صراحه هذي أول مره أكتب .. وان شاء الله ألقى التشجيع منكم ...
محمد : شاب طايش خلص دراسته الثانويه و دخلت البترول عمره 19 سنه و كل شي بايده سياره معاش ..
شيماء : بنت لعوبه شوي خلصت الثانويه بطلعت الروح و دخلت كلية الدراسات التجاريه ..
بداية القصة ...
محمد ( في الدوام ) : ترا صج ملل يا الربع امشو نتمشى شوي بالخليج نتريق و نرجع .
فهد : لا يبى انت فاضي انا متزوج و مو حلوه مرتي تشوف علي شي .
عبد الله : سياره حمود مغيمه ورا فلا تقعد تسوي سوالف ما عندنه شغل قومو نروووح نغير جو .
محمد : يله مشينه و الريوق عليك فهيييد .
( كلية الدراسات التجاريه )
شيماء : اف كله محاضرات محاضرات و الدكتوره هذي تغث صراحه مالي خلق .
أفراح : خلاص قومي نغير جو خليها تولي المحاضره .
أنوار : فرووح خلي شيوم بحالها خليها تداوم بالذات هالمحاضره من اول الكورس ما حضرت الا مرتين لا تاخذ حرمان w
( الشله كلها قاعده و تقريبا الكل ما يواطن أفراح المهم )
شيماء : نونه ( انوار ) قومي معانه ترا صج متضايقه وامس متهاوشه مع اخوي و جد مالي خلق .
نوار : الله يستر شكلج ماراح تتخرجين كلش امرنا لله بس ناخذ ريوق ونرجع بنات شتبونمن شارع المطاعم ...
أفراح : يله ناطرتكم بالسياره .
الشباب وصلوا البحر
محمد : فهيد حده خايف تخرفنت بسرعه ورا مرتك .
فهد :" يا الهيس هذي مرتي مو صاحبتي .. يقاطعه عبد الله
عبد الله : شفيك يا باااااع
فجأه محمد شاف سياره فيها ثلاث بنات .
محمد : شباب شوفوا صيدات هناك
عبد الله : ما يبيله الحقهم
فهد : منو الخروف الحين ..
بسيارة البنات ( شيوم تسوق لان فروح مالها خلق و انوار يمها وافراح ورا قاعده )
شيماء : " واهي تاكل " شيبي هذا اذاني صاارله ساعه يترك لي
افراح : شوفي شيبي اوقفي
انوار : شنو الدنيا سايبه توقفين كملي اي شي هيلق احنه
شيماء : اي والله اي شي فروح عاد سيارتج يعني باجر تنشهر شتقولين حق اخوج باجر سكتي وخيولي
محمد : مو راضيه توقف
عبد الله : حدها خلها تسفط بليالي الحلميه
فهد : خلو البنت فحالها ما تبي
محمد : ما عليك داقين الدقمه هذيله خفاف جان ما طلعو البحر
يحد محمد شيماء على جنب خلاها تدخل الواجهه غصب
شيماء : والله لا اتفل بعينه مينون هذا ولا مو صاحي
انوار : هدي بالج ولا تعطينه مجال
افراج : ( بطلت الدريشه ) " افراح بيضه ملامحها حلوة تجذب اللي حواليها و جسمها متروس شويه " انت شفيك ما تشوف و تضحك
عبد الله : شسوي جمالج خذا قلبي اتزوجج والعصمه بايدج و تضحك معاه
انوار : هي انت يا اللي تسوق عمي ما تشوف بغيت تودرنا
محمد : ( يضحك ) اللي تسوق غشيمه شسوي و يطالع شيماء " شيماء حنطاويه طويله جسمها متناسق و ملامحها عاديه "
انوار : ما غيرك غشيم امشي شيوم ..
افراح : نطري خلينه نشوف شسالفتهم
" افراح تسولف مع عبد الله و محمد يحاول يسولف مع انوار لين خذت الوضع و قامت تسولف شيماء قعدت تكمل اكلها "
أنوار : ياللي تسوق تبي علج ؟
محمد : يا ليت
تاخذ انوار جنطة شيماء و تطلع علج و تحذفه .. تعصب شيماء و تتنرفز
شيماء : انتي بحق منو تعطينه علجي .. انت يا اخ ممكن ترجع علجي
محمد : " يضحك " ترا كله علج
شيماء عيل رجعه لي
محمد : تبينه تعالي اخذيه
شيماء: لا انت ترجع لي ياه مثل ما خذيته
محمد : والله ما اعطيج ياه الا اذا ييتي و خذيتيه
نزلت شيماء من السياره و راحت صوب محمد و عينه ما نزلت منها يطالع من فوق لي تحت و كان الجو بارد شتى بشهر 2 نهايته قامت ترجف شوي قالها تبين جاكتي يعني و روميو و جولييت ...
شيماء : " تضحك " يله عاد عطني العلج و الله شاريته حق اخوي مالي خلق امر الفرع
محمد : اعطيج ياه اذا سجلتي رقمي
شيماء : باحلامك ما يحدر ان شاء الله
محمد : تعالي هاج هذي ذكرى " طلع قرطاس العلج و كاتب رقمه داخله و عطاها القرطاس "
شيماء : شقالولك صخله اعلج قراطيس .
راحو البنات الكليه و شيماء حطت القرطاس بالجنط و مشى محمد و ربعه يضحكون و يستعبطون على بنات البحر
المغرب ..
شيماء : " هذا من صجه معطيني قرطاس خل اشوفه " قلبته و شافت الرقم ضحكت طول اليوم تفكر فيه
كان شكله كيوت بيبي فيس و ابيضاني ..
" شكلي بدق استعبط " يابت فونها ودقت
محمد : الو
شيماء : الو
محمد : منو معاي
شيماء : ابي علجي
محمد : لوووول خلاص راح عليج .. شلونج بابا
شيماء : بخير وانت
محمد : تمام .. ما عرفت اسمج
شيماء : اسمي شيماء وانت ..؟
محمد : ضاري عمري 24 وانا مهندس بالبترول
شيماء : العمر كله و عاشت الأسامي
" طبعامحمد متعود يجذب على البنات باسمه و عمره يدكور على قولتهم شوي " سولفو تقريبا ساعتين و شيماء استانست عليه واهو بعد حس انه تعلق فيها ..
مع الايام زادت المكالمات و المسجات
محمد : شيوم ترا حجزت حق مصر
شيماء : " تضايقت لانها تعودن عليه شويه مع انها تدري يكلم غيرها واهي بعد في ناس تدق عليه " شعندك بمصر ضروي
محمد : اي نسيت اقولج انا ادرس بمصر " طبعا هني محمد اذا حس انه تعلق بوحده يسوي لها فلم انه يدرس بمصر ومن هالسوالف
شيماء : " واهي متضايقه " يله الله يوفقك بس متى طيارتك
محمد : بعد اسبوع لازم اشوفج " لازم اتاكد من مشاعري احبها ولا بس اعجاب انا عمري ما حبيت ما اتوقع انها صارت لي "
شيماء : خلاص نشوف بدخل محاضرتي الحين .
محمد : اذا دقيت عليج بالمحاضره ردي بتاكد انج بالمحاضره " محمد فيه طبع الشك يشك حتى بظله "
شيماء : اووك ماما باي
نوف : شيوم شفيج متضايقه
شيماء : مادري نوف احس اني تعودت عليه والحين بيسافر يدرس بره مادري اول مره احس بهالاحساس
نوف : امشي المحاضره و خلي عنج ضروي الحين
شيماء تضايقت لانه ضروي او محمد عودها وين ما تقوله بتروح مكان تلقاه جدامها مثل اللي مراقبها و اهي فاقده هالشي عبالها انه اهتمام ما حطت فبالها انه هذا حب تملك مو اكثر
محمد : الووو
شيماء : "متضايقه " هلا ضاري
محمد : شفيج باباتي
شيماء : ولا شي
محمد : الحين بمرج اووك ونتفاهم
شيماء : ناطرتك
وصل محمد و ركبت معاه شيماء
محمد : هلا والله بالحب
شيماء : هلا ضاري
محمد : شيوم شفيج
شيماء : باجر طيارتك و حدي متضايقه و غورقت عيونها
محمد : " حس انه قلبه فز يوم شااف دموع شيوم " ما راح اطول ان شاء الله
راحو تغدو و رد كل واحد بيته
بالليل قبل لا تنام شيماء دق محمد
محمد : بقولج شي
شيماء : الله يستر شفيك
محمد : انا اسمي محمد عمري 19 سنه و اشتغل بالبترول عقب الثانويه
شيماء : " صدمه " ...
