شفط الدهون بتقنيه الvaser

[jolie_q8]

الله يقومها بالسلامه وانا احاتيها ..

 

[غمازتين وشامه]

للرفع
للرفع
للرفع

 

[غمازتين وشامه]

بناات طمنونا على سالسلا واللي يعافيكم

 

[الوتين]

ان شاء الله تقووومين من العملية بالسلامة يالغلا
أجر وعاااافيه يارب

نتحرى النتايج الطيبة ان شاء الله

 

[salsa]

السلام عليكم كلكم حبيباتي اللي سألتوا عني ودعيتولي اشكركم شكر حار والله مادري شكتب بس والله اني مقدره شعور الكل وسؤال الكل بدون ذكر للاسماء لان اذا بخص كل اللي سئلوا ما راح اقولكم شصار علي وعلى العمليه ..تحياتي وتقديري وحبي للجميع

 

[salsa]

مادري من وين ابتدي بس انا قبل3 ساعات طلعت من المستشفى والحمدلله الف الحمدلله رب العالمين انه قومني بالسلامه,بنات عفيه ابي موضوع عمليتي يكون لكم مرجع وعضه وعبره ,ترى العمر مورخيص ,انا طبعا يوم الاحد الفير بعد صلاه الفير لبست هدومي والشمس ما طلعت وسقت سيارتي ورحت المستشفى وانا مبلغه الوالده طبعا بس الباجي على اساس ان عمليه جيس دهن المهم وصلت مستشفى السلام بال 6 ونص علساس عمليتي ب 8 ونص فكنت واصله قبل الاستقبال ملوت المستشفى طبعا خذت بياناتي وبيانات الشخص اللي يكلمونه اذا صارلي شي ودفعتني 300 دينار على اساس اذا العمليه ساعتين بتاخذ 200 واذا العمليه اكثر بتاخذ 300 هذا سعر العمليه بالمستشفى هذا غير الاقامه الل اهي 79 دينار الليله بارخص غرفه غير مصاريف العلاج واذا ما راح ابات تنحسب الغرفه ب20 دينار المهم هذا كله وانا تحت دزتني الموضفه مع هندي لمن الدور اللي فيه الغرفه مالتي عشان اتجهز للعمليه اول ما رحت خذوا وزني ولا تخيلوا جم؟؟؟؟ 111مادري صج مادري جذب لان الدكتور لمن قست بعيادته كان الوزن 97 منو الجذاب ما ندري المهم رحت الغرفه وقاموا يزهبوني عطوني لبس وحطولي وصله درب وخلوني انطر الدكتور لمن يوصل وانا بهالوقت فاتحه القرآن اقرى خايفه بس يعني مو وايد لان ادري انها مو عمليه عمليه ومو بنج عميق المهم يتني دكتوره التخدير وسئلتني اسئله اللي اهي عمري اذا عندي حساسيه من اي دوا عندي ضروس تركيب او لا لابسه عدسات او لا عندي اي مرض او مسويه اي عمليه من قبل طبعا هالاسئله كل السسترات سئلونياها لانها مهمه وبعدين على ال 8 ونص او قبل شوي يا الدكتور قالي قومي ورسم على جسمي بالضبط وين بيشفط طبعا بمناطق الظهر والبطن والفخوذ جزئ بسيط وصور الاماكن مع اني لمن وقعت الاقرار بالعياده كتبت اني مابي تصوير بس يقول لازم عشان انا بالعمليه يبين وياي وين بشفط وحرام بس صور المناطق اللي علم عليها ,المهم يابولي سرير وسدحوني وودوني غرفه العمليات طبعا اول مره بحياتي اسوي عمليه وعطوني حبوب تهدئه وهم ابره مهدئه وبغرفه التخدير عطوني ابره تقريبا خلتني دايخه حدي على ما يا الدكتور قلتله شفيك مو لابس ابيض كان لابس لون غامج قلتله بتضعف عمرك يعني بس قلت هالكلمتين ما وعيت الا سسترات على راسي يطقطقون ويهي ويقرقون فوق راسي ويقعدوني وانا اصرخ اقولهم بزوع وانتوا بكرامه وقاعده اصرخ شوي لاني انا لمن ابي ارجع عادتا اصرخ شوي جان يقولولي لا تصرخين في ناس يمج تسوي عمليات هذا بغرفه الافاقه طبعا المهم قلتلهم ودوني الغرفه ودوني وانا ما ادري شانا فيه وشصايرلي طبعا كانوا ملبسيني الكورسيهههههههههههههههههههههه اه يا الكورسيه الالم المستمر المهم توني داشه الغرفه ولا اهلي داشين علي طبعا تخيلوا متى خلصت العمليه؟؟؟؟؟؟؟ ودي اسوي مسابقه على عدد الساعات والله صدمه تخيلوا عمليتي مدتها 6 ساعات الساعه تقريبا 3 العصر خلصت وامي مسكينه حسبالها مت طبعا انا من عقب العمليه صارت فيني صدمه لان ولا شي من اللي توقعته وفهمنياه الدكتور تطبق طبعا كان مستحيل اني اطلع من المستشفى لان جسمي وارم ويحرقني ويذبحني ومن السرير ماقدر اتحرك حاطيلي وانتوا بكرامه بربيش للبول وطبعا فقدت دم بالعمليه وايد لي درجه طلبولي نقل دم من بنك الدم حالتي ما تسر لا عدو ولا حبيب كل هذا والمصيبه ان في ناس من اهلي المقربين قايليلهم جيس دهن لووول:nocommint:

 

[salsa]

