( شيماء & محمد )

[miss_shosha]

رد : ( شيماء & محمد )

هلا يا قلبي لا تاخذينها من هالناحيه
تقدرين تقولين تجربه و تبي اللي حوالينها ياخذون العبره منها
انا بكمل و تسلمين يا قلبي على المرور

 

[ام ريمة2]

ناااااااااطرتج

 

[miss_shosha]

رد : ( شيماء & محمد )

" بالمستشفى "

طلع الدكتور و طمني ازمة سكر و بيقعدها بالمستشفى جم يوم بجيت و انهرت استاهل اللي صار لي استاهل كل شي بس امي مالها ذنب يا ربي لا تعاقبني بهالطريقه .. استغفر الله شقاعده اقول انا

ابوها : ارتحتي الحين
شيماء : شيايبك هني شكو انت راز فيسك
ابوها : جبي و قصري حسج لا اعلمج الادب

رحت و خليته شسويله اتهاوش معاه الحين مو وقته دخلت الحمام وشفت جسمي مبقع من كل مكان ريلي ايدري ويهي و حتى ظهري توني احس بالعوار ليش مساع يوم يطقني اضحك و ما كنت احس بشي مادري شصار اللي اذكره انه صلاح عطاني بندول و عقبها ابوي يطقني و طحت ويه الحين مو وقته خل اقعد اجابل امي الله يستر بس ...

رحت و شفت الفون طبعا شكثر المس كولات بس وقتها كان مالي خلق دخلت عند امي و قعدت لين صحت

امها : يمه وين اخوانج
شيماء : يمه بالبيت لا تحاتين احد ارتاحي بس
امها : روحي درسي اختج باجر وراها امتحان و سبحي اخوج عنده روضه و عطي مصروف حق جاسم
شيماء : ان شاء الله شوي واطلع
امها : الله يهديج يا يمه تعبتيني معاج

رجعت البيت و درست هذي و سبحت هذا صارت ساعه 2 قعدت اطالع بقطوتي و تذكرت

شيماء : محمد حياتي بروح اشتري لي قطوه ودي بوحده من زمان
محمد : من وين ..؟
شيماء : من سوق الحمام " تضحك " رفيجتي شايفه قطاوه حلوين
محمد : منو بيروح معاج .؟
شيماء : ماكو بروحي تيي معاي .؟
محمد : بدون لا تقولين يله لبسي و طلعي اسبقج انا

رحت و لقيته هناك طبعا كان معودني كل ما اشوفه اسلم عليه ابوسه و احضنه دورنه و لقيتلي قطوه عجبتني عيونها و تعلقت فيها خذيتها

محمد : انا ابي قطو عشان نزاوجهم لي كبرو
شيماء : خلاص انا انقي لك

دورت و لقيت له قطو نفس نوع قطوتي كانو صغار حلوين و سميت القطو اللي عنده و سمى قطوتي

كل شي يذكرني فيه حتى الفريج كان يمر كل يوم اشوفه من الدريشه و يروح شلون راح انسااه الله كريم

صحيت من احلام اليقظه على قولتهم يوم رن التلفون الا صقر

شيماء : الو
صقر : شلون امج ..؟
شيماء : شدراك
صقر : شفتج بالمستشفى و سألت
شيماء : شعندك بالمستشفى
صقر : مسوي حادث
شيماء : وفيك شي
صقر : لو فيني شي جان شفتيني اكلمج .. وشلون الحفله طلعتي رقاصه على اصولها
شيماء : منو قالك بعد
صقر: اي كنتي مهلوسه اكيد ما دريتي عني
شيماء : مهلوسه ..؟ شتقصد
صقر : يا حماره مره ثانيه قبل لا تاخذين من احد حبوب ويقص عليج يقولج بندول تاكدي منهم
شيماء : اها زين مالي خلق اسولف بنام
صقر : نامت عليج طوفه ما تتسنعين

صكرت التلفون بويهه ما احب اسمع اي نصيحه من احد ما احب احد يطقلي الشرف لان كل واحد عنده خياسه و كل وةاحد عنده حياته ليش يناشبوني انا اف خلاص زهقت

مرت الايام و طلعت ام شيماء من المستشفى وكان الروتين واحد طلعات مع اماني و صلاح و سعود بالسيكل و تمشي و شقه و فراش بيوم من الايام كنا قاعدين انا وامون على البحر طبعا الجتات رايحه و راده علينه تعرفنه على قروب من ثلاث شباب
احمد ... 27 سنه ... فهد ... 26 سنه ... حمد ... 24 سنه وكلهم كانو بالمطافي سوالف و ضحك معاهم
احمد : شرايكم على يوم نروح الخور
اماني : بيه اذا بنروح الخور يبيلنه طلعه من الصبح
فهد : اي تطلعون الصبح ساعه 7 ونتواعد ونروح
احمد : اي عاد ضبطونه فبنت ثالثه نسوي قروب حلو
فهد : و هالله هالله بالبكينيات

