكله بينك وبين اخوك وراك وراك)
-------------------
بدر(يكلم نفسه)بعد هذا اللي كان ناقصني يعلمني شلونا تصرف
وبهاللحظه دخلو عبدالعزيز وصالح جايين من برا وسلمو وقعدو
صالح:خير خير شفيك معصب
بدر:مافيني شي
عبدالعزيز:من السم اللي شاربه امس
بدر(استغرب):شتقصد؟
عبدالعزيز:انت مستوعب انك امس داخل علينا سكران احمد ربك ان اللي جدامك انا وصالح بس واللي الكلام اللي قلته امس لو يسمعه غيرنا رحت فيها
بدر:ليش شقلت>>تخرع لانه اكيد جايب طاري دلال واخوه
صالح:والله طحت من عيني انت اللي دايم تهزا عمر ع سوالفه تسكر انت شاللي غيرك شصارلك
بدر:مو شغلكم رجاءا انا مسئول عن تصرفاتي ومحد له شغل فيني
عبدالعزيز:لا يا حبيبي مو ع كيفك انت عمرك ما سويتها وانا ما ارضى ان عمر هالداج يخربك معاه اصحى يابدر انت جاينا توسع صدرك عندنا مو تخرب مع هالخمه
بدر:قلتلكم انا مسئول عن تصرفاتي وعمر ماله شغل والله لو تدخلتو بخصوصياتي مره ثانيه لا اتركلكم الشقه واسكن بروحي
صالح(قام وطلع):انت الكلام ضايع معاك مادري منو قالب مخك
عبدالعزيز:لا حول ولا قوة الا بالله>>قام ولحق صالح للغرفه
بدر قام يفكر هو شقال امس مو قادر يتذكر شي وده يعرف بس مو متنزل يسالهم
--------------------------
دلال صارلها يومين كله تطالع تلفونها تتمنى لو ان بدر يدزلها شي والا يدق عليها وثالث يوم بالليل وهي بروحها بغرفتها بتنام تفاجات لمن رن تلفونها وشافت الرقم رقم بدر مو مستوعبه خافت ما تدري شيبي وبدون تفكير ردت
دلال:الو>>سمعت صوت ازعاج وما تسمع شي غيره
بدر(بصراخ):دلال
دلال:بدر مو سامعتك وخر عن الازعاج
طبعا بدر كان سكران وما يدري شتقول بس لا شعوريا قام يتمشى بالشقه ووخر عن الدمار اللي حاصل بشقة عمر بالصاله تحديدا
بدر:دلال احبج والله احبج انا مو قادر استحمل فراقج دلال ارجعيلي يا دلال احبج انتي ما تفهمين ليش تخونيني ليش
دلال مو مستوعبه الكلام اللي يقوله بدر بالبدايه عبالها انه يبجي بس بعدين قام يقط كلام مو مفهوم ولاحظت صوته يمده والكلام عوي حست انه سكران بس ابدا مو متخيله ان بدر يسكر ونزلت دموعها وقعدت تسمع بصمت ودموعها تنزل وتشهق وبدر ما سكت ولا عطاها مجال اتكلم كان يتكلم طول المكالمه وقطع قلبها وفجاه سمعت صوت رجال وراه(بدر صج ما عندك سالفه هاد الجو اللي هناك وتكلم بتلفونك)طوووط طووط طووط
دلال طاحت ع الارض وزاد صوتها بالبجي وقامت تصارخ مو مستوعبه بدر يوصل لهالدرجه قام يسكر واللي عذبها زياده انه يقولها يحبها ومو متحمل فراقها
-----------------------------

يتبع >>

 

[لفتة فرس]

خالد صحى من النوم واتجه سيده لدوانية فهد رفيج بدر دخل الدوانيه لقى بس الصبي
خالد:وين بابا؟
الصبي:بابا فهد ممكن نوم
خالد:اوك انا بقعد هنيه لين يجي
الصبي:ممكن الحين يجي بابا
خالد:مو مشكله جيب قهوه
قعد خالد يطالع التفزيون نص ساعه وما عنده اي مشكله بينطر فهد لين يجيه يبي يرتاح
فهد دخل الدوانيه وما كان يدري ان فيها احد وتفاجا لمن شاف خالد ارتبك وبان عليه
فهد:هلا بابو مبارك هذي الساعة المباركه يالله حيه
خالد:الله يحيك ويبجيك اخبارك
فهد:ابد والله بخير انت بشرني عنك
خالد:الحمدلله بخير جعلك بخير
خالد ما حب يدخل بالموضوع سيده وقعد يسولف وخلى الوضع عادي لين فهد خف ارتباكه شوي
خالد:والله يافهد انا جايك بموضوع وعساك تفيدني فيه
فهد(عرف ان خالد بيكلمه عن وضوع بدر وانه يسكر بس ما طرا عليه شي ثاني):ادري ياخالد شنو موضوعك بدر صح؟
خالد:يعني انت تدري؟
فهد:للاسف ياخالد قبل يومين دقو علي الربع وقالولي انه قام يطلع مع عمر وما يرد الا وجه الصبح وسكران بس حنا مراح نسكت عبدالعزيز وصالح مراح يقصرون واذا جا بعرف شلونا تفاهم معاه
خالد:بس هذا مو موضوعي يا فهد انا مادريت انه يسكر ويشرب الا امس وبالصدفه انا جايك لموضوع ثاني
فهد(قلبه طاح فبطنه وقال الله يستر):خير ان شاء الله
خالد:الخير بوجهك بس انا طالبك طلبه انك تكون معاي صريح انا ادري ان بدر ما يخش عليك شي
فهد:خير تراك خبصتني يارجال
خالد:بدر يحب بنت عمي اللي انا خطبتها صح؟
فهد:اشهالكلام انت صاحي والا مجنون اقول لاحد يسمعك بس>>كان منفعل ومرتبك عكس خالد اللي كان هادي وبارد
خالد:محد يسمعنا بس قول اي والا لا؟
فهد:لا طبعا لا يلعب بعقلك الشيطان والا عيال بليس
خالد:محد لاعب بعقلي فهد قول الصج واللي يرضاه ربك
فهد:اللي الله يرضاه انك تشيل هالافكار الشيطانيه من راسك ولا تخرب حياتك
خالد(دنق وضحك ورد رفع راسه وتكلم بهدوووووء):واذا قلتلك ان بدر قايلي هالكلام بنفسه بتصدقني
فهد(عباله ان خالد يجذب عشان يعترف):لا طبعا مراح اصدقك لان هالكلام مو صحيح من الاساس
خالد(كمل كلامه بهدووووءه):بدر دق علي امس سكران وما كان يدري شقاعد يقول بس اللي ما قدر يقوله لي بالحقيقه قاله لي وهو سكران
فهد برد وجهه ونزل راسه وقال :لا حول ولا قوة الا بالله خالد ما عليك منه بدر نسى الحين وانت كمل حياتك وبدر صدقني كان عادي عنده وفرحلك لمن خطبت ووافقو
خالد:ادري والله بدر قالي كل شي وقالي ان هو اللي قايلها توافق وانها تحبه وهو يحبها كل شي قاله صحيح انه كلام يجرح وقالي كلام قوي بس انا مو مصدق انه سكت وفرحلي ولا قالي انه يحبها ويبيها كل هذا عشان ما يخسرني لا وبعد جبرها انها توافق
فهد:مادري شقولك صراحه
خالد:لا تقول شي انا حمدت ربي مليون مره لاني لو كنت ملجت عليها وبعدين اكتشفت الحقيقه مراح اسامح نفسي وهالزواج مستحيل يتم
فهد:انت شتقول
خالد:هذا اللي المفروض يصير بدر يحبها وهي تحبه وانا مستحيل احرم اخوي من وحده طلق مرته عشانها لا وفوق كل هذا بداني ع نفسه وسكت وانجرح بس يشوفني مستانس انا كل ما اتذكر شكله لمن قلتله الخبر اتندم مليون مره طول هالفتره اللي طافت وبدر ساكت وانا ما كنت ادري
فهد:والحين شتبي تسوي بدر مستحيل ياخذها انا اعرف بدر عدل هو كان قايلي هالكلام وقايل ان لو ما صار نصيب بينكم مستحيل يفكر انه يخطبها
خالد:هذي خلها علي بس انا ابي منك طلب اخير
فهد:انت تامر افا عليك
خالد:مايامر عليك ظالم ابي هاللي صار يتم بيني وبينك ومحد يدري فيه وانا لو اني مو واثق فيك جان ما جيتك وانا اخوك
فهد:ابشر تم
خالد:بس الحين المشكله بدر وضعه ما ينسكت عنه لازم اروحله اجيبه هو مدام وصل لهالمرحله محد بيقدر عليه الا احنا
فهد:اي والله عبدالعزيز وصالح مو قادرين عليه يقولون حاولنا نمنعه عن المشروب بس ماقدرو
خالد:هههه تعلمني في بدر طول عمره عنيد
فهد:عز الله انك صادق خلاص شرايك نروحله انا وياك ونجيبه انت مراح تقدرله بروحك
خالد:خلاص تم متى تقدر
فهد:باجر ان بغيت انا اقدر اخذ طبيه يومين
خالد:حلو وانا بعد اقدر باجر اجل شرايك نروح نحجز الحين
فهد:توكلنا ع الله
----------------------------------

