شركات التغذيه منو احسن فيهم وجم نزلنى (الجزء الثانى وبالصور)

[فنار الكويت]

لحد يزفني موقادره امسك نفسي شبس نايس وكتكاااات مادري شفيني يمكن عشان النفسيه واحباط عدم نزولي مع الشركه بس بإذن الله باجر راح ابتدي ١٠٠٠سعره حراريه واليوم بريك من المشي وباجر احتمال اروح اشترك بهيلث كومبني او رابع يوم العيد امرهم اذا فضيت باجر رحت ،،،اخصائيتي ماتبرد الجبد اقولها الشبس جم كالوري ماتدري تقول مكتوب على الجيس اقولها تقريبا جم ماتدري صرت حوله ادور بالجيس مولاقيه شي مكتوب
ماشالله اخصائيتي بهلث تعرف ووايد زينه​

 

[law love]

فنار منو اخصائيتج بهيلث كومبني و اي فرع ؟

 

[فنار الكويت]

منال القلب تروحين وترجعين بالسلامه والله يسهل امورج ادعيلنا موقع شركات التغذيه كلهم يضعفووووووون بصحه وعافيه

 

[فنار الكويت]

حوراء بالمنطقه الحره

 

[فنار الكويت]

تصدقين عنيد اسأل الاخصائيه بكالوري كنترول جم كالوري بسلطة الفواكه تدرين ماتعرف وماقالتلي جم
اخصائيين اي كلام ماتبرد الجبد ويقولولي دارسه بعد سبحان الله يحسبون الزبون غبي​

 

[منال القلب]

فنار: الله يسلمج يارب وتامرين امر حبيبتي انتي...

 

[فلبينية عبدة]

فنار

في انواع تكون مكتوبه عليها وفي انواع لا

 

[فنار الكويت]

فلبينيه انا حتي سألتها جم كالوري بسلطة الفواكه ماجاوبتني وتوهقت

 

[عنيّد]

عــوافــي بنـــآت ..



عنـــيــــد ..




بما أنه عندج خلفية رجيميه ..



شرايج تفيدينا .. وتسوين موضوع .. او بهالموضوع .. تكتبين اللي عرفتيه




لانه بصراحه أنا لما اشوف ردودج .. بعض الردود تكتبين فيها أشياء مفيده




فـ ماعليج أمر .. شرايج بهالاقتراح :d





::




سؤال .. عنيــد



عند د: عبدالله المطوع .. للحين ننطر سنه كامله على مايي دورنا ؟



والدكاتره اللي عنده مواعيدهم مثل د: عبدالله ؟




أنا بصراحه متأزمه نفسيا ً تخيلي ماصدقة يه دوري



لما رحت بكل برود .. قالت لي اللي ع الرسبشن



انه الدكتور غير السكرتيره القديمه



فاللسته القديمه راحت <=== والله طلعت منها مطنقره حدي وخانقتني العبره




ناطره سنه وآخرتها جذي ردهم .. حتى قالت لي اذا تبين اسجل اسمج عند دكتور



غير الدكتور عبدالله .. جان اعصب عليها قلت لها انا ناطره سنه عشان المطوع



مو عشان اسمع هالكلام ​

يعافيج ربي .... ترى استحي :eh_s(22):

حسستيني اني دكتور على غفله

المهم انا حااااضره لأي سؤال عندي علم فيه ، بس ترى كل الي أعرفه كنت احطه أول بأول بمواضيعي مع الدكتور عبدالله المطوع ، تحصلينها من البداية باللنكات الى آخر مراجعه معاه الي هي بهاللنك "رجيمي مع د.عبدالله المطوع (13)"

وعندي موضوع اتوقع انه بيفيدكم لتجربتي مع الرجيم بشكل عام بهاللنك "تجربتي بين ايديكم"

ونفس الموضوع فيه تجارب باقي البنات معانا بالمنتدى ، انشالله بيفيد الكل ^ـ^

 