حمد طبعه هادي و ساكت عجبتني شخصيته ما يقول الكلمه الا اذا كان لها معنى و كان في برود مو طبيعي

اماني : شقلتي شيوم
شيماء : خلاص يوم الخميس انا فاضيه
اماني : شعندج

شيماء : " تهمس لها " نسيتي صلاح و سعود لازم ندور عذر
اماني : تصدقين نسيتهم خلاص الخميس اوكي
حمد : عندي دوام
فهد : شدعوه عاد مقطع يبه انا مسؤولك مرخص هاليوم
احمد : توكلنا على الله

مرت الايام و صار الخميس الكل قاعد من الصبح يجهز طبعا ما يبنه معانا بنت ثالثه لان احمد دق و قال ضبطنه ثالثه معانه جهزت البكيني والتان عشان نروح

تواعدت انا واماني وركبنه مع احمد نسبق الباجي على ما يسحبون جتاتهم
وصلنه الخور نزلنه استانسه لعبنه كلينه غرقنه بعض و حمد كان معاه بيض خاشه واحنه على غفله كسره على راس واحد واحد استانسنه وقتها

طبعا من ساعه 7 الصبح لي 5 العصر رجعنه هيصنا واستانسنه

اليوم الثاني كان ودي اروح السينما على ما امون تخلص عندها امتحانين بنفس اليوم فقلت بروح بروحي ابي اشوف فلم " ولاد العم " توه كان نازل فقلت اشوفه بالفنار رحت الفنار بالطريج شفت تاهو اسود لاحقني من حولي يا ربي يتهيأ لي ولا شنو
المشكله كان مغيم سوبر يعني اسود باسود وصلت مصافط الفنار و يصفط يمي بداية خفت شيبي هذا نزلت جني ما اشوفه نزل الجام و طالعت داخل طبعا كان محمد شفت و مشيت فجأه نزل و مسكني من ايدي

محمد : شفيج جنج شايف يني وين رايحه
شيماء : وخر عني لا اصارخ الم عليك امة محمد مو شغلك وين رايحه
محمد : كلميني عدل قتلج مو انا اللي تطولين حسج علي ترا انا حمود " طقني على راسي " ولا نسيتي
شيماء : و النعل والله و من قال هدني يا زباله
محمد : " هدا شوي " اوكي انا ياي وراج بشوف وين رايحه
شيماء : اي مثل الخرووف امش وراي ما عندي شغل غيرك

خليته وقلت اكيد بيروح و تفاجأت نزل وراي و صعد معاي فوق لي السينما اكيد عنده شي ما لقيت حجز حق الفلم اللي ابيه حاشتني حالة احباط وين اروح على ما تخلص امون اف نسيت انه محمد وراي

محمد : عندي لج مشروع
التفت عليه و استوعبت انه موجود
شيماء : شتبي بعد انت ناقصتك

حقرته و رحت لي سيارتي مسك الباب

محمد : والله بس اشربج عصير و اردج ابيج بموضوع
شيماء : انسى اروح معاك مكان هذا اللي ناقص بعد
محمد : حسبيني صديق لج والله محتاجج بكلمج بموضوع وانتي اكثر وحده عارفتني

صراحه شي بعيونه شدني كان ودي المه حيل وابجي واقوله انا لك بس ما قدرت

شيماء : اوكي لك نص ساعه
محمد : كافي يله ركبي

ركبت معاه و كان ساكت طول الطريج

محمد : متى بتتسنعين ..؟
شيماء : شنو موضوعك خلصني
محمد : قتلج متى تتسنعين ردي علي مو ياهل انا عندج

قام يصارخ علي خفت منه ليش يصرخ شيبي

محمد : تبين افضحج عند اهلج و اقولهم شوفو بنتكم شقاعده تسوي وين تروح ووين ترد .. ردي علي " صراااخ "
شيماء : وانت شكو فيني

ما ادري اذا الكف من القهر اللي فيه ولا من الخوف علي

محمد : انتي اول و تالي لي فهمي انا حبيبج و لو شسوي فيج ما تختربين يا غبيه انا بعدلج و بسنعج على ايدي

قمت ابجي وا صارخ عورني واهو ماسك ايدي

شيماء : الله يخليك هدني وردني خلاص وانت مالك حق علي انت خربتني انت عودتني على اشياء و خليتني
محمد : مو انا على قولتج سويت كل هذا خلاص انا بسنعج
شيماء : اكرهك ما ابيك
محمد : هذا اخر كلامج
شيماء : اي اخر كلامي
محمد : تحملي اللي راح اييلج
طول الاغاني و قفل الباب و قام يدوس خذا الملك فهد كله سيده عدينه القرين عدينه الصباحيه وين بيوديني

شيماء : وين موديني

ساكت ما يدر شسالفته هذا من صجه شيبي فيني قمت اصارخ واهو ساكت مطول الاغاني و لا يرد وصلنه البر امبيه شيبي يسوي المينون دخل داخل البر مكان ما فيه احد مكان مقطوووع مكان بعيد

