=----> ( *تجربتي بين ايديكم*) <----= اانتظروا النتايج

الحالة
مغلق و غير مفتوح للمزيد من الردود.
SeDuCTive

SeDuCTive

New member
إنضم
16 أغسطس 2008
المشاركات
7,084
مستوى التفاعل
0
النقاط
0
الإقامة
In ^My ^DroWned ^World
رد: =----> ( *تجربتي بين ايديكم*) <----=

واااااو يعطيج العافيه سمسوووومه .. فقدتج يالغاليه :hjy5jewf:
صج موضوعج شجعني ..باذن الله لازم اتخلص من هال 10 Kgs بأقرب وقت .. :eh_s(13):
موفقييين بنات .. وان شاءلله كل اللي نزلوا .. يكون نزولهم بصحه وعافيه .. واللي اكتسبوا وزن يكون بصحه وعافيه ..
ويامال العافيه يااااااااااارب

:yaaaaaarb: :yaaaaaarb: :yaaaaaarb: :yaaaaaarb: :yaaaaaarb:
 
شجون الورد

شجون الورد

New member
إنضم
19 نوفمبر 2009
المشاركات
58
مستوى التفاعل
0
النقاط
0
رد: =----> ( *تجربتي بين ايديكم*) <----=

شجعتونا يا بنات
يله ننطركم بسرعة
 
ميني كويتيه

ميني كويتيه

New member
إنضم
23 أبريل 2008
المشاركات
4,721
مستوى التفاعل
0
النقاط
0
الإقامة
داري
رد: =----> ( *تجربتي بين ايديكم*) <----=

ناااطرين بعد ..
بس بنات امانه ماتييكم فتره خلااااص تزهقون من الرجيم وتنهاااارون عالاكل حتى لو مو يواعاا؟؟...
وسؤال ثاني ... انا باقيلي 7 كيلوات واوصل الوزن المثالي ... بس المشكله هال7 مهماا راضين ينزلووون...
تعبت معاااااااااااااهم :(:( ودي ابجي
خل اقولكم نظامي ....
الصبح ما اتريق مااحب
والغدا اناناسه اكلهاا وتفاحه
وعال7 اكل كورن فلكس وحليب خالي الدسم
وعال10 اكل خيار ولبنه
زيييييييين جذي ؟..
لان مو ملاحظه اي تغيير والوزن ثابت فاخاف اكون قاعه اسوي شي غلط وانا ما ادري :(
ايه ونسيت اقولكم .. يوم السبت او اليمعه فري
يعطيكم العاافيه
 
Eng_7asasa

Eng_7asasa

New member
إنضم
22 ديسمبر 2008
المشاركات
3,397
مستوى التفاعل
0
النقاط
0
رد: =----> ( *تجربتي بين ايديكم*) <----=

بنتظار تجارب البنااات الحلوين وينهم
 
سمسميه

سمسميه

**مشرفة قسم الطب والصحة**
إنضم
3 أكتوبر 2004
المشاركات
10,529
مستوى التفاعل
1
النقاط
0
الإقامة
حبيبتي الكويت
رد: =----> ( *تجربتي بين ايديكم*) <----=

سوسو
ويلكم ويلكم حياج الله معانا

ام عفاف
هههههههه اي ليش لا ذكري تجربتج

نور
نفس الاسئله جاوبي عليها تم التعديل حبيبتي :)

بانتظار مشاركاتكم
 
al7anona

al7anona

&#9829; المــراقبـــة العـــامــــه &#9829;
إنضم
29 سبتمبر 2004
المشاركات
5,421
مستوى التفاعل
0
النقاط
0
رد: =----> ( *تجربتي بين ايديكم*) <----=

المسابقة تينننننن فضيعه وناطره تجارررررررررررررررررررب البناااااااااات
:):):):):)

يعطيج العافيه سمسميه على هالافكار الحلوة
 
سارونه87

سارونه87

**مشرفة قسم الموبايل**
إنضم
9 مايو 2008
المشاركات
14,541
مستوى التفاعل
0
النقاط
0
العمر
38
الإقامة
وطــن عمــري الكــويت
رد: =----> ( *تجربتي بين ايديكم*) <----=


السلام عليكم ورحمة الله وبركاته :)
شلونكم شخباركم
الله يعطيهم الف عافيه مشرفات قسم السمنه
سمسميه وشيوخه على المسابقات الحلوة اللي بالقسم وبصراحه تعطي الواحد دافع انه يستمر بالرجيم,,
بما اني رقم 1 قلت بحط تجربتي اول وحده لكم ,,


