( شيماء & محمد )

[so_what]

يسلموو على البارت ناطرينج

 

[Miss.blue berry]

رد : ( شيماء & محمد )

ثينكيو على البارت
و ناطرينج

 

[جمال رباني]

رد : ( شيماء & محمد )

ويتنق

 

[miss_shosha]

رد : ( شيماء & محمد )

صقر كان وايد قريب من شيماء و كانت تعرف عنه ادق الاشياء و تعرف روتينه اوضاعه بالبيت دوامه كل شي يخطر فالبال

صقر او ( محمد ) كان في الجيش علاقته متوتره بالبيت بحكم ان امه وابوه منفصلين من صغر و كل واحد منهم متزوج و عنده عيال واهو من بيت ابوه لي بيت امه لي بيت يدته فما كانت تلومه على حياته

حياته باختصار " دوام يوم بيومين شفتات يروح شقته اللي شاءت الصدفه على قولتهم انها تتكون بنفس عماره محمد و نفس الطابق و هذا اللي حير شيماء تروح و ترد لازم يكون جدامها و طبعا صقر الشرب و السهر عنده حاله طبيعيه " كانت شيماء تشفق عليه وتساعده وايد يمكن شافت فيه نفسها عرفت اللي داخله و ما كان يطمع بشي باختصار كان يبيها يمه

مو حب ولا صداقه شي ما قدرت اهي ولا اهو توصفه كان يسمعها و كانت تلمه لي بجى و شكا لها عن امه ولا عن ابوه كانت تروح عنده اذا كان نايم بالشقه او اذا كان سهران بالشقه و سكران تقومه تغسله تخليه يصحصح تلبسه و تخليه يروح الدوام

صارت تحس انه امه واهو حس انها ملت حياته والفراغ اللي داخله كانت تعرف بعلاقاته و كانت ترد على البنات اذا شافته متاذي منهم يعني صج انه مو مثل محمد حبيبها اللي كانت تظن انه كامل بس اللي خلاها تصبر عليه انه محتاجها

" بالكليه "

البنات متجمعين كالعاده من الصبح الساعه 8 يتريقون و يسولفون و كان الكل ملاحظ تغير شيماء باسلوبها و طريقتها ما كانت اللي تضحك و تستانس كانت ساكته و تسمع تسرح بويه هذي ما تركز مع هذيج بس كانو عاذرينها ما مر على سالفتها شهرين الحب اللي من قلب مصيبه صعب الواحد ينساه او يتناساه

ريم : " تضحك و تلم شيوم " احبج يا صديقه اموت فيج
" صديقه هذي كلمتهم متعودين عليها "
شيماء : وانا بعد ريومه احبج واموت فيج " دمعت عينها " كنت غبيه ابتعدت عنكم عشان واحد ما يسوى
أسماء : صار اللي صار و المهم تعلمتي ان مستحيل تييلج مضره منه احنه على قلب واحد و لا تحطين فبالج بنكون يمج مهما صار

" دق تلفون شيماء و كان صقر "

شيماء : هلا صقور ماما صباح الخير
صقر : " صوته سكراتن كالعاده و ما داوم اليوم " صباح النور .. وينج ما مريتي اليوم
شيماء : عندي امتحان .. يا غبي ليش ما داومت
صقر : ما لي خلق بطلع اقز على البحر
شيماء : وانت بهالحاله
صقر : اي .. متى تخلصين امتحانج
شيماء : ساعه 11
صقر : زين لاني برد البيت الحين بطلع على ال1 بخلي مفتاح الشقه تحت كبت الجواتي " عزكم الله " الخدامه بتيي تنظف تعالي باشريها و في فلوس بكبتي روحي مركز سلطان
شيماء : اوامر ثانيه سيد صقر
صقر : تدرين ما اثق بغيرج و اذا ما كفتج الفلوس كرتي البنك امس حاطه فبوكج
شيماء : حسبي الله على عدوك ما شفته " تمسك بوكها تتاكد و لقته موجود " اي اشوه لا تسوي هالحركه مره ثانيه بدون لا تقولي افرض ضاع
صقر : فداج ما يغلى عليج المهم شيوم ودي اروح السوق ابي ملابس و تدري ما اعرف بروحي
شيماء : من عيوني حاضر
صقر : و في علبه صغيره بكبتي مغلفه هذي هدية لج اخذيها يله باي و ركزي بامتحانج يا الغاليه
شيماء : ان شاء الله ربي يحفظك بايات

صقر ما كان يبخل بالهدايه على شيماء كل اسبوع ذاكرها بهديه لان مقدر اللي قاعده تسويه له و ما لقى بنت مثلها مقدرته و على قولته اخت دنيا

" بعد الامتحان "

أنوار : هاه شسويتي ..؟
شيماء : ماشي الحال يله انا بروح اخلص شغل صقر تيين معاي
أنوار : يله فيني هياته

" عند العماره "

أنوار : ما تخافين تشوفين حمود هني
شيماء : تصدقين ولا مره صادفته احسن شللي بعوار القلب و المغثه حتى سيارته ما اشوفها لاني اصفط تحت
أنوار : يله اخاف الخدامه وصلت بقعد اشوف تلفزيون على ما تخلصين
شيماء : اووك يله

راحو الاصنصير و ضغطت على الدور السادس

شيماء : قالي المفتاح هني صقور الله يهداه و حاطه فوق الباب

" سمعوا صوت باب يتبطل و تحديدا باب شقة محمد "
طلع محمد معاه البنت اللي شافتها شيماء معاه تحت عند العماره

محمد : نوف حياتي " يبوسها " جنه العماره زحمه
نوف : " تضحك بصوت عالي " اي و الله الجو مغبر بعد