محمد : و رايح باجر مصر سياحه مو دراسه و انا احبج وراح اهد خرابيطي و اكون لج بروحج
شيماء : ...
محمد : ادري صدمه قويه بس ما هقيت اني صج بحبج و اتعلق فيج ما بي ردج الحين راح اسافر وراح اتواصل معاج مسجات وما ابي طاري هالموضوع لمه ارجع اشوفج و تعطيني رايج يله مع السلامه احبج
شيماء : ساكته
صكره قبل لا يقول اي شي ...
محمد : هلا حياتي حياتي
شيماء : حطيت كل اغراضك مو ناقصك شي ..؟
محمد : اي امي ما قصرت " متضايق "
شيماء : شفيك محمد ؟ تصدق غريب علي صار اسمك
محمد : تهاوشت مع ابوي كالعاده و قالي اذا رجعت مالك قعده فبيتي
شيماء : وي شمسوي من بلوه ..؟
محمد : ابوي طبعه جذي من صغر واهو يعاملني انا واخواني جذي و طولت امس لساني عليه بغت تصير هوشه كبيره بالبيت
شيماء : انت روح و ارجع بالسلامه و ماكو الا كل خير ان شاء الله
محمد : راجو .. يا راااجو
راجو : نعم بابا
محمد : ما تفهم انت صار لي ساعه اقولك نزل الجنطه من الغرفه و حطها بسياره ماما يله
شيماء : شوي شوي على الريال .. ماله داعي تصارخ
محمد : ما عليج منه هذا غبي يبيله سنه على ما يستوعب
و ينزل راجو معاه الجنطه و يحطها بدبة سياره شيماء
محمد : الو عبيد وينك ترا طولت انا بسبقك المطار
عبد الله : اسكت يمعود جوازي ضاع و ما ادري وينه
محمد : دوره عدل و بلا سوالف الطياره باقي عليها ساعتين
عبد الله : اقلب ويهك و يله ادوره والحقه و دق اكد على الشباب
محمد : الوضع عندهم اووك و بالطريج يله نتلاقى باي
شيماء : هاه حياتي نمشي عشان يمديك تتغدى قبل لا تروح
محمد : بتغدى هناك مع الشباب بس امشي اشتريلج شغله من المطار
شيماء : لا ماله داعي محمد خل الحق اوصلك عشان عندي محاضره
عند المطار
محمد : ماله داعي تدخلين معاي مابي احد من ربعي يشوفج ولا احد من اهلج داخل لا سمح الله
شيماء : اوكي
محمد : انا بسافر و حاط ثقتي فيج يمكن صج صار لي اعرفج اسبوعين بس يا شيماء ترا حبيتج مابي سوالف فراره على البحر و ابيج تحضرين محاضراتج و رفيجاتج لا ياثرون عليج
شيماء : حاضر من عيوني بس على سالفة موضوع امس " قاطعها "
محمد : لما ارجع نتفاهم .. يله مع السلامه
" مد ايده يسلم عليها و غورقت عيونها لا شعوريا خذاها ولمها "
محمد : برجع لج و بيتعدل كل شي مع السلامه
بالكليه
نوف : هاه شيوم وصلتي المسعد
شيماء : شفيج عليه اي وصلته بالسلامه يا رب
أفراح : زين قومي نتغدا برا
شيماء :وراي محاضرات و مالي خلق بقعد بالكليه
انوار و اسماء : سبحان اللي يغير و ما يتغير
أفراح : امبيه انتي مصخنه الظاهر فيج شي شيوم اقولج نقوم نطلع
شيماء : واااي يله باي وراي محاضره
نوف : نطريني بروح معاج محاظرتي
" رجعت شيماء البيت و اهي تنطر مسج من محمد يطمنها بس تاخر الوقت و مو معقوله من الساعه 12 ليلحين ما وصلوا فقامت تحاتي تدق على خطه الكويتي مغلق و ما تدري شتسوي "
تقريبا على الساعه 9 بليل وصلها مسج " حياتي لا تحاتين انا وصلت بس على ما طلعنه جناطنه و ساكنين بمنطقه بعيده وتوني شريت الخط "
تطمنت شيماء واستانست من انه ما نساها فدز له مسج " حمد لله على السلامه طمنتني قمت احاتيك اكلك شي ادري على اكل الطياره و ارتاح "
" لا حياتي بروح الديسكو "
" محمد يووز من هالسوالف و يله لا ترفع ضغطي "
" قولي احبك و ما اروح "
" احبك "
" اموت فيج "
مرت الايام وروتين شيماء ما تغير حاولت افراح تخليها تطلع و تروح و ترد معاها بس شيماء حطت كلمة محمد فبالها ان ثقته فيها و كل يوم مسجات ما انقطعت عنه و تقريبا يكلمها مرتين باليوم
يوم رجعة محمد ما كانت شيماء تقدر تروح تاخذه لان وصوله يصادف ساعه 2 الفير
اول ما نزل من الطياره محمد
محمد : وين تلفوني
عبد الله : لاحقين على التلفونات امش ناخذ جناطنه
محمد : مشتاقلها بكلمها وا اطمنها
عبد الله : معقوله انت حمود اللي اعرفه طول عمرك تلعب على البنات يت اللي تمسكك والله
محمد : المهم اسمعني طلع الجناط على ما اكلمها و على فكره انا مطرود من البيت فبام الليله عندك
عبد الله و محمد ربع من الروضه يعني روح بالروح فكان محمد ينام فبيت عبد الله بالاسابيع و العكس
عبد الله : بيتك و مطرحك يا خويه " بالمصري "
شيماء منسدحه و تلعب باللاب توب فجأه حست بتلفونها يهز تطالع الا رقم محمد الكويتي فز قلبها
شيماء : تو ما نورت الكويت يا الغالي هلا و غلا
محمد : منور باهله يا غلاي انا وصلت حبيت اطمنج
شيماء : حياتي انت هاه شلونك شخبارك شلون السفره
محمد : ديسكوات و بنات و رقص و مواعد
شيماء : اها يله بخمد انا
محمد : " يضحك " احبج صج سوينا سوالف بس ولا وحده ترست عيني هناك عندي شيومه حبيبتي
عبد الله : يصارخ ... يله حمود وقفت تاكسي
محمد يله يااك .. حياتي شيوم اوصل بيت عبيد و ادق عليج
شيماء : و ليش بيت عبيد
محمد : نسيتي اني لاجئ مطرود يله حياتي باي
طول الطريج عبد الله مينن الهندي راعي التاكسي و يضيعه الف مره و يضحك اهو ومحمد
وصلو و غيروا ملابسهم ودق محمد على شيماء لقا الجهاز مغلق اول مره تصير هالحركه ان شيماء جهازها مغلق
دز مسج طلع له تم التحويل
محمد : جذي النظام بسيطه
شيماء : بدر ليش داق علي
بدر هذا اول حب بحيات شيماء و صارت مشااكل وايد من ناحية بدر فانتهت علاقه 3 سنين بكلمة
بدر : شيوم انتي حبي الاول شلون انساج
شيماء : صار لك 6 شهور توك تذكر .. لحظه مسج
" محمد .. شيماء حبيبتي فيج شي مصكر جهازج ليش .. "
شيماء : يله بدر اكلمك بعدين .. لحظه مسج ثاني
" محمد ظزز كنت متوقعج غير البنات بس سوالف التحويل مو علي .. خليج مع اللي تكلمينه يفيدج باي "
بدر : ما تصكرينه الا لما نتفاهم .. شيماء انا اسف و حقج علي .. و الله ندمااان و بعدين ترا الصور ليلحين عندي
" صور عاديه كانوا كل عيد يروحون فوتوكينا ولا لقطات يصورون و بالصور خوات بدر للذكرى بس "
شيماء : ادق عليك بعدين عشان اخذهم منك باي
صكرت الجهاز " تفكر شقول حق محمد الجذب ولا اقوله الصج "
عبد الله : شفيك محمد ويهك صاار اسود
محمد : ما فيني شي كلمت دانه " بست فرند لعبد الله "
عبد الله : لا والله ما عندي رصيد
محمد : هاك اخذ فوني تكلم فيه واذا يالك اي خط ثاني طاف انا بنام
عبد الله : كفو والله بو جويس
شيماء تدق على محمد waiting دقت ثالث مره نفس الشي " معقوله رد حق البنات بس اهو فاهم الموضوع غلط "
عبد الله " حمود الغلا دقت 3 مرات "
فز محمد صج عطني ولا اقولك كمل كمل
ونام محمد و عبد الله كمل سوالفه
الصبح قعد محمد و شاف فونه يم راسه فيه 20 مس كول من الغلا و مسجين
اول مسج " انت فاهم الموضوع غلط " ثاني مسج " رد علي بفهمك وانت كيفك عقبها
محمد في طبع انه قلبه قاسي فدز لها مسج " شتبين تقولين امج داقع عليج ولا بنت خالج "
وصل المسج حق شيوم اللي مو نايمه من امس " فردت عليه : لا محمد بدر كان يكلمني امس "
محمد يدري منو بدر فلما شاف المسج عصب و دق عليها
محمد : و بكل وقاحه تقولين بدر و تعلقيني انا عشانه مو هذا اللي اذاج
شيماء : دق علي بخصوص الصور وانا ما كنت ناويه ارد بس صار اللي صار
محمد : الصور يولون يحرقهم وانا مو ريال جدامج و مو مالي عينج تكلمين واحد وانا متلهف عليج بكلمج
شيماء : ساكته ..
