(ظلمني الزمان اللي جبرني على فرقاااك) >>عشق بدوي

[لفتة فرس]

ابو بدر وخالد عند ابو تركي بالدوانيه وتركي يدخل ويطلع وماهو فاهم السالفه ودلال ع اعصابها تدري انهم عنده بالدوانيه وما فيها صبر وقاعده بالصاله اللي فوق لانها مستحيه من ابوها اذا دخل اما امها فقاعده بالصاله اللي تحت بروحها
صعد تركي يبي شحن تلفونه من داره ودلال لقتها فرصه
دلال:تركي منو عند ابوي
تركي:عمي مبارك وخالد
دلال:بس
تركي:أي
دلال:متاكد
تركي:أي ليش
دلال:لا بس
دلال استغربت بس قالت اكيد لانه منحرج لا يواجه ابوي لانه مطلق وخلاها ع عمي وخالد
---------------
ابو تركي:والله هذي ابرك الساعات اللي بزوج بنتي لولدي
ابو بدر:ساعتك ابرك وانا اخوك وابد الزواج ماهو لعبه ولا فيه احراج ولا فيه غصيبه اهم شي راي البنت
ابو تركي:اكيد وانا من ناحيتي ما عدي مانع بس بشوف البنت ان شاء الله واردلك خبر
ابو بدر:اخذ راحتك ولا تستعجل
ابو تركي: ع خيرة الله
----------------------------
دلال قعدت بدارها تلهي نفسها بالنت واستغربت ان الوقت تاخر وابوها طلع من البيت وللحين محد قالها شي وفجاه دخلت عليها امها
دلال:هلا يما
امها:هلا شفيج من اليوم وانتي بدارج
دلال:لا ولا شي اطقطق بالنت
امها(بابتسامه):امممممم علينا والله ان العلم جايلج قبلنا
دلال:أي علم >>وجها صار احمر
امها:اليوم جا عمج مبارك يخطبج من ابوج وطبعا ابوج وافق بس قال اهم شي راي البنت
دلال نزلت راسها وابتسمت غصب عنها وانحرجت حيل:كيفكم يما
امها:شنو كيفنا هذا زواج وانتي اللي بتزوجين يعني القرار الاول والاخير لج
دلال:انزين يما انتي وابوي شرايكم
امها:ما عليج منا انتي شرايج
دلال:لا يما عطيني رايج زين لا تخافين انا بفكر ع راحتي بس قوليلي رايج بالاول
امها:والله ابوج ما عنده مانع واشوفه حيل مستانس لانج بتروحين عند ولد عمج مو عند احد غريب وانا بعد اقول اللي نعرفه احسن من اللي ما نعرفه وخصوصا انج بتروحين بيت عمج مو بيت غريب وخالد ما شاء الله عليه رجال ونعم فيه ما ينرد
دلال(علامات الصدمه كلها ع وجهها وعيونها حمرت ودمعت وقلبها ينبض بسرعه مو مصدقه الاسم اللي سمعته):منو يما؟
امها:خالد شفيج وانا صارلي ساعه اتكلم عن منو
دلال:اوكي يما خلوني افكر واردلكم خبر>>كانت تبي امها تطلع باي طريقه ما تبيها تلاحظ شي
امها:انتي فكري ع راحتج وعندج بدل اليوم شهر فكري ع راحتج وتاكدي ان ما فيه شي بالغصب لو ما تبينه قولي ما ابيه لا تستجين
دلال وعيونها بالارض من هول الصدمه:ان شاء الله
طلعت امها وخلتها بصدمتها قامت وقفلت وطاحت ع الارض تبجي ما تدري شالسالفه شلون هي تحب بدر وبدر يحبها شلون خالد يخطبها هو ما يدري ان بدر يحبها شالسالفه وتمت تبجي مو مستوعبه اللي صار
------------------------
اما بدر طلع من الدوام س 10 بالليل وهو مستانس اليوم اتخذ قراره بشكل نهائي ومقتنع فيه وصل البيت دخل ما لقى احد بالصاله وحمد ربه صعد لقى منال قاعده بالصاله تنطره ومزهبه كل اغراضها سلم وردت عليه من غير نفس
بدر:زهبتي اغراضج
منال:أي
بدر:اوكي خلي الخدامه تنزلهم السياره انا ببدل وبجي
منال:ممكن اعرف انا شسويت
بدر:كل هذا وما تدرين شسويتي يا بابا اذا انتي نسيتي كلامج اللي قلتيه ترا انا ما نسيته وانا رديتج بس عشان ابوي والحين اعتقد ماله داعي نستمر مع بعض جا الوقت اللي لازم كل واحد يشوف حياته
منال(وبدت دموعها تنزل):بدر حرام عليك انت ليش تسوي فيني جذي انا احبك تعرف شنو يعني احبك وانا ندمانه ع الكلام الي قلته خلاص سامحني انت ليش قاعد تعذبني الله يلعن الساعه اللي قلتلك هالكلام تكفى بدر انت ليش مو راضي تقتنع اني تغيرت
بدر:وانا ما احبج وماني مستعد اكمل حياتي مع وحده ما احبها ولاني متقلها ورجائا اذا خلصتي اغراضج نزليهم انا ببدل واججيج
منال:انت انسان اناني ما تحب الا نفسك ليش تعذبني معاك ويومنك تحب وحده ثانيه ليش اخذتني ليش
بدر:خلصتي كلامج منال انتي طالق
منال:حقير حقير >>وزادت دموعها
