( شيماء & محمد )

[Miss.blue berry]

رد : ( شيماء & محمد )

ثينكيو على البارت
و امبي هذي شيمااء ما تتوووب مو من صجهاا يعني
و مسكيين حسيين شكله صج يحبها و اهيا من صجهاا ما تبيه !
كافي يعرف عنها كللل شيييي !
نااطرينج بلييز نبي بارت

 

[miss_shosha]

رد : ( شيماء & محمد )

حسين كان فرصه بايدها كان يقدر يغير فيها اشياء وايد بس اهي ما قدرت هالشي

بدعت واايد و ظلمت نفسها و ظلمت امها واخوانها

 

[Miss.blue berry]

رد : ( شيماء & محمد )

ايي حرااام و اللله عورت قلبي امها مسكيينه حيل
بلييز نبي بارت

 

[miss_shosha]

رد : ( شيماء & محمد )

قعدت اطالع امي وهي تكلمني شسوي شقول ..؟ لي عين اتكلم اقول ابوسها على راسها و اتأسف لها ..؟ المصيبه ان ردت فعلي كانت بارده قمت بكل وقاحه و قلت لها

شيماء : محد قالج تسوين كل هذا لو انتي مو قد العيال محد قالج تيبينهم

امبيه طلع مني هالحجي فوق شيني واقولها جذي شيماء شفيج هذي امج شفت امي سكتت و الدموع على خدها تدخل حسين

حسين : ما تحشمين احد انتي
شيماء : اقول انت مالك شغل لو فيك خير جان ضبطت حال مرتك قبل
حسين : " يتنهد " شيوم لاخر لحظه انا احبج و ما اقدر اعيش بدونج والله ما انام الليل احاتيج رفيجاتج خرابج انتي مو جذي حرام اللي تسوينه والله مستعد اخطبج اليوم

طالعته اذا خذيته كل مشاكلي راح تنحل كل شي راح انساه اهو يحبني ليش لا يعرف عني شغلات و راضي فيني

شيماء : " ما ادري شلون طلعت هالكلمه " انا احب محمد و ما اتصور حياتي بدونه
حسين : يا بنت فهمي محمد ما يفيدج محمد مو من ثوبج ولا انتي من ثوبه فهمي انا منج و فيج انا اللي شاريج
شيماء : شاريني تفضحني عند امي اموت ولا اشوفها جذي انت ما تدري شسويت فيني انت هدمتني

فجأه حسيت بجسمي يتخدر لا لا لا الا هالحركه مو وقته سكت تغيرت ملامحي واسمع امي وحسين يتكلون بس و فاهمه شي طالعتهم ابي اقولهم شيلوني مو قادره اوقف ما قدرت ردت لي الحاله لا مستحيل تقريبا مرت 6 اشهر مو معقوله يرد لي الحين

صرخت من قمت راسي حسيت بنفسي اطيح بس في احد مسكني قبل لا اطيح

كل هذا صار لي لا و بيوم عيد ميلادي يعني مستانسه انا غلطانه ليش اسوي كل هذا مفروض اتوب وامي امي ما فكرت بامي اساسا ما فكرت بربي اول استغفر الله شيوم حرام والله حرام اللي تسوينه


صحيت و كنت بالمستشفى حاطين لي الدرب و حوالي امي و حسين شفت ملامح امي جنها كبرت 20 سنه و شفت حسين ماسك القران و قاعد يمي حسين شعنده هني شكثر مر علي وانا جذي طالعت حوالي و غمضت عيوني دخل الدكتور

الدكتور : سوينه لها اشعه مقطعيه على راسها وللاسف ..
امها : شنو دكتور شفيها
الدكتور : لقينه ورم صغير الظاهر توه بادي بس ما ندري اذا خبيث ولا حميد
حسين : دكتور يعني تقدرون تشيلونه
الدكتور : احولكم على مكي جمعه
حسين : لا دكتور شيماء تسافر براما تقعد هني تسويه
امها : انتو متاكدين من الاشعه " تبجي "
الدكتور : بصراحه انا بعيد الاشعه و اتاكد اكثر لان الورم وايد صغير و اساسا مو متاكد
حسين : شلون تقول شي بدون لا تتاكد منه صج مجزره و مصخره سو لها خروج انا اوديها مستشفى خاص
الدكتور : هد بالك تطلع على مسؤوليتك منو حضرتك
حسين : انا زوجها

شفته وانا ساكته ماني قادره اتكلم وامي تطالعني حسين ما قصر يحاول بكل الطرق يساعدني

