شلي تغير فيج و بزوجج لما صرتي أم ؟؟؟؟ موضوع للمناقشه

[نبضها نادر]

بالنسبه لي أول شي تغير اهتمامي صار كله لولدي ووقتي كله له وحسيت اني مقصره حيل بحق زوجي
والنوم ماقمت أنام نفس قبل والطلعات مو نفس قبل تمشي ووناسه بأي وقت لو حتى آخر الليل أو الصبح
وماأحس عندي وقت فرااغ أبد أبد يعني يادوب اذا نام أشتغل ببيتي وأنظفه
وهو صار وقته كله برا البيت واذا جاء بينام ينام بالدوانيه يقول الولد يزعجني بالليل
ماصار يدلعني نفس قبل يمكن لاني لاهيه عنه
يمكن هذا كله لان الوضع جديد علينا ان شاء الله نتسنع مع الايام

 

[بربيره]

بنات ذكرتوني بمعاناتي مع بنتي اول الشهور يبوووووويييي نومتها تعذيييب ما تنام ما تنام ما تنام

و المشكله شنو ريلي نومه ثقيييل و انا عكسه نومي خفيف فلما كنت انومها وياي كنت اقعد كل ساعتين او ٣ بس فتره و عدت يعني صار عمرها ٥ شهور

ارتحت من سالفة النومه حييييل اصلا مرات ابجي لان اتعب اتعب اتعب كنت اقول ليش بنتي جذي شريره بس لما صار عمرها ٦ شهور صارت بعيني ملاك

انا يمكن ظروفي اصعب منكم كلكم و السبب

دراستي بالجامعه و تخصصي صعب . ما عندي خدامه يعني بنتي اجابلها بروحي . وهم ساكنه بشقه بس المكان راهي و هم كنت صغيره عمري ٢٠ سنه

الناس كاناو يستغربون لان نفسيتي مع بنتي دايما حلوه و كلا ادلعهاااا عمري ما زفيتها

بس الحق ينقال اذا كان التعب ٣٪ فالوناسه و الراحه النفسيه بعد البيبي مو طبيعييييه والله حيل حيل حيل احس ان حياتنا احلا لما يبت بنتي

ما ادري اذا بس انا جذي بس احس صج العيال زينة الحياة الله يحفظهم من كل شر و يرزق كل محرومه يارب

 

[مضاويـ]

واي خرعتوووني مع اني احب اليهال و همن تخصصي هندسه و يبيلها مجابل و عمري 18 سنه
مادري شسوي بعمري انا للحين ملجه بس

و اهوا اكبر مني ب 6 سنين يعني ناضج انه يربي و يتحمل مسؤوليه بس انا توني ياهل

و اخاف بتفكيري اصير انانيه

 

[د. فاطمة]

أنا تزوجت بعمر 17 سنة
وجبت ولدي على عمر 18 سنة ونص كذا
وأنا ادرس طب وحالتي حالة

بس للأمانة
الأطفال زينة الحياااااااة الدنيا
يجيبون الخير والبركة
وهم وناسة الدنياااا وضحكتهم تسوى الدنيا ومافيها والله
ماأقول تربيتهم ومسؤوليتهم حييييل صعبة ويبي لهم مجابل
بس والله انه حلووووو
والحياة ماتحلى بدونهم
عني أنا لما نسافر عادي
مرات مع ولدي ومرات بدونه
السفرات الطويلة زي تايلند فرضا
أخليه عند أمي وخالتي هذي تاخده شوي وهذي تاخذه شوي
ومنها أنا وزوجي نجدد حياتنا ونروح معيش شهر عسسسل من جديد
أما السفرات القصيرة للكويت لدبي ناخذه نونسه معانا
ونطلع ونتمشى عادي
أكيد بنات الحياة بتتغير شي طبيعي
بس لاتناظرون دائما السلبيات
ناظروا الايجابيات وخلوا الحياة تكون متفائلة
أنا الحين شقة كبيرة وولد وزوج ودراسة صعععبة
وبحالي وبغرربة ماعندي أحد
وجسمي اختررب مب زي اول
وكشختي قللللللللت واااااااااجد وااااااااجد
بس هذا كله مننا
بس شنسوي هذي الحياة
مافيه شي يجي بالسهل
ولو نرتب وقتنا وأمورنا ونتاقلم مع حياتنا الجديدة نصير أحسن من قبل :rerrerek:

وكلها سهالات من ربي
ابتسمو تبتسم لكم الحياة​

 

[تبطي عظم!]

للحين انا بالنفاس

وبجر

لي عوده لموضوعج لي طلعت من الاربعين

 

[بربيره]

تبطي عظم الله يسهل عليج هالمرحله شوي صعبه خاصة مع نومة البيبي و جذي

لا يوقف ~

 

[اميره1980]

للحين ما جبت عيال و ان شاء الله ربي يرزقني بعد ما اضعف
قولو ياااااااااااااااااااااااااااا رب

 

[ديانا سبنسر]

صرنا 3 بال اثنين

 

[صمت المرافئ]

بنات ليش ردودكم يغلب عليها اليأس ؟؟؟ :eh_s(1):
بالنسبة لي ... لان قلبي <<< كان قاسي
وصرت حنونة ... يمكن لأني أرضع عيالي
وصرت غالية عند ريلي
وشنو بعد ... :eh_s(10):
اي ضعفت زيادة أصلا كنت نحيفة
بس الرضاعة خلتني هيكل عظمي
وبالنسبة لريلي زاد احساسة بالمسئولية
وصار حنون أكثر
ربي يرزق كل محرومة بالضنا الصالح
:eh_s(17): اللهم آمين :eh_s(17):
​

