شنو اخر .... شفتييه ؟؟

[صدع القلب]

بالنسبه لأخر الافلام اللي شفتها

نبدي بالفيلم المثير للجدل
anonymous

هل كان شكسبير خدعه ؟؟؟؟

هذي القصه اللي يدور دار مدارها الفلم ، انه صاحب كتابات شكسبير ما كان اهوه شكسبير اطلاقا ، و الكاتب الحقيقي اهوه ايرل اكسفورد ادوارد ديفيير ....
عور قلبي الفلم و عقدني ، بس واااايد عجبني و اعطيه 8/10

 

[صدع القلب]

و مع اني مو من ربع الهندي
بس هذا شفته مع خواتي و عجبني
اسمه Mausam أو موسم

أحسن شي فيه انه مو تقليد فلم أجنبي ، مثل اغلب افلام الهنود كلها تقليد ، هذا لأ
عن ولد " هاري" بنجابي يحب بنت كشميريه " اية " بس يفرقهم القدر أكثر من مره لما اخر شي .....

الفلم حلو مع انه الممثلين مو معروفين بس حبيته و بجيت عليه :eh_s(2): شخبااااري اللي يبجي عالهندي بس والله أثر فيني
أعطيه 7/10 :rerrerek:

 

[صدع القلب]

فيلم
flypaper

بينزلونه عندنا بالسينما الاسبوع اليااااي
و اهوه قديييييييم و تارس محلات التسجيلات صار له فوق الست شهوريا حظي

عن ريال في عنده مرض عقلي يخليه شديد الملاحظه ، يلقى نفسه رهينه وسط عملية سطو على بنك من عصابتين بنفس الوقت و يحاول هالريال يحل الموضوع و يحمي الرهائن خصوصا بعد ما انعجب بوحده منهم ..... و ينتهي الفلم بمفاجأه عن المجرم الحقيقي

الفيلم أي كلام و يدوخ ، طفيته و شغلته اكثر من مره يعني ما تابعته متواصل لأنه مللني و زهقني
ما انصح احد يروح له السينما حسافه فيه الفلوس
أعطيه 5/10

 

[صدع القلب]

Jack &Jill

الفلم زوين حق قبل النوم
عن توأم ولد و بنت ، البنت تقرر تزور اخوها في بيته بمنطقه بعيده عشان تحتفل معاه براس السنه عقب ما توفت امها و عقبها ترفض تهد بيته مع انه حاول ينحشها اكثر من مره لأنه منحرج منها و ما يبيها .....

اممم مو حيل حلو و صراحه ادم ساندلر لوع جبدي و اهوه لابس بنت شكله حده x
اعطي الفلم 4/10

 

[بنت القمـر]

In Time

عجيب

 

[صدع القلب]

the boy in the striped pyjamas

انصحتني رفيجتي اشوفه ، و يا ليتني ما شفته :eh_s(2):
:eh_s(11)::eh_s(11)::eh_s(11)::eh_s(11)::eh_s(11):
نصيحه للي يبي يشوفه جرد عقلك من التوجهات السياسيه و الدينيه
و تابع الفلم من منظور انساني بحت ، لأنه يستحق المشاهده

تدور احداث الفلم خلال الحرب العالميه الثانيه
عن ولد ألماني صغير اسمه برونو ابوه جنوال الماني ينتقل خلال الحرب لمنطقه برية فيها مخيم للإشراف على اليهود اللي تم اعتقالهم بعهد هتلر
المهم برونو ولد الجنرال يصادق شمول ولد يهودي مأسور بالمخيم و اتم هالصداقه و بينهم شبك

لما اخر شي تقود حق أحداث غير متوقعه ....

الفلم رائع و اعطيه 9/10

 

[دانه الكوويت]

انا اخر فلم شفته the mask

 

[صدع القلب]

Everybody's Fine

ريال ارمل يكتشف بعد ما توفت زوجته انه ما يعرف شي عن حياة عياله
و يقرر يسافر برحله لكل واحد فيهم عشان يتعرف عليهم و يحاول يجمعهم مع بعض

الفلم اثر فيني لأنه مصور شلون العيال دايما مهما كبروا يتمون صغار بعين امهم و ابوهم و محتاجين العطف و الرعايه

أعطي الفلم 6/10

 

[صدع القلب]

انا اخر فلم شفته the mask

اي شفته حده يضحك :krkrkr:

 

[صدع القلب]

و أخيرا و ليس آخرا
دراما جين اوستين الرومانسية
Persuasion 2007

عن بنت ابوها يرفض يزوجها جندي بحريه و يقنعها انه مو مناسب لمكانتهم و اتصدق ابوها و اتخلى عن حبيبها
و بعد ثمان سنين يصير الحبيب كابتن و يرجعون يتلاقون و الحب لي الحين موجود
بس يغلبه الكبرياء و يوقف الجرح القديم بينهم .....

شفته يمكن 6 مرات و لا امل منه احبه وااايد و اعطيه 8/10

 

[صدع القلب]

in time

عجيب

مشكورة عالاقتراح
و جاااااري التحميل ......