محمد : نزلي
شيماء : نعم وين انزل
محمد : نزلي و دبريلج احد يردج
شيماء : محمد من صجك

بديت احس انه عصب و نظراته شرار

محمد : اي نزلي

خذا جنطتي و خذا تلفوني و بطل الباب نزلني

محمد : متى ما صرتي مره و خوش بنت قوليلي باي

صرخت لحقته ببطل الباب ما لحقت قفله و مشى محمد مشى و خلاني بالبر بروحي شسوي الحين ..؟​

 

[so_what]

يسلمووو على البارتات بليييز كملي

 

[Miss.blue berry]

رد : ( شيماء & محمد )

ثينكيو على البارت ~~
وي مسكينه شراح تسوي
نبي بارت بليز

 

[miss_shosha]

رد : ( شيماء & محمد )

وقفت بمكاني و طالعت حوالي صحراااا ماكو ولا خيمه حتى راعي غنم ما لقيت هذا منصجه يعني ليش سوى جذي فيني وين اروح الحين و الشمس حاره وين اروح بديت ابجي بس البجي ما يفيد الحين امشي بس وين اروح خل اقعد مكاني قعدت و افكار تروح و تيي اذا مت بمكاني بيلقوني ولا لا مر وقت طويل وانا قاعده ما ادري شكثر سمعت صوت سياره التفتت جني مو مصدقه اذوني و شفت سيارة محمد رع لي الحمد لله يا رب

محمد : صعدي

صعدت و قعدت عطاني بطل ماي شربته كله و قعدت ابجي

شيماء : ليش تسوي فيني جذي
محمد : بعلمج اني ليلحين موجود وانا اربيج على ايدي
شيماء : تخسي منو انت عاد
محمد : تلفونج مشالله ما سكت من المعجبين صلاح و صقر و غيره والمسجات تلعب لعب
شيماء : هات تلفوني

قط علي التلفون و طالعني بنظرة مو حلوه

محمد : هاج ما يشرفني امسك فونج
شيماء : لا يرحم امك امسكه استريح زين و رجعني

طول الطريج كنت ساكته و افكر شيبي محمد ليش سوا ىكل هذا يبي يخوفني منه و ليش شنو غرضه و قبل لا نوصل عند سيارتي

محمد : شيماء انا رجعت سواء رضيتي ولا لا لازم انظفج من الوصاخه اللي انتي فيها و صدقيني ما راح اخليج بحالج بكون مثل كابوس بحياتج
شيماء : مالك حق انا اكرهك
محمد : كرهتيني ولا حبيتيني ما همني اللي يهمني الحين شلون اوخرج عن الكل واول خطوه


مسكت تلفوني و كسره طلع الخط جدامي و حرقه بولاعته

بطلت عيوني و نظراتي كلها حقد له هذا شفيه مينون

شيماء : انت مينون ولا مو صاحي
طلع جيس في تلفون يديد و خط يديد مو مفتوح
محمد : انا قطيتج البر و رحت شريتلج هالخط و ترا الخط باسمي واقدر باي وقت اطلع برنت ضبطي حالج مو زين اشوف عليج ربع زله

شيماء : انت ما تفهم انا ما ابيك
محمد : يله الحين نزلي روحي البيت بطلي الخط وانا ادق عليج

جنه ما يسمع الحجي اللي قلته ما طولت حجي معاه نزلت و رحت البيت قطيت نفسي تحت الماي على طول بجيت لين قلت بس الموقف اللي صار خلاني اخاف واول مره احس بالخوف طلعت و حطيت راسي و نمت ما شغلت التلفون


اسمع صوت شي يطق دريشه غرفتي قعدت طالعت الساعه 3 الفير شصاير رحت طليت ولا محمد تحت امبيه شسالفته هالولد

محمد : " يهمس " بطلي جهازج الحين

رحت ركض لا يفضحني بالفريج بطلت جهازي ما مداه الا دق على طول

محمد : " يصارخ " انا مو قلت اول ما توصلين البيت بطلي الجهاز
شيماء : ترا بطيت اذوني شتبي الحين
محمد : انتي غبيه ما تفهمين ولا تستهبلين
شيماء : ترا تعبانه وبنام بااي

صكرت التلفون بويهه و قعدت مده اتذكر رقم اماني بالغصب تذكرته دقيت عليها

اماني : " صوتها نايمه " الو
شيماء : امون انا شيوم
اماني : " صحت " انتي وينج اليوم ادق عليج مغلق فيج شي
شيماء : سالفه طويله اشوفج باجر اقولج ترا هذا رقمي
اماني : اوكي باجر نتفاهم باي

حطيت راسي وكملت نومي قعدت الصبح رحت عند اماني وقعدت سولفت لها شصار طبعا ما عجبها الوضع و قالت انتي هبله تخلينه يتحكم فيج بس انا مو نيتي اني ارجع له مع اني لو راجعه له بوقتها يمكن وايد اشياء تغيرت يمكن كنت هديت وتبت المهم سمعت التلفون يدق الا محمد

شيماء : الو
محمد : وينج يا غبيه
شيماء : باي

صكيت التلفون بويهه باي حق يعصب و يغلط خل يولي بيومها انا واماني خذينه فره على البحر و كان في واحد لاحقنه من بداية البحر لي نهايته ما فج الا لما خذيت رقمه

اماني : شفيه مو صاحي هذا
شيماء : خليه اخذ رقمه و يذلف

بطلت دريشتي

شيماء : الله يهداك ما عندك شغل
.. : اخذي الرقم ويصير خير

خذيت الرقم و مشينه

اماني : بدقين عليه من خط حمود
شيماء : طبعا لا روحي اي محل تلفونات يبيلي خط و فون ثاني

رحت و شريت وفعلا دقيت عليه اسمه حسين عمره 28 مطلق و عنده ولد علاقتي بحسين كانت غريبه شوي كنت اواعده يوميا اقعد اسولف معاه يدق علي من الدوام يقعد معاي على الخط يوم كامل كنت انام واهو يسولف اقعد على صوته ما تعلقت فيه لا شي بس شغل تعود

حسين : شيوم تتزوجيني

انصدمت مع اني قايلتله كل شي عني معقوله من صجه ولا يمكن يتغشمر بيشوف ردة الفعل

شيماء : اي زين باجر الملجه " تضحك "
حسين : ترا من صجي انا احبج احسج عوضتيني عن وايد اشياء مو مثل اللي كنت ماخذها رق بينكم
شيماء : انسى ما ابي اتزوج الحين
حسين : انطرج



من صجه هذا ..؟ ​

 

[so_what]

يسلموو على البارت نااطرينج

 

[Miss.blue berry]

رد : ( شيماء & محمد )

يسلمو على البارت
لوول ما اصدق يمكن دقه
يعرف عنها كل شي و يتزوجها مستحييل
ناطريييييييينج

 

[^ليلاس^]

رد : ( شيماء & محمد )

تسلمين حبيبتي وانا بكمل معاج لان روحج حلوة وبشووف اخرتها مع هالبنت مال طق لوول

 

[6amni bs]

رد : ( شيماء & محمد )

امبييييييه بدعت
يعطيج العافيه حبوبه كملي ناطرينج

 

[غــلآهاا غير]

كملييي القصه حبيبتي انا من متابعيينج

 

[جمال رباني]

رد : ( شيماء & محمد )

ويتنق

 

[miss_shosha]

رد : ( شيماء & محمد )

ليلاس حياج يا قلبي


من عيوني حبايبي شوي و يكون البارت جاهز

 

[miss_shosha]

رد : ( شيماء & محمد )

اول فكره طرت على بالي يوم قالي حسيت تتزوجيني انه يتطنز و يضحك بس الريال من صجه استغربت منه و مثل ما قلت يدري عن كل شي صارلي عن محمد عن صقر عن صلاح و غيرهم و غيرهم و طبعا صلاح من كسر محمد تلفوني ما ادري عنه و سعود يسأل اماني بس قتلها تصرفهم استانست معاه بس لازم اغير كان تفكيري ان الواحد مو كل يوم ياكل مجبوس دياي لازم يغير مره لحم مره سمج الله لا يعيد ذيج الايام المهم

حسين : شيوم انا ريال مطلق و عندي ولدي عليوي اشوفه يوم بالاسبوع و بحسرته شفت راحتي معاج
شيماء : اتوقع انك ما ترضى ترتبط بوحده لها علاقات وايد و مو انت اول واحد يحط ايده عليها
حسين : مالي شغل بالماضي انا اعدلج على ايدي واخليج سيده

شنو هالحجي كل من هب و دب قال انا اسنعج منو اهو عاد لو فيه خير جان سنع نفسه و حياته و جان تفاهم مع مرته و ما طلق

شيماء : صكر الموضوع الحين مو وقته نتفاهم بعدي
حسين : بس ترا انا اعرف كل شي عنج و الله يا شيوم اقولج شي وتنصدمين ؟
شيماء : خير بعد ..؟
حسين : لحقتج لي بيتكم و عرفته سألت الجيران عنكم و طلعت شجرة العايله كلها و عرفت بيت يدج طلعوا بالفريج اللي ورانه
حتى شقة محمد ادل وينها
شيماء : زين زين خل اروح الحين و يصير خير

هذا شلون افتك منه الحين مو ناقصته كلش احقره جم يوم و ينسى مو ناقصه غثى انا عايشه مره وحده و ماراح اوقف حياتي عشان واحد قالي تزوجيني كلهم رياييل ما يسوون و ما يملي عينهم الا التراب لا تستغربون جذي كانت حياتي من حضن لي حضن يعني منتهيه خالصه نكمل القصه

دق علي صقر تقريبا ساعه 2 الفير قعدني من نومي

شيماء : " صوتي كله نوم " صقر شفيك شصاير
صقر : " سكران كالعاده " لا ما فيني شي بس حدي سكران ووراي دوام باجر تعالي الصبح قعديني صفطي سيارتج بعيد لا يشوفها الحمار اللي يمي شكله نايم بشقته
شيماء : اف يا طلباتك ما تخلص زين خلني اكمل نومي

صكرت التلفون بويهه كملت نومي اليوم اللي وراه قعدت من الصبح تذكرت صقر رحت و صفطت السياره بعيد مالي خلق محمد لان صارله اكثر من اسبوع يدق وما ارد عليه مالي خلقه كلش

شيماء : يله ماما قوم
صقر : خلاص قمت
شيماء : انا رايحه الكليه
صقر : لا قعدي بعد شوي بييون ربعي كل واحد مع صاحبته وبنشغل اليوم
شيماء : من صج انت ليش ما قلت ما عندي شي البسه و بعدين وراي محاضرات
صقر : صكري حلجج و بطلي الكبت

رحت بطلت الكبت و انصدمت نفنوف فظيع صج انه بسيط وفي شغل بسيط بس يبهر والوانه مو طبيعيه و تحت علبه فتحتها لقيت طقم الماس انصدمت ما تكلمت ولا كلمه

صقر : و دقيت على وحده تحط مكياج و تسوي شعرج الحين تقريبا على وصول متحدي ربعي فيج وشوفي هناك عدسات رماديه شاريها لج

مادري شنو كان احساسي وقتها متحدي ربعه فيني شسالفه لهدرجه رخيصه عنده لو كنت رخيصه ما قط كل هذا علي يا ربي انا ليش افكر خلاص خل اجهز واستانس

وصلت المره و حطتلي ميك اب خفيف بس روعه و سوت شعري وجهزت قعدت مع صقر يضبط الاغاني و يحط المشروب

شيماء : من الصبح شرب
صقر : اليوم من الصبح لي الفير شغالين قعدي

سمعت صوت تلفوني الا حسين حقرته و قمت مع صقر ارتب الشقه و اجهز المطلوب مني

رجعت اشوف فوني فوق 70 مس كول و مسجات

" ردي علي "
" فيج شي ؟ "
" قمت احاتي "
" وينج "

عصبت وقتها قلت شيبي هالدعله عطيت الفون حق صقر

شيماء : من يدق عليك رد عليه و صرفه
صقر : خروف من خرفانج هاه
شيماء : اي و ملوع جبدي صرفه

وانا اكلم صقر دق التلفون قصرت على الاغاني

صقر : الو
حسين : هذا مو تلفون شيماء
صقر : اي تلفونها بس قاعده تتسبح من اقولها
حسين : منو انت
صقر : انا محمد
حسين : محمد ما غيره ؟
صقر : " فهم ان حسين يدري عن حيات شيوم " اي عندك شي و رجاء ترا كنت نايم وازعجتني وانت تتصل
حسين : شقصدك نايم ..؟ اهي نايمه عندك
صقر : اي كانت نايمه عندي تبيني اوريك التصوير بعد امس ريحتني على الاخار
حسين : " بصراخ " وينها بكلمها
صقر : خلاص من تطلع اخليك تكلمها
حسين : ادل شقتك انا يايلك واعلمك شغل الله
صقر : اللي ما تواصله بايدك واصله بريلك

فجاه طول الاغاني و حسين على الخط و اشر لي اني اصرخ

صقر : شيوووم حياتي تعالي بوسيني
شيماء : " قمت اضحك " واعطيه بوسه بصوت عالي

صكر صقر الخط و قام يضحك

صقر : بقزر يومي عليه

ضحكت و قلت فكه يفكني من شره مالي خلقه هذا بعد وصلو ربع صقور ومعاهم رفيجاتهم الكل يطالعني من فوق لي تحت و البنات حتى كلام ما تكلموا معاي اللي تشوف صاحبها يمسكني و يرقص معاي واللي يبيلي العصير لاني ما جربت الخمر و صقر محرمه علي واللي قاعد يمي شوي و يلمني و يسولف فكرهوني البنات خصوصا انا كاشخه واهم عادي يعني شافني صقر واشر لي انه مستانس فيني على قولتهم قام يتشيحط علي صارت ساعه 6 المغرب مر الوقت بسرعه غسلت و بدلت ملابسي و قلت حق صقر بروح وصلني لي سيارتي و مشى سرحانه بالطريج ما اشوف الا واحد يحدني بالطريج خفت شفيه هذا واشوف الا حسين معصب و عيونه حمر يحدني بقى يدخلني بالشبه قلت خل اصفط و اشوف شعنده

بطل باب السياره و نزلني و بدون لا احس عطاني كف من قلبه ووخرني عن سيارتي دخل داخل سيارتي يتعبث طلع تلفوني من الصدمه مادري شسوي اتابعه بعيني يمسك التلفون يتعبث