محمد : قومي روحي الكليه ولازم اشوفج الحين ظزز
شيماء و هي تبجي بس ما تبي تبين له حااضر الحين قايمه ..
عبد الله : " اهو نايم " وين رايح
محمد : شغله اخلصها وارجع وين صوغت شيوم
عبد الله : بالجيس انجعم بنام
راح محمد طاير ووصل قبل شيماء الكليه شافها نزلت من سيارها فز قلبه ونزل من السياره يسلم عليها ما تحملت شيماء فلمته حيل ما رضى يهدها اللي بالغصب
محمد : يله ركبي
شيماء : ان شاء الله
محمد: انتي ليش مو راضيه تفهمين يا بنت الناس اني احبج وابيج ليش تدخلين بدر بينه
شيماء : بس ترا الصور تهمني .. حتى انا احبك بس ابي الصور
مجمد : خلاص انا وياج نروح ناخذهم
شيماء : " استانست بتكسر بدر بمحمد و منها انه في ريال وراها يغار عليها " خلاص تم
تريقوا و عطاها صوغتها استانست واايد منها
محمد : يله حياتي نزلي روحي محاضراتج برد انام شوي
شيماء : من عيوني دير بالك باي حبي " تبوسه و تنزل "
وصلت عند رفيجاتها و لقتهم متيمعين كالعاده بمكانهم و الكشره شاقه الحلج توريهم ساعه و عطر و بوك فيرساتشي
افراح : اي لقيتيلج خروف يشري لج
انوار : ليش محتره منها يله صيري شاطره و القيلج خروف نفس خروفها يخاف عليج مو يوديج شقق
افراح : انا رايحه محاضرتي
شيماء : شفيها هذي
نوف : ما عليج منها
بهالوقت وصل مسج حق شيوم
" شيماء انا بدر و انا واقف عند سيارتج تعالي اخذي الصور "
ارتبكت وقالت حق البنات السالفه
انوار : خلاص محمد راح نام حرام تعنينه و تردينه روحي اخذيه بعدين قوليله
نوف : لا لا تخشين عنه شي دقي
افراح : نسيت قلمي وينه .. شفيج شيوم
شيماء : تعالي معاي نروح حق بدر ناخذ الصور
افراح : امم يله امشي
محمد " بالسياره يغني ومستانس لمح شي بمكان شيوم الا ناسيه مذكرتها والحين عليها محاضره يله تستاهل حبيبتي ارد لها "
راحت شيماء يم السياره و لقت بدر واقف ..
بدر : تعالي ركبي بقولج شغله
شيماء : ما بينا كلام عطني الصور
بدر : ما اعطيج الا اذا ركبتي
افراح : روحي انا ناطرتج هني
بدر : انا احبج فهمي
شيماء : عطني الصور
بدر : يضغط على ايد شيماء .. فهمي احبج
شيماء : اي ايدي عورتني هدني .. بعدين انا احب غيرك الحين
بدر : يضغط زياده منو هذاااا
محمد منو اللي مصكر على سياره شيوم شسالفه و يقرب اكثر
هذي شيوم بالسياره معاها وااحد " صدمه "
شيماء سمعت صوت سياره محمد نوعها موستنق فصوتها قوي التفتت و صارت وياه عين بعين..
فكر محمد " شسوي هذا منو اكيد اخوها .. اخوها شيييبه هني .. معقوله اللي حبيتها لعبت علي .. انا كنت العب على عشره مثلها .. محمد شتسوي طلعت مغفل "
بدر : " يشوف نظرات شيوم لمحمد " شفيج و منو هذا ..؟
شيماء : ساكته
بدر : شيوم احاجيج منو هذا ..؟
شيماء : المفروض انه حبيبي و عينها ما نزلت عن محمد
بدر : حبيبج هاه شوفي حركه الحقاره اللي بسويها
" يقوم يبوس شيوم على خدها جدام محمد " التفتت شيماء لا شعوريا و عطت بدر كف .. نزلت من السياره و قالت الصور بلهم واشرب مايهم "
محمد مشغل اغنيه حلفتيلي " الحريبي " وغورقت عيونه وهو راجع عند عبد الله " معقوله بنت تبجيني معقوله الصدمه اللي انا فيها شنو فيها زود في بنات احلى و في بنات وايد احسن منها شمعنه اهيه .. و شلون خدعتني ..؟ منو اللي كان ويااهاا
عبد الله : حمود شفيك جنه واحد معطيك طراق
محمد : ما فيني شي تعباان
بدخلت يوسف " يوسف رفيجهم الثالث " : حمد لله على السلامه يا صايعين .. اوله اوله حمود شفيك ..؟ عبيد صاحبك شفيه ..؟
عبد الله : و الله يا يويسف ما ادري رجع من شيوم واهو جذي
محمد : لحد ييب اسمها على لسانه لو تكرمتو انا بنام.
يوسف : شدعوه اللي يقول الحين مادونا اقصاها بنت تسكتنه عشانها
محمد : قتلك حط لسانك بحلجك وانجعم بنام ممكن ولا تبوني اطلع و ما ارجع
عبد الله : خلاص يويسف خله بحاله تعال اوريك صور الرقاصات اللي صورتهم
يوسف : اي طول عمركم منحطين يله ورني
( الكليه )
انوار : انتي غلطانه تستاهلين
نوف : يمعوده اقصاه ريال و شكثرهم بالشارع يبه اعتبريه نعال و فصختيه
أنوار : نوف شهالكلام الولد ما قصر معاها و حبها
نوف : ماكو حب اكيد كان يبي شي منها
أفراح : ممكن تنجعمون شوي البنيه وين وانتو وين
شيماء : " تبجي و تشهق " ادق عليه مغلق اخاف فيه شي
أنوار : خليه يرتاح شويه لما تهدا اعصابه بيرد
( ديوانية عبد الله )
محمد : ماني قادر لازم اروح لها
" محمد حب شيماء من قلبه و توه اكتشف هالشي لان اهي عوضته عن وايد اشياء يكفي انه لي تضايق من احد كلمها على طول مو مستوعب فكرة انه يعرفها صارله شهر و شوي جنه يعرفها من زمان صارت كل شي بالنسبه له و بدا يتغير عشانه "
يوسف : شفيك تروح حق منو
محمد : شيوم لازم اروح لها الساعه جم الحين
عبد الله : ساعه 5 و ربع
محمد : ما يمدي ردت بيتهم الحين .. وين تلفوني " ما يدري وين قط تلفونه "
يوسف : شفته يم سيارتك مقطوط خذيته و حطيته على الشحن هناك .
محمد : يعني مغلق .. شلون مغلق بله دقت
عبد الله : حجي يا خفيف شفيك امش معاي اليوم سهره واعرفك على ناس يسوونها
محمد : خلنه احباب وقوم ييبلي تلفوني
عبد الله واهو رايح ييب التلفون : حمود مو عاجبني حالك انت صاحبي و خبري فيك تبجي البنات و تلعب فيهم مو اهم اللي يتحكمون فيك
محمد : عمرك ما راح تفهم
محمد يبطل جهازه و يشوف مس كول من شيوم و مسج " محمد اول ما تبطل جهازك دق علي بس بفهمك اللي صار انا غلطانه واعترف بغلطي بس ما اقدر اعيش بدونك " استانس محمد توه بيدق ولا رقم غريب داق عليه
محمد : ألو
أفراح : ألو محمد
محمد : اي نعم منو معاي
أفراح : انا فروح رفيجة شيوم
محمد : هلا فروح شيوم فيها شي
أفراح : لا ما فيها شي توني كلمتها لين نامت واهي تبجي
محمد : اممم بغيتي شي ؟
أفراح : شوف انا بقولك السالفه ترا شيوم مالها شغل كله من انوار و الشله اللي تماشيها
محمد : ما فهمت وضحي .؟
أفراح : اهم مخربينها دق بدر واهي ما بغت ترد قامت انوار و ردت عليه و قالت له الحين اخليها تيي و لعبت على شيوم قالت لها روحي نوف هناك يم سيارتج تبي تحط كتبها داخل و شيوم راحت .. ما كانت تدري ان بدر هناك " افراح حاقده على الشلة لانها تدري انهم يدرون بحقيقتها فتبي توخر شيماء عنهم باي طريقه فلقت انها تاخذ رقم محمد من جهاز شيماء بدون لا تدري و تسوي هالسالفه كلها "
محمد : اي كملي و بعدين ..؟
أفراح : وانصدمت فبدر هناك و ..