الرقم:1
الاسم : سارونه87
الوزن سابقا : 97.2
الوزن الحالي : 84.9


1- الوزن قبل الرجيم مع التدعيم بالصور للشكل والملابس ان امكن
وزني قبل الرجيم كاااااان 97 :(
حيل حيل انصدمت ان وزني وصل للمرحله هذي,طبعا هالوزن كان بتاريخ 28-9-2009
وهذي صورة ملابسي قبل لا اسوي رجيم :(

2- وصف لمشاعرج وصحتج قبل الرجيم مع التدعيم بالصور ان امكن
مممممممم قبل لما كان وزني حيل زايد عندي مشاكل بالهرمونات دورتي مو منتظمه وشوي يصير
فيني سكر يعني ماتسوى علي هالمتن يسوي فيني كل هالامراض

3-ذكر تاريخج المرضي ان وجد وهل السمنه عامل وراثي بالعائله؟
الحمدلله مافيني امراض الا هرموناتي متخربطه وهالشي شبه وراثي بعايلتنا بس من يسوون رجيم او يتزوجون يرد كل شي طبيعي

4-لحظة اتخاذ القرار للرجيم
بعد رمضان االي طاف عقب ما انصدمت من وزني اللي عمري ماوصلت للوزن هذا يعني كان باقيلي كيلوين اوصل 100 كيلو
من تاريخ 28-9 قررت اني اضعف واسوي رجيم

5-شنو نوع الرجيم؟ وكان عن طريق دكتور او بروحج؟ او يمكن عن طريق جراحه؟
رحت فتحت ملف عند دكتور طالب الشمري وماشاءالله عليه وايد حبوب وباله طويل وحليو معاي :) حيل ارتحت له
اول شي سألني اذا فيني امراض او اي شي فيني وعطاني جم تحليل قالي سويهم وحط النتيجه بملفي التحليل اللي سواه تحليل هرمونات لي
لان قلت له ان هرموناتي مو مضبوطه :)

6-المده الي خذيتيها للوصول لوزنج الحالي مع ذكر شي بسيط عن مراحل نزول الوزن
المده اللي نزلت فيهاا تقريبا 15 كيلو اهي شهرين
اول شهر نزلت تقريبا 10 كيلو
وبعدها بدا ينزل وزني شوي شوي
لان الوزن بدا يقل بس الحمدلله اني قاعده انزل ما ازيد وزني

7-ماهي الرياضه المستخدمه او الاعشاب او الادويه المستخدمه؟
اول اسبوعين الدكتور قالي لاتسوين اي نوع من الرياضه الا بعد ما انزل 5 كيلوات من وزني
بعدها بدا يقولي امشي 3 ايام بالاسبوع لمدة 40 دقيقه
بعد مانزلت 10 كيلو صار المشي يومي لمده نص ساعه كل يوم
مع رياضه ضغط البطن يوميا اسويها 50 مره وكل يوم ازيد 10 لين وصلت 150 مره باليوم.
مااخذت اي نوع من الادويه,واعشاب كنت اشرب بابونج او زعتر او مراميه او دارسين يعني كلها اشياء طبيعيه.

8-الوزن الحالي مع الصور للوزن او الشكل او الملابس ان امكن
وزني الحالي 84
يعني نزلت 13كيلو الحمدلله بشهرين :)
بس بالشكل مبين اكثر الحمدلله
وهذي الصورة تبين لكم الفرق بين لبسي قبل والحين


9-طريقتج في المحافظه على وزنج
اني اعطي نفسي يوم فري واحد بالاسبوع والعشا اما يكون شي خفيف وقبل النوم بست ساعات او اني مااتعشى نهائيا بس اشرب عصير وخلاص :) .

