شنو أحسن نفسية العانس ولا المطلقه؟؟

[Tutti-Frutti]

رد : شنو أحسن نفسية العانس ولا المطلقه؟؟




على حسب ظروف كل وحده

يمكن العانس معنها مو متزوجه بس مرتاحه فـ بيت ابوها

والمطلقه يمكن اهي اللي طلبت الطلاق وارتاحت من بعد ما خذت ورقتها

يعني يعتمد عـ الظروف

 

[*الشيـــهـانـة*]

المطلقه اهي اللي الناس تقول عنها شللي خلا زوجها يطلقها اكيد فيها شي ومهما تبرر وتقول تظل المرأة هي اللي شايله الذنب بعيون الناس وخاصة بوقتنا الحالي كل شي يحطونه بالمره حتى لو كانت مظلوومه,, وفي ناس عندهم عييب ترافجين مطلقه ( شوفي العقليات لوين وصلت)
البنت تعيش ببيت ابوها معززة ومكرمه احسن مليون مرة من انها ترد مطلقه من زوجها جنه عايفها مايبيها ( هذي بحد ذاتها أكبر إهاانه),,

وبعدين اسمحيلي ماادري ليش حسيت انج انتي مطلقه وتبين تبررين لنفسج وتبينين انج افضل من البنت , وصدقيني ترى ماافي وجه مقارنه بين الاثنين عسى الله يكفينا هالشي

 

[~+ . لحن الزهور. +~]

الشيهانه انا اخالفج الراي عزيزتي بالعكس الحين اختلفت العقليات وهذا اللي اشوفه انا مطلقه وافتخر وتطلقت ظلم وعقب طلاقي انخطب وايد
خطبوني عيال ناس ومعزفين
وخطبوني ريايل عمرهم ماتزوجوا بس انا ارفض لاني توني صغيره 23 سنه شفت الويل قلت ابي افكر اكثر وماستعيل.بالعكس موكل العيب بالمطلقه يما ريايل فيهم العيب وظلموا بنات وتطلقوا مثل حالتي والحمدالله للحين ينطق بابي ربي يزيد ويبارك

 

[سفيرة المحبة 88]

رد : شنو أحسن نفسية العانس ولا المطلقه؟؟

مثل ما قالو البنات كل وحدة وتفكييرها وشخصيتها

انا اعرف وحده طلبت الخلع من زوجها لانهم غاصبينها عليه واهووه بعد مو متقبلها وحس انها مغصوبه عليه

ولما تطلقت طارت من الفرحة طبعا من بعد معاناة والحمدلله الحين عايشة حياتها ومرتاحة وكملت دراستها وحققت



طموحها وكلش ما تفكر بالزواج تبي تعيش بروحها من غير ريل

 

[فراشه]

انا مطلقه و مو منحرجه ونفسيتي زينه
بس لو عانس احس فشله جنه محد يبيني

 

[اميرة-الاحجار]

اتوقع المطلقه حالتها ارحم لان جربت الزواج وعاشت فيه ويمكن يكون عندها عيال تكمل حياتها معاهم ..
بس العانس شيفكها من نظرة الناس انها طايح بجبد روحها وتكون محرومه ماجربت شي من الزواج وربي اعرف بنات عوانس يتشفقون حتى على الهوشات الزوجيه تقول ودي بريال يقولي وين رحتي وليش تاخرتي وليش مادرستي وةماهتميتي فبيج ..الخ
الله يرزق كل وحده سواء مطلقه او انسه بالزوج الصالح ويبعد عنكم عيال الحرام ويسخر كل زوجين لبعض يارب

 

[شقرديـه عالطل]

البنت اللي متزوجه اهون نفسيه على الاقل ماجربت وافشلت وراح تتتتعقد اكثر وتفكر اكثر
والبنت لاشافت اللي حولها من متزوجات ومشاكلهم تحمدد ربها وانا حالتي جذي

 

[Namlah]

كل شي يصير الله كاتبه
بالنسبه حق النفسية ومن خلال التجربة مريت بالطلاق كلمت تعبت شويه والسبب مو نفسي ولا اهلي بس الناس والمجتمع مايرحم
الحمدلله طلاقي كان خيره لي مع اني كنت رافضة الطلاق وكنت دايما احاول اصلح مع زوجي بس الله يهديه ماتغير ظليت سنه عنده وبعدين تطلقنا طبعا ايامي معاه كان فيه الحلوه حرام الظلم شين بس نفسيتي وحالتي الصحيه تدهورت معاه شفت نجوم القايله تخيلي من المشاكل اللي معاه حسيت اني متزوجة من عشرين سنه
وللعلم اهلى من بداية زواجي ولما دروا بالمشاكل صفوا وياي وقالوا خليه دامج ببداية الطريج ولا تضيعين عمرج معاه ماراح يتغير
والحمدلله بعد 5 سنين ترا موشويه جاني نصيب والحمدلله عرسي بعد 3 شهور
بس هالخمس سنين عذاب نفسي واجتماعي الكل ينظر لج نظرة المذنبه مع العلم العيب مو فيني العيب بطليقي ترا مو قاعد امدح نفسي بس هذا واقع الناس دايم يحطون العيب بالبنت وهذا اللي تعبني

