شلي تغير فيج و بزوجج لما صرتي أم ؟؟؟؟ موضوع للمناقشه

[أم ميميتو]

زاد احساسنا بالمسئوليه و جبنا لبعض زاد و صار اقوى من قبل و الاهم ان صار في بينا ولد نضحي عشانه و نتازل عن اشياء وايد عشانه و صار في طعم لحياتنا الله يخليلي ولدي و زوجي يارب و مشكوره على الموضوع الحلو

 

[أم ميميتو]

ام يوسف فديتج كلامج عين العقل

 

[وردة الدوحه]

انا الحمدلله رب العالمين ع النعمه عندي ولد عمره 4 شهور
واحساس الامومه معاه شي لايوصف
انا اصلا حنونه وصرت حنونه باضعاف مضاعفه
صرت طويلة بال أطوف صادني برود هههههههه
بالنسبه لريلي عزم انه يكمل دراسته صار مسوول يحاتي الياهل اكثر مني
يحاسب على فلوسه قبل لايصرفهم
يعني ..أنا وزوجي كبر بعض بيننا شهور واحس نضجنا فجأه بعد البيبي
الحمدلله على النعمه والله لايحرم كل أم واب منها

 

[" ام حمود "]

وييييييييييي كل شيء كل شيء
شقولج بس يبيلي صفحه كامله عشاني ههههههههههههههههه
تولدين بعدين نفاس ونفاس ضيقه وتعب ونفسيه مااشاءلله يبوووي اول ماتطلعين
من نفاس تشوفين اول شيء بطنج وييييييع خريطه مو بطن وبعدين تسوين رجيم
نخلص من رجيم عندج هالياهل كل شوي قاعده ومافي نوم بالقطاره كل ساعتين
قاعده في كحه في سهال في حراره ومادري شنوو
وايد وايد والله تعبت ههههههههههههههههه
وهكذا تستمر الحيااااة
اللي بيناا صار شيء يجمعناا حييل مع بعض والله لايفرقناا يارب
ومششكوره وماقصرتيء ع المووضوع فرفشه تايم

 

[ملوكـه]

اتصدقين بالعكس انا غيررررر
بما اني كنت متأخره عن الحمل
احس صارت حياتي احلللللللللللى يوم جبت
قبل نفس الروتين ...............................................

لاتذكريني والله ابججججججججججي
:eh_s(2):


تأخر يوم واحد بالدوره كنت اطير من الوناسه ,,,,,,,,,,,,, لا لا مابي اكمل
دمعت عيوووووووووووووني
:eh_s(11):

 

[ملوكـه]

يارب ترزقنا هالفرحه وهالمسؤوليه انا وخواتي المتاخرات بالحمل يومم علة كل البنات فرحتهم بعيالهم ويرزقهم برهم

ياااااااااااااارب يرزق كل محرومه

جربت حياة المحرومات
صج معاناة من قللللللللللب

 

[سكوتي بذوقي]

الله يرزقني يارب ويرزق كل محرومه

 

[كربون امها]

العيال كبرت متى ياربي يكبرون
وافتك من مسوليتهم الله يخليهم لي يارب
تغير نفسيتي صارت وعي يعني اعصاب
والحالة مزرية صرت من كثر الزعل بس
اكل وماانام وافكر وايد فيهم وخوف من المجهول
توقيع كربون امها

 

[أحلام مؤجلةة]

بنسبه لي انا سرت حنوونه كل تفكيري في عيالي كل شي كانت اتمناه وماحصلته من دلع وحنان وحرية راي عند اهلي طبقته مع عيالي الله يحفضهم
اكتفيت بعيالي عن الناس والاصدقاء وخليتهم هم الاصحاب ويازينها من صحبه
لايكذبون علي ولا يغدرون ويحبوني من غير مصلحه
سرت اهدا من اول بكثير
نسهر ونسولف ونخرج ونسافر مع بعض

سرت مااطق الشغالات لاني اخاف يسوون شي في عيالي
مع اني كنت قبل زواجي المرعبه للخدم

اما زوجي ولااااااااااااااااااا شي اهو اهو ماتغير مراهق من يومه لايحب المسؤليه ولا تقربون صوبي

الله يخليهم لي ولا يحرمني منهم

 

[ام ناصر 2009]

