تسلمون يا الغالين على اهتمامكم وشعوركم اللي والله وايد مأثر فيني وصحيح اللي قلتوه عدل بس انا حاليا ابي اتشافا وبعدها لكل حادث حديث ان شاء الله,انا طبعا ابيكم تعذروني لاني ما اقدر اشكر كل وحده باسمها او ارد على الرسايل بالخاص لاني والله لي الحين تعبانه وكل ما شبكت ياني هبوط عقب ما اكتبلي جم كلمه واصك الجهاز وانسدح,, المهم ابي اكملكم عن حالتي عشان اكيد ابي اكتب النتايج بالضبط لكم وبقولكم جم شال مني وكل شي ان شاء الله ,ثاني يوم الحمدلله كنت افضل وقالولي السسترات ان بس يخلص جيس الدم اللي مركبينه لج بنشيل بربيش البول وانتوا بكرامه علشان يبوني اتحرك شوي طبعا خلص وشالوا البربيش وعقبها قوموني عشان اروح الحمام علساس اتحرك وهم يبون يغسلوني يعني ويهي وايدي والاباط واتمضمض واغير هدوم العمليه ودشت وياي سستر وسوينا كل شي طبعا اللي شفته بالمنظره منطقه الصدر اللي ظاهره بس كان لونها احمر وبقعه كبيره لانه شافط من الظهر و مو مبين باجي الجسم بس متفخ كل مكان ويعورني اول ما طلعت الا الدكتور ياي , امي كانت رايحه اتصلي الظهر بالمصلى مال المستشفى ,جان اقوله تعال ليش سويت فيني جذي؟؟؟؟؟؟؟ جان يقولي انا ماحب لمن اكون مسوي شغل مضبوط تكون المريضه مو عاجها وتتذمر قلتله بس انت ما قلت ان كل هذا بيصير وبحتاج نقل دم جان يقول انا شايل منج 10 كيلو و400 اتوقع او 700 ما اذكرنسيت بالضبط شقال ,هذي كميه كبيره ومن غير هالجهاز مستحيل كنت اشيل منج الكميه هذي وهم لو سنج اكبر ما كان يصير اشيل هالكثر وبعدين قلتله ليش 6 ساعات العمليه جان يقول لان انا مو طول الوقت قاعد اشتغل انا قعد احقن جسمج بمواد اخليها اتفاعل نص ساعه وبعدين احط الجهاز واذوب الدهن واشفط وانتي ترى كنتي مسدوحه بالبرد طول هالمده فاكيد بتتعبين المهم ماكو شي ما عنده رد عليه وطبعا كالعاده مستعيل قلتله لحظه امي تبي تشوفك جان يقول لا انا بروح مابيها تشوفني خايف منها لووول يدري شمصخم ,وقالي ان الغرز اشيلهم لج الاحد الياي بالعياده وهم قال اذا تبين امشي اليوم من المستشفى الاخ بيبين انه عند كلمته بس انا شطلع اصلا امي مو راضيه اطلع وانا بهالحاله , اي وقالي مري وانتي طالعه اخذي من ملفج صوره حق اللي طلع منج ,المهم مشى وامي ما ردت مسيجينه تروكع واطلبلي الله يشافيني لاني يا بنات والله العظيم لمن اليوم نفسيتي حشاكم زفت فجأه اقعد ابجي مو من الالم الالم يهون بس لبسه هالكورسيه تييب القمته وبعدين انا اقعد افكر انا شسويت بعمري؟؟ لان الحين ماسوي شي الا احد يمسكني ويعاظدني ,اي طبعا الكورسيه قالي لا ما ينفعش تألعيه خالص لان جذي يخترب الشغل لاني اصلا اول ليله بالليل بطلته من جدام اختنقت وانا نايمه ما عبرت ,وهم انتوا بكراه وصاخه يعني بروح الحمام فيه والفتحه اللي اقضي حاجتي منها صغيره حتى مكان التبرز ونتوا بكرام ماله فتحه خليت السستر اتقصلي الكورسيه لي فوق شوي اصلا اول مره بقضي حاجتي والله العظيم قعدت ابجي بالحمام وتقولي السستر ليش تبجين شفيج ما تدري اني مو هاينه علي نفسي احد يغسلني لان ماطول جسمي ما يطاوعني اتحرك وكل ايدي ابر يمين ويسار واصلا اهلي حدهم متفاجئين بحالتي وكاسره خاطرهم بس زياره الاهل تخفف شوي عن المريض طبعا,طبعا كل ساعه كانوا اييون يجيكون على الحراره والضغط والنبظات انا كانت الحراره ترتفع عندي شوي والدقات مو منتظمه يقولون سريعه بس يقولون من قبل العمليه انتي جذي كانت ضربات قلبج ,فيابولي دكتور قلب من المستشفى وقام يتابع حالتي والحرار يحطولي درب ينزلها والضغط الحمدلله كان زين بس كان يصير فيني هبوط ولا زال طبعا من قله الاكل لاني ما اكل صايره اول مالي نفس ثانيا الكورسيه ضيج وطبعا ليله ثاني يوم كانت شاقه ما نمت الا بمنوم لاني من طلعوا اهلي حسيت اني قاعده بقبر والله العظيم حسيت اني بنتحر لو ما قمت اذكر الله واقرى على عمري ولبست شي يسترني ورحت امشي مع الممرضه بالممر عرفت شعور اللي يسوونلهم عمليات في برنامج سوان شعور الكآبه ,"كل طراق بتعلوم"هذا المثل اللي ينطبق على وضعي طبعا مر علي بالليل دكتور المستشفى وقالي ان حالتج ما تصير لكل اللي يسوون هالعمليه الغالبيه يطلعون بالكثير ثاني يوم حالتج تصير ما بين كل 4 او 5 حالات..:bbbiu:
