شفط الدهون بتقنيه الvaser

[ام الجميل ناصر]

salsa
حياتي بأذن الله تقومين بالسلامة
وربي يردك لنا سالمة رشيقة بصحة وعافية
استودعتك ربي

 

[صدى الأفراح]

انتي عمليتك نفس عمليه نفنوف؟؟؟؟؟؟ بس فيها ألم كبير عمليتها عحسب ماذكرت ؟؟؟؟ ااااااخ انا اللي رح عيش عأعصابي لحتى تخلصي والله

 

[الفرح والدلال لي]

الله يقومج بالسلامة حبيبتي
قلبي معاج
انا بعد مفكرة اسوي شفط وشد لان جسني واايد مترهل لاني مسويه عملية تحويل مسار وكان وزني 117 والحين 58 ماشاءالله

 

[salsa]

مشكوره يا ام الجميل ناصر تسلمين ما قصرتي ,صدى الافراح بعد عمري والله اهتمامج يسعدني وانا والله صج ودي افيدج بكل خطوه ,طبعا انا عمليتي تختلف عن عمليه نفنوف اهو تقنيه مختلفه حتى النتايخ فيها اختلاف بعد لان الشفط اللي اهي سوته ما يأثر على الوزن يعني ما يشيل من وزن الدهون بس يضبط الشكل يمكن يفرق بالسانتيات بس انا الجهاز اللي بيستخدمه الدكتور يتشابه مع جهاز الليزر بانه يدخل ابره بس ابره جهاز الليزر اضعف والابره اطلع اشعاعات اتذوب الدهون بس انا الجهاز اللي بيستخدمه يذوب دهون اكثر لان الابره اكبر واتوقع انها ادش بمنطقه اعمق فتذوب كميه لها وزن بالكيلوات من الدهون يعني ينزل سائل مثل عمليه الشفط العاديه بالنتيجه وقالي الدكتور ان الابره اللي ادخلها جسمج مالت الجهاز ما ارد استخدهها تنقط من جذي السعر غالي ..

 

[AFRoDiT]

حياتي انتي .. أأخخخ هـ الي يتطنز انشالله يصادفج وانتي بقمة الرشاقه ويمووووووووووووووووووت قهرررررررررررررر

حبيبتي والله موناسينج
الله يسهل عليج انشالله و ترتاحين .. ودام الليله مدفوعه ارتاحي حبيبتي احسنلج وردي البيت ثاني يوم
دام امج واختج يدرون هذا كافي محد بيلاحظ انج مو بالبيت وانشالله بيرقعولج اذا احد سأل عنج

انزين طرا على بالي سؤال,, الدهون الي راح تذوب وين ترووووح؟؟؟

 

[salsa]

افروديت حبيبه قلبي انتي تسلمين لالااحنا مفهمين اللي بالبيت اني بسوي عمليه كيس دهن لووول مصغره العمليه لوووووووووووووووووول ميخالف جذبه بيضه وهم بعد انا صاجه بشيل دهن من جسمي.. المهم اقولج الدهن الدكتور بيسحبه ولمن اقعد بيورينياه لان من قبل موريني صوره دهون شافطهم من وحده وحاطهم بقراش زجاج كان شافط منها 10 كيلو, يعني بالضبط نفس عمليه شفط الدهون بالنتيجه مع اختلاف طريقه تذويب الدهن ,انا ودي اشرح الوضع اكثر لان لاحظت ان صاير لبس
طبعا بشرح اول طريقه الشفط العادي يكون عن طريق بايب ضعيف فيه راس مدبب بطريقه لمن يدخل الدكتور هالبايب ويحركه تحت منطقه الجلد عن طريق فتحه تتكسر الخلايا الدهنيه وطبعا خطوره هالطريقه ان هالبايب لمن يتحرك ويكسر الخلايا فاهو يكسر الخلايل الدهنيه معاه الشعيرات الدمويه فمن جذي هالعمليه يصاحبها دم فتلاقين الانسان ينزل مع الدهن ماله دم وساعات لا سمح الله يصير نزيف ويقل الهيموقلوبين بالدم اللي يخلي الانسان يدش مرحله الخطر ويطرون ينقلونله دم وساعات الله يكفينا الشر يسبب الوفاه من جذي يعتبر الشفط بهالاسلوب خطر بس هالحاله نادره طبعا .
وبعدين طبعا عقب ما تتكسر الدهون يشفطها الدكتور بجهاز شفط عادي وانا ما راح اسوي هالطريقه واللي اهي الطريقه القديمه
انا الله يسلمكم الطريقه اللي بسويها بدون جراحه يعني ما فيها فتحه ايدش منها بايب ودمامين
انا بسوي تذويب للدهون بجهاز اسمه vaserالجهاز عباره عن ابره قطرها شوي متين ايدخلها الدكتور تحت الجلد واطلع اشعاع يفتت الخلايا الدهنيه بالاشعاع يحوله سائل يعني وبعدين اييب جهاز الشفط ومن مكان الابره يسحب الدهن "طبعا جهاز الفيز يميز بين الخليه الدهنيه والخليه الغير دهنيه فتأثيره يكون بس على الخلايا الدهنيه "وهذي ميزته انه آمن ما يأثر على الشعيرات الدمويه وما يصاحب العمليه دم..
اتمنى يكون الشرح وافي

