عزيزتى
مجتمعنا متخلف
يعنى كل وحده بيتحجون عنها العانس وعذرا وهذى كلمة خطا واجحاف بحق كل بنت وحرام نصنفهم جذى
انا اسميها متاخرة الزواج بيتحجون الناس عنها والمطلقة بعد بيعذربون فيها واللى ما حملت قالوا عقيم وللى تييب بنات عيبوا عليها وللى تييب صبيان حسدوها وللى تييب الجنسين قالوا قطع مالت عليها وللى مرتاحه طقوها عين وللى متضايقة فضحوا سرها وتطنزوا عليها
يعنى ريحى عمرج رضا الناس غاية لا تدرك ولا احد يشك بعمره هذى ارزاق ونصيييييييب وبس
والله انتي اللي عزيزتي
اول شي ما في شي اسمه عانس ومجتمعنا يحب يتكلم عن الكل وبأي سالفة المهم نقرض
وبعدين انا بسأل سؤال
الحين الوحدة المتزوجة اللي عندها مشاكل مع ريلها وشقيانه وساكته على عيبه
احسن من اللي رفضت انها تظلم نفسها مع ريال مو زين ؟ وما تبي تظلم نفسها زياده بانها تييب يهال اهيه ادرى انها ما راح تقدر اتربيهم ؟
ولا احسن من وحده ما لها ذنب الا ان الله ما كتب لها زوج ( العانس على قولتنا ) ؟
لا طبعا !
الفكرة كلها بمدى ايمانج بالقضاء والقدر
ما تشوفين بالدعاء يقوللج ( اللهم ارزقنا من اليقين ما تهون به علينا مصائب الدنيا ) <<<< اللهم آمين
وبعدين شلون تعيبون على حكمه من الله ؟ الله سبحانه وتعالى شاء ان فلانه تتطلق او ما تتزوج أساسا والناس تعيب على شي مو بإيد الإنسان نفسه ! بالله شهالعقليه ؟
وبالنسبة لسالفة مطلقة انا الحين اشوف الناس خفت عليها وااااااايد لان كثر عدد المطلقات
مثلا اللي كانت قبل تعيب على بنات الناس اللي تطلقو وبعدين صار عندها بنتها تطلقت .. اكيد راح تخف لانها شافت بعينها الوضع شلون ايكون
وبعدين الوحده ما تتطلق على عيوب ريلها
لان كل الناس فيها عيوب
يعني سالفة العيب من منو هاذي مو داشه بالــــــــــــــي
لان لو صج سبب الطلاق = عيوب من احد الطرفين ف معناة هالكلام ان كل المتزوجين في نعيم وما فيهم عيوب !
هم هاذي ما تدش العقل
وسامحيني على الاطالة حبي واستخيري واتكلي على الله وفوضي امرج اليه وما راح يخيب ظنج باذن الله
ودايما ادعي : اللهم لا توكلني الى نفسي فاعجز ولا الى الناس ف اجزع واضيع
وترى رزقج في السما :weight_lift:
