شنو اخر .... شفتييه ؟؟

[PuPa^^SWeeT]

شوقتييني على لنكولن لوير



و زوو كييبر

 

[PuPa^^SWeeT]

بنتي محتكرة التلفزيون


اتشوووف شي اسمه حكييم الاقزاام


اختي ساحبته


اذا انا مو شايفته اصلن


ههههههههههههههههه




بس يضحك شوي



شكله غرييب

 

[صدع القلب]

pupa sweet
الله يخلي لج البنوته الحلوه
و شفت midnight in paris و وايد وايد عجبني :eh_s(22):
مشكوره :eh_s(17):

 

[صدع القلب]

و بالنسبه لأفلام اليوم
بسم الله نبدي

The Box
2009

http://www.imdb.com/media/rm710904576/tt0362478

غموض - دراما - خيال علمي

الفلم وقته الزمني بالسبعينات عن عايله يوصل عند باب بيتهم صندوق خشبي صغير في مثل " دقمه" زرار للضغط ، يقولهم الشخص اللي يابه إنه إذا اظغطوا الزر راح يربحون مليون دولار بس بنفس الوقت راح يموت شخص ما يعرفونه ، و يترك لهم الخيار يا يضغطون الزر و ياخذون الفلوس و يموتون شخص أو يتراجعون عن الموضوع كله ......

فكرة الفلم روعه بس التنفيذ جدا تعييييس و ممل و قاتل و التصوير باهت و مطولين الأحداث من غير معنى ، مليت و انا أطالعه و قمت اطوف أبي أعرف الزبده :eh_s(14):
أعطيه 5/10



Shutter Island
غموض - إثاره - دراما


تدور أحداث الفلم عام 1954 عن مارشال بالشرطه تستدعي مصحه نفسيه للمجرمين الخطيرين مبنيه على جزيره معزوله عشان يحقق بهروب وحده من المجرمين اللي انحاشت من المصحه و ضاعت في الجزيره ....
يبدي عملية البحث و مع استمرار التحقيقات يفقد الثقه و يشك بكل اللي دار مداره حتى زميله الشرطي المساعد وياه و تمشي الأحدث و تنتهي بمفاجأه ...

الفلم حلو و له قصه و عجبني لوما كئابته الزايده مع جذيه
أعطيه 7/10

 

[صدع القلب]

The Switch
كوميدي - دراما - ر ومانس

http://www.imdb.com/media/rm2762443776/tt0889573

الفلم ما انعرض عندنا
مو لأنه في مناظر خارجه أو شي - لأ بس لأنه الفكره الأساسيه اللي تمشي عليها الأحداث - صعبة التقبل

القصه عن وحده توصل حق عمر معين و تحس انه القطار بيفوتها و ما راح تلقى فارس أحلامها و تخاف تخسر حلم الامومه ، فتقرر تستعين بمتبرع مجهول عشان يصير عندها بيبي ، و بيوم عملية التلقيح الصناعي ، يقوم زميل لها يحبها بس اهيه ما تحبه تعتبره بس صديق ، و يبدل العينه مالت التلقيح بعينه منه اهوه من غير لا تدري:eh_s(10):، و يكون اهوه سكران و ما يذكر اللي صار إلا بعد 7 سنين لما يكتشف عن طريق المصادفه إنه ولدها اهوه ولده ، و يحتار شلون يصارحها .......
الفلم يموووووت من الضحك و الولد الصغير اللي يمثل اينن
أقيم هالفلم ب 7/10


No Reservation
http://www.imdb.com/media/rm3772420864/tt0481141

توب شيف مشهوره اتغير حياتها و تنقلب رأسا على عقب لما تموت اختها الوحيده ، و تصير إهيه المسؤله عن تربيه بنتها الصغيره ...

قصه مكرره بس اللي يبي يتسلى و يحب الافلام الرومانسيه يقدر يتابع هالفلم و أعطيه 6/10


Definitely Maybe
http://www.imdb.com/media/rm2142670848/tt0832266

أب يشتغل بالسياسه يحاول يشرح حق بنته اللي عمرها 11 سنه شلون حب امها
و يقول لها قصة حبه مع ثلاثه من صديقاته مع تغيير أسمائهم الصجيه عشان يختبر بنته
إذا تقدر تكتشف من امها من بينهم

القصة وايد حلوه و غريبه مع انه بعض الممثلين أي كلام بس الفلم عجبني و استمتعت فيه و أعطيه 8/10

 

[صدع القلب]

أخر فيلمين فلم إنذكر هني من قبل بس ابي اتكلم عنه باستفاضه لأنه يستاهل

The Help

تدور أحداث الفلم خلال حركة الحقوق المدنيه اللي قادوها " الامريكيين أفريقيي الأصل " سنة 1960 للمطالبه بحقوقهم المدنيه .
نشوف في القصة " سكيتر" كاتبه شابه تكتب كتاب بالسر تتكلم فيه عن تجربة الخادمات الافريقيات و وجهة نظرهم في العائلات من البيض اللي يقومون بخدمتهم و الصعوبات اللي يواجهونها
الفلم رائع و يتكلم عن فترة واقعيه و عن فئه مستضعفه كافحت عشان تنال حقوقها
أثر فيني و عجبني و أعطيه 8/10



Something Borrowed

صديقتين اتعرض صداقتهم لامتحان صعب لما وحده فيهم تحب خطيب الثانيه و ترتبط فيه بعلاقه بالسر ، و تعرف الصديقه الحقيقه و تحط صديقتها جدام خيارين يا تختار صداقة عمرها أو حب حياتها ...
زوين أعطيه 5/10

:eh_s(8):

 

[PuPa^^SWeeT]

The help



حده روعة حبييته

 

[الزورق222]

اليوم شفت فيلم عن مجموعة مستكشفين وانحرقت الطيارة فيهم وهاجمتهم الذئاب وجميعهم مات نسيت اسمه هههههههههه

 

[PuPa^^SWeeT]

^^^^


The edge




هذا اسمه

 

[PuPa^^SWeeT]

شفت فيلم

I dont know how she do it


صج مو لايق عليها الدور


وهمن القصة انها اللي تاركة بيتها وكل شي

يعني مو وايد استانست عليه



و فيلم life as we know it



وايد حلوو


عن ريال و مرة يربون بنت رفيج الريال و رفيجة المرة



وهم مايحبون بعض


حلوو الفلم وايد *

 

[صدع القلب]

هاااي أنا هنا

أمس رحت فيلم
The Vow

عجبني " صج الأحداث طوااااله " بس هم ممتع
عن اثنين متزوجين و يصير لهم حادث و تفقد الزوجه الذاكره و يضطر الزوج يجاهد عشان يكسب حبها مره ثانيه ....

الفلم مقتبس عن أحداث حقيقيه و أعطيه 7/10

 

[صدع القلب]

و الحين بذكر مجموعة أفلام شفتهم بالفترة الاخيره

The Descendants

م م ل :eh_s(4):

يتني النومه و أنا أطالعه
عن زوج تسوي زوجته حادث و تدخل بغيبوبه بعدين يكتشف انها كانت تخونه ، و اهوه عنده بنتين ياخذهم برحله بس عشان يشوف الريال اللي خانته زوجته معاه :eh_s(10):
ما ادري ، كملته بس ما فهمت ولا شي و أعطيه 5/10

 

[صدع القلب]

تذكرون فلم شاديه و رشدي أباظه اللي اهوه دكتور أسنان و اهيه سستر عنده يخليها تمثل انها زوجته عشان يكسب حب وحده يحبها " اعتقد اسمه نص ساعه زواج" اهوه مقتبس عن قصه

هذا الفيلم الاجنبي تقليد له
تخيلوا الاجانب قلدونا :krkrkr:

JUST GO WITH IT

حبيته و اعطيه 7/10

 

[صدع القلب]

و الحين جم فيلم ما انصح فيهم :eh_s(14): اييبون الحارج

Alonely place to die

مجموعة متسلقين يلقون ياهل مخطوفه بالجبال ، و يتشابكون مع اللي خاطفينها و يموتون واحد ورى الثاني
الفيلم تصويره باهت و الممثلين كلهم كومبارسات مووووووشييييي









Burn After Reading

لا تغركم صور الممثلين الكبار نفسي
الفلم خواااااره
ما فهمت منه شي ، و يضيق الخلق و يبط الجبد
عن واحد يشتغل بالاستخبارات يبدي يكتب مذكراته و ينسى السيدي اللي مسجل عليه المذكرات بالجيم الرياضي و يلقونه اللي يشتغلون هناك و يساومونه و يبتزونه ، بعدين يتشربك الفيلم و يصير طق مطاقق و تذبح من غير فايده :eh_s(10):

 

[صدع القلب]

The Next three days

عن واحد زوجته متهمة بقضية قتل " و اهوه مو مقتنع بإدانتها " مع جذيه يحكمون عليها بالسجن المؤبد لأنه الأدله كلها ضدها و ماكو و لاشي يثبت برائتها فيقرر ان اهوه ينحشها من السجن و تمشي الاحداث

الفلم حلو مو واو بس ماشي حاله

 

[صدع القلب]

Larry Crowne

الفلم باااااااااااااااارد :ch12:
بس أنا أحب تمثيل توم و جوليا :eh_s(22): عشان جذيه تابعته
عن ريال يخسر وظيفته لأنه ما عنده شهاده جامعيه و يسجل بالجامعه و يرتبط بعلاقة صداقه مع استاذته :eh_s(22):


Mr. Popper's Penguins

رجل اعمال حياته اتغير بعد ما يورث ست بطاريق من ابوه ، و يحول بيته ملعب لهم ......

الفلم حلو حق اليهال ..
أما انا شفته ، بس ما راح اشوفه مره ثانيه

 

[صدع القلب]

RIO

وااااااايد حبيته :ggdw:

طير ازرق من فصيله نادره ترجع فيه صاحبته حق موطنه الاصلي عشان يتزاوج مه طير ثاني و ما ينقرض بس لما يوصلون تواجههم مشاكل و تصير لهم قصص مع مهربين الطيور و مغامرات ..

أعطيه 8/10

 

[PuPa^^SWeeT]

ايي ريووو يهبل


رحته بالسينما



حده عجييب



بنتي المفروض تستانس علييه انا استانست اكثر




صدع القلب


وااااي اتبردييين القلب





ياربي يوفقج و يسدد خطااج

 

[PuPa^^SWeeT]

اب اب اب
اب اب
اب

 

[صدع القلب]

Pupa Sweet
مشكورة ، تسلمين عالدعوه الحلوه :eh_s(7):
جامعتي بدت اليوم
بس ما راح أخلي هالموضوع كل ما تميت بمر عليه.......
لأنه مونسني