بدر:قولي اللي بتقولينه ما تحركين فيني شعره وانتي لو انج ذكيه جان عرفتي شلون تنسيني دلال بس للاسف انا ما شفت شي واحد فيج يشابه دلال كل شي بينكم تناقض وهي اللي تغلبج بكل شي
منال:حسبي الله ونعم الوكيل فيك
بدر:لا اتحسبين علي انا ماظلمتج والا نسيتي ماضيج للاسف انا لمن خطبتج ما سالت عنج وكل شي عرفته عنج عقب الزواج واصلا حتى معاملتج معاي واسلوبج اسلوب وحده مو متربيه
منال:حدك عاد ما اسمحلك
بدر:حدي هههههه اقول بس خليني ساكت احسن وع فكره ورقة طلاقج كلها جم يوم وبتوصلج
عطاها بدر ظهره وراح بدل ملابسه وطلع وهي للحين بالصاله نزل وقالها تلحقه السياره وحمد ربه انه ما شاف احد بطريقه وقعد ينطرها بالسياره وجت ركبت وهي ساكته وصل لبيت اهلها ونزها بكل هدوء وهي نزلت وسكرت الباب بقوه حس بتأنيب الضمير وهو يسمع صوتها تبجي وحيل اثرت فيه بس شيسوي هذا اللي المفروض يصير من زمان اتجه بسيارته للبيت يبي يقول لاهله انه طلق منال وبالمره وده يكلم ابوه بموضوع دلال بس وهو بالطريق دز لدلال مسج وهو طاير من الفرحه(قلتلج اصبري والايام بتثبتلج وان شاء الله بثبتلج اكثر ,, انا طلقت منال)
دلال جاها المسج وهي طايحه ع الارض تبجي فتحته وقرته وزادت بالبجي :تاخرت يا بدر حيل تاخرت>>هذا اللي قالته دلال بينها وبين نفسها
اما بدر ما اهتم لدلال اذا ردتله والا لا لانه يدري انها مستحيه وممستحيل ترد عليه وصل البيت ودخل الصاله شاف ساره قاعده بروحها
بدر:السلام اجل وين الاهل
ساره:وعليكم السلام والرحمه ابوي للحين ما جا وامي مادري يمكن حايسه فوق بالبيت والا بالحمام والله مادري وينها
بدر:انا طلقت منال
ساره:طلقتها؟؟؟ليش؟؟؟
بدر:أي طلقتها وهالمره بدون رجعه
ساره:يالله ما صدقنا اليوم نسمع خبر حلو يجينا هالخبر
بدر:خبر حلو؟؟شنو
ساره(ابتسمت لان مو هامها خبر طلاق منال لان هذي ابرك الساعات):روح لخالد وهو يقولك بنفسه مابي احرق عليه هو متحلف فينا ان محد يقولك غيره
بدر(ابتسم):خير ان شاء الله هو وينه بداره؟
ساره:أي
صعد بدر لخالد ودخل لقاه ع لابتوبه قاعد واول ما شاف بدر سكر اللابتوب وعقب السلام
بدر:خير شنهو الخبر السعيد ونسنا
خالد:خطبت
بدر:لاااا مبروووك وانا اخر من يعلم ها
خالد:والله كل شي صار اليوم عاد ما سالتني منهي العروس
بدر:منهي سعيدة الحظ
خالد:دلال بنت عمي
بدر بردت ضحكته وقعد يطالع خالد وهو مو مصدق هو بحلم والا بعلم اول مره بدر يحس بالضيقه جذي حس بشي يطبق ع انفاسه ليته استعجل شوي وكلم خالد قبل يتكلم ليش من بد البشر كلهم ما اختار الا دلال
خالد(استغرب):بدر شفيك؟جنك مو مستانس
بدر انتبه ع عمره وغصب عمره ع ابتسامه:الف مبروك تستاهل
خالد:الله يبارك فيك
بدر قام بيطلع
خالد:بدر شفيك فيك شي
بدر:لا والله بس انا اليوم تعبان من الدوام ومرهق ونسيت اقولك اليوم طلقت منال
خالد:لا ليش اشوفك متضايق وما فرحتلي
بدر:أي والله متظايق وانا اخوك>>ما وده يتكلم بيرقعها بسالفة الطلاق
خالد:افاااا هونا تهون وانا اخوك ما هقيتك جذي اتاثر وتواجه المشكله بضعف المره بدالها مره وعيش حياتك لا اتظايق
بدر هز راسه وطلع من خالد واتجه لشقته اللي بالدور الثالث ودخل وقعد ع القنفات مذهول مصدوم مو مستوعب حط ايدينه ع راسه غمض عيونه تذكرها شافها جدام عيونه هو اليوم طلق زوجته عشانها ومستانس انه بياخذا ليش الزمن ضحك عليه ليش من بد البشر محد ياخذها الا اخوه بس المشكله انها تحبني وانا احبها شلون بياخذها خالد وهي تحبني اكيد مراح توافق وحتى لو وافقت انا مستحيل اقدر اخذها او مستحيل اني اقدر افكر اني اتقدم لها مدام اخوي خطبها اكيد انه يبيها ويمكن يحبها مثلي لااااا ليش نزلت دموع بدر اول مره تنزل من عقب تقريبا 10 سننين من زمان ما نزلت دموعه بس هالمره مو قادر يتحمل الضغط اللي عليه كلام منال له مساع وتانيب الضمير اللي حاسه ومسرع ما استانس بدلال وفاجاه اخوه بخطبته لها دلال خلاص مستحيل تكون له هذا الشي اللي اثر فبدر
----------------

