شنو اخر .... شفتييه ؟؟

[النزغة أسيل]

لووول مو بالسينما

اخر فيلم

the little prinses

 

[فرفورهـ]

سواريا ايجنن فلم هندي راني ماخورجي ايجنننننننننننننننننننننننننننننننننننننننننننننننننننننننننننننننننننننننننننننننننننننننننننن

 

[PuPa^^SWeeT]

وبعد فيلم


Paranormal3activity

 

[صدع القلب]

وييي يا حظي و أنا رايحه رافعه موضوع قديم و السبه هالسالفه
أبي أسامي أفلام بس ما عندي الشجاعه اطرح موضوع يديد
أهنيج على شجاعتج :eh_s(7):
أما بالنسبه للأفلام فأنا مدمنة أفلام
سواء بالسينما و إذا فلست أخر الشهر أكمل بالبيت و أحملهم من النت
أخر فلم بالسينما
New years eve
كان مقبول و عجبني لأني أميل للأفلام الرومانسيه " اهوه بناتي "
و فلم
mission impossible 4
كان عجيييب - و أحسن ميزه فيه إنه يصلح لجميع الفئات يعني الياهل يستانس و المرا تلقى الرومانسيه و الريال يلقى الأكشن " يصلح حق ال couples "
و لي عوده بالنسبه حق الافلام المنزليه ....

 

[صدع القلب]

شفت فلم
abduction

عن ولد مراهق يكتشف بالصدفه إنه امه و ابوه ، مو امه و ابوه الصجيين و انه عايش مع اثنين من المخابرات لأنه امه اقتلوها عصابه و ابوه انحاش ، و بعدين العصابه تلقاه و تقتل اهله .....

المهم الفلم يضيق الخلق و الانتاج مو متعوب عليه الابطال اي كلام و التصوير باهت و القصه بارده و مكرره ما انصح بهالفلم ابدا

 

[صدع القلب]

فلم
Hanna
هم نفس الشي عن بنت معدلين جيناتها ، و انحاش فيها العالم عقب ما كانو بيذبحونها ، و خشها بمكان معزول و علمها الفنون القتاليه ، و بعدين تكبر و تقعد اتذبح بالاوادم اللي يبون يقتلونها و بس .....
هم هالفلم تعيس

فلم
green Lantern

http://www.onlinemovieshut.com/wp-content/uploads/2011/04/green-lantern-poster1.jpg
عن مخلوقات لابسه اخضر تحارب الشر ، و فجأه واحد منهم يموت و الخاتم الاخضر اللي عليه يختار شخص بشري من كوكب الارض عشان يكمل المسيره و..... بس أخر شي ينتصر الخير على الشر

مقبول ، إذا كان عمر اللي يطالعه 12 أو 15 ، أنا عن نفسي غفيت و اهوه شغال :ch12:و هذي أكيد علامه مو زينه

 

[كويتيه و اافتخر]

x-large مال احمد حلمي روعه

 

[صدع القلب]

أنا مو انتقائيه >>> كل هذا و مو انتقائيه
المسأله إني لما أشوف فلم أدور شغلتين القصه الحلوه أو التصوير الحلو
و أتنازل عن حدى الشرطين إذا توفر واحد منهم


خنكمل

UNknown p2
قصه متكرره و تصوير تعيس
friends with kids
طفيته من نصه من كثر ما ضيق خلقي


الافلام الحلوه

Rise of the planet of the apes

ممتع أعطيه 7/10
حرك مشاعري و شدني
عن شمبانزي يعطونه امه ابره تزيد الذكاء ، تموت عقبها
و يقررون يقتلونه فياخذه الدكتور اللي اخترع الابره و يربيه 8 سنوات
بعدين تصير ظروف تخليه يدخله مثل محميه مالت قرده ، و اهوه ذكائه فوق المعدل فيقوم و يسوي معاهم ثوره ضد تعسف و ظلم الانسان
انصح فيه :rerrerek:

The blind side

الفلم قديم من سنتين بس قصته فظيييعه
و تمثيل ساندرا بولوك كان فوق الرائع ، تستاهل الاوسكار اللي فازت فيه بهذيك السنه
الفلم عن مراهق " من أفريقيين أمريكا " قضى عمره كله و اهوه ينتقل من ملجأ لي ملجأ عقب ما الشرطه خذته من امه لأنها مدمنة مخدرات و لما كبر صار وحيد و ماله مستقبل
لما يلتقي ب " ليان " و اهي ربة عايله قررت إنها تتبناه و تساعده عشان يتفوق بدراسته و يقدر يحدد مستقبله

الفلم رائع أعطيه 9ونص من عشره :rerrerek::rerrerek::rerrerek:

 

[صدع القلب]

The joneses

القصه غريييبه
عن عايله تنتقل حق بيت يديد بمدينه يديده ، شكلهم يبين بالظاهر طبيعي بس اهمه حياتهم معقده
ما راح احرق القصه
شوي بارد الفلم
بس ديمي مور :eh_s(22): اهي صج بين عليها الكبر بس still لو اوصل عمرها و أصير نفس شكلها انا راضيه
الفلم مقبول
7/10

 

[مزآجـِيْھ]

آنآآ آخرر فيلم شفته آهوآ accebted

 

[صدع القلب]

الحين بننتقل حق جوله سريعه حق أفلام شفتها بهالعطله و كانت دون المستوى

Brides Maids
وصيفات العروس و هوشاتهم
الفلم بارد ، و فيه جم لقطه مقززه " مو اللي ببالكم " بس ترجيع و غازات و هالسوالف يعني مئرف
و الابطال كلهم كومبارس و التصوير باهت ما فيه لمعه
ما عجبني

I dont know how she does it
أحد يا ناس يقول حق سارا جيسيكا باركر ترى إنتي كبرتي و أدوار الام الشابه ما قامت تناسبج

اهيه حلو بس مو مناسب لها دور وحده مو قادره توفق بين وظيفتها و زواجها و عيالها اللي عمرهم 6 سنين و سنتين سنتين يا سارا ، سنتين
المهم الفلم عن صعوبة الجمع بين التفوق الوظيفي و الاسري للنساء و الامهات
مو سئ بس بالنسبه لي كان دون المستوى " تجاري يعني "


Bad teacher

عن مدرسه ما تهمها مهنة التدريس كثر ما يهمها تجمع فلوس عشان بتسوي عملية تكبير حق صدرها " أي شي" عشان تقدر تصيد رياييل أغنياء و تطيحهم بشباكها ، تمت ىتشتغل بالمدرسه و عينها على المدرسين العزاب و أخر شي تحب واحد فيهم ....

توقعت الفلم أحلى من جذيه خصوصا انه فيه كاميرون دياز و جاستين تمبرلينك ، القصه مو سيئه بس الأحداث بارده و ممله ، و تحسين محد يبي يتعب نفسه لا بتمثيل مثل الناس و لا بلبس و لا شي الفلم كله مهتمل

 

[صدع القلب]

عفيه بنات حتى انتوا قولو لنا افلامكم و شنو تنصحونا فيه حتى لو قديم ، أنا أحب الافلام الأجنبيه و الحين عطله و حاسه بملل فظييييع ...... لدرجة توني شايفه حلقات " صاحب الظل الطويل " 40 حلقه من أول شي لي أخر شي متسلفتها من يهالنا " طاعوا وين وصلت حالتي :eh_s(2): و إذا ما قلتو لي أفلام حلوه بروح أشوف " سالي " >>> خرعتينا ، شوفي من ماسكج :eh_s(4):

 

[حصوص الكويتية]

اب
اب

 

[صدع القلب]

127
Hours


هالفلم هذا
في نصيحه ذهبيه ممكن تنقذ وايد أرواح
أنصح اللي عندها بعايلتها رياييل يحبون القنص و لا الحداق و لا أي نشاط خارجي تخليهم يشوفونه