محمد : قاطعها يعني راعي المرسيدس كان بدر
أفراح : اي و ترا شاف شيوم تطالعك سالها منو هذا و قالت حبيبي عشان جذي باسها جدامك
محمد : " مقهور ما يدري شيسوي " خلاص انا اتصرف يله باي
أفراح : لحظه محمد .. مابي احد يدري و خصوصا شيوم اني كلمتك لانها طلبت مني اني ما اقدولك اي شي ولا تبطل معاها الموضوع
محمد : لا تحاتين ماني ياهل انقل حجي باي
محمد ارتاح شوي " اذا جذي السالفه و ما سوت اللي فبالي فانا غلطان بس لازم اخيرها بيني وبين رفيجاتها " وما قدر من الشوق قام و دق على شيوم بس ما ترد لان على قولت فروح نايمه فدز لها مسج " دنيتي اذا قعدتي دقي علي ابيج ضروري "
عبد الله : منو اللي كنت تكلمه ردلك الضحكه جذي
محمد : ولا شي " يبتسم " الحلو بمحمد انه ما يحب يطلع سوالفه الخاصه بره
يوسف : مسوين حفله بالشفه تيي " كوبلز " دق على ساره تيي وياك
محمد : بطلت هالسوالف و ساره صار لي فوق الشهر ما ادري عنها فمالي خلق حنتها بنام انا لاني صج تعبان روحوا انتو استانسو
عبد الله : حجي شفيك صرت خروف تخاف شيوم تطيح عليك
محمد : قتلك لا تييب اسمها على لسانك و يلا تت بنام
الصبح قعدت شيماء كالعاده تغسل و تصلي و تبدل حق الكليه و ما طرى على بالها تشوف جهازها
طلعتها من البيت خذت جهازها طلت فيه لقت مس كول و مسج كانو من محمد استانست و شافت المسج تبي تدق ولا ما عندها رصيد " انا قايله بفتك من الكروت و ابي فواتير بس منو يسمع "
شافت اما تحرر سيارتها عشان تروح الدوام ..
شيماء : صباح الخير يمه
امها : صباح النور هاه عندج مصرف ؟
شيماء : لا طبعا ايدج على الخزنه " تضحك "
امها : اي قالولك انا بنت الشيخ و انا مادري عيال ابوكم ما فيكم خير .. سمعي ودي اختج قطيها المدرسه
شيماء : يمه ما يمدي
امها : اقول شدعوه عندج محاضرات عبالج ما ادري عن هياتج و ساكته ذلفي ودي اختج يله
شيماء : زين يمه وينها هالصخله
امها : هاج عطيها مصروفها
شيماء : دينار وايد عليها بعطيها نص
امها : سمعتي شقتلج يله ديري بالج بالطريج الله يحفظكم
شيماء : باي يمه " تروح تشغل سيارتها و تنطر اختها .." عايلة شيماء تتكون من امها و3 اخوان واختها الوحيد طبعا امها وابوها منفصلين و عايشين مع امهم كلهم "
حنان : اف كل يوم مدرسه كل يوم
شيماء : يا هبله يقولون صباح الخير
حنان: اللي يشوفج يشوف الخير .. وين مصروفي
شيماء : هاج هذا مصروفج
حنان :شفيها امي نست اليوم عندي رحله شنو هذا ما يصير
شيماء : " تطلع بوكها وتعطيها زياده " هاج صكري حلجج بس
حنان : اي خليكم جذي
وصلت اختها المدرسه و بطريجها دق تلفونها و لا افراح
شيماء : الو
افراح : صباح الخير غريبه اليوم ما دقيتي صبحتي
شيماء : و الله ما عندي رصيد و حنون الهبله نستني اعبي حتى حمود ما دقيت عليه " تضحك "
أفراح : ليش اهو داق عليج
شيماء : اي لقيت مس كول و داز مسج يله اوصل و اشوفج باي
محمد قعد على رنة التلفون
رد بدون لا يشوف الرقم : الو
امه : يمه محمد وينك
محمد : عند عبيد بالديوانيه
امه : و ليش ما ترجع البيت يمه انت ولدي وما عندي الا انت واخوك واختك ليش تحرق قلبي
محمد : شوفي ريلج و تصرفاته معااي ماني ياهل عنده كل يومين مسويلي سالفه و رافع ايده علي لي متى يعاملني جني ياهل
امه : يا يمه هذا ابوك يبي مصلحتك اصلا قايلي يبي يزوجك بنت عمه ويدزك برا تكمل دراستك
صحصح محمد " حلمه من زمان انه يكمل دراسته بره لان عبد الله بعد الكوري الياي بيروح مصر مقدم اوراقه "
محمد : حلفي يمه
أمه : اي بس شرطه تتزوج بنت عمك
محمد : " طرت على باله شيوم " عيل ينسى الموضوع احسن له اذا بتزوج انا بنقي البنت مو على كيفه يمشيني
امه : تعوذ من ابليس وارجع البيت اهو قالي يبي يكلمك
محمد : خلاص اخلص شغلي و اتغدا عندكم
امه : الله يحفظك مع السلامه
شاف محمد تلفونه و استغرب ماكو مس كول من شيماء فقام واتصل عليها
شيماء : " استانست يوم شافته داق " ألو
محمد : الو " شايل بخاطره "
شيماء : محمد انت مو فاهم السالفه انا اقو..
محمد : يا انا يا رفيجاتج هذا اختصار السالفه
شيماء : شكو رفيجاتي محمد خلني اكمل لك
محمد : اتوقع سمعتي ردي على موضوعج و مابي اسمع كلمه زياده يا انا يا رفيجاتج .. فكري عدل تراهم مو دايمين لج رفجت كليه و خلاص تنتهي والله والكليه كلها خراب يا انا يا اهم .
شيماء : "ليش شنو سامع عشان يقول جذي خل امشي معاه لين اسحب الحجي " لا انت حمود ما اقدر بدونك " و صج اهي تحبه بس مو معناته انه تهد رفيجاتها واهم ما ضروها "
محمد : ترا توصلني اخبارج و لا اسمع انج مكلمتهم " طبعا فروح عنده بخور السوق "
شيماء : انت عرفت السالفه اول ؟
محمد : ما ابيها تتبطل ومن اليوم و رايح تصفطين سيارتج عند بيتنه وانا اوديج و اييبج سياره ماكو بالكليه .
شيماء : حاضر اللي تشوفه
محمد : ما عندج محاضره الحين شموديج مبجر انا قلت رفيجات ماكو تبين قعدي مع فروح
شيماء : ان شاء الله بس لا تعصب .. حمود احبك والله " قامت تبجي "
محمد : ... لو مو متاكد انج تحبيني جان ما ضيعت وقتي معاج يله انا بقوم اشوف ابوي مادري شيبي
شيماء : هد اعصابك ولا تتهاوش معاه مهما صار هذا ابوك
محمد : تدرين اني اكرهه والله يا شيوم اشوفه يمد ايده على امي احقد عليه ودي اذبحه
شيماء : كل شي يمشي بالتفاهم مو بالعصبيه والله يسامحه شتقوله
محمد : ماشي حبي بس ليش ما دقيتي علي اول ما قعدتي
شيماء : ما كان عندي رصيد الحين بعبي
محمد : عندج مصرف
شيماء : اي الحمد لله
محمد : لا تعبين خليهم لج انا اعبيلج
شيماء : ماله داعي ماما ..
محمد : سمعي الحجي باي
محمد وصل بيتهم و شاف سيارة ابوه بره " ولين هذا مو مداوم اليوم شكله عنده سالفه قويه "
دخل محمد الديوانيه و لقى ابوه يشيش كعادته ..
محمد : السلام عليكم " بنفسيه "
ابوه : غلطان شيل نعالك و طقني بعد
محمد : محشوم امر يقولون تبيني
ابوه : اليوم المغرب بروح عند عمك اخطب بنته لك تعال معاي
محمد : و بكيف منو ان شاء الله .