حسين : شوفي هذا رقم امج و خذيته شوفي بعينج

مسكني من راسي وخلاني اطالع غصب

حسين : تمشين على رايي اي غلطه ثانيه فضيحتج فبيزه
سرحت فيه وانا اخزه مادري ليش بس قمت اطالعه ولا نزلت دمعه مني و ملامحي كانت عاديه لا مبالاة دزني يوم شاف البرود و عصب اكثر و مد ايده علي يطقني والمشكله ما بجيت بس قعدت اطالعه ركبت سيارتي و مشيت قمت افكر خذا رقم امي شيبي ياخذ رقمها بيفضحني امبيه كل شي ولا امي ما ابيها تنتكس ما ابي اكسر ظهرها كل عمامي متحدين امي فيها و الكل يبي الزله علي بس عشان يتشمت امي اذا درت بتموت لا مستحيل لازم اتصرف لازم مسكت تلفوني الا حسين يدق

حسين : بتمشين على رايي و ماكو روحه ولا طلعه الا باذني واي مكان تروحيله اكون معاج ومن البيت لي الكليه ومن الكليه لي البيت و اماني ما فيه بعد على ايدي بتتنظفين يا زباله

ما خلاني اكمل صكر الخط بويهي صراحه خفت قلت لا يسويلي سالفه وانا مالي خلق باخذه على قد عقله رحت قعدت مع اهلي تعشيت من زمان ما قعدت معاهم ورديت فراشي طبعا حكم حسين اليديد تكلميني لين تنامين و تحولين خطج علي قلت اوكي نمت وحسين مو راضي يصكر الخط قعدت ساعه 3 الفير طالعت حوالي ظلمه حسيت بشي غريب مو قادره اتحرك نصي اليسار كله متخدر سحبت نفسي غصب ابي افتح الليت ما قدرت اتحكم بايدي اوديها يمين تروح يسار امبيه شقاعد يصير لي ليش مو قادره اتحكم بنفسي جريت نفسي غصب غرفه امي ابي اناديها اكلمها بس كل ما ابطل حلجي وابي اقول يمه يطلع مني كلام غريب بلغه انا مو فاهمتها قعدت امي حست بشي

امها : يمه شفيج سملله عليج خرعتيني

ابي اتكلم بس الحجي اللي يطلع مني مو مفهوم انا استغربت قمت ابجي ابي اتكلم مو قادره و جسمي اليمين مخدر شصار فيني انا مريضه ولا شنو

قعدت امي تقرا المعوذات علي تسمي و تشربني ماي بس حتى الماي مو قادر ابلعه يطيح على الارض خافت امي راحت قعدت اخوي و دقت على ابوه اقل من نص ساعه كلهم على راسي وليلحين جسمي خدران و مو قادره اتكلم خذوني ودوني الاميري لدرجه ان الممرضه تبي تاخذ مني دم جسمي مو شادر الدم ما يطلع ما ادري شفيني حطولي درب و قعدت طالعت الدرب جني اول مره اطالعه وامي يمي ايدها على راسي تبجي و تقرا علي فجاه قمت شلت الدرب من ايدي و قمت اصااارخ باعلى ما عندي بس الصوت اللي طلع مو صوتي صوت ريال .. صوت ريال عقبها طحت و ما صحيت الا بعد شهرين

شنو صار بهالشهرين لا تسئلوني لاني ما ادري يوم صحيت كنت بمكان قريب و كان في ريال شكله نور من السما قاعد جدامي فاتح قران وماسكني من راسي يوم شافني صحيت سالني

الريال : منو انتي شسمج ..؟

استغربت يسالني شسمي

شيماء : انا شيماء .. انت منو ..؟
الريال : متاكده انج شيماء
شيماء : " بطلت عيني شفيه هذا ..؟ " اي اكيد

حقرني وكان يقرا ايه الكرسي قعدت اطالعه وقمت اقرا معاه تقريبا قبل لا اعرف محمد كنت حافظه نص القران

الريال : حمد لله على سلامتج
التفت لقيت امي تبجي وابوي واقف و الخوف بعيونه واخوي ايده مشمخه و تنزف دم

شيماء : جاسم شنو هذا شفيك
جاسم : " ابتسم و الدموع نزلت من عينه " افداج يا بنت امي وابوي قومي بس قومي

خذتني امي الحمام و خلت الباب مبطل تبيني اسبح ليش الباب مبطل ..؟ شفت نفسي بالمنظره نصدمت شعري مقصوص وزني تقريبا نزلت 20 كيلو اشوف عظامي مبينه جسمي مطقق من كل صوب و راسي ملفوف فجيت اللفه الا خياط و ظهري محترق عيوني كبار و هالات سود تحتهم وويهي اصفر شصار لي اخر شي اتذكره اني كنت بالمستشفى و تنرفزت من الدرب مادري رحت تحت الماي قمت اصرخ دخلت امي علي

امها : شفيج يمه سملله عليج
شيماء : " تبجي " يمه ظهري يحرقني وجسمي ما اتحمل الماي يمه شفيني انا شصااار لي
امها : قعدي يمه انا اسبحج

قعدت تسبحني و تغنيلي ذكرتني يوم كنت ياهل هديت شوي و قمت اسولف معاها طلعت و كلتني و حطتني بحظنها تقرا علي لين نمت اول مره احس اني مرتاحه جذي قعدت ثاني يوم لقيتها تطالعني جنها بتتاكد اني عايشه