اما العانس هالاحساس ابد ماراح تحس فيه ... بيقولون نصيب ومالله كتب لها لازواج بس اما المطلقه كل وحدة تكلم من صوب
العانس تحس بس انها فاقده شي والا هو الاطفال
بس ماتحس باعذاب اللي تحس فيه المطلقه ولا احد ينظر لها نظره مو زينه

 

[Namlah]

المطلقه اهي اللي الناس تقول عنها شللي خلا زوجها يطلقها اكيد فيها شي ومهما تبرر وتقول تظل المرأة هي اللي شايله الذنب بعيون الناس وخاصة بوقتنا الحالي كل شي يحطونه بالمره حتى لو كانت مظلوومه,, وفي ناس عندهم عييب ترافجين مطلقه ( شوفي العقليات لوين وصلت)

من تجربتي صح كلامج وما انكر هالشي وبالذات سالفة الرفيجات صارت فيني

اما اهلى الف الحمدلله كانوا يبون ارد عندهم ولا اعيش عنده واهلي كلهم وقرايبنا يقولون الحمدلله اللي الله فكج منه
والحمدلله اللي عوضني خير

 

[Namlah]

الشيهانه انا اخالفج الراي عزيزتي بالعكس الحين اختلفت العقليات وهذا اللي اشوفه انا مطلقه وافتخر وتطلقت ظلم وعقب طلاقي انخطب وايد
خطبوني عيال ناس ومعزفين
وخطبوني ريايل عمرهم ماتزوجوا بس انا ارفض لاني توني صغيره 23 سنه شفت الويل قلت ابي افكر اكثر وماستعيل.بالعكس موكل العيب بالمطلقه يما ريايل فيهم العيب وظلموا بنات وتطلقوا مثل حالتي والحمدالله للحين ينطق بابي ربي يزيد ويبارك

كلنا شفنا الويل وانظلمنا
بس لا ماختلفت العقول قليل قليل ونادر اللي تغير نظرته للمطلقه
مطلقه وافتخر اي نعم بس لانج واثقه من نفسج وتدرين انج ماغلطتي نفسي
بس المجنمع اللي عايشين فيه مايرحم
ولاتقولين مالي شغل بالناس احنا عايشين بين هالناس
وحبيبتي اذا جا لج نصيب زين ارضي فيه لاتردينه وترا 23 مو صغيره بمجتمعنا ترا كل سنه تكبرين وراح يقل الي يطق بابج ذيك الساعه بتحسفين
نصيحة ارضي بالزاوج اذا كان زين ماقولج استعجلي لا بس ديربالج تخلين هالشي يطول
نصيحة من تجربه
والله يوفقج

 

[FOZQ8]

رد : شنو أحسن نفسية العانس ولا المطلقه؟؟

ردود وايد غريبه
المطلقه تقول ان احسن من العانس اللي نظرة الناس ان للحين محد يبيها وطايحه بجبد روحها مع ان في بنات عوانس وايد حلوين وموقاصرهم وشي لا ويوصلون فوق الثلاثين ويتشرطون والزواج عندهم اخر همهم

وراي اللعانس اللي تقول احسن من المطلقه اللي عافها ريلها وكلام الناس عليها بيكون وايد ومشبوهه

انتو الفئتين ظلمتوا بعض عيل تبون الناس اللي بره الموضوع شنو يقولون ؟؟

انا رايي ان يعتمد على نفسيه البنت ومدى قناعتها بأن اللي قاسمه ربي هو الاحسن وتتعايش مع اي شي يصير او مايصير
البنت العانس اللي بس حاطه ان املها وسعادتها بالزواج بتكون نفسيتها زفت وتعب وايد
والمطلقه اللي بس تفكر بطليقها او شلون تتزوج مره ثانيه عشان الناس مايطالعونها بنظره مطلقه وحاسبتها مسبه هم بتتعب نفسيا وحالتها حاله

الناس بكل الحالات تتكلم .. وعفوا اللي تقول ترضي غرورها بالزواج !! ليش الزواج يرضي الغرور من اي ناحيه؟ موفاهمتها كلش
وليش الغرور من اساسه؟؟

 

[أنا Top أنا]

رد : شنو أحسن نفسية العانس ولا المطلقه؟؟

صحيح انا معاج

البنت اللي ما تزوجت اهي اللي تكون نفسيتها تعبانه وموبعيد تصير انطوائيه وكئيبه .. وصراحه انا انظرلهم بعين الشفقه !