ابوه : بكيفي يا الهيس ولا ترد بكلمتي
محمد : لا ما تمشيني بكيفك والله
امه : بسم الله صوتكم سمعه الفريج شفيكم
ابوه : هذا ولدج المصبنجي و هذي تربيتج يرادد ابوه
محمد : امي مالها شغل و خلاص بلا اهانات
ابوه : تطول صوتك علي يا حمار
" ام محمد صارت بالنص بين محمد وابوه و فجأه طاحت عليهم ..
( الكليه )
شيماء تدق على محمد ما يرد
أفراح : شفيج شيوم مو قاعده مع البنات اليوم
شيماء : ما دري مالي خلق انا تعبانه شكلي برد البيت
أفراح : باقي محاضرتين خلصيهم و روحي حرام واليوم عندنه كويز
شيماء : تفكيري مو معاي محمد ما يرد علي
أفراح : ميخالف يمكن انشغل و بيرد ان شاء الله امشي نتغدا
شيماء : اووك
محمد مع امه بالمستشفى
محمد : يله الوالده ما عليج شر ان شاء الله
امه : يمه ذبحتوني انت وابوك يا يمه اذا تعزني اخذ بشوره و تزوج ابوك خايف عليك و ما يبيك نفس شباب هاليومين
محمد : ان شاء الله كل اللي تبينه يصير بس ارتاحي
"فكر محمد بشيوم وايد الانسانه الوحيده اللي حبها و عزها وارتاح معاها الظاهر راح يفترق عنها بسبت الظروف بس ما راح يقدر لانه صارت الهوا اللي يتنفسه " شراح يقولها و شلون يفاتحها بالموضوع
قرر محمد ان ما يفتح الموضوع مع شيماء و يشوف يمكن اذا قعد وقت اكبر بالبيت جدام ابوه يطخ عنه شوي ويشيل فكرة الصايع عنه و هذا اللي صار خف ابوه شويه عنه و بدت العلاقه تصير احسن ..
مشت الايام و الشهور و الروتين كله كان طلعات مع شيوم من الصبح لي المغرب و يكلمون بعض بالفون من المغرب لين كل واحد ينام عالخط باختصار حياتهم كانت مع بعض ..
بيوم من الايام كانو طالعين يتغدون مع بعض
محمد : شيوم ابيج بموضوع
شيماء : خير حبي امر
محمد : شكثر صار لنه مع بعض
شيماء : جريب السنه الحين
محمد : و ما تلاحظين شي غريب
شيماء : مثل شنو ترا خرعتني
محمد : اني ولا مره لمستج
شيماء : " شيبي يوصله حتى لو احبه مستحيل اعطيه هالشي انا مو رخيصه صج اني ما اشوف غيره بس شقول شرد عليه اقوله انا لك وارخص بنفسي يمكن باجر نفترق وين اروح انا " ...
محمد : شيوم ردي علي انتي ما تبين هالشي حتى لو كان فيه راحتي
شيماء : صراحه لا ما ابي
محمد : خلاص ولا يهمج على راسي ما راح ابطل الموضوع مره ثانيه
بعد اسبوع تقريبا
( بالديوانيه )
عبد الله : حمود باجر بمشي البحرين تيي ويانه
محمد : منو بيروح معاك
يوسف : انا وياه و طلال بيكون موجود تعال من زمان ما استانسنه
محمد : خلاص اوكي يبيله اغير جو
عبد الله : بنقعد 3 ايام و نرجع بس الويك اند
يوسف : السكن علي والباجي عليكم
محمد : اي هذا انت عبيد الاكل عليك
عبد لله : وانت يا حظي شباقي لك
يوسف : المشروب عليه بعد شنو
محمد : لا انسو المشروب مابي اشرب
عبد الله : ليش ماما شيوم مانعتك ( يتغامز اهو و يوسف )
محمد : يله جببو عاد بروح اجهز اغراضي اشوفكم الفير
( بيت شيماء )
قاعده مع اخوانها من المغرب ما تدري عن محمد خذتها السوالف واللعب مع اخوها الصغير تعشوا وراحت غرفتها مشتاقه حق محمد بتكلمه
محمد :الو .. هلا باللي ناسيتني من المغرب ما تدري عني
شيماء : " تضحك " هلا بحياتي الصايع اللي ما ادري وين هايت .. شقاعد تسوي ..؟
محمد : اجهز جنطتي
شيماء : " مستغربه " وين على الله
محمد : البحرين باجر مع عبيد و يوسف و طليل
شيماء : وانا شنو هني طوفه
محمد : محشومه الطوفه " يضحك " يحب يطفرها
شيماء : طوفه تنام عليك و ما تقوم ماكو روحه " معصبه "
محمد : عطيت كلمه حق ربعي ولا تقبسين خلاص لا يصير فيني شي بالطريج
شيماء : ومتى بترجع " رضت بالامر الواقع "
محمد : 3 ايام واكون عندج يا عمري
شيماء : حمود بلا خربطه " طرا على بالها الموضوع اللي فتحها معاها بالمطعم "
محمد : ولا يهمج بس بشرب و بشوف الروسيات
شيماء : " بجت "
محمد : يا هبله كله بايدج عطيني اللي ابيه و ما اخربط " حاول يمسكها من هالناحيه
شيماء : سكتت .. يا اصير رخيصه يا تحرق قلبي
محمد : وليش معتبره نفسج رخيصه انا حبيبج مفروض تريحيني حتى دقي على ماما فوزيه " فوزيه دريع " و سئليها
شيماء : ما اتوقع المره بتقولي سوي حرام
محمد : تحملي انا ريال و ابي راحتي
شيماء : روح ايدز ان شاء الله
( سافر محمد و طبعا كان زعلان مع شيماء و اهي بحاله لا تحسد عليها 3 ايام ما تدري عنه و جهازه مغلق متاكده انه سوه الغلط بس تبي تتطمن عليه )
تشوف جهازها ولا م التسليم ورا بعض 6 مسجات حق محمد فتح جهااازه و اخيره قامت دقت
محمد : الو " صوته توه قاعد
شيماء : صح النوم
محمد : صح بدنج " بنفسيه " وينج ..؟
شيماء : بالصالون عندنه عرس
محمد : باذن منو رايحه
شيماء : ما ادري بس حبيبي ما يدري عني 3 ايام فاستاذن من منو
محمد : ردي البيت ماكو روحه
شيماء : من صجك فوق انك مسوي بلاوي و ما تخليني اروح العرس بعد صج عينك قويه
محمد : سمعتي اللي قلته باي " يصكر الخط "
ردت شيماء البيت ما حبت تكدر خاطره و تدق عليه ما يرد دز لها مسج " راسي يعورني بكمل نومي باجر امرج الصبح "
نامت و قعدت الصبح لبست و راحت
شيماء : حمد لله على السلامه
مجمد : الله يسلمج " يطالع ويها اذا فيه بقايا مسكره مكياج "
شيماء : "فهمته " لاتخاف سمعت كلامك و ما رحت امس
محمد : اي عبالي
. . . . . . ..
محمد : الو .. يوسف مو فاضس شتبي
يوسف : باجر شقه شرايك
محمد : شسويلك ؟
يوسف : اجر معاي
محمد : "يفكر " مادري
يوسف : يله عادابي احد معاي و عبيد بعد اسبوع رايح مصر يعني مالي الا انت
محمد : خلاص تم متى نشوفها ؟
بوسف : اي وقت فضيت نشوفها
محمد : خلاص تلايط تم
شيماء : شنو تم شفيكم
محمد : بناجر شقه
شيماء : نعم نعم حق شنو
محمد : يعني تدرين اذا طردني ابوي بعد و من هالسوالف
شيماء : شايف براسي دهن مثلا ؟
محمد : عطيت الريال كلمه
شيماء : انت ذبحتني كل ما قلت لك شي قتلي كلمه ما كلمه وين قاعدين .. بس تاكد من تحط شقه كل شي حلو بينه راح يروح " تبجي "
صكرو الموضوع
محمد : شكلها خوش شقه هاه
يوسف : قايلك صاحبك يضبطك .. هني نحط البار
محمد : رجاء خل هالمكان خاص فيه لا مشروب ولا بنات ولا بطيخ
يوسف : من صجك
محمد : اي والله خلنه نقط عليها عدل و نخليها مثل ديوانيه لنا اوكي
يوسف : اللي تشوف
بعد شهر ..
شيماء : وين موديني ..؟
محمد : بوريج شي
" وقف يم عماره يديده و راقيه "
محمد : نزلي يله
شيماء : ما راح انزل اول قولي وين بتوديني
محمد : بوريج شقتي عشان تعرفين مكانها و متى ما شكيتي بالوضع تكبسين علي " ضحك "
نزلت شيماء و كانت الشقه واايد حلوة و هاديه و فيها غرفة نوم وحده و مطبخ و حمام و صاله كبييره
شيماء : حلوة الشقه
محمد : اكيد ذوقي انا مسويها مره ثانيه ما عندج شي تيين تقعدين هني هذا مفتاح لج عن المهايل بره انا وياج نقعد هني
شيماء : عاجبني المهايل مابي مفتاح
محمد : انا ما تنكسر كلمتي فهمتي
شيماء : اوكي لا تصارخ
قاعدين مع بعض و طبعا مكان مصكر واهي بحضنه صار المحظو و تكرر هالشي وايد تقريبا يوميا بحضنه
تعلق محمد بشيماء زياده و صارت مريحته من كل النواحي بنظره و كرهت شيماء عمرها بس شافت انها حبت هالشغله و تكون بعين حبيبها نثيه صح و ما يشوف غيرها .. دلعها بالقمصان و بالكريمات و صارت حياتهم حيات 2 متزوجين بس شنو الثمن نعرف بعدين ...
استمر الوضع بين محمد و شيماء شهور على هالحال طلعات و روحات مع بعض و طبعا ابتعدت شيماء عن رفيجاتها ما حبت تكسر بكلام محمد و كان محمد بهالفتره متسلط وايد و كلمته مبديها على شيماء مثل ما قلت حب التملك عند مو طبيعي بس اهي شاف هالشي على انه حب مو تملك ...
( في شهر رمضان ) و كانت قبل بداية كورس يديد
شيماء : محمد مبارك عليك الشهر حياتي
محمد : علينا و عليج
شيماء : ها حبي ناوي تصوم ولا زي كل سنه " تضحك "
محمد : لا يا هبله اكيد اصوم .. عبيد باجر بيرد من السفر " عبد الله قدم اوراقه بمصر و كمل ب 6 اكتووبر "
شيماء : اي يله بالسلامه
محمد : يسلمج عاد طيارته الفير و بروحله
شيماء : بس دير بالك اووك ماما ..؟
محمد : اووك حياتي انتي يله الحين نامي ادري تعبانه
شيماء برمضان يومها مقلوب يعني تقعد تصلي و ترد تنام و ما تقعد تفطر الا على 9 بليل فمحمد يكون قاعد من الصبح دوام و مع اهله اللي ردت المشاكل معاهم ..
( المطار )
محمد : حياتي انا وصلت
شيماء : و متى يوصل الاخ عبيد
محمد : 2 و نص باقي نص ساعه سولفي معاي على ما يوصل
شيماء : وعقب وين بتروح
محمد : طبعا بنام عنده مشتاقله
شيماء : بس محمد ملابسك الدوام شلون باجر وراك دوام
محمد : عادي و منو قالج بداوم باجر فله مع عبيد
شيماء : لا والله حجي يديد
محمد : خلينه من هالسوالف الحين ترا انتي مقصره معاي و نومج مخترب و حياتي صارت بالشقه مجابل يويسف صج اشتقت لج
شيماء : حياتي ميخالف رمضان وانت تدري بعد استغفر الله نحترم الشهر على الاقل
محمد : " يضحك " لا تلوميني ان دخلت بنات
شيماء : استغفر الله ترا ما صار له الشهر يومين اليوم الثاني اثقل
محمد : كاهو عبيد طلع ... " يصارخ عبيييد " شيوم شوي واكلمج بابا ..
طبعا محمد اندمج مع رفيجه و نسا شيوم دق عليها بعد ساعه على اذان الفير
شيماء : وينك ماما ..؟
محمد : رايحين انا و عبيد و يوسف مركز سلطان
يوسف : شيووووم لا يكون قص عليج و يقولج نصوم ترا خرطي عمرنه ما صمنه
شيماء : ....
عبد الله : شتبين نييبلج من مركز سلطان برسم الخدمه
محمد : جبو خلوني اكلم ام العيال براحتي .. هاه حياتي
شيماء : انت ما تصوم " انصدمت " ريال شطولك شعرضك ما تقدر تصوم ..؟
محمد : وانتي حضرتج يايه بتغيرين هالشي ابوي عمره ما علمني اصلا احط سيادتي و اصلي و اذا شافني يضحك علي سكتي بس
شيماء : هذا سبب و الحين انت كبرت و تعرف مصلحتك و بعدين معاك
عبد الله : يا معوده وين يصوم واهو يشرب من عمره 16
شيماء : " مصدومه " .. اول مره تعرف هالجانب من محمد
محمد : شيماء صج هذيله فضحوني وانا اعترف لج اني كنت جذي بس والله معاج وايد تغيرت حياتي 24 ساعه معاج وانتي ادر
شيماء : .... اوك حبيبي بصلي وانام تامر على شي
محمد : زعلانه
شيماء : مو انا بتحاسب براحتك بس قبل لا انسى عطني باس وورد ايميلك
محمد : كلي لج 1234 اخذيه
شيماء : بشبك وانام تصبح على خير و دير بالك على نفسك
محمد : بس جذي
شيماء : احبك
محمد : اي هذي ام عيالي نوم العوافي بابا باي
" لازم اغيره ربعه وايد ماثرين عليه بس ما راح يسمع كلامي محمد اعرفه عنده اهو الريال و لازم كلمته تمشي بس يخلص رمضان اتفرغ له اهو الحين مو فاضي و خصوصا عبيد رجع يعني مالي امل يسمع الكلام خل انظف ايميله شوي وانا "
طبعا خلت بس ربعه و باجي البنات اللي مالهم داعي حذفتهم و سوت اللي عليها و نامت
قعدت شيماء كعادتها بليل و كلمت محمد و كان بيطلع مع مجموعه من ربعه يتمشون على البحر
شيماء : دير بالك و بلا مغازل
محمد : انا حبيبج و لج بروحج مستحيل اشوف غيرك احبج بس بغير جو تدرين ماله داعي اقولج الجو متكهرب و ابوي على وشك يطردني مره ثانيه
شيماء : قلعتك لانك يوم بالبيت و عشر لا ردت حليمه لعادتها القديمه و على ابو انه عندك شقه كله هناك الله يستر بس
محمد : اموت فيج اخلص وادق حياتي اوك بابا
شيماء : الله يحفظك
طلع محمد مع ربعه و راحت شيماء تقعد مع اهلها و تتحرش بهذا و تلعب مع هذي و تشوف مسلسل مع امها و تتسحر و ترجع غرفتها ما شافت مس كول فقامت دقت على افراح تسولف معاها
افراح : هلا بالقاطعه هلا حياتي
شيماء : هلا فروحه شلونج شخبارج
افراح : ماشي الحال بشرينه عنج كل هذا حمود ماخذ قلبج عبرينا بمسج بس " تضحك "
شيماء : لا تدرين روتيني يتغير برمضان .. " خط ثاني محمد " و شيماء فيها طبع على طول تشبكه عشان لا يشك فيها
شبكته
افراح : ما خليتي طبعج ليلحين .. شلونك محمد ..؟
محمد : هلا والله شدراج انه انا
افراح : ومنو غيرك ماخذها منه خلاص اخليكم يله باي
شيماء : باي حياتي ادق عليج انا
افراح : بالمشمش " صكرته "
محمد : شسالفه لي غاب القطو العب يا فار
شيماء : وانا شمسويه
محمد : خطوط ثانيه تالي الليل مابي مفهوم حتى لو امج
شيماء : زين لا تصارخ و حضرتك وينك لاهي مع القز جم وحده رقمت
محمد : ممم يمكن 6 او 7 " يضحك "
شيماء : ضحكت من سرك بقوم اصلي واقرا قران وانام انت وين
محمد : طبعا مع الربع بالشقه شيشه و تلفزيون و زقاير
شيماء : ما منك فايده الله يهديك باي
محمد : باي
مر يومين شيماء و محمد على نفس الروتين
شيماء على غير عادتها قعدت الظهر ساعه 1 قامت دقت على محمد لقته waiting غريبه
محمد : هاه حياتي
شيماء : "صوتها مبين توها قاعده " جني طحت عليك ليش ما شبكتني
محمد : لا حياتي هذي امي تبي تاكد علي الفطور فبيت يدتي
شيماء : اها زين بسولف معاك
محمد : نامي حياتي شمقعدج انا بالشقه مع الربع قاعدين
شيماء : " شكت بالوضع " اوك حياتي باي
نطرت ربع ساعه ردت دقت waiting
محمد : حياتي عمرج طويل توني بدق
شيماء : حمود شسالفتك
محمد : ولا شي والله خالي داق
شيماء : خالك هاه لمه تعرف تجذب مثل الناس قولي
محمد : حياتي ما توثقين فيني ولا كل من يرى الناس بعين طبعه
شيماء : ....