امها : انا اوقع على مسؤوليتي بنتي ما فيها شي انا اعرف دواها

جسمي للحين خدران و لساني ثقيل هل هي نفسيه ولا لاني هديت صلاتي و رديت لخرابيطي فردتلي حالتي

امها : خلاص حسين تقدر تتوكل اخوانها وابوها بيون الحين و مشكور على كل شي انا اعرف شلون اربيها من اول و يديد
حسين : خالتي انا ابيها اخلي امي تدق عليج
امها : حسين شتبي فيها ما راح تعمر معاها انت طول عمرك بتشك فيها
حسين : خالتي صدقيني بسويلها اللي تبيه بس عطوني ياه دمعت عينه "
امها : خل تقوم بالسلامه و يصير خير

سمعتهم يتكلمون و يسولفون بس كل دقيقه تمر علي احس انها عذاب جسمي خدر اكثر و لساني مو قادره احركه راسي احس في ضغط طلعوني من المستشفى وودوني عند الشيخ شافني اخترع

الشيخ : خير ان شاء الله
جاسم : ردت لها الحاله بو قاسم
الشيخ : يا علي عطني القران

قعد يقرا حسيت بعوار راسي يزيد فجاه واهو يقرا قمت و خذي القران و قطيته قتله واحس بنفسي بس في شي يحركني

شيماء : عبالك بتاثر علي هالمره
الشيخ : " قل اعوذ برب الفلق من شر ما خلق "

حسيت بنفسي اني قويه اقدر اسوي اي شي ابيه قمت و كسرت الطاوله و صراخي صراخ ريال طحت بس هالمره ما طولت قدر يسيطر الشيخ مره ثانيه علي بيومين

قمت من النكسه اللي صارت لي لقيت امي على راسي لمتني و قالت لي يايبتلج هديه طلعت جيس فيه تلفون و خط و سويج سياره

امها : يمه عيشي حياتج بس خلي ربج بين عيونج بدون ربج ما تسوين شي صفي نيتج و شوفي شلون الرزق ييلج دايما خلي الاستغفار بلسانج و تذكري ان وراج حساب خافي من اللي في السما لا تخافين مني ولا من خوانج تمسكي بعاداتج و تقاليدج امشي سيده يا يمه يحتار عدوج فيح لا تخافين ما قلت حق اخوانج انا امج انا سترج و غطاج ان طحتي تلقيني اول وحده يمج اشيلج انتي حشاشت يوفي انتي اللي ربي عطاني ياج حق وقت الشده يمكن ما عمري قتلج هالكلمه بس احبج يا يمه انتي حياتي كلها

سمعت كلامها وحسيت بسجاجين بقلبي والله انا ما استاهل يكون عندي ام مثلها
شيماء : يمه شللي تبينه وانا اسويه لج امري بس قولي " تبجي "
امها : اذا تبين رضاي وافقي على حسين ما راح تلقين من يحبج كثره وانا عرفت سالفه محمد ترا محمد سافل و منحط ومحد همه غير نفسه

شيماء : اللي تشوفينه يمه
ما حبيت اكسر بخاطرها حبيت اسوي لها اللي تبيه مهما يكون تعبتها معاي وايد ويا اليوم اللي اريحها وامشي بطوعها
امها : صج يمه
شيماء : اي يمه اللي تشوفينه سويه
امها : الله يوفقج
صار كل شي بسرعه حسين كان طاير فيني من الفرحه عطاني 10 الاف مهر سوالي عرس غرقني هدايا بس انا ما كنت متقبلته

" ليلة الدخله "

كنت خايفه و متردده انا ما ابي حسين سويت هالشي حق امي بس

حسين كان قاعد يمي وانا بقميص على قولتهم ليلة العمر

حسين : شيماء ما راح اجيسج
شيماء : " سكتت و طالعته " ..
حسين : انا احبج واموت على التراب اللي تمشين عليه بس ما راح اجيسج وانتي مو متقبلتني وانا ادري بهالشي و حاولت اني ما اخذج بس مو بيدي احبج
شيماء : والمطلوب يا حسين
حسين : نعيش انا وياج جدام الناس متزوجين بس بالغرفه ما راح اقرب لج الا اذا طلبتي مني وعد يا شيوم

باسني على راسي و قالي

حسين : " طالعه قمر يا بختي اذا خذيت قلبج

ارتحت شوي ما جبرني على شي انا ما ابيه و خليه مرده بيمل و يطلقني بعيش معاه عادي بس حقوقه ما ياخذها مني بشوف لي متى يقدر يتحمل اذكر ليلتها اني ما قدرت انام التفت حق حسين