[منال القلب]

عنيد: الله يسلمج يارب
ويارب حججاكم وحججانا والي انا منهم نرجع بالسلامة ان شالله

 

[فنار الكويت]

صباح الورد رشيقات

ميرسي عنيد على المعلومه مانتحرمش منج
انشالله يااااارب يثبتنا على الرجيم صج صج صج طريج الرشاقه طويييييييييييل والشاطره اللي تصبر وتنتصر بدون عمليات لاني ضدها​

 

[فلبينية عبدة]

ههههههه

زين سويتي فيها

بس مسكينه كسرت خاطري ماقدرت ترد عليج ^__^

والحمدد الله ماتورطت معاهم واشتركت

 

[كويتية82]

عنيييد مبروك النزول والله يعينج على هالشركه الدايخه​

انا امس هببت تعشيت من ماكدونالز وباجر بروح حق الاخصائيه والله يستر​

 

[كويتية82]

منال القلب تروحين وتردين بالسلامه ولاتنسينا من الدعاء








فنووور كله منج عاديتي ككككك حاشني اللي حاشج قمت اخربط بالدايت امس متعشيه وجبه اهيييء اهيييء








عنيد صج اخصائيتج تحر ياعمي شنو هذااا ؟؟ مومن صجها
حسيت ان انا بنعمه والله اخصائيتي بهلث كومباني فاهمه ولو اسألها عن شنو تعطيني الرد دايركت وغير جذي تحسينها متمكنه من مهنتها




فلبينيه انا معاج اشوه ان انا بعد ماتورطت واشتركت واشوه يوم ييت بشترك قالولي مانوصل ككككك​

 

[فنار الكويت]

كويتيه صارلج جم يوم مع هلث اشتراكج متي بيخلص وهل بجددين
سؤال ثاني حاسه ان الاكل يشبع وهل قاعده تنزلين عليهم ترى متابعتكم بس حدي نسايه اعذريني​

 

[فنار الكويت]

بنات المنطقه الحره الساعه وحده الظهر وايد زحمه ولا زحمه عاديه ودي امرهم هالاسبوع بس مالي خلق الزحنه

 

[فنار الكويت]

صباح الخير بنااااات الله يبشرج بالخير على الجو مع ان اليوم مكتوب بالجريده ان اليوم اخر يوم الغبار
هالأسبوع بمشي لأن الأسبوع الياي ماراح اقدر امشي عيد وزحمه على البحر بس شكلي ببلش من رابع يوم العيد مشي الظهر بالشمس حاسه محتاجه الشمس هالأيام مادري ليش ولأن برنامجي فاضي بالعيد الكل مسافر وزحمه بكل مكان ومااقدر اروح مطاعم عشان الرجيم وهم الزحمه البايخه فقررت استرخاااااااااااء تاااااااااااااااااام وحتى مجمعات ماني رايحه الا اذا اروح مساجات او ابر نضاره
على طاري ابر النضاره بنات عندكم فكره عن هالإبر حاسه اني محتاجه حق ويهي احد مجرب مع اني اخاف

 

[فنار الكويت]

عنيد دقي سألي هيلث كومبني السبت موجودين ولا لأ اخاف اجازة عشان وقفة عرفات

 

[عنيّد]

فنار ،، اي والله صح السبت الوقفه ، لا ماظن موجودين
بس عادي باسبوع العيد اكيد موجودين اتوقع الاجازه اول يومين بس ، يعني لو تروحين الاربعا او الخميس موجودين وبنفس الوقت احنا اجازه يعني الطريج ماتوقع زحمه الصبح

 

[منال القلب]

كويتية 82 وعنيد و فنار: الله يسلمكم يارب وتسلمون على الدعوات فديتكم وماقصرتوا..

======

عنيد

واااي حبطتيني عدددل هههههه

بس بيني وبينج زين سويتي احس طلعتي حرتي مالت سالفة البوكس الي كلوه علي ولا يابوه..