10-النتايج والنصايح الي وصلتي لها من خلاصة تجربتج في عالم الرشاقه
بنات نصيحه نصيحه نصيحه مني لكم اي وحده وزنها زايد تبدى من اللحظه هذي تسوي رجيم وتلعب رياضه لان صج صج النفسيه تتغير كل شي بحياتج يتغير من تضعفين ويبدى الجسم يصير حلو ;)
الصحه تصير احسن :)
و بس ماادري اذا في شي نسيت اتكلم عنه
هذي تجربتي بأختصار
اتمنى تكونون استفدتوا من كلامي
واشكركم مره ثانيه خواتي على الجهد بالقسم


اختكم سارونه87​
 
عنيّد

عنيّد

New member
إنضم
29 يونيو 2008
المشاركات
5,705
مستوى التفاعل
2
النقاط
0
العمر
40
الإقامة
الكويت صل على النبي
رد: =----> ( *تجربتي بين ايديكم*) <----=

سارونة ،، ماشالله الله يوفقج ، عفيه عليج :ggdw::ggdw::ggdw::ggdw:


هممممممم ، توقعت ان التجارب بتكون لكل وحده بموضوع مستقل ، أحس بتصير حوسه اهني تعقيبات وتجارب

أو ، ياريت من المشرفات كل مانزلت وحده تجربتها بالموضوع ، تضيف رقم الرد ببداية الموضوع ، عشان لا يطوفنا شي ^_^


قريييييييباً بنزل تجربتي :eh_s(6):
 
mn.mn

mn.mn

New member
إنضم
6 أغسطس 2008
المشاركات
8,959
مستوى التفاعل
0
النقاط
0
رد: =----> ( *تجربتي بين ايديكم*) <----=

يعطيج العافية سارونة موفقة يا قلبي

وانا ان شاء الله ناطرة اصور لكم صورة حلوة عشان احطها بتجربتي
 
بطة رشيقة

بطة رشيقة

New member
إنضم
28 مايو 2007
المشاركات
8,673
مستوى التفاعل
1
النقاط
0
رد: =----> ( *تجربتي بين ايديكم*) <----=

موفقين كلنا ان شالله ( جارى عمل الموضوع )
 
سمسميه

سمسميه

**مشرفة قسم الطب والصحة**
إنضم
3 أكتوبر 2004
المشاركات
10,529
مستوى التفاعل
1
النقاط
0
الإقامة
حبيبتي الكويت
رد: =----> ( *تجربتي بين ايديكم*) <----=

اول شي بنات احب اعتذر منكم مو قادره اتابع اول باول لان المنتدى وايد يعلق معاي فعذروني على التاخر بالرد عليكم

والصراحه اليوم شفت انجاز سارونه تبارك الرحمن رووووووووووعه الله يوفقج
واذكر اول ما بديتي معانا برمضان مسابقة فطوري وسحوري صحي
ما شاءالله عليج:ggdw::ggdw:
استمري عاد وحافظي لان المحافظه على الوزن اصعب من تنزيله:)


واقتراح عنيد صحيح يا بنات الي تحط مشاركتها تكتب رقمها وبياناتها بالبدايه وراح اضيف هالبند على محاور ذكرالتجربه

وناطرين باجي المشاركات
موفقين
 
بطاطا

بطاطا

New member
إنضم
12 نوفمبر 2006
المشاركات
5,856
مستوى التفاعل
0
النقاط
0
الإقامة
دار جابر
رد: =----> ( *تجربتي بين ايديكم*) <----=

خوووش شي :)

و تجربتج سارونة وايد حلوووة
استمري و شدي حييييييييلج


و ناطرين البقية :)
 
عنيّد

عنيّد

New member
إنضم
29 يونيو 2008
المشاركات
5,705
مستوى التفاعل
2
النقاط
0
العمر
40
الإقامة
الكويت صل على النبي
رد: =----> ( *تجربتي بين ايديكم*) <----=

ﬗ▁▂▃▅▆▇★☀二【« تــجــــربـــــ عنيّد ــــــتي »】二☀★▇▆▅▃▂▁ﬗ​

الرقم:11
الاسم: : عنيّد
وزنها السابق : 107.4
وزنها الحالي: 75​


1-الوزن قبل الرجيم مع التدعيم بالصور للشكل والملابس ان امكن
وزني كان قبل الرجيم 107.4 كجم (طولي 164سم) بعين العدو خخخخخخ ، وعمري وقتها 24 سنه ، يعني باختصار كنت فيــل شاب :d
وهذي صورتي بالأيام الغبره ، طبعاً ماغير الشماطيط الوسيعه عساها تغطي المستخبي


أخخخخخ والله ودي أراويكم خدووووووودي بس ماقدر أحط ويهي مو لأنه بالنت ، لالا بس لأني أخاف من العييييين لووووووووول ، على قولة رفيجتي ويهج كان صينيه ، صاجه البنت صاجه ;p