شيماء : حسين نمت
حسين : لا دنيتي امريني
شيماء : " ترددت اول شي " حسين لمني ابي انام بحضنك
حسيت اني محتاجه هالشي تردد حسين بالبدايه و ما تحرك بعد دقيقتين التفت لي ولمني مسح على شعري وباسني على راسي و الغريبه اني ما خذيت وقت دقايق الا انا نايمه

بس اقدر اكمل مع حسين والعب معاه بهالمسرحيه الغبيه ولا ما راح اقدر ..؟​

 

[^ليلاس^]

رد : ( شيماء & محمد )

وي يمه الظاهر اليني ياها من هالحفلات والترقص سكنهم مساكنهم صج معاناة وعذاب

الحمدلله على سلامتها

 

[جمال رباني]

رد : ( شيماء & محمد )

ويتنق

 

[so_what]

يسلمووو على البارت ناطرينج

 

[6amni bs]

رد : ( شيماء & محمد )

يعطيج العافيه
كملي

 

[Miss.blue berry]

رد : ( شيماء & محمد )

مشكووره على البارت
و هذا نهايه الي ما يسمع الكلام !
اول مره ما تابت !
و ثاني مره امها درت و هم تبي تلعب على حسين !
و تبيه يطلقها !
اصلا عمرها ما راح تحصل مثله
امبي مادري شلون تفكر !

 

[miss_shosha]

رد : ( شيماء & محمد )

صح ما خذت درس عدل ليلحين بس مردها بتشوف الويل و تتعلم

 

[Miss.blue berry]

رد : ( شيماء & محمد )

nbi part

 

[miss_shosha]

رد : ( شيماء & محمد )

دقايق و يجهز

 

[miss_shosha]

رد : ( شيماء & محمد )

حسين كان وايد زين معاي يحطلي و ييبلي و يدور رضاي طلباتي عنده اوامر و تعلقت بعلي ولده حيل مو شوي كنت اشوف دنيتي فيه اتشفق على يوم اليمعه اخذه العبه اوديه اشريله انا نفسي استغربت شفيني جذي حطيت حيلي مع علي بعطله الصيف خذاني حسين ووداني شهر العسل على قولته مر 3 شهور على زواجنه و بالغرفه احس نفسي اخته مو مرته اضحك معاه اسولف اتغشمر تعودت على حسين وايد مو شوي كان يخاف علي من نسمة الهوا


وداني اوروبا خلاني افتر على كل شي باريس سويسرا بلجيكا النمسا المانيا هولنده انجلترا شهرين واحنه باوروبا ومن اوروبا رحنه لبنان نقعد جم يوم بعدها نرجع الكويت بيوم من الايام بلبنان قعدت الصبح ما لقيت حسين قلت يمكن نزل يتريق قبلي لبست ملابسي و طلعت رحت اللوبي ادوره مو موجود شافني موظف الرسبشين و ناداني مدام حسين

شيماء : خير في شي ؟
الموظف : السيد حسين باعتلك الرساله
شيماء : شكرا

قريت الرساله " شيوم حياتي لا تحاتين انا بطول معزوم على حفله مع ربعي "

بالصدفه امس شفنه ربع حسين و استانس انهم موجودين قلت خلاص خليه يستانس لي متى مجابلني خل ارتاح انا بعد رحت السبا قعدت سوولي مساج دخلت حمام سبا دلعت نفسي على الاخر طلعت من السبا تقريبا ساعه 5 و ما لقيت حسين موجود وين اروح ما تعودت على فراقه كان 24 ساعه جدام عيني قلت اقعد بغرفتي و اطالع التلفزيون طلبت لي اكل و قعدت ما ادري متى غفيت فزيت و كانت الساعه 2 الفير التفت ادور حسين مو موجود ساعه 2 و حسين ما رجع نغزني قلبي قلت اكيد في شي بس انا مو بالكويت ما اعرف اماكن وما ادري الطريقه اللي اسال فيها شسوي خفت حزتها مره بروحي و ريلي مو موجود معاي قعدت احاتي لي ساعه 4

سمعت صوت الباب يتبطل فزين ركضت و شفت حسين كان سكران ولاني متعوده على هالمنظر ما عصبت ولا تنرفزت خذيته بسكات دخلته الحمام و بديت اسبحه وانا اغسله شفت بقع غريبه على جسمه على رقبته شكنت متوقعه منه طبعا اهو ريال وانا معاه جني خشب لوح يمه ما اعطيه حقه الشرعي اكيد بيروح يدوره سكت و عذرته حطيته بالفراش و وخرت عنه عشان يرتاح مسكني وهو شبه فاقد