أنوار : ويييع شنو هذا حمد لله و الشكر " تضحك " جنج منيره عاشور شايفه نفسج ليش
نوف : هي انتي منو كلمج
أنوار : امبيه شيوم صج خذت فضلتج عاد من زين فضلتج اقصاه حمود يمعوده من صجج تحبين هذا
شيماء : " معطيتهم ظهرها و العبره خنقتها بس تحملت و تكلمت فبرود " شفتي يا نونه هالاشكال اللي حسافه تضيعين وقتج معاهم المهم خيولون هذيل زباله حشاج شوفي الباب مو راضي يتبطل
محمد : " عصب " هي انتي منو زباله " قرب يمها و مسكها من ايدها " ما نسيتي الكف اللي عطيتج ياه
صقر : " طلع فجأه ووقف جدام محمد و طالعه بنظره برود صقر كان برونزي شعره ناعم و عيونه ناعسه جذاب الولد احلى بوايد من محمد " " مسك ايد محمد ووخرها عن شيماء " فكر مره ثانيه بس تلمس شعره من شعرها ويكون موتك على ايدي اخذ القحـ اللي معاك و فارج و مالك حق تكلمها " يمسك شيماء من خصرتها و يبوسها على شفايفها جدام الكل "

" شيماء تدري انه سكران بس انصدمت و محمد قلب لونه ما يدري الغيره ولا هالشي كان له و شافه عند غيره ما يدري شصار فيه خذا نوف و راح و راسه بالارض ما يدري شيقول ولا شيسوي بس كان يدري انه ليلحين يحبها وده يمسك صقر و يطقه وده يلمها بس ما كان يدري شيسوي "

صقر : دخلو يله " كان معصب " انتي ما تفهمين انا مو قتلج اذا صادفتيه صدي عنه و كملي
شيماء : " تبجي " ..
أنوار : اهي ما قالت شي اهو بدا و شعندك انت هني
صقر : نسيت تلفوني .. سمعي لا تقعدين تبجين شيوم انتي تعرفين غلاتج واني ما افكر اضرج و ما يهون علي اشوف دمعتج نازله على شي ما يسوى انا بروح و بعدين اتفاهم معاج " باسها على راسها " نونه ديري بالج عليها و هذا رقم مطعم تغدوا هني مع السلامه
انوار : مع السلامه

" وصلت الخدامه و خلصت شغلها و شيماء تعدل بملابس صقر و تفكيرها كله باللي صار اليوم و دموعها تنزل بدون لا تحس تدري انها تحبه بس مو معقوله يهينها جدام اللي ما تتسمى " ضحكت يوم تذكرت انوار تقول عنها منيره عاشور "

خلصت من شقة صقر راحت مع انوار مركز سلطان تشرت حق صقر و ردت الشقه حطت الاغراض و راحت السوق تشتريله تي شيرتات و جينز و تذكرت العلبه خذتها و حطتها بالجنطه افتحتها وانصدمت

كان خاتم الماس ناااعم و شكله حلو استغربت ما صدقت انه الماس شافته انوار و قالت امشي نشوف جم سعره كان خاتم شوبارد سامه لها ب 700 دينار

شيماء : انوار ما اقدر اخذ هالهديه منه
أنوار : مادري شقولج بس اهو حيل يعزج

شيماء : لحظه بدق عليه ... ما يرد اكيد مشغول
أنوار : لي فضى بيدق امشي يله نحط اغراضه بالكبت عشان ارد الكليه الحق على السايق
شيماء : اووك


" فبيت شيماء "

كان الوضع مقلوب طبعا ابوها كان موجود و صراخ اهو و امها على ولا شي و تشوف اخوها يبجي تلمه و حنان مصكره على روحها الباب

شيماء : خلااااااااااااااااااااااااااااااااااااااااااااااااااااااااااااااااااااااااااااااص الله ما يرضى جذي
ابوها : انتي حماره تصارخين علي .. " يلتفت على امها " هذي تربيتج
شيماء : " دموعها تنزل " مالك شغل بامي وانا قاعده اكلمك اذا زوارتك لنا بتسوي هالمشاكل رجاء مابي اشوفك هني مره ثانيه
ابوها : تطرديني يا قليلة الادب صج ما عرفت اربيج و تعبي فيج ضايع
شيماء : " تضحك و دموعها على خدها " ومنو قال انك تدري عني يبه امانه جم عمري انا ..؟
ابوها : .. وانا فاضي اعد عمرج انتي نحس البيت انتي اللي هدمتي بيتي
امها : خلاص بس كافي عقدت البنت
ابوها : لا خليها يمكن تحس و يكون عندها احساس بالذنب
" شيماء الوحيده من اخوانها وقفت مع امها لين طلقها ابوها بعد ما اكتشفت امها ان ابو عيالها متزوج عليها وحده من شرق اسيا و المصيبه ان مهرها كانت امها اللي دافعته بدون لا تدري كل هذا قروض على ظهرها "

شيماء : اوك انا اوريك

" دخلت غرفتها حطت جنطتها واغراض ما تدري شنو حطت من كثر الدموع "

شيماء : انا رايحه و يله يا ابو البيت عدل وضعك
امها : شيماء يمه وين " تطلع شيماء وامها تبجي و تنادي " شيمااااااء​

 

[Miss.blue berry]

رد : ( شيماء & محمد )

مشكوره على البارت
بس امبي شيماء بدعععت يعني مهما يكوون صقر زين ما يصير تروح له الشقه يعني الشيطان ما مات
يعني المفروض اتوب عفب سالفه محمد
و مشكووره على البارت مره ثانيه
بس امم وين راح تروح شيماء
شوقتيني بعرف شبصير
نبي بعد بااارت ناطريينج

 

[miss_shosha]

رد : ( شيماء & محمد )

صح انا معاج بس شيماء ضااعت عقب محمد
وراح تيي احداث اقوى غلطت بحق نفسها
ما تدري شتسوي خصوصا محمد عودها على الحرام

هذي قصة حقيقيه واهي تقرا الحين

 

[Miss.blue berry]

رد : ( شيماء & محمد )

اها
انشالله عاذ تتعلم بالنهايه
كل انسان يغلط بس اهم شي يصحح غلطه

 

[miss_shosha]

رد : ( شيماء & محمد )

تقولج صح كلامج بس فهمت متاخر وااايد

" خذيت طراقي من هالدنيا و تعلمت اتمنى في احد يقرا و يفهم ان ما في شي اسمه حب هذاا ضيااع و البنت اذا حست بالضياع يصير كل شي عندها عادي ولمه تصحى على نفسها يكون كل شي ضاااع "

هذا كلامها مو انا

 

[جمال رباني]

رد : ( شيماء & محمد )

واي تكفين شوقتيني نزلي بعد بارت

 

[Miss.blue berry]

رد : ( شيماء & محمد )

^
^
اي و الله حتى انا ابي بارت

 

[so_what]

نبي بارت طويل بلييز

 

[miss_shosha]

رد : ( شيماء & محمد )

تركب شيماء سيارتها و تحرك قبل لا احد ينزل بس لحظه وين تروح ,,, لا من عمام ولا من خوال عمامها عداوة مع امها لان مذهبها غير مذهبهم و خوال ما عندنه كلها هالخاله و متوفيه و بناتها متزوجين وين اروح ..؟ عند رفيجاتي لا ما احب اقطط نفسي عند احد و مستحيل اروح عند صقور ما وصلت الجراه فيني اروح له و تالي الليل اكيد عنده حفله و قاعدين بس لا مو لهدرجه عاد مالي الا هالحل اي اكيد بتخليني عندها


رحت عند رفيجه امي اهي تقريبا بحسبت امي طقيت الباب و كانت الساعه 8 بليل تقريبا

ام حسين : شيوم تعالي يمه حياج دخلي " شافت ويها مورم من كثر البجي
شيماء : هلا يمه شلونج ؟
ام حسين : يمه حرام عليج امج توها مصكرته مني و تحاتيج
شيماء : يمه ترا مالي خلق ولاعت جبدي
ام حسين : امج شذنبها
شيماء : ولا شي بس انا نفسيتي تعبت منهم يمه اذا مضايقتج اقوم اروح
ام حسين : جبي وقعدي مكانج يله ماكو طلعه قومي حطي اغراضج و تعالي نسوي العشا حق امج العوده
شيماء : ان شاء الله

ام حسين كانت عايشه مع امها وما عندها الا حسين و كان يدرس برا واهي ارمله فمحد عندها قدرت اخذ راحتي عندها و كل مره ارتاح عندها و كنت مصكره جهازي مالي خلق احد

سوينه عشا و قعدنا كلمت امي و طمنتها اني بخير بس بغير جو جم يوم و ارجع نمت يومها وانا افكر و الحوار شغال بيني و بين نفسي افكر بحمود واللي صار لي اليوم ليش يعاملني جذي اهو بدا خيانه مفروض ما يحط عينه بعيني اااااااااااااااااه افكار واايد و راسي يعورني خل انام و باجر يصير خير


" الصبح "

ام حسين : بسم الله يله يا شيوم ساعه 8 تاخرتي على الكليه
شيماء : يمه شوي بس تعبانه
ام حسين : ميخالف يمه يله قومي اجهز لج الريوق

قمت وانا راسي ذابحني الصدااع كان فظيع وين تلفوني خل اشوف الساعه جم وي ناسيته مصكر خل ابطله على ما يشتغل اغسل والبس كان جهازي سوني اريكسون على ما يتبطل يعل الجبد

رحت غسلت و لبست و قعدت اتريق و نسيت موضوع الفوون
ام حسين : يله يمه تاخرتي قومي توكلي
شيماء : ان شاء الله تامرين على شي
ام حسين : لا ديري بالج على نفسج و اخذي من بوكي مصرف
شيماء : تسلمين يمه الله يطول بعمرج مع السلامه

رحت خذيت مصرف و خذيت تلفوني اووف 6 مسجات و 20 مس كول توني مبطله الجهاز متى مداه منو هالرقم الغريب و داز لي مسجات

" ردي علي ابيج ضروري "
" شيوم فيج شي قمت احاتي "
" اول ما تشوفين الفون دقي ضروري "
" طولتي علي "
" لي متى انا ناطر يله "
" ليش الحقران "

منو هذا و شيبي ركبت سيارتي توني بدق على البنات بشوفهم وينهم مابي ارد عليه اخاف واحد يستعبط بس شلون يستعبط و يعرف اسمي يوووه يا شيوم خل يولي لا تفكرين فيه توني كنت بدق على فروح ولا يدق نفس الرقم وقف قلبي منو هذا خلاص برد اشوف منو

شيماء : الو نعم
محمد : احبج شيوم

امبيه من صجه هذا مينون مو صاحي

شيماء : وانا بعد بس انت مو كفو باي

صكرت التلفون بويهه بس ليش قتله انا بعد غبيه غبيه غبيه خيولي يبي يلعب فيني الذيب ما يهرول العبث

وصلت الكليه و قعدت مع البنات و حطيت تلفوني سايلنت مالي خلق احد قمت و طلعت مع البنات طبعا كالعاده مصخره و شباب و ترقم و مغازل تذكرت رفيجتي دلال بالتكنولوجيا بدق عليها اشوفها صج مشتاقه لها

جنان: هلا بالحب ذاكرتني اليوم
شيماء : و متى نسيتج يا العياره
جنان: تعالي مريني ترا صج مشتاقتلج
شيماء : يله مسافة الطريج اصلا داقه عشان بمرج
جنان: اي تعالي معاي البنات بعرفج عليهم

ولان طبعي كان اجتماعي شوي فقلت اروح اغير جو رحت التكنولوجيا و هني بددا فصل ثاني من حياتي لمه تعرفت على اماني و اسراء تاثيرهم كان وايد كبير علي و سويت معاهم بلاوي وايد

علاقتي صارت حيل كلووووس وياهم طلعاتنا و قعداتنا مع بعض مر شهر تقريبا كنت مع صقور اغلب الوضع و قتله السالفه اللي صارت لي بالبيت و شكرته على الهديه بس طلبت منه يوقف هدايا طبعا ما سمع مني و كل اسبوع يفاجئني بشي يديد عقدني هالريال مع اني ما احس اني قاعده افيده باشياء يعني ما اعطيه فراش ولا شي يمكن بس مره انا كنت محتاجته فصار اللي صار غيره لا المهم و انا قاعده عند ام حسين و اهي كانت مستانسه على الوضع تغسل و تحط لي تقول تذكريني بولدي صج انه فشله بس انا مرتاحه من الصراخ و الغثا و كنت اطل على امي كل يوم اقعد عندها و ارجع انام عند ام حسين

فيوم قبل لا انام دقت اماني

اماني: شيوم شفتي جنوون شسوت
شيماء : خير شصار
اماني: تهاوشت مع اسراء و صار بينهم حجي وايد صراحه انا ما رضيت على اختي و رديت عليها بعد انا
شيماء : ليش كل هذا
اماني : شدراني مستشره
شيماء : خلاص انا ادق اشوف شفيها و ارد ادق عليج باي

قمت و دقيت على جنان بما ان جنان رفيجتي 7 سنين فمستحيل اضايقها بشي اكثر من اخت بالنسبه لي

جنان: هلا حياتي هلا شيومه
شيماء : هلا يا الغلا شفيج ماما مع البنات
جنان: مسرع ما دقو يتشكون لج
شيماء : وانا غريبه يا زفته
جنان: انا ما ابيج ترافجين بنات انا مو مرتاحه لهم
شيماء : حبيبتي وانا مو ياهل تمشيني على كيفج خلاص يصير خير تصبحين على خير
جنان: زعلتي
شيماء : لا يا هبله ما ازعل بس انتي تدرين ما احب احد يتحكم فيني
جنان: خلاص نوم العوافي

هذي شفيها من صجها تحسسني نظام اليهال يا انا يا اهي وانا شلي بعوار الراس كيفهم ما راح ادق على اماني بدز مسج و اواعدها باجر و خلاص

طبعا اهملت محاضراتي اخلي البنات يحضروني و ينقلون محاضراتي طبعا تمشي على الدكاتره شدراهم من كثر البنات اذا انا موجوده ولا لا واذا في امتحان يبلغوني البنات

اماني: هلا شيومه هاه شنو مشروعج اليوم
شيماء : امشي نتريق و نتمشى شوي

تريقنه و تمشينه نزلنه عند واجهه ما اذكر اي واجهه بالضبط و كان الجو حلو ربيع يعني اللي طالع بالجت سكي و اللي بالسياكل شفت بنات راكبين سياكل زاغ قلبي استانست ودي اركب وعلى حظي واحنه نتمشى في سيكل يتحرش

شيماء : اموووون قوليله بركب
اماني : افا عليج .. لو سمحت

راعي السيكل : هاه ودج تركبين
شيماء : اي اي
راعي السيكل : فصخي اللي على راسج " الملفع " و تعالي

قمت جدام الناس ما حسبت حساب احد فصخت ملفعي و فصخت القميص كان تحته بدي حفر و مع الجنز و لبست الخوذه هههههههههههههههههههههه صرت نفس بنات الشوارع حسبي الله عليك يا محمد طالعني راعي السيكل و شاف شعري كان شعري طويل و ناعم واشقر فشكله يغري تحت الشمس

اماني: " تهمس لي " شيوم الريال ضرب عليج لا يسوي لج شي
شيماء : جبي وانتي وين بتروحين بتمشى معاه انا
اماني: بروح اركب جت سكي هذاك صار له ساعه ياشر جنه بيموت

انا و اماني كنا ميانين شوي جربنه كل شي و كنا مع بعض وايد مع انها اصغر مني بسنه بس احسها نفسي تبي تجرب تبي تعيش ما تحسب حساب اللحظه مع انه اكبر غلط رحت و ركبت مع راعي السيكل حطيت ايدي على خصره هني حسيت شي تحرك داخلي انا نوعي حاره وايده و محمد كان معودني على هالشغله ما ادري ليش صار جذي فيني حسيت اني ابيه بس قلت اعوذ بالله انا مو رخيصه لهدرجه تمشينه انا وياه و قام يونسني يدوس شوي صرخت و ضحكت و حسيت ان الدنيا ملكي كنت احب اخاطر واسوي اللي فبالي الشباب في الخليج كانو يشوفون و يصفرون و اللي ياشر يبيني معاه كان راعي السيكل يشوف و يضحك على قولته قااام سوقج

وقفنا بمكان فبنيد القار يم بقاله نشرب ماي و يرتاح اهو شوي

راعي السيكل : شسمج ..؟
شيماء : " طبعا بدون تفكير واهي تشرب الماي " شيماء وانت ؟
راعي السيكل : صالح
شيماء : عاشت الاسامي جم عمرك ؟
راعي السيكل : 29

صراحه انصدمت شكله بيبي فيس و جسمه حيل حلو اعطي باول العشرينات مو بدايه الثلاثينات طالعته