محمد : انا بو عيالج انتي ام جاسم مستحيل اخونج حياتي تعوذي من ابليس و نامي و ما في شر
شيماء : اوكي اسفه ماما
محمد : لا عادي
كملت نومتها شيماء و حست بالذنب انها شكت بمحمد
قعدت ساعه 8 و لبست على ال9 لانها مشتاقه تشوف محمد و كانو متواعدين
كانت طلعتهم خفيفه سينما و تمشي و بوستين
ساعه وحده كانت تكلم محمد و صار شي غريب
محمد : شيومه امي مسويه حليب بروح اشربه و ارد ادق عليج
شيماء : لا تصكره مكالماتنا من فيفا لفيفا يعني فبلاش خل الخط مفتوح و خلني معاك انت كل مره جذي وانت عودتني على جذي
محمد : لا بقعد معاها بسولف
شيماء : من متى ان شاء الله
ام محمد : " تدخل الغرفه فجاه " حمود الله يغربل بليسك انت مو قتلي ما تبي تشرب حليب و تبي تنام والحين تقرقر بالتلفون
محمد : هاه لا يمه توني كنت بييلج
ام محمد : بتييلي وين وانت مسوي روحك جنك بتموت على الفراش هد عنك التلفون ونام يله
محمد : ان شاء الله يمه
شيماء : حليب هاه يا سيد محمد المشكله ربي يفضحك لي ما ادري ليش
محمد : والله كنت بشرب الحليب
شيماء : واللي يقولك ما راح اصكر الخط و بخليه مبطل طول الليل بشوف يا انا يا انت
محمد : " يتنهد " براحتج يا ام جاسم احبج والحين يله جبي بنام
محمد نايم و شيماء فاتحه الخط ما فيها نوم طبعا قامت و خذت اللاب توب تجيك على ايميلاتها
خلصت و سمعت صوت شخير محمد رايح بسااابع نوم صكرت الفون و كانت بتصكر اللاب بس قالت صار لي يومين ما ادري عن ايميل محمد خل ادخل اجيك عليك
مسكت شيماء جهازها و ايدها ترجف معقوله محمد يخونها اهي معاه دايما متى مداه
... : الو
شيماء : هلا والله
...: هلا فيج منو معاي
شيماء : انا اللي كنت اكلمج من شوي بمسنجر محمد
... : بعد اسمه محمد مو ركان بعد ..؟
شيماء : " تذكرت قبل كان يجذب على البنات و كل يوم له اسم " اي اسمه محمد
... : انا فاطمه
شيماء : عاشت الاسامي فاطمه .. ممكن تقولين لي السالفه
فاطمه : سمعي شيوم كنت انا بالبحر من يومين و كان محمد او راكان او مهما كان بسياره رنج مع ربعه وكان يترقص بالشارع و لاحقيني لي جمعيه القادسيه
شيماء : كملي
فاطمه : صفطني و خذيت رقمه والله يا شيوم الله يشهد علي اول سؤال سألته اذا اهو يحب و يكلم ولا لا قالي انا مو مال هالسوالف و كان يكلمني من شقة صاحبه يوسف
شيماء : .. " مصدمه كل هذا من وراها و ليش " اي وشقالج بعد
فاطمه : اسمه راكان و عمره 24 و مهندس و الرنج سيارته
شيماء : " انفجرت من الضحك " ضحكتيني من قلب تذكرت اول ما تعرفت عليه كان يقول حق البنات هالحجي لا حبيبتي اسمه محمد عمره 20 و يشتغل بعد الثانويه
فاطمه : من صجج انتي و ليش يجذب
شيماء : جم عمرج فطوم
فطوم : عمري 23
شيماء : العمر كله يا رب
الغريب انه شيماء و فاطمه قعدوا يسولفون جنهم يعرفون بعض من زمان و نسو سالفة محمد ظلو ساعه كامله يسولفون و يضحكون ..
فاطمه : شيوم حياتي شراح تسوين بموضوع محمد
شيماء : " خنقتها العبره و بين على صوتها انها بجت " مادري فطوم
فاطمه : لحظه ذكرت شغله لا يكون صورتج حاطها بتلفونه اللي شفتها
شيماء : اي هذي انا
فاطمه : من صجج انتي احلى منه بوايد تدرين يوم سالته قالي ممثله توها طالعه
شيماء : انحرجت و ضحكت يله عاد من صجج
فاطمه : اي والله من صجي ، الا صج انتي بنت منو
شيماء : بنت فلان ..
فاطمه : والنعم والله احنه مناسبينهم شوفي الكويت صغيره
شيماء : ينعم بحالج حياتي
فاطمه : بس اهو غير اهو بدوي وانتي حضريه صج ما يبين عليه بس شلون
شيماء : مادري فطوم حبيته
فاطمه : شيماء حبيبتي لاهو من ثوبج ولا انتي من ثوبه انتي احلى منه و قاعده تكملين دراستج ليش مضيعه وقتج معاه
شيماء : " تبجي " .. الله كريم المهم ابي منج خدمه
فاطمه : عيوني لج ..؟
شيماء : بس دزيله مسج قوليله شيماء عرفت عني
فاطمه تامرين امر و لا تخافين ما راح ارد عليه بعد
شيماء : ما همني المهم لا تقطعين وهذا رقمي عندج خلينه نطلع على يوم
فاطمه : لي الشرف وانتي بعد لا تقطعين يله حياتي تصبحين على خير
شيماء : وانتي من اهله باي
شافت شيماء الساعه 5 الفير ما بقى شي و محمد يقعد عنده دوام بجت وبجت لين نامت .. قعد محمد الصبح و شاف المسج من فاطمه " راكان او محمد ترا شيماء درت و قتها عن كل شي " انصدم محمد شلون عرفت و شلون وصلت حق فطوم
قام يدق على شيوم ما ترد يدق و يدق ما ترد حرق جهازها و هي ما ترد دز مسج : شيوم انا حمود حبيبج ردي علي " ما ردت قام يحاتي ..
راح الدوام و رجع و دق و دق ما ترد صار العصر وينها شفيها لازم اروح عند بيتها بشوف فيها شي
طول الطريج و محمد متضايق زقاره ورا زقاره " ما اقدر اعيش بدونها و هذي نزوه ليش ما ترد دق و دق و دق ما ترد " وصل عند بيتها و شاف سيارتها مكانها مو متحركه و دز مسج " شيوم انا تحت ردي علي بتفاهم معاج " ما ردت يأس و رد البيت
دق عليه عبد الله ما رد عليه و الشباب يحاتونه يدقون ما يرد تفكيره كله مع شيوم شفيها ما ترد ادري اني غلطان بس ما اقدر اعيش بدونها وينها دق عليها waiting استانس يعني اكيد بترد عليه رد دق التلفون عادي غريبه ما ردت دز مسج " حياتي عشان خاطري مو قارد اتحمل ردي و افهمج "
صار الفير و محمد هذي قعدته من الصبح و شيماء ما ترد عليه اخيرا دق تلفونه شافه ولا رقم شيماء
محمد : " صوته تعبان و دموعه بدت تنزل " والله احبج و دنيتي بعدج ما تسوا
شيماء : ليش سويت جذي
محمد : نزوه والله نزوه
شيماء : لو كنت مكانك بتسامحني
محمد : " عصب " انا ريال وانتي بنت
شيماء : هذا منطقك ..؟
محمد : اي هذا اللي الناس تتعامل فيه البنت بنت والريال شايل عيبه
شيماء : شريت خط ثاني
محمد : " خاف " ليش الخط الثاني ؟
شيماء : متاكد تبي تعرف ؟
محمد : اي
شيماء : انطر " تدق من خطها الثاني ومحمد على الخط يسمع ورد واحد عليها
... : هلا شيوم هلا حياتي
شيماء : هلا وغلا سوري طولت عليك
...: انطرج طول العمر مو بس الحين
شيماء : يا العيار احمد توني متعرفه عليك
احمد : فليها شيوم شورانه
شيماء : احمد شوي وادق اوك حبيبي
احمد : ناطرج يا قلبي
شيماء : شرايك محمد
محمد : انا يايلج البيت
صكرت شيوم جهازها بكبر يدق محمد ويلقى مغلق و قاعد ناطرها تحت البيت بس طبعا ما يقدر يسوي شي فجاه دقت عليه
شيماء : شعندك تحت انت خروف ؟
محمد : نزلي ابيج
شيماء : اها يله اوك
نزلت شيماء و بطلت له الكراج و استغربت من ملامح محمد عيونه حمر و شعره مو مرتب و حافي و فجاه عطا شيماء كف
محمد : تسوين كل هذا فيني انا اعتذرت و قلت نزوه
طاح على ركبه بدا يبجي و فقد اعصابه قام يصرخ و يبيج ما تحركت شيماء من مكانها و كانت ملامحها بارد ولا نزلت ولا دمعه
محمد : " على ركبه " مستعد اسوي اللي تبينه دراسه و بكمل خطي و اغيره تكانه وبتكن بس انتي لي
شيماء : ....