 

[متوترة]

بس احمل واصير ام بقولج شنو الي تغير
الله يرزقني ويرزق كل المحرومات يارب

 

[بربيره]

الله يرزق كل محرومه يا رب

 

[توتا الكتكوته]

استغفرالله

 

[ايمان80]

الوضع صار احلا كوني خذيت لقب ام
واهو ابو
خاصة بعد حرمان خمس سنين

لكن اللي يطفشني ويخليني عصبية حرصة الزايد علي بنته
مدخل نفسه بكل شي حتي لما اسبحها لاتحطين شامبو وايد لاتحطين بودر لاتحطين عطر
يحسسني اني ياهل اربي ياهل

 

[بربيره]

توتا تعليقج شنو موقعه من الاعراب لووول يلا استغفر الله العظيم من كل ذنب عظيم

 

[بربيره]

ايمان انا كنت اعاني من نفس المشكله بس عقبها اتضحت الصوره و صرت انا المسؤوله عن كل كبيره و صغيره تخص بنوتي و بو الشباب ثاني مسؤول عنها

 

[مارشميلو..]

ماتغير شي بس احلويت زياااده ههههههههه
ماامزح
الحمدلله مستانسه اني جبت بيبي والف حمد وشكر لك يارب
مسؤوليه بس حلوه احلى من اني اكون محرومه من احلى شعور بالدنيا
كل يوم في شي جديد في حركه جديده يسوياه البيبي يعني شي حلووو
اتمنى كلكم تجربونه

 

[ام خدود ورديه]

الله يرزق كل محرومه ياارب

الانسان بطبيعته يكره التغيير ويحاول يقاومه
مو شرط كل تغيير يكون سلبي بالعكس البيبي على تفكيرج انتي انتي اذا قلتي انا تعبانه وانا ونا راح تتعبين اما اذا قلتي الحمدالله عندي ياهل باجر يكبر بيسليني بيزورني بيبر فيني بشوف عياله نفسيتج تتغير اليهال زينة الدنيا

انا شهرين وحملت تقريبا صج بحمالي كنت اتحلطم وقلت جان زين لو ناطره سنه وصح هذا الاحسن انج تنطرين سنه بس الحمدالله على نعمة ربي اللهم لا اعتراض بنوتي توها كملت 5 اشهر بعض المرات ابجي من التعب اذا حنت ولا ارتفعت حرارتها بس والله يابنات من تبتسم ولا تظحك انسى كل شي وكل شهر اوله عليها بالشهر اللي قبله يعني كل فتره من عمرها افقدها ولمن اشوف صورتها واهيا بالنفاس عيوني اتدمع احس اني ماشبعت منها الله يخليها لي يارب

 

[نـور الكويت]

بالعكس الامومه حلوه وتهبل الحمدالله يكفي انه الياهل يلهيج بالبيت بروحج

وتونسين عمرج معاه ياحلوه فديته وبالعكس صارت الامور احسن من قبل ..

صج قبل تاخذين راحتج يالطلعات يعني لي ساعه 2 او 3 بالليل وروحات وجايات

بس والله اللحين احسن حتى بروحاات عسى الله يحفظهم ويهديهم ...

 

[نـور الكويت]

يارب في هالليله المباركه ترزق كل محروووم ومحرومه يارب العالمين ..

ياذا الجلال والاكرام عسى الله يفرحهم ياقادر ياكريم ..

 

[++MesK++]

بعض الردود حيل سطحيه و سخيفه


من قريت العنوان قلت بدخل اشوف ردود تفتح النفس بس للاسف!


بالنسبه لي احلا شي بالدنيا عيالي الله يحفظهم

من صرت ام صرت حنونه و عاطفيه حيل

و اتحمل المسؤليه بشكل اكبر

وبالنسبه لزوجي الحمدلله ماعمره تضايق منهم و يخاف عليهم اكثر من روحه

اهما شمعة الحياة

و فعلا" المال و البنون (زينة الحياة الدنيا )

و بالنسبه للي يقولون الجسم اخترب .. هذا منكم مو من الحمل

الحمدلله عندي عيال ما اشوف اني صرت هيلقيه و عمري صار جني 40 على قولتكم !

بالعكس اصلا" صرت اهتم بالازياء و الموضه اكثر من اول


شنو علاقة اليهال بالاهتمام بالنفس !

اشدعوه عيالكم ما يروحون مدارس ؟ ما ينامون؟ ما يروحون النادي؟؟ يعني انتو مجابلينهم 24 ساعه لدرجة انكم ما عندكم وقت فراغ للاهتمام بأجسامكم و اناقتكم !!!


اسمحولي لا تقطون اعذاركم و حججكم على اليهال

لان اللي تحب تهتم بأناقتها و جمالها راح تحتفظ على هالشي حتى لو عندها 5 توائم

استغربت منكم اللي تقول؛ لبسي صار يفشل و اللي تقول عمري صار جني40 سنه و اللي تقول متنت


عندج نادي عندج الممشى .. كلش كلش اشتري جهاز المشي و امشي عليه بالبيت

الصالونات اييون لي البيت كل شي يسوون

السوق متروس ملابس سنعه


بصراحه ضحكتوني عيل حريم اول شلون؟ اللي كانو اييبون 12 و 13 ياهل !


انتو 2 و 3 و صرتو جذي


الله يعيييييييين ؛)​