نهـــــــــــاية البارت

توقعون خالد شراح يسوي ؟؟؟
وبدر شلون يردونه لحياته الطبيعيه
واذا رد شراح يكون موقفه من اللي صار
حنان .. ساره .. عبدالله .. منال .. شيخه >> شنو دورهم بالبارت الجاي :eh_s(10):

 

[صعب الكلام]

حـــــرااام الي يصير ببدر الله يعينه
ناطرينج

 

[just smail]

يعطيج العاافيه على البارت
ونااطرين البارت الجاي

 

[~دموووع~]

والله اتووقع ان دلال تتزوج واحد ثاني..

وخالد يتزوج سارة..

ومتعب يتجرأ ويقابل حنااان..

ويعطيج مليوووون عااافيـة

((بس لا تطوليين عليناا ))

 

[3thab 2lroo7]

متعب ويعه انشالله هذا وشهد مسكينه معاه يخز بالبنت جذي
دلال كسرت خاطري حياتي والله انشالله تكون من نصيب بدر>>>>>>>واخيرا اقتنعت هههههههههههه
بدر انشالله يرد ويقطع هالسم الاه يكفينا شره انشالله
خالد كبر بعيني حبيبي والله >>>>>>خلاص ما كو الا حل واحد خل يخطبني لوووووووول بدال دلال

حياتي تسلم الانامل الغاليه والله انج تفتحين نفس الواحد بهالروايه الاكثر من روعه
واتمنى انج تستمرين وانصحج حبيبتي انج تكتبين عن نفسج بس مو كل شي خلي شغلات تكون ذكرى حلوه بينج وبين نفسج مثلا انا في شغلات ما احب اذكرها لاحد تحبها تكون بيني وبين نفسي وانصح انه يكون فيها شغلات من خيالج لانها تفيد وايد
فا انا وحده انصحج انج تكتبين عن نفسج وتستمرين بالكتابه لانه اسلوبج يعجبني والصراحه انتي مزاجي باسلوبج وطريقت كتابتج>>>مثل ما يقولون انه الواحد له مزاج احيانا وانتي مزاجي دوم واتمنى ما انحرم من كتاباتج بيوم حياتي انتي
وبعد قلتي انه عندج كاتبه روايات نزليهم بليز عشان خاطري
وسلامة قلبج من كل شر والله اني بشتاق للبارتات وبنتضرهم على نار*

 

[~دموووع~]

up

up

up

 

[حبكـ ملكني]

يـــعـــطـــيـــج اأاألـــــف عــااافـــيــــه))!
تسلـــم الانااامـــل الذهبــيه خيتوو
كملي ناااطريــــنــــج***
نــــــــــــبـــــــــــــــــــي بــــــــــاااااارت​

 

[Maniples]

ثاااانكس حيااتي ناطرينج لا تطولين علينا

 

[3thab 2lroo7]

فقدتج اليوم والله انتضر طلتج فديتج