يتبع >>

 

[لفتة فرس]

-----------------
مر يومين عالسالفه بدر ما سوا شي باجراءات الطلاق ما كان له خلق شي حتا اكل ما ياكل مثل العالم بس طبعا هو جدام اهله شخص ثاني ما بين لهم شي
ع الغدا
خالد:يبا ما رد عليك عمي
بدر(حس بالغصه)
ابوه:هههههههههههه لعنبو دارك ما صارلنا يومين من كلمنا عمك
امه:هههههههههههه
ساره:ههههههههه ما تبيني اجيبلك الاخبار
خالد:والله ياليت تسوين فيني معروف
خالد طالع بدر وغمزله عينه وبدر ردله ابتسامه وهو من داخله يحترق بس شايف لهفة اخوه وشلون متحمس وما وده ان خالد يلاحظ عليه شي
ساره:افا عليك اليوم تجيك الاخبار
---------------------
عقب الغدا بدر طلع من البيت مو متحمل الجو وهم يعلقون ع خالد وهو مقهور حده لانهم يذكرونه فيها وده يدق ع دلال وده يكلمها مشتاقلها وده يسمع صوتها وده يقولها انه خلاص طلق منال ويبي يخطبها بس كل شي راح من ايده بلحظه وده يعرف شعور دلال وده يعرف ردها
بدر دق ع رفيجه الروح بالروح فهد وقاله بيجيه الدوانيه ووصل وسلم وقعد
فهد:حي الله ابو مبارك يالله حيه
بدر:الله يحيك
فهد:علامك شايل هموم الدنيا ع راسك
بدر:تعبان وانا اخوك
فهد:افا هونها وانا اخوك خير عسى ما شر
بدر:راحت من ايدي يا فهد
فهد:بنت عمك
بدر:أي
فهد:بس انت ولد عمها شلون تروح من يدك انت تقدر تاخذها غصب ع الكل
بدر:اه شقولك بس خلها ع الله ما اقدر
فهد:شلون ما تقدر فهمني
بدر:تدري منو اللي خطبها
فهد:منو؟
بدر:خالد اخوي
فهد:...........
بدر:انصدمت يافهد والله انصدمت ما كنت متوقع انه يفكر فيها
فهد:انا قايلك من زمان كلم خالد وقوله بس انت الله يهداك عنيد
بدر:ااااه خلاص البنت راحت وكل شي صار مستحيل
فهد:خيره وهذا امر الله وعسى ان تحبو شيئا وهو شر لكم
بدر:الحمدلله بس المشكله مو بس هذي
فهد:اجل في شنو
بدر:البنت تحبني وانا مواعدها اني بخطبها والحين خطبها اخوي ان مدري شنو بيكون ردها
فهد:الله واعلم بس انت اياني واياك تبين لخالد شي
بدر:لا ما بينتله شي كلش ولا طرا علي ومن اشوف فرحته ووناسته بالخطبه انسى كل شي ومستحيل ابين له شي بس هو حس اني متضايق وانا رقعتها بسالفة طلاقي
فهد:انت طلقت مرتك؟
بدر:أي طلقتها قبل يومين وبنفس اليوم قالي خالد سالفة الخطبه
فهد:لا حول الله اصبر وانا اخوك وياما ناس واجد مالله كتب لهم يتزوجون اللي يحبونها وراحت بحال سبيلها وهم شافو حياتهم والله رزقهم ونسوها وانت خبري فيك ما يهزك شي لا تخلي مثل هالسالفه تاثر فيك
طلع بدر زقاره من مخباته وشغلها وقعد يدخن
فهد:انت رجعت ادخن؟
بدر:شوفة عينك
فهد:افااا انت قاطعها صارلك 3 سنين انت اللي خليتني اقطع والحين ترد
بدر:ما اقدر يا فهد احس اني بختنق وماكو شي يطفي اللي بداخلي الا الزقاره
فهد:لا حول لله خلك رجال وكبر عقلك البنت راحت بحال سبيلها وبدالها الف بنت
بدر:الا هي محد بدالها
فهد:بدر هذي صار خطيبة اخوك والله لو اخوك يسمعك تجيه جلطه
بدر:وانا شاللي ذابحني الا خالد ولاني اتمناه الخير هالزواج لازم يتم رضت والا ما رضت
فهد:ليش؟ وانت شدخلك يمكن البنت ما توافق
بدر:لو ما وافقت بخليها توافق غصب عنها لانها حتى لو رفضت مستحيل اقدر اخطبها فليش انحرم منها انا واخوي خل اخوي يتهنى فيها وهي لو تزوجت خالد انا متاكد انه بيخليه شلون تحبه خالد ذكي ومدامه يحبها بيعرف شلون يتصرف معاها وهي توها صغيره والحياه جدامها
فهد:قول الحمدلله وانت الله يرزقك باللي احسن منها
بدر:ههه هذا اذا فكرت اتزوج انا خلاص جربت حظي بالزواج وخلصت وعفت الحريم
فهد:لا حوووول خلاص انت الحين هونها ما تبينا نطلع نتمشى
بدر:لا خلنا هنيه ابرك
فهد:ع راحتك
-------------------
اما دلال صارلها يومين ما تاكل وامها كل ما تسالها تبين لها دلال انها مستحيه لا اكثر ولا اقل دلال كانت ما تنام الليل من التفكير في كل وقت تفكر ذبحها التفكير وباللحظه قطع تفكيرها تلفونها والا ساره وردت عليها وهي حدها متضايقه
دلال:هلا سارونه
ساره:هلا بعروستنا الحلوه شلونج
دلال:الحمدلله
ساره:اوله اوله كل هذا حيا اقول ترا انا ساره ماني خالد
دلال غمضت عيونها من سمعت الاسم:ادري انج ساره
ساره:اوف يالرسميه ما علينا شخبار التفكير معاج وشنو توصلتيله ترا الناس اللي عندي ما فيهم صبر
دلال(ودها تقول لساره انها بتموت من التفكير ودها تقولها انا احب بدر وما ابي غيره ودها تقوله شمعنا من بد البشر ما يخطبني الا اخوه):للحين والله
ساره:اقول حبيبتي بلا تفكير بلا هم والله انج خبله وتفكرين بعد الولد عندنا بيموت والله ما توقعت ان خويلد خفيف لهالدرجه هههههه لا والله الا مطيره عقله انتي انا لو منج وواحد يحبني جذي والله ما اتردد لحظه وحده اني اوافق
دلال:............
ساره:المهم يعني لمحيلي منيه مناك بعض الناس ودهم يعرفون ردج ما فيهم صبر
دلال:ساره تكفين لا تضغطين علي ابي افكر براحه وبدون ازعاج ع راحتي واذا توصلت لراي اكيد بقولج
ساره:اووووووكي حياتي ع راحتج ولا يهمج بس عاد لا اتطولين ها قلنا مستحيه بس عاد ما ترفضين ههههههههههه
سكرت دلال من ساره وقلبها بيطلع من مكانه يعني خالد يحبها مثل ما بدر يحبها ليش هالشي كبير عليها وهي مو قادره اتحمل
-------------------------

يتبع >>

 

[لفتة فرس]

-------------------------
حنان بدارها وفجاه رن تلفونها ارتجفت ايدينها لمن شافت الرقم ما تدري ترد والا تطنش فكرت وبالاخير سكر وهي ما ردت شوي والا يدق مره ثايه قالت برد واوقفه عند حده
حنان:نعم وبعدين يعني
متعب:هلا وغلا وينج خرعتيني عليج
حنان:صحيح انك واطي وقليل ادب وما تستحي ع وجهك
متعب:كل شي منج حلو يا حلوه
حنان:شوف انا سكت عنك لاني كنت مسافره لكن الحين اشوف الشي زاد عن حده
متعب:حنان ارجوج اسمعيني وبعدها قولي اللي تبينه
حنان:اوك بشوف اخرتها معاك
متعب:اولا ادري انج مستغربه من وين عرفتج والا من وين جبت رقمج بس هذا مو مهم لاني انا من شفتج قلبي تعلق فيج ما قدرت اخبي مشاعري تجاهج وقلت احسن حل اني اعترفلج واذا تحبين اثبتلج اني صج شاريج انا مستعد اخطبج اليوم قبل باجر
حنان:خلصت كلامك
متعب:أي
حنان:تبقى انسان ما عندك اخلاق وكلامك هذا كله ما حرك فيني شعره ولا تعب عمرك انا ماني خبله بسرعه اصدق مثل البنات ولو سمحت لا تدق وهالرقم انساه ممكن
متعب:لا حول ولا قوه الا بالله والله يا حنان الايام بتثبتلج اني ع نيتي وصادق بس مدام مكالماتي تضيق خلقج مراح ادق ولا عاد ادز مره ثانيه واللي يريحج بسويه
حنان:يكون احسن والله تسوي معروف
متعب:اوك ع راحتج يالله باي
حنان:مع السلامه
سكرته حنان وكانت بقمه الراحه انها افتكت منه ما تدري ان متعب ابو الخطط وهذي وحده من خططه والجاي اعظم
-------------------------------------
بدر خلصت اجراءات الطلاق ووصل الورقه لمنال وافتك من هالسالفه وكان ما يقعد بالبيت نهائيا بس يجي وقت النوم وما يحب يقعد مع اهله ما يبيهم يلاحظون عليه شي بس رجع للتدخين بقوه كان الفضول ذابحه وده يغرف شنو ردها وقرر انه يقعد مع ساره ويستدرجها بالحكي لين يعرف وبيوم من الايام عقب اسبوعين من الخطبه قعد من النوم ونزل تحت لقى ساره وخالد وامهم قاعدين ما حب يتلقف وقال بيسكت لين تجي السوالف بروحها وتريق وقعد ساكت
خالد:ما عندك دوام اليوم؟
بدر:طالع اجازه
خالد:لا من متى؟
بدر:توني صارلي يومين
خالد:لي متى
بدر:عشرين يوم
خالد:ويييه مو جنه واجد؟
بدر:شسوي برتاح ويمكن اسافر للربع ببريطانيا
خالد:أي هم كم باقيلهم بالدراسه
بدر:نصهم باقيلهم سنه ونصهم سنتين بس الحين معطلين وبروحلهم اقعد معاهم لين تخلص عطلتهم
خالد:انزين واذا عمي رد علينا وبغينا نملج وانت هناك شلون
بدر حس بالضيقه من قلب يعني خالد متوقع انهم بيوافقون وهو اساسا يبي ينحاش ما يبي يشوف شي:يصير خير ساعتها
خالد:والله طولو اقول انتي بدل الهذره اللي مالها داعي دقي جيبي خبر مني مناك
ساره:شسوي فيها البنت ما عطتني لا حق ولا باطل وصايره حيل رسميه مادري مستحيه مادري شفيها وكل ما اقولها تقول لا تضغطين علي وخليني افكر ع راحتي ومتى ما قررت بقولج بس مراح ادق عليها اخاف اضايقها خلها تفكر ع راحتها انت ليش مستعجل
بدر طالع ساره واندمج وسرح عرف ان دلال متوهقه وخاف انها ترفض واذا رفضت ساعتها مراح يقدر يسوي شي قام وطلع من البيت ومحتار ما يدري شيسوي راح للسفريات وحجز ع بريطانيا ودق ع ربعه وبلغهم انه بيجيهم بعد يومين راح لدوانية فهد وقعد عنده
بدر:بروح عقب باجر للربع ببريطانا
فهد:صحيح والله ودي اروح هالصيف ما رحنالهم
بدر:أي هم من زمان وهم يدقون علي يقولون تعال وبيني وبينك انا ابي اغير جو وابي اطلع من الكويت احس الجو هنيه يخنق
فهد:أي انا بعد من زمان يدقون علي يقولون تعال بس ما عندي اجازه بخلي رصيد للحج ما عندي الا اسبوعين بخليهم للحج بس انت رح استانس وغير جو بس ها خلك مع صالح وعبدالعزيز مو تروح مع الخمه اللي ما يدرون الدراسه وينها وبس يلعبون
بدر:هههه انا بس ابي اطلع واغير جو انسى شوي
فهد:تروح وترجع بالسلامه بس قولي عشان بوصلك المطار لا تنسى
بدر:اوك الرحله عقب باجر بالليل
فهد:خلاص ان شاء الله امرك
-----------------
دلال صارلها اسبوعين من التفكير وحالتها تغيرت وشكلها ذبلان ما تدري شتسوي هي خلاص خسرت بدر ما تدري ليش من صارت السالفه ما دق ما تدري هل هو يدري والا لا بس بنفس اليوم اللي خطبني فيه خالد هو طلق زوجته وبشرني بهالشي يعني ما يدري ودها تعرف شنو شعوره الحين ودها تعرف شلون درا بالموضوع وشلون استقبله كل شي كان يدور براسها قامت وصلت ركعتين واستخارت ربها واساسا صارها اسبوعين وهي تصلي استخاره بس محتاره للحين هي تحب بدر وتموت عليه وكانت متخيله انه هو اللي بياخذها ودها تعرف اخباره ودها تسمع صوته بس ماهي عارفه شلون وبالاخير قررت انها تتصل ع ساره وساره كانت بروحها بدارها
ساره:هلا بالعروس
دلال:هلا فيج شلونج
ساره:انا تمام الحمدلله انتي شخبارج
دلال:الحمدلله
ساره:ها عاد لا تدلعين علينا مو كل هذا تفكير شتوصلتيله
دلال:للحين
ساره:اوله عاد بس مو لهالدرجه دلال حبيبتي اذا مو مقتنعه مو لازم ترا مو غصب وما في شي بالغصب
دلال:عارفه بس لازم افكر عدل عشان بعدين ما اندم واقول انا تسرعت يعني ع الاقل نفسيا ارتاح الا ما قلتيلي شخباركم وشلون نوف وبنوتتها
ساره:الحمدلله كلهم بخير الا صج انتي دريتي ان بدر طلق منال
دلال:أي دريت واستغربت
ساره:احسن اصلا هو من خذاها وهو ما يبيها وبيني وبينج هي شكلها مو مضبوطه مادري عنها الله يستر عليها بس جد كانت ما تستحي بس جد انا مستغربه من شي
دلال:خير
ساره:بدر تغير 180 درجه من طلقها دلال شقولج حيل تغير ورد للزقاير وصار يدخن وجنه مهموم يا حياتي والله شكله يكسر الخاطر كله منها الله ياخذها يعني للهالدرجه من الطلاق وعقب يوميين بيسافر عند ربعه ببريطانيا اتوقع لانه متضايق لانه قبل ببداية العطله قال مراح اروحلهم بس مساع قالنا انه بيروح
دلال(دمعت عيونها ووصلت للي تبيه عرفت ان بدر ما كان يدري عن اخوه وهو الحين متضايق):والله مادري
ساره:غريبه انتي ما تدرين عن بدر العاده تعرفين اول باول عنه حتى قبلنا هههههههه
دلال(اضطرت انها تجامل عشان ما تنكشف):هههه لا من زمان ما كلمته ومابي ادخل بخصوصياته للهالدرجه عاد
ساره:لا يمكن الحين مستحيه هاااا أي بتصيرين مرة اخوه بعد اكيد بتستحين منه وحتى هو اكيد بيستحي الله واكبر عاد العلاقه بتصير رسميه بينكم هههههه والله ما اتخيل وما ضنتي
دلال:هههههه الله يعين بس
ساره:عاد صج دلال شنو رايج قوليلي كاخت مو لاني اخت اللي خاطبج اعتبريني اختج وقولي بدون احراج مادري احسج مو مقتنعه وخايفه تقولين
دلال:اولا انتي طول عمرج اختي وانتي تدرين اني اقولج كل شي اول باول بس هالسالفه انا حتى امي اللي هي امي ما اخليها اتدخل ابي افكر بروحي بس من قالج اني مو مقتنعه انا لو برفض رفضت من زمان بس ابي اخذ وقتي
ساره:يعني افهم من كلامج موافقه بس ما تبين تكونين خفيفه هااا
دلال:ههههه لا عاد مو تروحين تبشرين الكل وتقولين اني موافقه مو شرط ما تدرين لوني رفضت انا والله للحين ماتوصلت لقرار مقتنعه منه واول قرار باتخذه اول من راح يدري انتي
ساره:اووووكي خلاص حياتي فكري ع راحتج بس دلال ابي اقولج شغله
دلال(خافت):خير
ساره:ترا والله خالد يحبج وهو اللي قال ابيها لاتظنين ان ابوي او امي او أي احد فينا قايله اهو اللي تكلم من كيفه والله الولد شاريج وان جانج تبين نصيحتي مو عشاننه اخوي بس والله انا لو منج بوافق يكفيني واحد يحبني وشاريني واللي يكفي زياده انه مو غريب وعارفته وعارفه اخلاقه والراي الاخير طبعا لج
دلال:ان شاء الله اللي يكتب اللي فيه الخير
سكرته دلال وغصب عليها قعدت تبجي ما تدري شتسوي لو رفضت بتخسر كل شي ولو وافقت بتخسر بدر وهي بالحالتين خسرانه بدر ومستحيل تقدر تاخذه خلت كل شي ع ربها
-----------------------

يتبع >>

 

[لفتة فرس]

بدر نزل يسلم ع اهله لانه بيروح للمطار الحين وسلم عليهم وطلع ركب مع فهد بسيارته واتجهو للمطار
بدر: راحت من يديني كذا وانا اناظر في يدي

لا قادر اوصل دربها ولا قادر اقوى بعادها

حسيت يوم افراقها كن جسدي ما هو جسدي

مثل الشعوب اللي تحس غربة وهي ببلادها

قولولها محتاجها والشوق حاديني حدي

تعبت من كثر السهر البعد نفسي بادها

ضاع جهدي فدوة لها لو منها ضاع جهدي

احط موعد وانتظر يمكن تجي بميعادها

تطور الموقف وانا ماكنت في الموقف هدي

كابرت انا ومثلي بعد هي كابرت بعنادها

الحق معها واعترف والحق ما والله يغدي

والغلطة ماتحسب على اللي لا غلط ماعادها

قولولها يشهد علي الليل والجرح الندي

ساعة عطتني ظهرها والقلب يصرخ نادها

وان كانها عيت تجي وراحت ورى البعد تعدي

الله معاها بس تقول البعد وشهو فادها

واذا سكتت او دنقت او طالعة صوب الجدي

تراها ودها بالرجوع وعنادها ماقادها

خلوها لي وانا اجي احط يدها في يدي

وكان العناد براسها ابوس راس عنادها
فهد:صح لسانك
بدر:صح بدنك
فهد:خلاص يا بدر انساها
بدر:يصير خير
وصل بدر المطار وسلم ع فهد واتجه للطياره وقبل ما يركب فكر بشي بس تردد حيل وبالاخير سوا اللي براسه ودز لدلال مسج وسكر جهازه ع طول ودخل الطياره
دلال وهي قاعده بغرفتها وتوها مخلصه من الصلاه جاها مسج وفتحته ما توقعت انه من بدر واول ما شافت الرقم فرحت وكان كاتب

(أنا ما هقيت يسوي الوقت ما سواه
و خان الزمان وعادة الوقت خواني

و ياحي من هذي دياره و ذا مرباه
ذواري هبوب النود من فوقها باني

أنا يوم شفت البيت متهدم مبناه
تذكرت زول كان في البيت سكاني

انادي عليه و ساقي العين جاري ماه
وأنا عارف إني لو تحريت ما جاني

ظلمني الزمان اللي جبرني على فرقاه
صواديف بقعا شرها ما تعداني

صدوف الزمان و طول صبر لحقت أقصاه
حدتني على مبدا الطويلة مسياني

انا قد بغيت أوقف الرجل عن مبداه
و لكن شفت الموت ما زيد خلاني

الا جيت عد قد نزل ماه و ألاجاه
تسابق دموعي و اظهرت خافي احزاني

أنا كيف بدله و اطمع ان خاطري ينساه
وأنا كل ما مريت مدهاله ابكاني

إلا جات به الاخبار و إلا حد طراه
ماعاد اتسمع صوت من زيد حكاني

أعيش بخياله و اتنادم مع ذكراه
و يدوي بي الهاجوس في عالم ثاني

يغيم سماي إلا تواجهت أنا وياه
و حتى الحكي ماعاد ينطق به لساني

قضى العمر كله عادني في رجا لاماه
و طال الرجاء والياس قام يتحداني

هو اللي تتوق النفس لمشاهدة وحكاه
و لاجا بقلبي عنه سجه و نسياني​

​

دلال انا مسافر ولي طلب عندج اذا تعزيني وافقي ع خالد)

سكرت دلال المسج وقعدت تبجي ما تدري ليش بدر سوا جذي ليش يبيها توافق حدها انقهرت وحست انه اناني ما فكر فيها اذا تبيه والا لا بس هي ما تقدر ترفضله طلب ومدامه طلب منها هالشي اكيد له سبب وع طول كتبت مسج ودزته له وراحت لامها بالصاله
دلال:السلام
امها:وعليكم السلام
دلال:يما انا اتخذت قراري
امها :شنو ..؟؟؟

نهـــــــــاية البارت

الى اللقاء في البارت العاشر
بس بعد ما اشوف تعليقاتكم ​

 

[3thab 2lroo7]

اخييييييه كسرو خاطري دلال وبدر ومنال 
بدر اللي سواه انه هدها لاخوه صح احسن شي سواه
دلال انا متاكده انها راح توافق
منال الله يهديها بالبدايه انا ما كنت مستوعبه انه عليها حركات بس المفروض بدر اهوه اللي يعدلها مو ناطرها اهيا تنسيه دلال
وحنان ومتعب شكله راح يخطبها
وساره للحين مايندره شنو مصيرها

بانتضارج حياتي والله انج تبردين الجبد فديتج يعني تحطين لنا اكثر من بارت فديتج والله ام الكرم

وننتضر ابداعج يا احلى عسل

 

[لفتة فرس]