بنسبه لي انا سرت حنوونه كل تفكيري في عيالي كل شي كانت اتمناه وماحصلته من دلع وحنان وحرية راي عند اهلي طبقته مع عيالي الله يحفضهم
اكتفيت بعيالي عن الناس والاصدقاء وخليتهم هم الاصحاب ويازينها من صحبه
لايكذبون علي ولا يغدرون ويحبوني من غير مصلحه
سرت اهدا من اول بكثير
نسهر ونسولف ونخرج ونسافر مع بعض

سرت مااطق الشغالات لاني اخاف يسوون شي في عيالي
مع اني كنت قبل زواجي المرعبه للخدم

اما زوجي ولااااااااااااااااااا شي اهو اهو ماتغير مراهق من يومه لايحب المسؤليه ولا تقربون صوبي

الله يخليهم لي ولا يحرمني منهم[/quote
والله نفسسج بضبط بس فرق اني ماكنت اطق الخدم:d

 

[بربيره]

اكتشفت ان وايد منكم عايشين نفسي الله يخليلنا عيالنا

بالنسبه لي

لما صرت ام قررت استمتع بمعنى الامومه

وكنت اتمنا من كل قلبي ان يكون عندي طفل كلما شفت ياهل زاغ قلبي

لدرجة ريلي كان ملاحظ شيصير فيني وكان متحمس حيل لفكرة اليهال

الي صار الله يحفظكم بعد ما صرت ام

مثل ما انتو قلتوا

قلت النقاشات الحاده ~ شغلت نفسي بشغلات حلوه و صار عندي من يسليني ~ صار عندي هدف كبير بالحياة و ازداد حبي لزوجي و لنفسي و لكل شي

و تقريبا حييييل قلت النظره السوداويه عندي صرت وااااايد اطيب و عقلت حيل حيل حيل و صرت باره بامي باكثر عشان مثل ما اعاملها بنتي باجر تعاملني

و السلبيات :

قلت سفراتنا مو مثل قبل و اللبس صار محترم اكثر خخخخخ وصرت بطه نوعا ما بس هم وااااايد احلى وايد احمد ربي اني صرت ام

صج ان كل شي صار بسرعه و حملت وولدت وانا صغيره بس نعععععمممممممههههه و اهم اهم اهم شي ان زوجي صار يحترمني و يقدرني اكثر

وزادت ثقتي بنفسي حيييييل و فتحت عيني على عالم يديد و شغلات يديده ما كنت اعرفها

لذلك نصحيه لكل وحده تفكر بالحمل اذا انتي و زوجج مهيئين لتربية طفل يديد و تحمل مسؤوليته و مستعده للتضحيه عن طلعات تالي الليل و السفرات

لا تترددين لان في المقابل راح يكون عند شي يغنيج عن كل الطلعات

 

[رووح ابووها]

الله يخليلكم عيالكم

ويرزق كل وحده محرومه بالامومه

 

[Pupiipop]

انا عمري 20 سنه و عندي بيبي عمره 10 أشهر .. طبعا شي أساسي زاد وزني بس الحمد لله قاعده شوية شوية أسيطر ع الوضع. قبل نطلع مايهمنا الوقت ..الحين ولدي حنااااااااااننننننن لمن أطلع مرات يأذيني من ضروسه و مرات فيه نومه و قبل ابدل و اطلع بثلث ساعه او نص ساعه الحين اخلي وقت قبلها ساعه و ربع ازهب نفسي و ازهب ولدي !! النوووم كلششش موشي! ارهاق.. مع ان البيبي ينام متواصل 6 و 7 ساعات بعدين يقعد عشان الرضاعه! بس انا قبل خرووفه وايد انام.. احس كل شي تخربط .. احس روحي مو فاهمه شي وايد استعيلت بزواجي استغفر الله مرات اتندم بعد! و زادت مشاكلي مع ريلي ! صرت عصبية و مالي خلق شي!! و ظهري للحين يعورني من الابره مالت الولاده و قبل المناعه وخخخرر عننني الحين!!!! عضامي تعورني كل شوي مريضة! صداع ارهاق.. ومن يوم الولاده لي يومنا هذا مادشيت سينما ماطلع مع ريلي بروحنا! اذا نفسيتي زفت ماقدر اسافر! و الحين اكمل دراستي بالجامعه! و ماعندي خدامه شقتي مو صغيره و كل شي فوق راسي ! و بسس!! احس قبل واااااااااايد راااااااااااااااااااحه على الاقل ماكو ياهل بس