طبعا نقلولي دم غير لدربات غير الترجيع من البنج كل هذا وطلعت نبضات القلب مو منتظمه وحالتي كسيفه والله طبعا حركه ماكو والم وحرقه بالاماكن اللي مو مغطيها الكورسيه وارمه وتحرقني طيعا الكورسيه من الصدر لي اخر لفخوذ بس ومن الحده لمن قبل فتحه الشرج مبطل طبعا الهمكان صاير بلوووووووووووووونه والله العظيم ووالام جني محترقه, وريلي من الركبه لي الاصابع لافينها في باندج قوي يذبح عشان ما يصير تجلطات ما فتحوه الا امس طبعا ,ويهي كان عادي بس ثاني يوم انتفخ انا كل هذا ترى شنو تفاصيل العمليه شصار مادري وشتو تحت الكورسيه هم مادري بس جسمي ينزل دم من لجرووووووووح!!!!!يعني تحتي لغيار فيه دم والطبيب ما شفت رقعه ويهه الا ثاني يوم الصبح وكان يمر علي دكتور من المستشفى للامانه المستشفى عنايتهم ممتازه والسسترات يهبلون وايد خدمتهم زينه والاكل كله كان من دايت كير بس هذا اذا انا لي نفس اكل

 

[jolie_q8]

لا اله الا الله

الحمدلله على سلامتج .. وكلنا قلبنا معاج ..

بس... انزين شلون يعني !! وشقالح الطبيب؟

متى يخف الورم ؟ ومتى المفروض تبين النتيجه !!

الله يعينج ويرفع عنج الضر ويخليج لأهلج

 

[Miss Moma]

ألف الحمدالله على سلامتج حبيبتيي و إن شاء الله هذا العوار كله بيروح ويخف لا تحاتيييين كلنا قلبنا معالج
واذا على الاهل مو مهم الزم ماعليج صحتج وبشرينا عنج لا تقاطعيين

 

[جاكليت]

يعطيج العافيه

 

[كرسبي كريم]

الحمدلله علي سلامتج اجر وعافيه يارب
والله قمنا نحاتي لا يكون صار فيج شئ لا سمح الله
اشوه انج ظمنتينا عليج الحمدلله

 

[الجوري90909090]

حمد اللة علي السلامة؟ شنو تنصحين؟عملية او لا؟لأني عن قريب ابي اسوي العملية

 

[Q8stylle]

يعطيج العافيه

 

[Dancing^Queen]

الف الحمدالله علي السلامه حبيبتي

هذا ماسوالج شفط فيسير
هذا سوالج شفط عادي!!!!!!! ومو سهل بعد! شدعوا عليهم!

 

[منوله كويتيه]

الحمد لله على سلامتج ومااااااااااتشوفين شر

انا كنت اتابع بصمت بس عورتي قلبي على اللي صار فيج

ان شاء الله كلها ايام ويهدا الألم وتستانسين بالنتيجه

خليج قوووووويه_03ba:

 

[عسولة بدوية]

كثر ما فرحت بسهولة العملية كثر ما اخترعت من النتيجة اللة يسهلج وتكون الام وقتية وتطلع النتيجة حلوة

 

[صدى الأفراح]

تقبري قلبي يارب ألف ألف الحمد الله عسلامتك والله دمعت عيوني عاللي حكيتيه بس معلش تحملي الله يعينك صحتك بالدنيا ما بتسوى لحظه وجع وألم طيب لييييييييييييش هالوجع ليييييش من البدايه ماشرحلك انو العمليه هيك؟؟؟؟؟ طيب وانتي هلأ عادي بتمشي ؟ بتاكلي؟ مشان الله طمنيني عليكي يعني العمليه جروح ؟؟؟؟ مو عأساس فتحه بدخل منها بربيج؟مو الشفط اللي اسمو ليزر من تحت الجلد؟؟؟؟ الله يوقف معك يارب ويخفف وجعك ويارب تكون مجرد الاااااام وبعدها تكون النتيجه رووووعه معلش تحملي بتصدقي انا عم استخدم زين الأتات لأول مره استخدمها نزلت باسبوع 5 كيلو والحمد الله انبهرت بالنتيجه ماعاد بدي اعمل متلك ماعاد فكر بهيك شي دكتورك سامح صادق؟؟؟

 

[ii DareeN ii]

حسبي الله عليه صج مثل ماقالت كوين مسويلج عادي حرام عليه يسوي شي ويقول شي

 

[salsa]

قوه بنات شلونكم سامحوني ترى انا توني طالعه من المستشفى وتعبت امس وما قدرت اكملكم والله قاعده اقعد غصب بس عشان خاطر عيون كل اللي سئلوا عني ودعولي وقاموا يحاتون انتوا خواتي واكثر والله ,والله انا ابي اكملكم شصار وياي يوم بيوم وابي اكون امينه بنقل الموضوع عشان تستفيدون فتابعوني وان شاء الله كل اللي تسئلونه راح تلقون اجابته ..

 

[salsa]

ابي اكملكم عن اول يوم طبعا مثل ما بينت اني كنت مصدومه من حالتي بعد العمليه وامي مسكينه حالتها حاله وعلى المغرب نقلولي جيس دم وقالوا حق اهلي تحتاج زياده دم روحوا تبرعولها في بنك الدم عشان ننقله لهاونقلولي الدم الثاني الفير طبعا ايدي الثانيه عليها درب كل شوي يركبون عليه شي مره مسكن مره دوا ترجيع مره انتي بايوتك وطبعا الكورسيه وايد كان مضايقني مثل ما اهو الحين مضايقني طبعا ياني دكتور من المستشفى اول يوم عشان يطمني على حالتي بالليل هذا بالنسبه لاول يوم..