اخييييييه كسرو خاطري دلال وبدر ومنال 
بدر اللي سواه انه هدها لاخوه صح احسن شي سواه
دلال انا متاكده انها راح توافق
منال الله يهديها بالبدايه انا ما كنت مستوعبه انه عليها حركات بس المفروض بدر اهوه اللي يعدلها مو ناطرها اهيا تنسيه دلال
وحنان ومتعب شكله راح يخطبها
وساره للحين مايندره شنو مصيرها

بانتضارج حياتي والله انج تبردين الجبد فديتج يعني تحطين لنا اكثر من بارت فديتج والله ام الكرم

وننتضر ابداعج يا احلى عسل

حبيبتي كلج ذوق ورايج يعجبني يالغاليه
انا عن نفسي احب البارت الطويل عشان اندمج
عشان جذي بارتاتي طويله

 

[حبكـ ملكني]

حراام مسكينه دلال تكسر الخاطر
وبدر احسن شي سوا ان خلاها لاخو..
باااانتظاااارج حبوووبـــــــــــه

 

[لفتة فرس]

حراام مسكينه دلال تكسر الخاطر
وبدر احسن شي سوا ان خلاها لاخو..
باااانتظاااارج حبوووبـــــــــــه

هلا حبيبتي نورتي :eh_s(7):

 

[Maniples]

ثاااانكس حياااتوووو

يلا نزلي البارت الياي حبيبتي

ننطرج على احر من الجمر

 

[Maniples]

وينج اناديلج ههههههههههههههه

حبيبتي وينج طولتي علينا نبي بااااااااارت

[center][quote][/quote][/center]

 

[صعب الكلام]

ي حيـــأتي والله يكسروون الخااطـــر..

ناطريننج,..

 

[لفتة فرس]

وينج اناديلج ههههههههههههههه

حبيبتي وينج طولتي علينا نبي بااااااااارت

هلا منى امرشا
ههههههههههه
حرام عليج والله انا سريعه نص البنات للحين ما قروا
البارت لاني توني منزلته امس
بس بحاول استعجل عشانج

 

[لفتة فرس]

ي حيـــأتي والله يكسروون الخااطـــر..

ناطريننج,..

ياهلا يالغاليه
مراح اطول ان شاء الله

 

[~ آسٓگنتگ عٓيونـيٓ ~]

آووووووول شـــيء يعطيييييييييييييييييييييييييييج آلف آلف عافييييييييييه ع القصصصه تجنن حدهااااا روووووووووووعه والله

ودلال وبدر آآآآآآآآآآآآه وربي قااااعده ادمع وآنا آقرا قصتهم
كسر خااااطري بدر آكثر من دلااااال مآآدري ليييييييييييييييش آحسسسسسسه آهو الاكثر متــآآثر

بلييييييييييييييييييييييييييييييييييييييييييييييييييييييييييييييييييييييييييييييييز نـــآآآآآطريييييييينج
​

 

[لفتة فرس]

آووووووول شـــيء يعطيييييييييييييييييييييييييييج آلف آلف عافييييييييييه ع القصصصه تجنن حدهااااا روووووووووووعه والله

ودلال وبدر آآآآآآآآآآآآه وربي قااااعده ادمع وآنا آقرا قصتهم
كسر خااااطري بدر آكثر من دلااااال مآآدري ليييييييييييييييش آحسسسسسسه آهو الاكثر متــآآثر

بلييييييييييييييييييييييييييييييييييييييييييييييييييييييييييييييييييييييييييييييييز نـــآآآآآطريييييييينج
​

الله يعافيج
وتسلمييييييين ع اسلوبج العسل
ان شاء الله مراح اطول

 

[~دموووع~]

وووينج تأخرتي علينااا ..

ترى انا نااطرتج ومتااابعتج بصمت ..

اب

اب

اب

اب

 

[~دموووع~]

up

up

up

up

 

[لفتة فرس]

وووينج تأخرتي علينااا ..

ترى انا نااطرتج ومتااابعتج بصمت ..

اب

اب

اب

اب

تشرفني متابعتكم وادري والله شكثر متابعين بصمت
بس ابي اشوف توقعاتكم :eh_s(8):
لا ان شاء الله مراح اتاخر بس ترا هالبارت توني منزلته امس
بعطي فرصه للباجي يقرون ع الراحه
بي ان شاء الله خلال هاليومين بنزله
تحياتي:eh_s(17):

 

[just smail]

اتوقع دلال بتوافق على خالد لان بدر طلب منها جذي
ومتى الباارت الجااي؟؟؟

 

[3thab 2lroo7]

لا مو صج والله حدي مقهوره توقعت بلقى بارت قلبي نزلي والله ضاق خلقي

وتسلم احلا انامل

والله يا لفتة فرس انج احلى من العسل وروايتج هم نفسج عسل ترا ابي منج وعد اذا خلصتيها تنزلين غيرها