حسين : شيوم حياتي تعالي بحظني باباتي تعالي ما احس اني عايش الا وانتي معاي

طالعته شسوي له هذا على كثر اللي سوالي ياه مو قادره اتقبله قلت يله لا اطفره نمت بحضنه ما حبيت اكسر بخاطره صار اليوم الثاني قعدت و شفت حسين يطالعني

شيماء : شفيك ..؟
حسين : صباح الخير
شيماء : صباح النور

حسين : مشتاقلج
شيماء : انت مو ريال

كان ودي اضحك يوم شفت نظرات حسين تغيرت و صحصح عقب الكلمه قام و وقف حسيت انه بيطقني

حسين : اي صح مو ريال لاني مو عارف اخذ من مرتي اللي ابيه بس تدرين شلون نطرتج وايد يا شيوم و مو ملزوم اتحمل

خفت من كلامه واللي خوفني اكثر شفته يتحرك يمي قمت من مكاني و دموعي تنزل

شيماء : الله يخليك حسين انت وعدتني انا اسفه والله ما اعيدها
حسين : الحين تتاسفين هاه انا اعلمج الرجوله على اصولها يا بنت الحمايل

مسكني وانا اصارخ " لا حسين لا حرام عليك " فجاه هديت و ما تحركت ليش انا اسوي جذي انا وصلته لهلحاله حسين عمره ما شرب ادري فيه اعرفه اكثر من نفسي يروح يلعب من بنت لي بنت و انا ادري فيه من اول ما اخذني بس اسكت مالي ويه اعاتبه و كيفه لاني مقرره اتطلق مني حس فيني هديت تحته قام

حسين : انا اسف يله جهزي جنطتج بنسوي جيك اوت و نرجع

ادري بداخلي ان حسين ما راح يضرني بس اللي تفاجأت منه

شيماء : حسين انا احبك

ما صدقت شلون طلعت مني الكلمه و حتى حسين قام يطقطق بويهه يشوف اهو بحلم ولا شنو

حسين : شنو قلتي

رد عدت نفس الكلمه وانا مو حاسه بنفسي

شيماء : انا احبك

طلعت من قلبي صج احبه يمكن مو حب يمكن تعود بس امس احاتيه وغرت بشكل مو طبيعي يوم شفت طبعات جسمه خلاص شيوم لي متى بتعيشين جذي استقري مع حسين ريلج يحبج ما راح تلقين واحد مثله انسي اللي راح


حسين طاير من الفرحه يشيلني و يحطني يشتريلي كل شي ابيه من الطار


رجعنه الكويت يسلم على امه وامي يبوس اليهال يمشي و يقول احبها والله احبها ضحكت عليه ووعدته الليله بكون مرته


تجهزت له و تعطرت بخرت الغرفه كان رايح الديوانيه و يرجع استانست اليوم ببدي حياتي ليش من زمان ما سويت هالشغله كنت غبيه دقيت عليه ساعه 11

حسين : هلا بحياتي هلا بام عيالي
شيماء : " ضحكت و عجبتني فكرت العيال " هلا حبيبي هاه مطول
حسين : لا يا قلبي نص ساعه واكون عندج احبج يا دنيتي

النص ساعه صارت ساعه انطر ادق ما يرد علي صارت ساعه 4 وينه حسين


ساعه 6 دق تلفوني شفت رقم غريب

شيماء : الو

اي انا مرته

شنو .. ؟! ​

 

[6amni bs]

رد : ( شيماء & محمد )

وي ويييييييييييييييييييي لايكون صارله شيييييييييي الله يستر
كمليييييي ناطرينج

 

[جمال رباني]

رد : ( شيماء & محمد )

نبي بعد بارت .. جاري انتظار ...