لكن المطلقه مردها بتقول خذيت نصيبي ~

 

[روح امها]

طبعا كل شي قسمة ونصيب
بس ماله شغل كل السالفة اذا انتي ماساعدتي نفسج وكنتي راضية بعيشتج
محد له شغل
والمطلقة والعانس شنو يعني مالهم رب يعيشون حياتهم
واذا اي احد تكلم بطرقيتج انتي تقدرين تردين على الناس
يمكن العانس اذا تزوجت ما ترتاح
والمطلقة بعد اذا كانت امكمله حياتها راح تتعذب اكثر
اهو صح في شغلات تكون باختيارج
لكن في شغلات الظروف تجبرج عليها

 

[Lemon girl]

الله يرزق كل اللي ما تزوجو اعتقد اللى ما تزوجت

 

[نشيج الروح]

والله ممكن تكون المطلقة نفسيتها واايد اسوأ بس بالاخير يعتمد على إيمان البنت وقوتها .. وقدرتها على كسب السعادة

 

[أم ورود الحلوه]

اشوف المطلقه اسوأ لأن المجتمع مايرحمها

 

[Jolia-007]

رد : شنو أحسن نفسية العانس ولا المطلقه؟؟


انا اعتقد ومن وجهة نظري انه النفسيه تتعلق بالبيئه والاسره اللي تكون الوحده عايشه فيهم يعني مثلا عانس لكن هالشي مو مأثر عليها عايشه حياتها ومهتمه بنفسها واهلها ناس فاهمين و واعييين فما تنتبه لهالشي تلقينها حتى لما تفتح هالموضوع مع امها مثلا تخفف عنها وبالعكس اذا كانت عايشه بأسره دايم الدوم تعايرها من كبيرها لصغيرها

والمطلقه نفس الشي خصوصا اذا ما عندها عيال تنربط فيهم تلقينها تكمل مشوار حياتها وتتنتبه من الاخطاء اللي طاحت فيها وتعزز ثقتها بنفسها اكثر من اول وخصوصا اذا اهلها ما عندهم مشكله مطلقه او لأ فتلقينها مرتاااحه لذلك سؤالج يعتمد على البيئه اللي كل وحده تعيش فيها وطبعا الحياه ما تخلى من الهموم والمشاكل ولكن الاهل والناس اللي حواليها لهم اثر كبير بنفسية كل وحده وطبعا اولا واخيرا هذا رأي شخصي يعني ممكن صح وممكن لا

 

[QT]

رد : شنو أحسن نفسية العانس ولا المطلقه؟؟

ضيقتي خلقي ي ي ي ي

 

[سكادا بلو]

رد: رد : شنو أحسن نفسية العانس ولا المطلقه؟؟

ردود وايد غريبه
المطلقه تقول ان احسن من العانس اللي نظرة الناس ان للحين محد يبيها وطايحه بجبد روحها مع ان في بنات عوانس وايد حلوين وموقاصرهم وشي لا ويوصلون فوق الثلاثين ويتشرطون والزواج عندهم اخر همهم

وراي اللعانس اللي تقول احسن من المطلقه اللي عافها ريلها وكلام الناس عليها بيكون وايد ومشبوهه

انتو الفئتين ظلمتوا بعض عيل تبون الناس اللي بره الموضوع شنو يقولون ؟؟

انا رايي ان يعتمد على نفسيه البنت ومدى قناعتها بأن اللي قاسمه ربي هو الاحسن وتتعايش مع اي شي يصير او مايصير
البنت العانس اللي بس حاطه ان املها وسعادتها بالزواج بتكون نفسيتها زفت وتعب وايد
والمطلقه اللي بس تفكر بطليقها او شلون تتزوج مره ثانيه عشان الناس مايطالعونها بنظره مطلقه وحاسبتها مسبه هم بتتعب نفسيا وحالتها حاله

الناس بكل الحالات تتكلم .. وعفوا اللي تقول ترضي غرورها بالزواج !! ليش الزواج يرضي الغرور من اي ناحيه؟ موفاهمتها كلش
وليش الغرور من اساسه؟؟

مع كلامج يالغلا وصج قلتي كل اللي بخاطري

 

["اسطورة العشق"]

اممممم


اول شي انشالله ما اصير لا عانس و لا مطلقه ........... هم مابي اصير متزوجه <<<< عيل شتبين ؟؟!


ابي عزوبيه


شوفي مرات تي في بالي هالفكره انا كلش شايله من راسي فكره الزواج يعني مستحيل احس وضعي في بيتنا مرتااااااااحه و حياتي حيل مستقره و مو مجبوره اغير وضعي عشان حياه يديده يمكن تكون حلوه و يمكن لا يمكن يطلع زوج زين و يمكن يطلع عيني و على كثر الي تقدمولي مرات احسبها في بالي و اقول ما راح ييلي احسن منهم انا قاعده اضع فرص زواج .... عاد اقول خل اخذ واحد منهم ( الي عرضه ساري للحين ) و بس ملجه و اتطلق يعني مو الحين لما اكبر شوي يعني لما اصير 25 مثلا .. و احنا في بيتنا الحمد الله الوضع اوكي و اهلي ماعندهم عقد الطلاق عندهم اهم شي البنت

بس بعدين اتعوذ من بليييييس و اقول شذنبه ولد الناس العب باعصابه عشان انا مابي لقب عانس في المستقبل و مابي اتزوج الحين