*طبخات ووصفات لمتبعي رجيم الدكتور حسين دشتي او يوسف بو عباس*

[jolie_q8]

رد : *طبخات ووصفات لمتبعي رجيم الدكتور حسين دشتي او يوسف بو عباس*

ثانك يوووووووووو
على هالاشياء المشئشئه
تسلمون

 

[^^دموع الكويت^^]

رد : *طبخات ووصفات لمتبعي رجيم الدكتور حسين دشتي او يوسف بو عباس*

مشكورة كوين على الحلو يعطيج العافية


بنات اول شي انا بديت الرجيم من يوم السبت

المهم اليوم تعشيت طبق حلوم وطماط وسهل وما ياخذ وقت

اول شي

المقادير :

- حلوم .
- طماطم مقطع حلقات دائرية .
- ملح / فلفل أسود .
- زيت زيتون .

الطريقة :

اول شي نشوي الحلوم بالتيفال وبعدها نشيل الحلوم ونحط زيت زيتون ونقلي الطماطم انقلبه بالزيت ونحط عليه ملح وفلفل اسود وبدها نضيف الحلوم ونخليه لما يتشرب الطماطم

وبالعافية ...

 

[شاطئ الامواج]

رد : *طبخات ووصفات لمتبعي رجيم الدكتور حسين دشتي او يوسف بو عباس*

بصراحة وصفات رائعة سلمت يد كل اللي كتب وصفة انا ما اسوي رجيم اتكنز اسوي الكالوريز واكيد راح تفيدني هالوصفات كثيييير مشكورين يالغالين وما قصرتوا

 

[Dancing^Queen]

رد : *طبخات ووصفات لمتبعي رجيم الدكتور حسين دشتي او يوسف بو عباس*

العفو بنوته وجولي ودموع وامواج



++++++++++++++
اليوم وصفتنا يابنات اهي شوربه مشروم بالكريمه


المكونات :

لتر ونص ماي (اذا تبون كميه قليه خوه لتر )
كاري
علبه مشروم مقطع
ملح + فلفل اسود + شويه كمون
مروق الدياي ( يعني اذا عندكم ماي دياي مفيوح شويه ماعندنا مانع اذا ماكو هم مايخلاف)
شويه زبده + شويه زيت طبخ
شووووووويه بصل يا عسل
كريمه كي دي دي الحمرا (انا احط علي الذوق وانتي اشكثر تبينها تكون كثيفه يعني مفتوحه الكميه)

الطريقه

حمسي البصل علي الجوله في جدر صغير مع الزبده والدهن بعدين حطي فوه المشروم وحمسيه حطي البهارت (كمون وملح وفلفل اسود شويه) بعدين ضيفي الكاري (لاتزيدين عن ملعقتين متوسطتين وهم انتي وضوقج) وحركيه لين تطلع ريحته وتحسينه نص استوا او بدا يحمر
بعدين كتي فوقه الماي (اذا عندج مروق دياي ضيفي شويه منه يعني استكانه بس) وحركيه شوي وبعدين حطي الكريمه وحركيه حيل خل ينخلط عدل وخلليه علي النار اشوي جذي 5 دقايق بعدين اخذي ثلث مقدار المشروم اللي بالشوربه بعدين شيلي الجدر عن النار ويبي البلندر مال العصير (عرفتوه القلاص اعود ) وحطي الشوربه كلها فيه (ماعدا المشروم اللي عزلتيه) وحطيه بالبلندر وحطي فوقه شويه بقدونس وشغلي البلندر عليه وخليه شوي
راح يختلط عدل وراح يصير المشروم نقط عنونات
بعدين رديه علي الجوله وردي المشروم اللي عزلتيه فيه
وخليه طيبخ شوي (طبعا ذوقي اذا البهارات كافيه واذا يبله زياده كاري او ملح)
ولي ييتي اتقدمينه حطي فوق الماعون شويه بقدونس وحطي شريحه ليمون ( الليمون حسب الرغبه انتو كيكفكم)
وعليكم بالف عافيه
بنات هالشوربه خطيره نفس المطاعم انصحكم فيها من صج
واللي اتجرب طريقتي تعطيني رايها