¸¸. ஜ¸¸. ஜ¸¸. ஜ¸¸. ஜ¸¸.ஜ¸¸. ஜ¸¸.​


2- وصف لمشاعرج وصحتج قبل الرجيم مع التدعيم بالصور ان امكن
اشلووون بعد أدعّم مشاعري وصحتي بالصور هااااا !!! صج عليكم حرتاااااات يالكويتيات :p
مشاعري ، شقول يعني ، مرات كان الوضع عااااادي والدنيا ماتسوى عيشي حيااااتك مع البلعه ، بالذات وقت الدراسه كانت سالفة الرجيم صعبه شوي لأنه الوقت مومنتظم وكافي علي الغربه بعد تبون أسوي رجيم لالا تأبى المروءه
والأيام الي أرجع فيها الكويت وبعد ماتخرجت يوم رجيم ويوم لأ ، بالذات لما أزور رفيجتي هالبنت ماعرف شي اسمه رجيم معاها ، تنسف الرجيم من عروقه :botetoo:
لكن أهم شي فعلاً الواحد يفقده بالمتن ، اهو الثقه ، الشكل يهززز الثقه والواحد يصير مايشتهي يطلع ولا يخالط الناس ، بالأخص بالحفلات بالله شنووو نلبس خيمه ؟
على قولة يدتي الضعيفه لو تلبس خيشة عيش بتطلع حلوه عليها ، لوووووول صدقت والله
وكنت ماااااحب السوق لأنه أصلاً مالقى الأشياء الي أشتهيها وخاطري فيها ، ومرات الي جدامي وكبري آخذه ماعندي مشكله
بالنسبه للصحه ، الحمدلله صحيّاً ماكان فيني شي تحاليلي سليمه


¸¸. ஜ¸¸. ஜ¸¸. ஜ¸¸. ஜ¸¸.ஜ¸¸. ஜ¸¸.​


3-ذكر تاريخج المرضي ان وجد وهل السمنه او النحافه عامل وراثي بالعائله؟
مثل ماقلت الحمدلله الصحه كانت تمام ، وأبد ماعندنا عامل وراثي بالسمنة
لكن مع الرجيم وبآخر تحليل سويته طلع عندي الكلسترول مرتفع شووووويه وعالجته مع دكتوري وناطرته يقولي أحلل عشان نجيّك الوضع


¸¸. ஜ¸¸. ஜ¸¸. ஜ¸¸. ஜ¸¸.ஜ¸¸. ஜ¸¸.​


4-لحظة اتخاذ القرار للرشاقه
لوووووول ، بعطي جائزة حق محل ايفانز
هذا الله يسلمكم بيوم من الأيام رحت أشتريلي ملابس ، ماطولتها ورحت ايفانز ، شفت بنطلونات جينز جان أختار لي اثنين ، مقاسي بالعاده 22
بس الصدمه لما دخلت أقايسه طلع ضيّج !!
أخذت 24 طلع كبري
اووووووووخ ، شنو شكو شحقه ليش متى وهـــل كيــــــف :eek:
من يومها خلاص ضربت عندي كل أجراس الانذار ، ونويـــت على الرجيــــــــم


¸¸. ஜ¸¸. ஜ¸¸. ஜ¸¸. ஜ¸¸.ஜ¸¸. ஜ¸¸.​


5-شنو نوع الرجيم؟ وكان عن طريق دكتور او بروحج؟ او يمكن عن طريق جراحه؟ وصف مع ذكر التفاصيل
أول شي بديت برجيم عطتنياه وحده من رفيجاتي ، فكرته بسيطه وحلوه كبداية
ان تكون لي وجبه وحده مفتوحه باليوم ، بشرط ان باجي اليوم يكون خضره وفواكه جمييييييع الأصناف ، حسب كلامها تقول ان الخضره تهضم وتحرق الأكل
تميت بهالرجيم فترررررررررررررررررررررره ، هممممم على ما أذكر ان أول شهر نزلت 5 كيلوات ، بدون رياضه ، وبعدين ماذكر اشلون كان نزولي بس أقل لأني خربطت ومع هذا استمريت على هالنظام .