شيماء : وين مرتك ..؟
صالح : مو متزوج ما فيني عيال

انصدمت من جراته و صراحته سكت و شفت تلفوني الا صقور حارقني

بدون لا استاذن منه طبعا قمت دقيت على صقور

شيماء : هلا صقوري
صقر: انتي كنتي توج بسيكل
شيماء : " تضحك " اي انا كنت بالسيكل شفتني

حسيت نظرات صالح بتشقني شق صكرته من صقر

صالح : انتي غريبه شسالفتج
شيماء : و لا شي يله نكمل
صالح : تدرين انج تغرين

استانست انه نظرته لي فراش بس مستحيل اعطيه شي مو لاني ما ابيه لا لاني... ما ادري بس كرهت الفكره مع اني كنت ابيه

شيماء : يله نتمشى عشان نرد
صالح : يله على راحتج

تمشينه و اهو يلمس علي حسسني اني نثيه استانست عليه بس ثقلت جدامه رحنه الحب الضاحيه شرق بلاجات كل مكان وانا معاه الحين المشكله ما ادري وين اماني وانا معاها بسيارتها و جنطتي و اغراضي بسيارتها راح اتوهق

رديت بنفس المكان اللي خذاني منه قمت ادق على اماني ما ترد وينها هذي و سيارتها جدامي ادق ادق ما ترد شسالفه عطاني صالح رقمه دقيت عليه رنه

شيماء : خلاص تقدر تروح
صالح : لا لمه تيي صاحبتج اروح دقي عليها
شيماء : ما ادري شسالفتها المفروض ساعه 5 تكون هني لانها اساسا المفروض 5 ونص بالبيت غريبه
صالح : جربي دقي

دقيت و دقيت و دقيت صارت ساعه 6 قمت احاتي و تقريبا الجت سكي كلهم طلعو من البحر ما اشوف الا الشرطه متيمعه بمكان و الناس حواليه وواحد قاعد يبجي شسالفه

رحت ركض بشوف شصااااير ما اشوف الا اماني ممدده على التراب ......؟!​

 

[Miss.blue berry]

رد : ( شيماء & محمد )

مشكووره على البارت ~~
امبيييي لا لا صج بدعتتتتتتتت
و امبي شصااار فيها ابرار ليكون غرقاانه ؟
ناطرين البارت الياي ~~

 

[miss_shosha]

رد : ( شيماء & محمد )

ابرار تغيرت لي اماني

سوري غيرتها متاخر

لا ما شفتي شي شيماء بتضيع اكثر و اكثر ظلمت نفسها

وكل هذا لان بيوم من الايام عاشت قصة حب مبنيه على اساس غلط ان شاء الله البارت الياي

في احداث قويه انزله لكم بعد شوي

 

[6amni bs]

رد : ( شيماء & محمد )

يعطيج العافيه كملي حبوبه ناطرينج

 

[miss_shosha]

رد : ( شيماء & محمد )

شفت اماني جدامي دارت فيني الدنيا شفيها اول ما خطر فبالي ان اماني ماتت وخرت الناس لا شعوريا و نزلت لها اناديها اماني اماني ردي علي حسيت بايد عند جتفي التفت ولا ضابط

الضابط : انتي تعرفينها
شيماء : " تبجي " اي اعرفها رفيجتي هذي شصاير ابي احد يفهمني اماني ماتت ولا شنو

فجأه وصلو الاسعاف وخرني و سوا الانعاش حق اماني انطر اول مره ثاني مره مرت 5 دقايق سمعت صوت اماني تشهق و طلع منها ماااي

استانست اماني قامت رحت لا شعوريا دزيت المسعف و لميتها حيل

شيماء : اماني اماني انتي عايشه اماني لا تسوين فيني جذي شصار لج شفيج
اماني : " ويها محتقن لونها صاااير ازرق " وودها تضحك على تعابيري بس مو قادره تتكلم


الحين المصيبه الكبرى يوم الضابط كلمني و كان معصب

الضابط : يله تتحولون تحقيق

بققت عيوني تحقيق حق شنو شالدبره الحين فوق انه ام حسين تدق علي وما ارد و فوق ان اماني تاخرت على بيتهم جريب الساعه 7 الحين و لو ينقز الضابط ما اعطيه اسمي مينونه انا حق الفضايح

شيماء : تحقيق ليش شمسوين احنه
الضابط : لا والله حلفي والبنت اللي كانت بتروح من جيس اهلها انتو جم اعماركم مبين عليكم قصر

فجأه واحد نط و قال : حضرة الضابط ااهي اللي اشرت لي اركبها وانا شكو تحققون معاي

الضابط : صكر حلجك يله ما تعرف تلبسها life jaket شرطي تعال اخذه وده المخفر نكمل التحقيق و ما ابي اسمع صوتك وانتو

اشر علي و على اماني شساميكم و جم اعماركم

ظلمت الدنيا بويهي شسوي الحين ابوي يبي الزله و يتله لي عنده اي مالي الا هالحل ان شاء الله يضبط يا رب يضبط

راحت شوي بعيد و طلعت تلفونها شافت مليون مس كول من ام حسين و امها و اسراء اخت اماني طنشتهم مو وقته الحين

صقر : " صوت الاغاني عاليه " هاه يا الحب
شيماء : الحقني انا بورطه
صقر : شنو شنو لحظه .. قصر يا نعال ما ادري شفيها قصر

رجع يكلمني بعصبيه

صقر : شفيج تحجي خبصتيني

قتله السالفه كلها من الالف الى الياء

صقر : مو وقته احاسبج الحين انتي وينج باي واجهه
شيماء : ليالي الحلميه
صقر : انثبري مكانج لا تتحركين و يويلج ان عطيتيه اسمج انا قريب منج يايلج .. سعود ليالي الحلميه بسرعه