شيماء : يمه شصار لي قوليلي
امها : الله رحم بحالج يا يمه عشان جذي الواحد يقولكم حافظوا على صلاتكم ولا تسمعون اغاني يمه كان فيج يني و كان يهودي عذبج يا يمه شفت الويل منه كان يشيلج و يهدج على الارض 4 رياييل ما قدروا عليه اخوج مشمخ من وراج ربج عطاج عمر يديد كنت انا وابوج مجبلينج الجبله قلنه خلاص راح تروح بنتي يا يمه " قعدت تبجي " انا مالي غيرج تحملت وايد اشياء عشانج لا تخليني وتروحين

وانا اسمع كلام امي انصدمت كل هذا صار فيني الحمد لله اني صحيت و عرفت انهم وقفوا قيدي من الكليه خذيت فترة شهرين نقاهه كل يوم رقيه و كل يوم واحد يقرا علي حافظت على صلاتي لقيت ان جو البيت قربني من ربي واايد خفت ارد للكليه بس رديت كان لازم اكمل دراستي و طبعا ترد حليمه لعادتها القديمه و اصير العن من قبل بس ربي ما يطق بعصا ما تعلمت من الدرس الاول يايلي درس اقوى من هذا يمكن لو ميته احسن لي ...​

 

[so_what]

البارت عجييييييييب يسلمووو ، بيليييز نبي بارت بعد:hjy5jewf:

 

[aseel~]

رد : ( شيماء & محمد )

يسلموو

 

[Miss.blue berry]

رد : ( شيماء & محمد )

ثينكيو على البارت
امبي صج هذا عقااب من الله ~~
و بعدين الحين حسين يخبها و يبيها و يدري بكل سوالفها و هم ما تبيه
ناطرينج حبيبتي

 

[miss_shosha]

رد : ( شيماء & محمد )

صار اليوم اللي كنت خايفه منه اول يوم دوام بالكورس اليديد شراح يصير لي راح ارجع مثل ما كنت ما ادري وصلت الكليه وقلبي يرقع شفتها تذكرت كل شي صار معاي الله يستر توني ماخذه درس قوي بغيت اروح فيها وما يسوى علي اموت وانا بهالحاله سفطت بالمكان اللي متعوده اصفط فيه نزلت و توني بمشي ولا واحد يناديني شيوم شيوم التفت ولا حسين هذا امبيه شفيه شيبي

حسين : شيوم نطري بكلمج
شيماء : حسين شيايبك هني
حسين : حمد لله على السلامه شيوم والله كنت احاتيج باليوم مليون مره تحسفت اني مديت ايدي عليج بنفس اليوم

طالعته من صجه هذا ليلحين يذكرني انا مو ناقصه بروحي تعبانه وليلحين الحروق بظهري مو راضيه تخف

شيماء : الله يسلمك عن اذنك بروح مو حلوة وقفتي جذي
حسين : شيوم دقي علي
شيماء : غيرت خطي و قطيت كل اللي صار لي وراي ما ابي ارد حق احد ولا ابي اتذكر اللي صار لي
حسين : مو كيفج انا اللي تعبت و كل يوم اخلي اختي تدق تتطمن عليج على ابو انها رفيجتج وانا دورت هالشيخ و عطيته حق اختي تقول حق امج اييلج البيت انا واختي بتطمن عليج ما اسمع الا صراخج شيوم احبج فهمي انتي دمرتيني
شيماء : ما جبرتك تحبني ولا جبرتك تسويلي كل هذا
سمعت كلامه واستغربت من صجه هذا ليش يسويلي كل هذا انا ما استاهل لازم اطلعه من حياتي
حسين : لا تعامليني باهالقساوه انا تعبت و محتاجج
كسر خاطري حسيت بملامحه تعب لحيته شطولها و ضعفاان وايد اول مره اشوفه بهالحاله خذيت رقمه و دقيت ليش ما ادري

دخلت الكليه وشفت البنات اللي تلمني واللي تبجي واللي تبوسني و اللي تضحك واللي تقولي مشتاقتلج و اماني كانت موجوده لمتني و بجت هاليوم ما طلعت من الكليه مع البنات و سوالفهم ضحكت من كل قلبي وحسيت اي مرتاحه معاهم ماله داعي اطلع ادور الوناسه كانو رفيجاتي جدامي طول الوقت و ما لاحظتهم

مرت اسابيع وانا على هالحاله لين صادفت صقور يم الكليه طبعا صفطت و كلمته

صقر : انتي وينج .. شصار لج ..
شيماء : سالفه طويله عريضه .. " طالعت حوالي اشوف ناس يطالعوني " وقفتنه مو حلوة تره
صقر : دقي علي الحين
ما بغيت ادق بس شفته مصمم قمت دقيت عليه قتله السالفه قال لازم اسويلج حفله على سلامتج قتله لا حفلات ولا شي بس اصر و قعد يحن قتله خلاص اوكي

