شلي تغير فيج و بزوجج لما صرتي أم ؟؟؟؟ موضوع للمناقشه

[فراولة قلبها]

يحليلكم تونسون والله موضوع وايد حلو...

وانشالله اذا حملت اقولكم شنو التغير اللي صار بس انتو ادعولي بالذريه الصالحه اللي تنور حياتي

 

[انا لحبيبي .]

الله يرزق كل محتاجه ذريه صالحه يارب العالمين ،

> نص طموشه

 

[beenoo]

الله يرزقني ياااارب

 

[روحي_تحبكM]

اول كنا نطلع وقت اللي نبي ومانتهاوش وايد ألحين كل يوم هواش وزعل وكل شي يتغير لان صار مسؤليه بينا ودنيا جذي بس حمدالله
لازم نعيش يوم حلو ومر
وزاد وزني ونفسيتي متنرفره دايم

 

[خاطري غالي]

للحين البيبي ما وصل انشاء الله جاي بالطريج بعد 4 اشهر يارب يسهل علي ومايغير علي

 

[Mednight Rain]

النوم
الطلعة
السفر
المزاج
اللي تغير

 

[نـعـومـه]

انا الحين نفاس اول بيبي ووايد احاتي هالشي

احاتي انشغل عن نفسي وزوجي وحياتي تتغير وماقدر اوفق بين البيت والزوج والناس

بجذي حلاته الوحده اول ماتزوج ماتحمل قبل الست شهور احلى تستانس وترتاح عقب تييب

مع هذا هم العيال نعمه الحمدلله بس لابد من التعب

 

[نفـــائس]

ربي يرزقني ويرزق كل اللي يبي

الله لايحرمنا ان شالله

اذا ربي كاتبلي الذريه وحملت انشالله برجع بفتح هالموضوع واكتب احساسي

 

[يارب يطيب عبود]

احس اني كبرت عشر سنين
خصوصا اني جبت ولد مريض
ادعوا له ربي يشفيه
( الحمد الله على عطا ربي اللهم لا اعتراض)

تراي صغيره عمري 23

 

[Melazlaza]

خوووووش موضوع والله

تغير فيني قدرة التحمل واااايد صرت صبورة وبالي طويل ونفسيتي احسن بوااايد لاني مشغولة مو نفس قبل فاضية اتخانق مع ذبان ويهي ههههههههههههههه

وانا وريلي صرنا وايد قراب من بعض

بس صارت طلعتي مو خفيفة نفس قبل لان انا ولدي قبلي بالسيارة ماتركه واطلع الا للشديد القوي


الله يرزق كل من تتمنى الضنا يارب

 

[Melazlaza]

لووول مسك توني اشوف ردج صج مسك ترستي الموضوع ريحة طيبة من كلامج
صج تعجبت من الردود!!

 

[!الجادل الصعب!]

اهم شغلتين تغيروآ فيني ..
النوووم .. وصرت احب محلآت ملآبس الاطفآل
هههههه
بالعآده امل لما اكون مع خوآتي ومآعرف اختآر لهم حتى ..!

و في شي حسيته .. البيبي مسؤوليه كبيره يبووووووي
في نفاسي فبجري بس اطالعه واحتار فيه
يعني شي صغير يتنفس متعلق فيج .. شسوي فيه .. وين آوديه ..!
مرآت اطآلعه واقول لو مآعطيه رضعته لو يصير فيني شي وماقدرت ..
شيصير فيه ..!
وبعدها مع الايام وصخونه ورا صخونه .. وموقف ورا موقف
حسيت ان المسؤوليه اكبر من هالشي ..
وبتكبر اكثر واكثر ..
شي ممتع ومخيف بنفس الوقت .. الله يصلحهم ويعينآ على تربيتهم يآرب ..!

 

[مسؤولة تعيين]

اممم اكيد المسؤوليه

 

[زعفرانة]

اشياء وايد تغيرت وقتي حق نفسي صار شويه
وماهتم نفس قبل

اهم شي ان الحين انا اكتب وولدي حاط راسه على حضني :$

 

[بنت الجنوب 80]

يجنن الموضوع

 

[غنج بدويـه]

ان شاءالله اذا ولدت أقولكم
وباذن الله تغير للأحسن يـــآرب

 

[بوران]

الله يا يرزق كل محرومة يا رب
جسمي مو مثل اول >>بس لو افتك من هالكرشة الغثيثة
و من ناحية الاهتمام انا عيل العكس قمت اهتم في نفسي اكثر و عرفت حق روحي اكثر
بس صرت عصبية و قمت ازف وايد >> طبعا اهاوش عيالي
على فكرة ترا العيال يحلون المرة صج

 

[انسه^دراقه]

واااي كل شي تغير فقدت اني ادلع نفسي قبل كل اسبوعين صالون وسبا ومساج فقدت طلعات الفير مع ريلي طلعاتي مع ريلي وايد خفت اكثر شي اطلع مع اهلي وان بغينا نطلع تعالي فكري تاخذين اليهال وياذونج وله تخلينهم عند اهلج وتحاتين تفقدين قيمه الطلعه ماقمت اروح السوق وايد وان رحت شريت حق بنتي اكثر شي مسوليه من اول ماينولدون مرض تطعيم تستنين حضانه روضه مدرسه تدريس واي الطريج طويل وبالنسبه حق الاخت اللي تقول شدعوه انا عن نفسي الخدامه ماتجيس بناتي كلش انا اوكل انا اسوي الرضعاات وابدلهم اسبحهم ماعندي وقت اسوي شي وهم مو معقوله كل يوم بقطهم عند اهلي عشان يصير عندي وقت حق نادي وله سوق وله شي

 

[NOORALLAH]

موضوع رائع
والله يرزق كل محرومه يارب
وانا من ضمنهم دعواتكم ​

 

[Om zayd]

موضوع حلووو ؛) انشالله اولد بالسلامه واقولكم شلي تغير