صكر التلفون بويهي و انا ادعي ان الله يعديها على خير اقل من خمس دقايق ما اشوف الا صقر جدامي يايلي ركض

صقر : بعد فاصخه حجابج وين الضابط " طقني على راسي "

بجيت ما ادري ليش بس ارتحت يوم شفت صقر موجود

شيماء : كاهو هناك و اماني بالاسعاف ما فيها شي بس يعطونها اكسجين

صقر راح حق الضابط و قعد تقريبا ساعه الا ربع يكلمه و تشوفه يضحك معاه استانست بس عقب شافت ملامحه انعفست و اختبصت وياه يا رب الله يعدي هالشي على خير

اسراء تدق وام حسين تدق وامي تدق شقولهم هذيل ردت على اسراه

اسراء : شيوم وويعه وينكم ادق ما تردون
شيماء : اول شي شلون الوضع عندج
اسراء : رقعت لها و قلت لها انها بتتعشى عندج بس شصاير

ارتحت شوي هذي مشكله اماني وانحلت انا شراح ارقع عند الباجي

شيماء : افهمج بعدين ترا السالفه قويه
اسراء : يا غبيه شصاير خرعتيني
شيماء : ما اقدر اتحجى الحين ارجع واكلمج باي

صكرته بويهها و قلت لازم اطمن امي وام حسين حرام قاعدين يحاتون

ام حسين : انتي يا بنت ابليس وينج " تبجي "
شيماء : يمه تلفوني كان ضايع و قعدت ادوره

امها كانت عند ام حسين خذت التلفون منها

امها : انتي وينج ما تقولين لي شمسويه من بلا
شيماء : يمه ذكري الله تلفوني كان ضايع و توني لقيته شسوي يعني
امها : تلفونج ضايع عبالج يمشي هالشي معاي ردي بس البيت انا بحط اغراضج و تردين معاي
شيماء : زين لا تصارخون اتعشى وارجع
امها : و عشى يعشج سمعتيني شنو قلت
شيماء : ان شاء الله يمه سكرج بس لا يرتفع باي

الحين هذي شيسكتها شسوي لها اووه خل افتك من هالورطه اللي انا فيها بعدين مقدوره على امي

اخيرا رجع صقر

شيماء : هاه شصار طمني
صقر : لج عين بعد تكلميني
شيماء : وانا شكو بفهم اهي غرقانه ولا انا
صقر : انتي جم عمرج يا حماره
شيماء : عدل اسلوبك واحترم نفسك تسوي روحك ما تعرف عمري عمري 19
صقر : اها مو عاجبج بعد وانتي قاصر هاه تدرين لو ياخذج الحين و يقطج بالاحداث انتي بتروحين فيها
شيماء : ترا خرعتني وانا صارلي ساعه على اعصابي
صقر : وين رفيجتج
شيماء : قولي شصار
صقر: ما صار شي هذا الضابط عبد الله يصير لي ولد عم ابوي قالي بمشيهم هالمره و اهو بيرقع يكتب اي شي بالتقرير بس يا انسه شيماء مو كل مره تسلم الجره فهمتي
شيماء : مشكور و ما قصرت
صقر : مابينه شكر .. بس يا شيوم انتي مو رخيصه اللي تسوين هالسوالف
شيماء : ولي يرحم والديك انت فك نفسك من الشرب و الحفلات بعدين انصح باي

صج اني جرحته بالهكلام بس منو اهو يحاسبني على اللي اسويه اوكي صديق و اخو دنيا بس لي اهو تعدل له الحق انه يحكم علي رحت ركض عند اماني خذيت سويج السيار و ركبنه قعدنه شوي

فجأه طالعنه بعض و قمنه نضحك ضحكنه بهستيريا مو مستوعبين اللي صار اسعاف و شرطه و غرقت المسكينه

اماني : " من كثر الضحك دموع تنزل " شيوم تووبه اركب جت سكي و ما البس هذي شيسمونه الطفاحيه
شيماء : امبيه بدعتي قولي توبه اركب جت مو ما البس صج ما نتعلم
اماني : امبيه شيوم كل شي صار بدقايق ما حسيت بشي
شيماء : الله قدر و لطف يله ترا ساعه 8 قطيني و روحي بيتكم اسراء رقعت لج و قالت انج عندي اووك

رجعت البيت و طبعا كالعاده صراخ و هواش من امي ر ام حسين تبجي و الحاله لله فسكت و ما قلت اي شي رجعت مع امي بيتنه صج اشتقت حق خواني بس ادري بعد جم يوم بينط علينه ابوي وبيعكر مزاجي

ريحت شيوي على فراشي وما حسيت اله تلفوني يدق شفت الرقم تذكرت انه عطيت رقمي صلاح

شيماء : الو
صلاح : هلا و غلا هاه شصار وياكم
شيماء : ما صار شي ليلحين نرزق
صلاح : سوري خليتج و رحت بس تدرين وراي دوام

طبعا تخليني و تروح تدخل نفسك بمشاكل وانت ما تعرفنه بس طلعت خرطي الله يهداك

شيماء : لا عادي قدر و لطف
صلاح : فاضيه باجر
شيماء : اي بس ليش
صلاح : انا وولد عمي بنطلع سياكل تعالي انتي و رفيجتج
شيماء : اشوف و ارد لك خبر باجر
صلاح : و لا تلبسين جنز لبسي شورت
شيماء : اممم اشوف

حبيت السيكل حسيت فيه بوناسه ما ادري ليش بس كان ودي اعيدها و اركب ما تعلمت من درسي دقيت على اماني و طبعا استانست و قالت اكيد بيي معاج حياتنه كانت لعب بلعب طلعنه اليوم الثاني بالسياكل طبعا اللبس حدث ولا حرج شورتات ما تغطي حتى الفخزذ و بديات بدون شي تحتها باختصار اللي يشوفنها يقول cheap ما اهتمينه حق راي الناس استانسنه لي الظهر بعدها

صلاح : امشو نتغدا مشاري تعال وراي

وقف يم عماره طبعا شقتهم من ناحيتي ما اعترضت قلت ارتاح شوي و اماني ترددت بس شافتني صعدت صعدت وياي

كانت شقتهم 3 غرف مبين متقاططين فيها بس كانت راقيه و هاديه لا فيها لا دي جي ولا بار يمكن لانهم ناس اعمارهم بالثلاثينات فشايفين خير طلبنه و قعدنه ناكل و نسولف و نضحك تقريبا صارت ساعه 3 دخت حطيت راسي على جتف اماني و غمضت عيوني

صلاح : قومي نامي داخل ريحي شوي
بدون لا يسمع جوابي قام و شالني صحصحت يوم شفته شالني جني ريشه مع اني طويله و جسم بالنسبه للبنات بس حسيت اني ولا شي يمه شالني و انا اطالع اماني اللي بققت عيونها بطل الباب كانت غرفه رماديه بابيض فيها فراش يكفي لشخصين و كومدينه و كبت

صالح : هذي غرفتي اخذي راحتج

حطني على الفراش و فصخني الفلات و شال الشباصه من راسي ووخر

غمضت عيوني و حسيت فيه يحوس بس ما ادري شسوي فجأه احس بثقل يمي على الفراش و ايد على خصري التفت لقيته فاصخ ملابسه و يطالعني

شيماء : صلاح ترا انا مو جذي
صلاح : اوووش ما راح اسوي شي بس بطالعج و صدقيني انتي بتبدين

حسيت بحراره مو طبيعيه و خصوصا لمه لمني ما قدرت امسك نفسي و فعلا انا اللي بديت ما تحملت ما حسيت باللي حوالي بس اني ابي صلاح ابي كل شي فيه سلمته نفسي فجاه قام و طالعني

صلاح : شيوم شفيج تبجين ضايقتج بشي
شيماء : لا بس ما ادري شقولك
صلاح : انتي لي انا ابيج لا تحطين فبالج اني عقب هالشي بخليج انا مرتاحلج وابيج
شيماء : بس مو معناته انك ما خذيت عني فكره
صلاح : تبين اقولج شي اصدمج ؟
شيماء : شنو ؟
صلاح : من متى اعرفج
شيماء : من امس ؟
صلاح : اقولج انتي شنو ؟
شيماء : شنو ؟
صلاح : انتي مجروحه جرح كبير انتي قبل ما كنتي جذي حبيتيه من قلبج و ما كان كفو علمج على الفراش و هدج وانتي طبعج حاره محد جايسج يمكن اممم 2 قبلي

انصدمت شلون عرف كل هالاشياء

صلاح : اكمل ولا اسكت
شيماء : اسكت و لمني

حسيت بحضنه بحنان مو طبيعي و نمت ساعتين وانا بحضنه ما حسيت بنفسي

قمت غسلت و طلعنه انا و اماني طبعا اماني مبين من خلقتها المعفوسه انه خذت المقسوم بس اللي حيرني الراحه اللي حسيتها مع صلاح هل هي راحه بس جسديه ولا صج اني ارتحت له لا لا شيماء اصحي انتي قلب ما عندج قلبج ميت لا تصيرين غبيه و تحبين خلي علاقتج فيه بس طلعات و روحات و بالمره يريحني

امبيه انا شقاعده اقول من صجي صرت جذي طبعا هذا كان نقاش بيني و بين نفسي قبل لا انام

نمت من التعب ما وعيت الا الساعه 11 الصبح و الخدامه تقعدني و اماني مكسره الدنيا علي قمت غسلت و رحت لها

اماني : شفيج اليوم مو صاحيه تاخرتي وايد
شيماء : سوري تعبت
اماني : سعود دق علي اليوم في حفله تروحين ؟

وصلنه لمستوى الحفلات الله عليج يا شيوم بيعيها شوراج

شيماء : ساعه جم
اماني : 9 بليل نضبطها مع اهالينا شرايج ؟

شفتها متحمسه قلت ليش لا طبعا ضبطناها و لبسنه نفانيف قصار و رحنه الصالون عدلنه الشعر و الميك اب شكلنه ناعم بس يجذب

رحنه حق صلاح و سعود

صلاح : " يهمس لي " تقدرين تنامين عندي الليله
شيماء : طالعته " تاملت فيه جسم طول و عرض و ملامحه تجذب الواحد " ليش
صلاح : ما اقدر اقاومج
شيماء : اوكي

اوكي ..؟ اوكي ..؟ جني توه قلت اوكي ..؟ امبيه شصاير لا مو من صجي لهدرجه شيوم يله خل نشوف شنو جو الحفلات بعدين اتناقش بهالشي ..

دخلت الحفله و صوت اغاني و اليتات هاديه و بار و كل اثنين مع بعض اللي يرقص و اللي يسولف واللي ماسك وحده بزاويه قمت الانحطاط انا شيابني هني شفت اماني و لقيتها تطالع