النصيحه اهيه إذا بتروح أي مكان مقطوع بروحك " بحر أو بر " خصوصا المناطق اللي خارج نطاق التغطيه لازم تبلغ أحد عن وجهتك و جم يوم بتغيب
الفلم قصه حقيقيه و انعرض ببرنامج اوبرا عن شاب يروح برحلة تسلق بروحها و اتعلق ايده بين صخرتين و ما يقدر يطلعها و يتم محبوس بالوادي 127 ساعه :eh_s(2):

 

[صدع القلب]

الافلام التاليه يمكن قديمه بس حقيقه حقيقه حلوه
و ما زلت داخل نطاق الموضوع لأني توني شايفتها فتعتبر من آخر ما شفت
بهالعطله شفت 36 فلم تقريبا

Atonement
تكفيــــــــــــــــــــــــــر " بمعنى التكفير عن الذنب"

كاتبه صغيره عمرها 13 سنه تغير بدون قصد و بسبب "جهلها وقلة تمييزها "مجرى حياة العديد من الأشخاص لما تتهم حبيب اختها الكبيره بجريمه ما ارتكبها

الفلم قطع قلبي وايد حلو :eh_s(2):


Rear Window

الفلم كان بسنة 1954
يعني قديم بس وايد حلو و فكرته تشد ، و فيه الاميره الجميله غريس كيلي أميرة موناكو اللي كانت ممثله قبل لا اتزوج .
القصه عن صحافي يحب يسافر دار مدار العالم تنكسر ريله و يضطر يقعد في البيت فيسلي نفسه بمراقبة جيرانه من الدريشه ، يطل عليهم من درايشهم و يتطفل على خصوصياتهم ، و يشارك حبيبته و السستر مالته بسوالفهم ، لما فجأه تصير جريمة قتل و اهوه الشاهد الوحيد عليها و تمشي الاحداث.....



The Holiday

شفته على mbc
القصه عن بنتين عايشين كل وحده بمدينه مختلفه ، الأولى سكرتيره بمجله و الثانيه صاحبة وكالة اعلانات مشهوره ، اهمه الثنتين فاشلين بالحب و يعانون من علاقاتهم
يتعرفون على بعض عن طريق الانترنت و يقررون يتبادلون المنازل خلال فترة الاعياد ، كل وحده تروح بيت الثانيه و تبدي الاحداث

وايد وايد حلو حبيته :eh_s(7):


What happens in vegas

هالفلم حيوي يونس ، من أول ما تشغلينه لما يطفي و انتي مستمتعه و تبتسمين
الفلم عن مرا و ريال يضطرون يتمون متزوجين بشكل مؤقت لفتره معينة عشان يقدرون يتقاسمون مبلغ مالي فازوا فيه بعطله بفيغاس :rerrerek:


و أخيرا و ليس آخرا >>> يمكن أرد أدخل الموضوع مره ثانيه " بعد؟؟؟"
بأذكر جم فلم مزاجييين يعني حبيتهم أنا و محد حبهم غيري " أقصد أهلي و رفيجاتي "

Jane Austen Book Club

بما اني من محبين روايات الكاتبه جين اوستين :eh_s(22):
هذا الفلم ممكن يكون ممل لأغلب الأشخاص بس بالنسبه لي اهوه من افلامي المفضله
عن ست أشخاص عايشين بكالفورنيا يسوون نادي للكتاب لمناقشة و قراءة قصص جين اوستين السته
و يكتشفون بالتدريج ان علاقاتهم الحاليه توافق قصص جين ، و انه كل واحد فيهم يعكس وحده من قصص جين بس بمنظور القرن الواحد و العشرين
حبيته و اللي تحب كتابات اوستن مثلي راح تستمتع فيه :rerrerek:


The Last Station

دراما تاريخيه تعكس معاناة الكاتب الروسي الشهير " تولستوي" في الموازنه بين الشهره و الثروه مع المحافظه على التزامه بالزهد بالاشياء الماديه " هيلين ميرين " الممثله اللي مثلت فلم الملكه اليزابيث تمثل بهالفلم دور زوجة تولستوي "الكونتيسه صوفيا " بطريقه جدا حلوه شلون عانت معاه و عشانه و تخلت عن احلامها ، و شلون على فراش موته مع انه كان منحاش منها ، أخر شي طلبها ...... :rerrerek:

:eh_s(8):

 

[PuPa^^SWeeT]

صدع القلب يالله يوفقج يارووحي انتي



انا شفت امس


Midnight in paris



والله حلوو رومانسي و نعووم و هادي




Abduction


عندياااه انشالله اشووفه


حيااج بموضوعي مو تقطعييين

 

[PuPa^^SWeeT]

Motherhood


يتحجى عن يووم واحد من حياة الام


شلووون متعب



واهيي بس تبي التقديير




حلووو

اوما ثرمان

 

[كلش ماحبيت]

اخر فيلم شفته بالسينما احمد حلمي
وامس كنت اشوف باليوتيوب امير البحار

 

[صدع القلب]

تسلمين
PUPA SWEET
الله يوفقنا أجمعين إن شاء الله
و لا توصين حريص طول ما أنا معطله و الجامعه ما بدت بعشش بموضوعج
مشكوره عالافلام اللي اقترحتيها و مشكورين باجي البنات اللي شاركوا ما قصرتوا
أنا حملت فلم
accepted
و الحين قاعده أحمل
midnight in paris
مشكورين مره ثانيه بنات و استمروا :eh_s(7):

 

[صدع القلب]

أكمل مع اخر ما شفت من أفلام

water for elephants

هذا بصراحه شفته من 3 شهور بس حلو
عن طبيب بيطري يتخلى عن دراسته بعد ما ماتوا امه و ابوه بحادث و يشتغل بسيرك متجول يعالج الحيوانات و يحاول يحميهم من صاحب السيرك القاسي اللي ما يهمه إلا الفلوس و التنافس مع السيركات الباجي ، و الكل يخاف منه بالسيرك حتى زوجته الصغيره اللي ملت من همجيته و حبت البيطري و قرر تنحاش معاه ........
الفلم وايد حلو أعطيه 8/10



zookeeper

مجموعة حيوانات يقررون يكسرون قاعدة الصمت و يتكلمون عشان يساعدون حارس حديقتهم المفضل عشان يلقى الحب الحقيقي .

الفلم ممل و سخيف و مبين 3 أرباعه فوتوشوب و يصلح حق يهالوه ما أنصح أحد يشتريه و اعطيه 4/10


horrible bosses

3 أصدقاء يتفقون يقتلون رؤسائهم بالشغل لأنهم قاعدين يظلمونهم و واقفين بطريق تقدمهم بالوظيفه و الحياة ، يبدون يحطون خطة بس بسرعه الامور تخرج عن السيطره و يتوهقون ....
يعني الفلم مقبول :eh_s(10): أعطيه 6/10



the beaver

رب اسره يعاني من مرض نفسي يخليه ما يقدر يتكلم بشكل مباشر مع الناس فيستعين بلعبة يلبسها بايده على شكل " قندس" كوسيله للتخاطب مع اللي دار مداره ، بالبدايه كان كل شي اوكي مشت اموره بالدوام و انلحت حياته العائليه مع عياله و زوجته اللي رضت بالوضع على أمل يساعده يتحسن ، بس لما شافته طول و استحلى سالفة اللعبه الناطقه خيرته بين حياتهم الزوجيه و عيالهم و بين انه يتعالج و يتخلص من اللعبه

الفلم له قصه بس كان بالنسبه لي حيييل كئيب ، كئبني و اعطيه 6/10


lincoln lawyer

محامي ذمته وسيعه يدافع عن المجرمين و يطلعهم براءة ، و يستخدم سياره لينكولن في تنقلاته ، تحوشه صحوة ضمير فجأه لما يضطر يدافع عن ولد غني يتعدى على القانون و يهدد المحامي و عايلته .......
امممم زوين 6/10


No strings attached

ولد و بنت يقررون يتشاركون بعلاقه مفتوحه من غير قواعد لانه محد فيهم عنده إستعداد يلتزم بعلاقه جديه بس بعدين يغيرون رايهم :eh_s(22): و يهبون بأد

الفلم قصته مكرره بس يونس 7/10