 

[AFRoDiT]

ياربييييييي .. ماقلتيلنا الساعه جم عمليتج

حبيبتي ريب يسهل عليج
ويطرح الخير والعافيه على ايد هـ الدكتور

 

[jolie_q8]

المفروض اليوم عمليتج .. مادري شصار عليج

الله يقومج بالسلامه يارب وتنجح العمليه

 

[كرسبي كريم]

انشاء الله تقومين بالسلامه يارب
وتنجح العمليه
بس طمنينا عليج

 

[غمازتين وشامه]

بنات مافي اخبار عن سالسا؟
قلبي معاها وانا على نااااااااار
والله اني ادعيلها ليل نهار واحاتيها
تكفووون عطوني الاخبار الزينه اللي تفرح القلب
الله يقومها بالسلاااامه ياااااااااااااااااااااارب

 

[شوكلاتة سويسرية]

اللة وياك
وان شاللة تقومين بالسلامة وينول مرادك
>>ولاتنسين التفاصيل لاني بسويها بعد من خلال وصف بطنك شكلة مثل بطني بس انا مو كبير من فوق بالعكس خصر نحيف بس نهاية البطن شكلة مقرف ومترهل ونازل على تحت ولازم لة حل
وطبعا الريجيم ماينفع فية
عشان كذا عطيتيني الحل اللة يقومك بالسلامة وييسر امرك
>>ننتظرك بفارغ الصبر

 

[مبرقعة coool]

الله يقومج بالسلامة آآآآآآآآآآآآآآمين

 

[صدى الأفراح]

ياااااااااربي مافي حدا بس يطمنا عنها ؟؟؟؟ قلبي متل النار عليها الله يسامحك كان لازم تخلينا نطمن عليكي يارب تكوني بخيييييييييير يارب يلاااااا تعااااااااااااااالي

 

[سدرة السدر]

يارب تقوم بالسلامه وترد للبيت سالمه متعافيه يارب

 

[حـــ شمر ـــلا]

الله يقومج بالسلامه يقلبي وانا بصراحه من شفت الموضوع استانست لان بخاطري اسوي حق صدري بس مادري اذا يصير ولا لاااااااااا ماتشوفين شر ناطرين الاخبار بعد العمليه وان شاء الله تحصلين النتيجه اللي ترضيج
متابعه​

 

[AFRoDiT]

يمكن هي محتاجه راحه

هي امس عمليتها وبتنام ليله بالمستشفى
يعني اليوم تطلع
خلوها ترتاح شوي
بعدين نبلش حنه واسئله لووووووووووول

تقوم بالسلامه انشالله
وربي يسها عليها

 

[دراما كوين]

وي حبيببتي الله قومج بالسلامه ان شاء الله

ونصيحه دامج مو متزوجه لا تسوين شددد ,, خوفج ان شاء الله اذا تزوجتي وحملتي يرد يخترب جسمج



الا بسالج ما سالتي الدكتور اذا حملتي ووولدتي شنو بيصير بجسمج؟؟؟؟؟؟؟؟؟

زين حبيببتي بسالج البنج عام والا موضعي ؟؟؟؟؟؟؟؟؟؟؟

ياربي البنج العام يخوووف :0bee2e8d89: وله اضرار ومضاعفات


000000000000000000000000000000


وهالدكتور جنه مايمدحونه يقولون استغلالي مايندلاى والله
الله يقومج بالسلامه وبانتظار النتائج

 

[حـــ شمر ـــلا]

رفع​

 

[ii DareeN ii]

سلامات مقدما مادري شصار عليج قاعدين نحاتيج من غير شر

 

[غمازتين وشامه]

للرفع