اماني : شيوم شنو هذا
شيماء : ما ادري شيابنه هني

فجأه شفت شي جدامي شدني ما سمعت اماني شتقول ولا صلاح شيقول اي شته هناك قاعد معاها محمد و نوف شفتهم قاعدين و ما انتبه لي حاولت اوخر ما ابيه يشوفني سحبني صلاح فجاه و حطني بنص البست و قال حق الدي جي يبي موسيقى شرقيه لبسني مال الرقاصات و الكل تجمع حوالي يبي يشوف انصدمت و انحرجت شافني حمود صارت عينه بعيني طالعني بنظره استهزاء و كلم نوف باذونه يت نوف صوبي ورقصت صار تحدي بيني و بينها طالعت محمد قام يضحك و نوف ترقص وانا وياها بس تحرك شي داخل رفعت ايدي و قلت حق الدي جي ابي شي اقوى اماني انصدمت طالعتني و صلاح استغرب حط موسيقى شرقي طبل صعبه تحركت و رقصت العموم يطالع طلعت كل اللي فيني نوف شافتني وخرت وقفت مع الناس تطالع هزيت و رقصت ما حسيت باللي حوالي كان هدفي اقهر حمود بس اقهره و خلصت الموسيقى وقفت طالعت اللي حوالي مسكني صلاح من خصري و رفعني كان مستانس و الكل قام يصفق طالعني حمود بنظره ما ادري شنو اهي اول مره اشوفها بعينه قعدت ويت صوبي اماني

اماني : شيوم هذي انتي اللي مساع صج يعني مو غشمره ..؟
شيماء : اموون شسويت انا
اماني : قومي نطلع
شيماء : اي نطلع قومي قومي

توني بقول ما حسيت الا واحد يمسكني من ايدي التفت محمد و كان بايده قلاص

محمد : وين رايحه
شيماء : نعم ..؟ منو انت .. " حاولت استفزه "
محمد : واحد معجب تشربين ..؟

عطاني قلاص في خمر انقهرت استاهل انا اللي رخصت نفسي .. خذيت القلاص منه و قعدت

محمد : اووه شيوم قامت تشرب

شيماء : " ضحكت " افا عليك .. " قمت كتيت الخمر فوق راسه وانا اضحك "

ابتسم و طالعني بنظرة شوق

محمد : مشتاقلج وايد مو شوي

انقهرت هذا يلعب فيني اكيد شنو مو صاحي والله لو سمعه صلاح بيذبحه


صلاح : ما عرفتينه على الاخ
محمد : اووه شيوم قمتي تكلمين ناس كبار تلعبين على فوق

بدون لا احس قمت و عطيته كف

نوف : هي انتي روحي رقصي مناك و مالج شغل فيه كسر ايدج
صلاح : " مسكني ووخرني بعدي وانا ابجي " شفيج منو هذا ردي علي

طالعته ومو قادره اتكلم فهم من نفسه ان هذا اللي كنت احبه قبل

صلاح : انتي غبيه مفروض تستانسين و تقهرينه مو يصير فيج جذي

مسح دموعي و يابلي ماي قالي اخذي بندول و قعدي خذيت الحبه حسيت نفسي خفيفه قمت اضحك واسولف واشوف اماني نفس حالتي نرقص انا واماني و نلم بعض ما ادري جم صارت الساعه بس وقفو الدي جي على قولتهم اذان

اذان .؟ اذان شنو والساعه 9 بليل قمنه نضحك انا واماني لين دخنه و قعدنا

رحنه مع سعود و صلاح الشقه دخلنه وما اذكر جم واحد كانو موجودين بس اذكر ان صلاح سبحني و نشفني و حطاني بالفراش و نام معاي اذكر عدل ان نام معاي لانه كانت احلى نومه كنت مستانسه و مزاجي حلو


صلاح : شيوم حياتي .. شيوم حبيبي قومي الساعه 6 المغرب

كان راسي يعورني و صداع فظيع ساعه 6 المغرب اوووله واايد دخلت غسلت قعدت بالصاله لقيت اماني قاعده سولفنه و كلينه وخلاص بنمشي رحت البيت و الاقي ابوي ناطرني بره ولين هذا شيايبه بروحي مصدعه و ريحتي زقاير من صلاح

ابوها : وين كنتي
شيماء : مو شغلك

عطاني كف بس ما تاثرت قمت اضحك

ابوها : وين كنتي

شيماء : قتلك مو شغلك انت ما تفهم

ركضت امي صوبي و شافت ابوي يطقني بالعقال وانا اضحك ما كنت حاسه بشي من جسمي و يطقني بكل قوته شافت امي المنظر و طااااحت التفت لقيتها طايحه على الارض امي انا طايحه شنو ليش شصار صحصحت و دزيت ابوه و رحت لها اهزها ما ترد ابي اشوف في نبض فيها ما لقيت امي قمت اصرخ من قمة راسي يمه لا تموتين و تخليني يمه ...​

 

[جمال رباني]

رد : ( شيماء & محمد )

ويتنق

 

[Miss.blue berry]

رد : ( شيماء & محمد )

ُثينكيو على البارت حبي ~~
امم ما اقدر اقول الا انوااار بدعت حييييييل مو صج
انزين وين رفيجاتها ما ينصحونها على الاقل
معقوله يعني كلهم جذي و عاجبهم الوضع ؟
يعني اهيا محمد خربها مثلا ... و اهما
و ناطرين البارت الياي حبيبتي

 

[miss_shosha]

رد : ( شيماء & محمد )

ما كانت تسمع كلام احد لانها اساسا ما تتقبل كلام او نقد من احد

ولقت اماني معاها نفس مزاجها فلقت تشجيع منهم

 

[^ليلاس^]

رد : ( شيماء & محمد )

حبيبتي انا توني اقرا القصه قريت جم بارت

اسلوبج حلو بس لو توظفينه لقصه ثانيه احسن يعني اهيا صاحبة القصه مستانسة بماضيها ويايه تنشره ليش؟ الله امرنا بالستر يعني عقب ما ضيعت نفسها الله يهديها ليش يايه تقول هالكلام هني ؟؟

اتمنى ما تزعلين مني بس لان عجبني اسلوبج بالكتابه بس البطله ما عجبتني وخصوصا انها يايه تفصل لنا الاحداث وشنو شربت وشلون رقصت

الله يستر علينا وعليها ويسلمو حبيبتي