محمد : لا تسكتين و الله عرفت قيمتج ما تدرين شصار فيني منو هذا احمد ومن وين يبتي خط ثاني
شيماء : مثل ما المغازل سهل لك حتى انا مو ناقصني شي هذا درس لك
طلعت من مخباتها تلفون هاك التلفون و ترا احمد رفيج صاحبتي حبيت اسوي لك هالشي عشان تحس بغلطك واطلع بره ماني طايقه اشوفك يله
محمد من الصدمه خذا التلفون وطلع ما توقع بيوم من الايام ان حبيبته شيوم قاسيه و عاملته جذي اهو يستاهل واعترف انه يستاهل بس حس انه ضايع شيسوي عشان يصلح الغلط ..؟
توترت علاقه محمد و شيماء فتره طويله كان يكلمها ومو متقبلها و كانت تكلمه والشك مالي قلبها الاثنين درو انهم ماراح يتمون مع بعض بس حبو يعطون فرصه
يت فتره محمد ما يرد على شيماء يومين و 3 ايام و تروح تدوره بالشقه و كانت حياتها جحيم معقوله كل هذا يصير بغلطه
محمد حط فباله انها خاينه خلاص و شيماء تقول اللي يخون مره يخون الف صار اليوم اللي كانت خايفه منه
شيماء : بييبلك اغراضحك ما احب شي يذكرني فيك
محمد : اخذي رقم يوسف واذا وصلتي عند الشقه دقي عليه ينزلج و ياخذ الاغراض
راحت شيماء بمصافط العماره دقت على يوسف و كانت منهاره
يوسف : انا بفهم ليش تبجين ترا ما درى عنج و صدقيني احسن اللي صار شنو كنتي حاطه فبالج ياخذج مثلا ماكو واحد يدخل وحده شقه و بياخذها
شيماء : يوسف بصعد اشوفه تعبت
يوسف : ما اقدر ربعي عندي فوق
شيماء : بره عند الباب بس بشوفه و اقوله كلمتين " انهارت و ما قدرت تمسك نفسها " ايه احبه ما اشوف غيره
يوسف : لا تسوين بنفسج جذي و شفيه شكلج جذي جنه طالع لج يني
شيماء : مو ماكله صار لي جم يوم
يوسف : لانج غبيه " ركب يمها بالسياره " امشي في مطعم قريب نروح ناكل
" يوسف ما قصر مع شيماء حاول يوصلها معلومه ان محمد خلاص راح بس اهي ما فهمت "
شيماء : ما ابي سم ابي اشوفه ولي يسلمك بس اقوله هالكلمتين و امشي "
فجأه شافت محمد ماسكته وحده و سعد رفيجه مع وحده
شيماء : يوسف هذي منو
يوسف : شيوم امشي ردي الكليه ولا البيت امشي وقفتج مالها داعي
" هسترت شيماء و ماكانت تسمع صوت احد حواليها نزلت من السياره وراحت عند محمد "
شيماء : هذي منو
محمد : ماني فاضي بروح عند مشعل " رفيجه مسجون سجن عسكري " وخري يله
شيماء : " تصارخ " ما راح اوخر قولي هذي منو
محمد مسكها ووخرها وركب سيارته ركضت و راه و فتحت باب السياره قعدت تصرخ و تطقه بهستيريا "هذي منو قولي "
محمد : نزلي و ردي كليتج وانا اكلمج وعد
شيماء : " نزلت " تخوني مع هذي القـــ
محمد : تقولين عن منو قحــ " عطى شيماء كف "
انصدمت شيماء
شيماء : تعطيني كف عشان هذي
.... : عن منو تقولين قحـــ " طبعا اسلوب الشوارع اللي متعودده عليه ما استغربت شيماء منها " و بدا انواع السب بينهم مسك محمد شيماء من ايدها و ركبها سيارتها و شيماء منصدمه رجعي كليتج وانا ادق عليج
شيماء تفكر " شبقى بعد اللي خفت منه صار محمد راح ليش عشان رديتله غلطته يمكن تصرفت شوي بغباء بس مو معناته انه يهدمني بهالسهوله عشان وحده مثل هذي انا ما قصرت معاه باي شي انا احبه والله احبه ليش و ليش و ليش كل هذا يصير لي انهان جدام ربعه و البنات اللي معاه عشاني احبه "
تذكرت مره سالت محمد
شيماء : حبيبي بسئلك سؤال
محمد : شنو بابا
شيماء : بالحب في كرامه ..؟
محمد : لا حياتي بالحب كل شي يصير
" يمكن يختبرني على هالشي .. لا اصحي خلاص راح محمد راااااح قصة حبج انتي وياه انتهت صج انه خذا عمرج كله و كانت احلى ايام حياتج بس شنو بيدج نزلتي نفسج لاخر درجه "
افراح : انتي حاره نفسج و تبجين ووزنج نزل واهو ولا داري عنج
انوار : خلو البنت بحالها خلوها ترتاح
نوف : فروح قومي نطلعها نونسها نرجعها شيم الاوليه نسيتي يا شيوم لما كنتي تقولين لا تحبون لعبو كثر ما تقدرون ماكو حب شاللي تغير فيج والله غيره الف
افراح : انوار هاتي علبة المكيياج و العدسات احط حق شيوم
البنات يكشخونه و يحطون لها و يحاولون يضحكونها واهي تكرر اسم محمد و تبجي
طلعوها البحر و خلوها تستانس ضحكوها وكل الحركات سوو لها بدت تضحك شوي و تمشي معاهم نزلو عند بحر نايف
افراح : شيوم " تسحب حجابها " استانسي
" المكان ما كان في احد بس البنات والجت سكي من بعيد " فصخت انوار و نوف و افراح وقامو يلعبون نفس اليهال
اللي يطشر على الثاني رمل و اللي يتسابق شيماء بدت تضحك و تستانس لان من طبعا تحب اليمعه تدري انه هذا غلط بس تبي اي شي تنسى همها "
واهم يمشوون فجأه محمد مع ربعه جدامها محمد بطل عينه مو مصدق " ليش لانها فاصخه حجابها "
شيماء : " انصدمت بس بتبين انها مو مهتمه " شتبي تطالع
محمد : منو كلمج
ينزل عبد الله يطالعها سعد و طلال و يوسف و ربعه ما تعرفهم
" اهو شاف السياره وكان متعمد انه ربعه يشوفون شيماء لما هدها شصار فيها "
قامت تصارخ و انوار تهديها
انوار: خلاص روح ما صدقنه تنسى
محمد : وانا شكو بحر ابوكم
نزلت شيماء عند البنات في البحر وهي تبجي انقهرت ما صدقت تضحك شوي الا محمد بويها درت ان الايام اللي بتيي بتكون اصعب عليه "
بجي و سهر و ما تاكل هذا اختصار حالتها ..
ضحك و سهر و شرب خمر هذا اختصار حالته ..
ليش صار كل هذا من طيش محمد و من عناد شيماء حيات اثنين ضاعت واحلى حيات كانت
شيماء صار روتينها " كليه و قز بالبحر و تتعرف على هذا و ذاك " قمت الضياع و للاسف كانو رفيجاتها معاها
عند شارع المطاعم
شيماء و افراح و انوار و نوف واسماء كانو شلة بالسياره كانو يتغدون مرت يمهم سيارة مورانو و فيها سترس وااايد تلفت النظر
وقف يمهم و قام يعدهم نزلت افراح الجام : 5 بعين العدو
..: جنكم مسلسل ام البنات
نوف : وانت اخونا صقر
ضحكو البنات معاه و كانو مستانسين عزمهم على عصير كان وايد حبوب وكانت شيماء الوحيده اللي ساكته تراقب السيايير كل ما شافت موستنق فزت
صقر : شفيها اللي تسوق
شيماء : " التفتت له " ما فيني شي " غورقت عيونها "
صقر : افا " نزل صوبها و قعد يسولف معاها ما خلاها الا لمه ضحكت "
تسولف مع صقر و الغريبه ان اسمه محمد مو صقر على قولت افراح حظج كل ما قطج عند واحد اسمه محمد كان تفكيرها مع حبيبها محمد اللي ما كان يروح عن بالها لحظه
شنو تاثير صقر بحيات شيماء و شلون راح تربط صقر علاقه او معرفه مع محمد حبيب شيماء ...؟ كله مع البارت اليديد