زوجي​

​

و الدراسه و​

البيت​

​

​

 

[ام علي رضا]

وااااي
الحمدلله يارب عالنعمه بس قبل لا أولد كنا نطلع بأي وقت وكنا نسافر ما نحاتي احد كنا نطلع لو الفير وانتي حامل تفكرين ان اذا ولدني زوجج بيهتم بالبيبي اكثر منج وتفكرين بس لما تولدين انتي راح يصير اهتمامج كله حق البيبي وانا عن نفسي متنت وأهملت نفسي وايد جسمي اسمر عن قبل صار ماعندي وقت اجابل روحي فيه جامعه بيت بيبي طباخ غسيل تنظيف زوجي صرت ماعندي ساعه اقعد فيها حطام المنظره أشوف نفسي ماعرف اقسم وقتي مع هالشي من بعد الولاده بنتي كملت سنه ونص وانا ليلحين متعرف اتأقلم
كثر ماتقدرين استانسي اول وشبعي بعدين فكري بالبيبي

 

[ام علي رضا]

حتا اهو صار يقول لي تغيرتي ماقمتي تتدلعين وتلبسين وتتغشمرين وتسولفين تغيرتي
أتضايق لما يقول لي تغيرتي بس شسوي
اصلا بعد الولاده نسيت شلون كنت قبل صارت المسؤوليه وايد كبيره ماتنامين بأي وقت تبين وتقومين متا مابغيتي ماكان في شي يقص نومتي بس الحين لا
بس هم اقول الحمدلله علا كل حال
والله يخليلي بنتي




هذا نك اختي

 

[Pupiipop]

ام علي رضا والله احسج نفس معاناتي بالضببببببببط! الله يقويج بس الله كريم ماينسى احد انشالله ياهالنا يكبرون و يفكونااااااا! عاد انا حلفت مااحمل مرة ثانيه ..تتتتتتوووووووووووووبه من امه​

 

[((البرنسيسا))]

أب

أب

أب

 

[kwait doll]

الله يرزق وخيتي ويرزق كل محرومة


وااااايد حلو الموضوت

 

[zenxena]

الصراحه ردودكم احباااااط كل وحده تكتب مااقدر اطلع ومااقدر استانس مع زوجي جسمي تغير متنت

ومادري شنو بعد شنو هذا لا بآخر الكلام تكتب لابس الحمد لله العيال نعمه .. اقول حمدوا ربكم

وشكروه في ناس واااايد يتمنووون ريحت اليهال والله مارزقهم وبعدين شي طبيعي

يتغير روتينكم الحين امهاتكم ماتغير روتينهم لما يابوكم ؟!! هذي ضريبت الامومه

استانسوا مع اعيالكم ولاتتذمرون .. انا توقعت بتقولون لعيال قربوكم مع بعض

او غيروكم للاحسن مو للاسوء وبعدين لاتيوبون اعيال ورا بعض بعدين تزففونهم

وتهملون شكلكم وجسمكم اهما مو ذنبهم يتحملون قراراتكم الخاطئه ..

أكيد كل وحدة تتزوج تكون ناطرة متى تحمل ومتى بيكون عندها طفل
وياما بنات مشاكل شكثر صارت لها لأنها ما حملت وتأخرت بالحمال وياما ناس للحين يتمنون ريحة ياهل
بس مو حلوة منج وحدة توها متزوجة ومو مجربه الحمال والولادة والأطفال تكلم إلي إمجربين بهل طريقة
لما ايصير عندج أطفال راح تعذرين البنات على كلامهم
كل تجربة فيها الزين وفيها الشين ومو كل وحدة نفس الثانية تذكري هل شي

 

[! بــدويه وآآيــد !]

،


موضوع رووعه

صار لي سنه متزوجه وخاااايفه اصير ام وما افكر بهالموضوع نهائي واذا تأخرت الدوره يوم يوقف قلبي وانطرها تنزل

مابي استغني عن جسمي مابي استغني عن لبسي وكشختي احس تفكيري سطحي مادري بس خاااايفه من كل شي مو مستعده !

وانا مرتاااحه حيل بحياتي بدون بيبي واذا الله كتب اكيد بشكره واحمده على هالنعمه الكبيره

مششكورهـ ع الموضوع