رحت الحفله و تذكرت ايام قبل شدتني هالايام كان وناسه استانست طبعا يوم ورا يوم حسيت نفسي ارد شيوم الاوليه اكلم حسين داقه الثقل جدامه ولمه اقوله رايحه البيت اروح حق صقر ولا اروح حق صلاح

على طاري صلاح اماني ذبحتني و خلتني ادق عليه تواعدنه جم مره و صار مثل ما كان يصير قبل ماكو فايده فيني ردت حياتي مثل قبل حفلات سياكل جتات


لين يه اليوم اللي ربي عطاني فيه الدرس الثاني وكان درس صعب علي

كنت على البحر وكان عيد ميلادي اماني كان فيها شي غريب ماسكه التلفون و بالمسجات

شيمماء : شفيج ترا عيد ميلادي فجيها عاد
اماني : بسئلج جم سؤال
شيماء : خير قولي
اماني : ليش هديتي محمد ؟

استغربت من سؤالها شالطاري

شيماء : ما اذكر من زمان نسيت اصلا

تسألني سؤال و ترد تدز مسجات و كل سؤالها عن محمد انصدمت و شكيت بالوضع جهازها يرن اقولها ردي تقول بعدين شسالفه شصاير صار فيني فضول رن تلفونها قمت و خذيته قبل لا تتكلم اح اح اح شنو هذا رقم محمد



محمد داق طالعتها و طالعت التلفون صكرته بويهه و شفت المسجات


" مو قايلج لا تطلعين معاها ولا تبين ادق اهزئها "
" انا احبج و ابيج "
" شيوم جذابه اصلا اهي تترجاني ارد لها انا مو معطيها ويه "
" بابا مالي غيرج "
" لا جذابه انا ما عطيتها خط ولا جهااز ابي فرقاها "

عشان جذي غط عني اثاريه قاعد يلعب على كبير

واماني شلون تسوي جذي هاه اللي قاعد يصير صج ولا يتهيأ لي

شيماء : ما لقيتي الا فضلتي تاخذينه
اماني : صدقيني اهو يتلزق انا ما ابيه
شيماء : يا حرام كسرتي خاطري

خليتها ورحت واهي تبجي كنت ما اشوف جدامي ابي اروح اسفل فيه وصلت شقته و لقيت بحظنه نوف دخلت بدون لا اطق الباب طبعا

شفته طبعا مفصخ واهي بعد شي موغريب متوقعه اني اشوف هالشي قطيت تلفون اماني بويهه

شيماء :انتي يللي بحظنه ما تدرين عن شي شوفي التلفون

خذت نوف التلفون و طالعته واستخفت

نوف : " تصارخ " انت زباله يا حثاله تفو عليك


تلبس ملابسها و تاخذ اغراضها عقب ما كسرت الشقه و طلعت شفته واهو مو مستوعب ضحكت علي شافني و قام قفل الباب امبيه شفيه من صجه

شيماء : وخر بطلع
محمد : انتي خربتي علي تحملي طفي اللي فيني

حقير و منحط و ما يستحي بكل قوات عين يقولي هالشي

شيماء : وخر يا " ضحكت " زباله

مسكني من شعري و قمت اصرخ من قمت راسي و فعلا خذا اللي يبيه انا بنت بايده و كنت ضعيفه خلص مني و فتح الباب

محمد : تقدرين تروحين هني واماني رفيجتج رخيصه لاني ماخذ منها اللي ابيه وصلت للي فبالي

طلعت وانا ابجي تمنيت القى صقر بس ما كان موجود ركضت حق سيارتي والمصيبه لقيت حسين هناك

حسين : انتي ما تتوبين " يصارخ "

طحت على الارض و كنت ابجي شاف حالتي استغرب بس ما رحمني قام و دق على امي جدامي لا ليش تدق على امي

حسين : ام جاسم بنتج بشقه عن واحد اسمه محمد تعالي شوفيها


امبيه سواها لا لا قمت بغيت اركب سيارتي واروح مسكني ووقفني خذا سويجي سمعته يوصف حق امي المكان

يا ليتني مت قبل لا اشوف امي وهي تطالعني و مصدومه يا ليتني ما سويت اللي سويته

يا رب اخذ روحي فكني من هالموقف شفتها يت صوبي مسكتني وقالت

امها : انتي بنتي اللي ربيتج و اللي تحملت ضيم ابوج 20 سنه عشانج انتي بنتي اللي تحديت الكل فيج انتي بنتي اللي قمت اقطع من لحمي عشان اشتريلج سياره عشان اييبلج اخر موبايل عشان ما احسسج بالنقص انتي بنتي اللي قصرت على نفسي عشان تلبسين احسن لبس عشان يكون بالبنك مصروف لج انتي بنتي اللي اسولف فيها عند رفيجاتي الله ياخذج وافتك من فضايحج

شراح اسوي الحين ..؟​

 

[جمال رباني]

رد : ( شيماء & محمد )

تكفين كملي

 

[so_what]

يسلموووو