ولاتنسون لي يتو تحطون الشوربه بالخلاط اول اخذو كميه بسيطه حطوها وحركوها داخله علشان يتعود علي الحراراه علشان ماينكسر

 

[رفرف]

رد : *طبخات ووصفات لمتبعي رجيم الدكتور حسين دشتي او يوسف بو عباس*

كوين هنجربوووووووووو

 

[xxx]

رد : *طبخات ووصفات لمتبعي رجيم الدكتور حسين دشتي او يوسف بو عباس*

مشكووووووورة كوين اي نبي مقبلات مو كله حلو

 

[Dancing^Queen]

رد : *طبخات ووصفات لمتبعي رجيم الدكتور حسين دشتي او يوسف بو عباس*

عاد يالله اهو لاتطبون بقلبي عشقييييييي حبييييييييييييييييييي الحلو

 

[xxx]

رد : *طبخات ووصفات لمتبعي رجيم الدكتور حسين دشتي او يوسف بو عباس*

هههههههههههههه

 

[Dancing^Queen]

رد : *طبخات ووصفات لمتبعي رجيم الدكتور حسين دشتي او يوسف بو عباس*

اليوم يايبتلكم طبخه عجيبه بناء ا علي طلب من رفرف باشا
اول شي قلو همبرغر نص قلا وقطعوها قطع (جبذا بالطول او مربعات بس مو حيل صغار الحجم متوسط)
وحمسو علي الجوله شويه بصل ويا مشروم وحطو فوقم فلفل اسود وشويه كاري
بعدين سوي الخلطه هذي (3 قفاش ماسترد ، قفشتين مايونيز قفشه سويا سوس ، قفشه متوسطه صلصله اتش بي قفشه عوده ونص فرينش دريسنغ مالت السلطه ) وخلطوها عدل وزيدوها بكريمه حمرا من كي دي دي تقريبا نص علبه
وبعدين حطو الهمبرغر علي المشروم والبصل وكتو الخلطه وحركوها بسرعه بس شويه علي النار (لازم يتم شويه مروق فيها اذا شفتو الخلطه مو كافيه حطو فوقها شوي ماي) وييبو بايركس وحطو الخليط فيه
وبشرو فوقه شوي تشيدر ودخلوه الفرن بو عشر دقايق
وخمس فوق
وبس
ابي اراء

 

[xxx]

رد : *طبخات ووصفات لمتبعي رجيم الدكتور حسين دشتي او يوسف بو عباس*

مشكووووووورة كوين

بس حبيت انبهج ان الصويا صوص فيها كربوهيدرات وايد وصلصة ال Hp فيها شكر

 

[Dancing^Queen]

رد : *طبخات ووصفات لمتبعي رجيم الدكتور حسين دشتي او يوسف بو عباس*

بنوته السويا سوس الون تيبل سبون فيها 0.9 كاربز
والاتش بي حطيت قفشه متوسطه مو متروسه

 

[رفرف]

رد : *طبخات ووصفات لمتبعي رجيم الدكتور حسين دشتي او يوسف بو عباس*

كوين

انشالله بسويها السبت .. لأن باجر يمعة اهلي ماينفع
والشوربة جربتها وكانت خطيرة اتينن ووديتها يمعة اهلي وعجبتهم كلهم

 

[@ الرسامة @]

رد : *طبخات ووصفات لمتبعي رجيم الدكتور حسين دشتي او يوسف بو عباس*

مشكورة على الوصفات الحلوة

 

[xxx]

رد : *طبخات ووصفات لمتبعي رجيم الدكتور حسين دشتي او يوسف بو عباس*

ودي اجرب شوربة المشرووووووووم

 

[^^دموع الكويت^^]

رد : *طبخات ووصفات لمتبعي رجيم الدكتور حسين دشتي او يوسف بو عباس*

سلطات منوعة لرجيم اتكنز او دشتي او بو عباس


سلطه الباذنجان

المقادير:

خس كويتي (مقطع قطع متوسطه)
بربير
جرجير
بقدونس
(اتركي الخضرا على عدالها)
باذنجان مقلي (مكعبات) << نشفيه عدل
1 جبن شيدر (كرافت مبشور)

الصلصه:

1 ملعقه صغيره مايونيز
ليمون + خل
زيت زيتون
ملح

الطريقة :

تخلط مقادير الصلصه بالشوكه.. وتصب على السلطه

 

[^^دموع الكويت^^]

رد : *طبخات ووصفات لمتبعي رجيم الدكتور حسين دشتي او يوسف بو عباس*

سلطه بالجبن الحلوم والزعتر

المقادير:

خس - طماط - خيار - بقدونس - جرجير - بربير
جبن حلوم (مقطع مكعبات)
زيتون اسود واخضر (مقطع دوائر) << جاهز
ملعقه كبيره زعتر (اللي فيه سمسم)


الصلصه:

زيت زيتون
ليمون
خل
ملح

الطريقه:

تقطع الخضروات (قطع متوسطه)
وتخلط جميع المقادير

 

[^^دموع الكويت^^]

رد : *طبخات ووصفات لمتبعي رجيم الدكتور حسين دشتي او يوسف بو عباس*

سلطة المرتديلا بالخس

المقادير:

2-3 اكواب خس مفروم
مرتديلا مقطعه مكعبات حوالي كوب
كوب جبنه شيدر مكعبات
1 بصله متوسطه مفرومه
زيتون شرايح

الصلصه :

مايونيز+خل ابيض+اشويت ماسترد

الطريقة :

تقطع الخضروات (قطع متوسطه)
وتخلط جميع المقادير

 

[^^دموع الكويت^^]

رد : *طبخات ووصفات لمتبعي رجيم الدكتور حسين دشتي او يوسف بو عباس*

سلطة الشاورما

المقادير:

خس أمريكي مقطع شرائح طوليه

1 كرتون شاورما دجاج أمريكا يشوح علي النار

الصلصه:

من 5 إلي 7 ملاعق مايونيز

ملعقه ونصف خردل

نصف قلاص ماء

الطريقة :


تقطع الخضروات (قطع متوسطه)
وتخلط جميع المقادير

 

[^^دموع الكويت^^]

رد : *طبخات ووصفات لمتبعي رجيم الدكتور حسين دشتي او يوسف بو عباس*

سلطة النقانق

المقادير:

خس مقطع شرائح

طماطم مقطع مكعبات صغيره

نقانق مقطع شرائح بالعرض ومقليه بالزيت

جبن كرافت شيدر مبشور

زيت زيتون

ليمون

بقدونس نعناع حسب الرغبه

وثوم حسب الرغبه


الصلصه:

يسخن الزيت زيتون والليمون والبقدونس بعد خلطهم علي النار حتي يبدأ بالغليان قليلا

ويضاف إليهم باقي المقادير حسب الرغبه وتصب فوق الجبن ويذوب الجبن .


الطريقة:

يصف الخس في طبق السلطه


ويوضع فوقه الطماطم والنقانق


ويرش الجبن المبشور علي السطح

 

[^^دموع الكويت^^]

رد : *طبخات ووصفات لمتبعي رجيم الدكتور حسين دشتي او يوسف بو عباس*

سلطة سيزر

المقادير:

خس أمريكي

بصل أبيض طويل

نقانق مقطع مدور ومقلي

جبن كرافت مبشور

زيت زيتون

عصير ليمون

بقدونس

زعتر البيتزا

ثوم

طماطم

الطريقة :

نخلط البصل مع الخس والطماطم والنقانق ونضع فوق الجبن .

نحمي الزيت ونضيف إليه اليمون والبقدونس والثوم وزعتر البيتزا وتطبخ علي نار هاديه

ونضعه فوق الجبن

وبالعافيه