شنو أحسن نفسية العانس ولا المطلقه؟؟

[Flower20]

رد : شنو أحسن نفسية العانس ولا المطلقه؟؟

بغيت اقولج ما فيه شي اسمه عاانس والبنت حتى لو صار عمرها 40 بقدرة الله اييها نصيب ... وفرصها اكبر من المطلقة لانها تبقى بنت
وتكوون كملت دراستها ووصلت لطموحها عكس المطلقة اللي ممكن تتزوج بعمر صغير والطلاق يهدم نفسيتها ومستقبلها

ومو شرط االلي تأخروا يروحون يدروون خطابات ويركضوون ورا الريل مثل ما قلتي ... يمكن اهي ترفض وما تبي تتزوج لين تلقى الشخص المنااسب مو توافق على اي واحد بحجة انه زوج وبس !! وهذاا الواقع اللي شايفته عند اغلب البنات المتأخرين بالزواج
وعايزة اتجوز اكبر دليل شفتي شلون ترفض لأن الي يتقدموون لها عاهاااات واهي دكتورة وما فيه واحد منااسب لها هههههههههههه

والمطلقه ممكن تقول للناس ترى انا اللي طلبت الطلاق وانا اللي ما ابيه وتحط بالريال مثل ما الريال وأهله اكيد بيقولون ولا شرايكم؟؟

وهم البنت تقدر تقول ما صار نصيب خو مو بيدها !! وتقدر تقول ماكو واحد منااسب تقدملي !! والدليل موضوع الخطاب العاهات اللي مثبت بالمنتدى هههه
عالعموم عقلياات الناس المتخلفة اهي اللي كبرت الموضوع لان المسألة بكل بساطة (( نصيب من الله وبس )) !!

 

[a3gl-5bla]

اول شي على حسب ردودكم..
منو الحين يسأل البنت نفسها العانس يقولها ليش ما تزوجتي؟؟ اتوقع اللي تسأل بصراحه ماعندها ذوق لانها ماتدري شنو السبب و لقافه منها يمكن تجرح العانس او تحز بخاطرها!! بس الفضول و لقافة الحريم و ما تسوي

كل شي نصيب بهالدنيا و كل شي انكتب

لحد تقولي ان العانس نفسيتها افضل لان ماتدرين يمكن البنت تبي تتزوج و ما لقت اللي يناسبها او يمكن محد تقدم لها و بتشك اب نفسها, لكن ممكن تكون افضل اذا كان هالشي من اختيارها على بو انها مرتاحه و مالها خلق مسؤوليه زوج و عيال فأهني ممكن تقولين انها نفسيتها زينه لان هالشي من اختيارها شخصيا

و لحد يقولي المطلقه نفسيتها افضل لان ممكن عندها عيال و بتتوهق بتربيتهم و مشاكلهم بروحها هذا بحد ذاته مسؤوليه كبيره عليها عكس لي كان وياها زوج يعينها, او يمكن تطلقت و ماعندها اهل ولا بيت, او يمكن امها و ابوها متوفين و بتروح تقعد عند اخوها المتزوج و يقطون عليها نغزات و تحس نفسها ثقيله عليهم, اهني بتتحسف و تقول ليتني كنت ابيت زوجي حتى لو اهيا عايشه وياه ظيم و هذا اكثر شي يصير حق المطلقات, و ممكن تقولين عنها انها مرتاحه بالطلاق لانها تحررت من الاشياء اللي تكرهها بالزواج و ارتاحت من زوجها اللي كانت فيه العله او اي شي كان, يعني بالاخير لو كان هذا اختيارها بنفسها و ضامنه مستقبلها اللي بتعيشه بروحها او مع عيالها اهني ممكن ترتاح

يعني كل واحد و ظروفه و قراراته :d

 

[سمرة كويتية]

رد : شنو أحسن نفسية العانس ولا المطلقه؟؟

براي الشخصي ان المطلقة احسن من العانس .. عالأقل هي تزوجت مو مثل المسكينة العانس اللي جدام الناس غير مرغوبة ومالها نصيب

المطلقة ممكن تكون هي اللي طلبت الظلاق وهدت زوجها غير المناسب واللي اكتشفت بالعشرة انه ما يستاهلها ..
والمطلقة فرصتها اكبر من العانس بالزواج .. لأن في مجتمعنا الشرقي الريال ما يرغب بالعانس ويسال نفسه شاللي خلى غيره يعافها وما يفكر بالزواج منها .. اما المطلقة ممكن يكون زوجها عنيف او مدمن او بخيل وهي اللي عافته ..وحتى لو عندها عيال وتكون كبيرة بالسن فهذا ما يقلل ابدا من فرصة الزواج الثاني لها ...

 

[Lemon Juice]

الناس ما ترحم .. تقط الحجي وتمشي ما يهمها شي سواء منفصله أو مو متزوجه

المنفصله ربي ما وفقها مع ريلها وما ارتاحت وما حصل ألفه ما بينهم

واللي ما تزوجت ربي ما قسم لها تتزوج

بكل الحالتين قسمه ونصيب من رب العالمين , بس الناس ما تفكر جذي ما همها الا القيل والقال

 

[هدولى]

ممممممممم اتوقع المطلقه نفسيتها احسن من العانس .

 

[فـرفـر]

هو يرجع علي الوحده
في بنات مطلقاات مرتاحات وفي بنات العكس
وفي عوانس متقبلين الوضع ومرتاحين وفي عوانس تتازم من هالناحيه
وبعدين كل شي نصيب المفروض الوحده تقول انه للي صار لها خيره لها بحياته

وشنو النظره السودادويه انه المطلقه خلاص تتازم شدعوه !!
والا العانس بتنتهي الدنيا

للي يسمع كلام الناس راح يتأزم نفسيا المفروض الوحده ماتأثر من اى كلام يجيها
لانه في ناس فيهم لقاافه مثل انتى مزيوونه وموناقصج شي ليش تطلقتي او ليش ماتزوجتي
في ناس يأثرون بنفسيه البنت
بس القويه للي مايهزها شي وتعتبر اى شي يمر بحياتها تجربه
والخيره فيما اختاره الله

 

[>> True Love<<]

متتى نعيش بمجتمع

مافيه كلمه مطلقه وعانسسس



!!


بالنسبه لنفسيه وكل وحدده حسسب ظروفهاا

 

[جـــواهر]

العانس احسن نفسيه

المطلقه تحن لزوجها لان المره مااااتنسى العشره لو بعد حين .. بتظل تحن له وخاصتن لاصار عندها منه عيال

 

[راعية الطويلة]

رد : شنو أحسن نفسية العانس ولا المطلقه؟؟

الأحسن نفسية

هي أكثرهن رضا بقضاء الله

و أكثرهن قناعة

تسلميــــــــــــــن​

 

[لوازم العائلة]

رد : شنو أحسن نفسية العانس ولا المطلقه؟؟

يعتمد على كل وحده ونفسيتها والمجتمع الي حولها

 

[سوار وقلاده]

المطلقه احسن من العانس من ناحية النفسيه

 

[~+ . لحن الزهور. +~]

كل شي قسمه ونصيب
انا تطلقت عمري 21 سنه الحمدالله ماعندي عيال
والحين عمري 23
تقدموا لي وايد لكن ارفض لاني مستانسه بيت ابوي بيت العز ولاني تطلقت مظلومه بالعكس والله لا تاثرت بس اول الايام صح بس قلت العمر ما يوقف على ..شخص سواء متزوجه ولا مطلقه ولا على قولتكم عانس كل وحده لها مشاكلها وكل وحده تمر تمر بحالات نفسه صعبه

ومافي شي اسمه عانس
لانه هذا قدر ومكتوب

 

[pure feminine]

رد : شنو أحسن نفسية العانس ولا المطلقه؟؟

أثنينهم مو سالمين من كلام الناس

بس يمكن العانس أقل عليها الكلام من المطلقه
والمطلقه الي عندها عيال صح راح تشقى معاهم بداية عمرها بس بعدين يكونون لها سند

وبالنسبه لنفسية البنت نفسها مااا أدري :/

 

[وردة-الكويت]

رد: رد : شنو أحسن نفسية العانس ولا المطلقه؟؟

لـيش يـقوِلون عنـهـآ بـآرت
!
!
؟


يـمـكن إهــيّ رفـضت آللـي خطـبوهـآ

يـمكن إهـيّ آلمطـلقه اللي طـلبـت آلطلآق

هـذآ نـصيـب وِالـلي كآتـبه آلـله يصـير لـكن كـلآم آلنآس مآيخـلص

بــــــــــس

" الـقــآفــله تــســير وِ آلكـلآب تـنــبــح "

< عـزكـُـم آلـله
:eh_s(17):

صح كلامج بلنسبه لي انا طلبت الطلاق وسعيت له والحمدالله نفسيتي حيل مرتاحه :fun:

 

[وردة-الكويت]

ونفسيه العانس والله ماادري شنو تحس فيه

 

[fatomy]

سيم سيم ....................فوفو

 

[احبكم اقوي شي]

رد : شنو أحسن نفسية العانس ولا المطلقه؟؟

المطلقه والعانس كلهم بناتنا وانشالله نفسياتهم كلها حلوه لان الدنيا تغيرت اللى ماتزوجت وعلى قولتكم عانس تقدر تشغل نفسها بالروحات والجيات والدنيا فيها اشياء كثيره تونس اكثر من الزواج
اما المطلقه ماتطلقت الا لانها خلاص حاولت تتعايش مع الزوج او الحياه الزوجيه بس ماقدرت وانفصلت وحلت مشكلتها بالطلاق مو مجبوره تعيش مع زوج ماتفهمه اومو فاهمها تروح بيت اهلها وناسها ابرك من العيشه مع واحد ماقدر اتحمله

 

[atc666]

رد : شنو أحسن نفسية العانس ولا المطلقه؟؟

مشكورين على مشاركتكم بس زميلتنا سمره كويتية صادت اللي براسي وماعرفت اوصله لكم

.. لأن في مجتمعنا الشرقي الريال ما يرغب بالعانس ويسال نفسه شاللي خلى غيره يعافها وما يفكر بالزواج منها .. اما المطلقة ممكن يكون زوجها عنيف او مدمن او بخيل وهي اللي عافته ..وحتى لو عندها عيال وتكون كبيرة بالسن فهذا ما يقلل ابدا من فرصة الزواج الثاني لها ...

انا حسيت هالشغله لأنه مره شخص كلمني شخصيا عن وحده فلما عرف انها ماسبق لها الزواج تردد وقال هذي شكبرها ليش ماتزوجت حسيته يفضل المطلقه مادري ليش تفكير الشباب غريب والله مره قالت لي رفيجتي رفيج ريلها وفي شباب لما يرتبطون ماياخذون جميله لأنه في مخهم الحلوه اكيد كان لها علاقات وايد ياخذون وحده عاديه او جيكره حتى ...

 

[~+ . لحن الزهور. +~]

مو شرط الجميله لها علاقات هذا مو منطق يالغاليه
ولا العانس والكبيره يوقف نصيبها انا اعرف وحده عمرها 37 سنه توها متزوجه وماشالله الحين حامل ربي يتمم عليهاا
ويرزقها الذريه الصالحه
وحده هم عمرها والله 40 سنه حامل بعد ربي يتمم عليهم
يعني مو شرط
كل شي قسمه ونصيب
وقدر ومكتوب من رب العالمين

 

[توليب بنفسجي]

رد : شنو أحسن نفسية العانس ولا المطلقه؟؟

الأحسن نفسية

هي أكثرهن رضا بقضاء الله

و أكثرهن قناعة

تسلميــــــــــــــن​

صح كلامها
عين العقل