 

[Miss.blue berry]

رد : ( شيماء & محمد )

مشكووره على البارت

 

[miss_shosha]

رد : ( شيماء & محمد )

دقايق و يجهز ان شاء الله

 

[so_what]

ناطرينج اخذي راحتج

 

[miss_shosha]

رد : ( شيماء & محمد )

مردي لهلمكان الناس حوالي وانا واقفه اشوف حياتي ندفنت دموعي تنزل و الكل يقولي عظم الله اجرج

حسين مات ريلي مات اللي حبني بهالدنيا مات نطرني و صبر و يوم اني بعطيه و اصير ملكه خلاني و راح

شيماء : راح نظر عيني راح اللي كان ظهري بهالدنيا راح ريلي راح حبيبي راح كل دنيتي

اتكلم و ابجي من الحره اللي فيني مو متخيله الوضع واقفه على قبره و اشوفه يدفنونه جدامي اطالعه بالجفن و تمنيت كنت انا مكانه ربي عاقبني و هالعقاب كسر ظهري الحمد لله على كل حال

مرت علي ليالي اقعد بفراشي ما انام اخيه وين اللي كان ينومني بحظنه كل ليله وين اللي يطفرني و يلعب معاي حسيت بقيمته ما انام الا قطعه من هدومه اغطي فيها ويهي هذا حسين و راح يا شيماء شبقالج بعد

مرت ايام العده ما قطيت فيها السواد علي كان يزورني و من اشوفه اتذكر حسين كان نسخه منه امه تدق علي تبجي مو مستوعبه ولدها مات الكل حوالي يطالعون لي بنظره شفقه

المصيبه اني ما انكسرت قمت و صرت اقوى من قبل عاهدت نفسي ما ارد للي كنت فيه و احافظ على سمعة حسين

اسمي الحين ارمله حسين و هالاسم بيبقى شريف طول العمر ما بعدك ريال يا حسين

رجعت الكليه كملت احاتي و ما فكرت اقط الاسود خليته علي يستاهل حسين اعيش باقي عمري عشانه

قعدت و تذكرت ليلتها يوم دق علي الرقم الغريب

شيماء : ايه انا مرته

شنو ..؟!

..: حسين سوه حادث طالع من الديوانيه و على الخط السريع كان مسرع انفجر التاير و ما تحكم بالسياره

كان يايلي مسرع حبيبي كل هذا صار له مني

سمعت كلام الريال و قمت اصارخ

...: اختي الريال ليلحين فيه روح و طلبج تقدرين تيين

شيماء : اي مستشفى
...: العدان

خذيت سويج السياره و رحت طايره ما اذكر قطيت على نفسي شي كان اهتمامي اوصل عند حسين وصلت هناك باقل من 10 دقايق ما صفطت السياره خليتها مبطله و نزلت

دخلت المستشفى اصارخ حسين ريلي وين وين مسكتني الممرضه تبي تفهم مني السالفه

شيماء : حسين " قمت اشاهق " مسوي حادث عندكم

عرفته الممرضه و دخلتني غرفه العنايه شفت حسين الدو مغطيه من كل صوب حاطيله جهاز تنفس دكاتره حواليه و خرتهم و دخلت طالعني مسك ايدي ابتسم و غمض عيونه

انهرت و قمت اصارخ " حسين قوم كلمني حسين لا تخليني والله احبك حسين لااااااااااااااا "

افراح : شيوم شيوم شفيج ..؟
صحتني من اللي كنت فيه
شيماء : هلا فروحه حبيبتي
افراح : وين سرحتي

شيماء : معاج ماما امريني
افراح : قومي معاي عندي لج مفاجأة
شيماء : وين ..؟
افراح : قومي بس

رحت معاها و اسمعها تسولف بس ما كنت معاها ما ادري شنو طريجها سرحانه و قلت وين ما تروح كيفها مالي خلق اتناقش نزلتني بمكان بحر و ناس رايحين و رادين ما اذكر وين بالضبط بس اللي اذكره اني شفته جدامي ايه اهو


محمد : عظم الله اجرج " مد ايده "
شيماء : " حقرته " فروح ليش جذي
افراح : صدقيني ذبحني كل يوم من تزوجتي يدق يقول بيشوفج كان بيقولج شغله بس
محمد : شدعوه شيماء بس كلمه
شيماء : " بجيت " امر
محمد : هدي بالج ابيج بموضوع شيوم ادري اللي مريتي فيه مو شويه وانا ندمان على اخر مره والله ما كان قصدي بس كنت فاقد و شارب شيوم ابيج تسامحيني
شيماء : مو محلل لا دنيا ولا اخره فروح امشي نرجع
افراح : اللي يريحج لا تعصبين

مسكني من ايدي و لفني صوبه

محمد : " خانقته العبره " والله ما ابي منج شي انا ليلي ما انامه يا شيوم و الحين بعد ما شفتج بهالسواد صدمتيني ضعفانه و صحتج رايحه من متى انتي جذي شيوم ارضي باللي الله كاتبه حسين راح خلاص
شيماء : " عصبت " لا تييب اسمه على لسانك هذا عمك و عم طوايفك كلهم تفهم و قتلك لي يوم الدين ما راح اسامحك فكني من شرج

طاح على الارض يبجي الله و اكبر محمد يبجي من متى اشفق علي ليش انا شفيني يشفق علي انا خذيت جزاي استاهل كل اللي صارلي و اهو السبب بكل شي بكل شي حسين راح مني الحين ما في شي يسوى بعيني

شيماء : " طالعته بنظرت حقد " لا تبجي انت ريال و اذا انت صج متحسف على اللي سويته انا مسامحتك ما ابي اشوفك بعد حتى لو صدفه يا انا بالمكان اللي احنه فيه يا انت فاهمني
محمد : والله ما اسوى شي بدونج عطيني فرصه اغير اللي صار
شيماء : " تضحك بهستيريا " انت احط بمكان حسين تخسي لا انت و لا عشره من اشكالك روح الله يسامحك يله فروح

مشينه و عاتبت فروح على اللي سوته لان الحركه مو حلوة و بعدين انا ارمله وضعي مو مثل قبل العين تتبطل علي اكثر وانا عارفه هالشي بس فروح ما عدت السالفه

افراح : انتي لازم تتغيرين شيوم شكلج يخرع جنج كبر يدتي
شيماء : ما شكيت حق احد الحال
افراح : متى بتقطين الاسود
شيماء : بقبري ان شاء الله
افراح : مينونه والله

بين حنة البنات بالكليه و حنت افراح بالذات على اللون الاسود قطيته و بديت اكل و شوي شوي رجعت لي صحتي ازور حسين بقبره كل خميس اكون عنده و اسويله ثوابات واقعد اسولف وياه خليتها عاده بالنسبه لي كنت انام و احلم فيه يمي يكلمني و يسالني عن احوالي صج ما نحس بقيمة الشي الا لما نفقده انا صج ارمله بس بعدي بنت محد يدري بهالسالفه ما حبيت اني اطيح حسين من عينهم كلام الناس ما يرحم اكيد كانوا بيحطون فيه الف عيب و عيب

مع الايام محمد صار يدق علي و طبعا افراح معطيته رقمي يدق و المشكله قمت ارد عليه لاني كنت احس بوحده مو طبيعيه ارد عليه اسمع سوالفه بس ما اشكيله لان كان عندي حسين اشكيله كل خميس رد محمد مثل ايام قبل ذكرني باول يوم عرفته بس ما كانت ردته بدون مقابل بما انه حقير وانا ادري عنه هالشي و يبي مني الفراش ما قمت اعطيه مجال

ولي هاليوم و اهو يدق مرت الحين سنتين على وفاه حسين ما نسيته و الخميس مخصص له محمد يدق وارد عليه يبجيني بعض المرات بس ما اطلع معاه ولا اقرب صوبه ما احس في واحد يسوى ياخذ مكان حسين صقر اتواصل معاه بالمسنجر و سويت لي صداقات بس ما تتعدا حدودها طلعات ما اطلع بالبيت محافظه على صلاتي و محافظه على نفسي ما اتكلم و اييب طاري حسين ابد حق احد لاني احس انه شي خاص فيني شي غالي ما ينقال حق اي احد و هذي قصتي قصة شيماء & محمد التجارب اللي مريت فيها و حسين اللي ما اقدر انساه ولا اتجرا اسولف عنه حسين حبيبي وعمري ما راح القى مثله


اتمنى ما طولت عليكم و استفدتو لو شوي من القصه .. ​

 

[Miss.blue berry]

رد : ( شيماء & محمد )

مشكووره حبيبتي يعطيج العايه على القصه
و اهم شي شيماء تابت
بس صج ما نحس بقيمه الشي الا لما نفقده
بس هم الي قاعده تسويه غلط لييش تكلم محمد ليلحين
يمكن في يوم من الايام يستدرجها و يردها مثل قبلي
نصحيها حبيبتي خليها توخر عن هالطريج
و اذا اهي تقرا ردي بعد الحين
و بعدين حتى صقر ممكنن يخربها و يردها مثل قبل
حتى لو محمد مو زين حى صقر نفس الشي و عنده سواالف
صج انه مو حقيير مثل محمد بس هم ينخااف منه
و بعدين لا تعتبر اي احد ينصحها انه يتحكم فيها
كل الناس تغلط و كلنا نحتاج نصيحه
ماكو انسان كامل