 

[PuPa^^SWeeT]

the boy in the stipped bejama



شكله عجيييب

 

[صدع القلب]

هاااااااي
بما ان المعاشات نزلت و رشني النفط " صرت غنيه "

رحت اليوم فلم
The Woman In Black
دراما - اثاره - رعب

عن محامي شركة المحاماة اللي يشتغل فيها يدزونه يبحث عن ملابسات موضوع بقرية ، و لما يروح يلقى هناك فيه شبح مرا لابسه اسود مأذيه السكان ، يحاول يحل المشكله و تبدي الأحداث

الفلم حدددددده رعب ، ما يخرع حيل بس كله مفاجآت
حبيته و أعطيه 7/10 :rerrerek:

 

[Dr.nono]

آخر فلم شفتته اللي اهوا geb we met ؤ كان يوم اليمعه

^ فـلـم هـندي ايييييييننن !!

 

[PuPa^^SWeeT]

زييين صدع القلب

اليووم بروووح اشترييهم اللي قلتي عنهم انشالله



عاد انا باجر برشني النفط انشالله



هههههههههههههههههههه




دكتور نونو


حياج بموضوعي و لاتخلييين



نبي مجموعة الافلام اليديييدة والقدييمة الحلوة اللي تسوا الواحد يتعنى لها




انا اخر فيلم شفته قدييم


volcano



عن لوس انجلوس يصيير فيها زلزال

هالزلزال يكسر الصبقة الصخرية و اتخلي الصهاارة و الحمم اللي في باطن الارض تطلع من البواليييع


وشلووون انهم ينقذون المديينة بعد كانو ينبهوون انه في شي ومحد يسمع الكلام

 

[صدع القلب]

تأثرا بأجواء الاوسكار الملكيه
اللي قدمتها الجميله أنجلينا زوجة القطعه براد بيت :eh_s(22):

راح نتكلم اليوم عن أفلام الوسكار
سبق و تكلمنا عن فيلمين منهم
و اهمه
the descendants
و
the help

و اليوم نذكر

the iron lady

الفيلم الذي يحكي عن حياة مارغريت ثاتشر " رئيسة الوزراء البريطانيه السابقه " و شلون كافحت لاثبات وجودها في البيئة الرجالية للبرلمان البريطاني بهذاك الوقت " على فكره ميريل ستريب " فازت أمس بجائزة أحسن ممثله عن دورها بهالفلم الجميل:ggdw: ، مع جذيه و كعادة أغلب افلام الاوسكار الفلم مللني و انا اتابعه:eh_s(4): يمكن لأنه يتكلم عن حقبه زمنيه و سياسه ما تهمني ....

أعطيه 5/10

 

[صدع القلب]

the girl with the dragon tattoo

فلم رائع اخر من افلام الاوسكار
فاز بجائزة ال edeting أمس

و القصة عن صحفي يروح في مهمة لمعرفة ما حدث لفتاة انخطفت من 40 سنه، التي من المحتمل أن تكون قُتلت و تشاركه في عملية البحث بنت مهووسه بالكمبيوترات ...

الفلم روووووووووعه بس تنبيه " ما يصلح إلا حق 18 فما فوق " لأنه في مشاهد صعبه شوي ، غير جذيه اهوه ممتاز حبست انفاسي و انا اطالعه و لأني احب قصص الالغاز و الغموض حبييييييييته 100% و أعطيه 9/10

 

[PuPa^^SWeeT]

اخر فيلم شفنه


jaw breaker



عال م بي سي ماكس



والله حلوو عن مجموعة اربع بنات كووول rolls the high school

و وحدة من النيردات الخوافات


المهم وحدة من الكولزز idiol teen مميزة بكل شي ذربة و جميلة و نظيفة و شاطرة


وال3 الباجين بس همهم الجمال


يووو يبون يخطفونها علشان يودونها حفلة عد ميلادها ( what ?? ) انا خفت من الفكرة والله


حطوو بحلجها حلاوة مصااصة كبيييييييييييييييييييييييييير ة بيضة و ملونة بازرق احمر بدون stick


و لزقو حلجها علشان الحلاوة ماتطلع و حطوها بالسسيارة


لما راحو المطعم لققووها ميتة ولا الحلاوة من كبرها قصت فيها و كسرت فكها



فا يبون يردونها علشان محد يدري انه اهمه


ولا النيردة تبي اتوديلها الهوم ووركات لي البيت


و شافتهم و اهم يتكلمون


وفيه كرت اللي يسجل صوت رسالة سجل اعتراف وحدة فيهم انها i killed liz i killed the idiol teel deal with it



المهم عقدووو عقد ويا النيردة يحولونها الى اجمل الجميلات واتصير كوول


ووحدة منهم قالت انا مالي شغل فييكم و مابي اصر صديقتكم




يعني شووفو الاحداث هذا اول نص ساعة بس كل هذا

 

[PuPa^^SWeeT]

صدع القللب


وينج


شفتي



dream house




اتصدقييين غريبة القصة




عجبني والله



و شفته بالليل تخيلي بوقت الاكشن ولا الثلاجة اتطلع صوووت صرخت صرخة


هههههههههههههههههههه

 

[PuPa^^SWeeT]

توني شفت فيلم basic



والله معقد عن ناس بالجيش شلوون ذبحو بعض ضمن حلقة تدريب و ذبحووو قائدهم


منو القاتل وشللي صار



وايد حلووو



هذي 3 مرة اشوووفه و كل مرة اندمج


جون ترافولتا و سامويل ال جاكسون حلو تمثيلهم