بعد النظام الأول الي سويته ، سويت نظام ثاني وهو رجيم النقاط ، وحطيته بالمنتدى بقسم الأنظمة الغذائية وهذا لنكه رجيم النقاط .... لعيون رشيقات المستقبل
هالرجيم حليـــو حيــــل ومريح وفيه حريه ، وبتلقون مقدمه انا كاتبتها عنه بقولكم جزء منها ، انه الرجيم ولد خالتي سواه ونزل تقريباً 40 كيلو بسنه
أذكر اني اول اسبوعين نزلت عليه بالضبط كيلوين ، واستمريت عليه بس بعدين هم ماذكر اشصار !

بعده سويت رجيم محمد ربيع ، أخذته من المنتدى أو النت بس ماذكر من وين بالضبط ، وكان الي ينزل 5 كيلوات باسبوع أظن

وبعده سويت رجيم السعرات ، نزلت جدول السعرات الحرارية من النت وسويته ، وهم ماذكر اشكثر نزلت معاه

ورجعت على النقاط وبعدين وقفت ورحت على السعرات .................... واستمريت بالنط من حبل لحبل لوووول

وبجذي وصلت لمرحله خلاص مادري شسوي بعمري >_< تعبت وماني عارفه شنو آكل ، مشتهيه أكل بس مادري شنو !
وهني قررت اني أروح لدكتور تغذية ، بعد ما وصل وزني لـــ 85 وشويه صاعد وشويه نازل ، وكان صايرلي بالرجيم تقريباً سنه ، يعني بفترة سنه نزلت بروحي 22 كيلو الحمدلله
قررت أروح للدكتور أحمد الخولي ، بعد نصيحة وحده من الخوات معاي بدوانية رشيقات المستقبل (على قولة داوود حسين بمسرحية انتخبوا ام علي : زورونا في الخيمتنا ~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~ خخخخخخ اشرايكم بالدعايه بس)
المهم رحت له وتميت معاه يمكن اسبوعين ثلاث ماذكر ، وماكملت عنده لأنه ماعجبني وايد
وبعد حطيت بالمنتدى الأنظمه الي أخذتها منه تلقونها بهاللنك اسبوعياتي مع الدكتور أحمد الخولي
بالفتره الي كنت باديه أراجع عنده ، وحده من الأهل قالت لي عن الدكتور عبدالله المطوع ، طبعاً كنت سامعه عنه بالمنتدى بس ولا عمري جربته أو جربت رجيماته ، وأصلاً حتى ماعرف شكله ولا كان له أهميه بحياتي
بس بعد كلام بنت عمي وتجربتها معاه ، سويت بحث عنه بالنت وشفت مقابلاته وكلامه وصـج برّد جبدي كلامه حسيته فاااااااااااااااهم من قلب ومتفهم بالوقت نفسه
وقتها قررت اني آخذ موعد عنده ، وقلت لبنت عمي عطتني رقمه بس كالعاده يالعُبد خطّك دايم مشغول ، فبنت عمي الله يعطيها ألف عافيه بمراجعتها خذت لي موعد معاه ، والحمدلله وقتها كان توه ناقل لعيادته اليديده وحصلت موعد قريب نسبياً ، تقريباً كان على بُعد شهر وشوي
فوقتها وقفت من الخولي وخففت او خربطت مادري بين البينين خخخخ ، على ما يوصل موعدي مع د.عبدالله المطوع الي كان بتاريخ 26/8/2009


¸¸. ஜ¸¸. ஜ¸¸. ஜ¸¸. ஜ¸¸.ஜ¸¸. ஜ¸¸.​


6-المده الي خذيتيها للوصول لوزنج الحالي مع ذكر شي بسيط عن مراحل تغيير الوزن
أهــــــــم شــــــي بمسيرتي الرجيميّه هذي والي من كل قلبي أقول للكل يحط بباله هالشي ، اني ماحددت لنفسي مده ، كنت على راحتي ، أو خلوني أكون واضحه أكثر ، حطيت لي على الأقل مدة سنه كامله يعني مجال كبيــر وقلت أنزل الي أنزله فيها بس يكون نزول يبرد الجبد
والحمدلله وقتها كان اخوي ناوي على الزواج ، وهالشي صارلي هدف اني أضعـف عشان لا يقولون بالعرس منووو هالدب القطبي وتطلع اخت المعرس خخخخخخخ
من باب تشجيع النفس ، سويت لي هالتقسيمه ، وكنت اسبوعياً أسجل النتيجه وباليوم المخربطه أكتب اني خربطت ....الخ الخ ، ومع الأيام أهملت تسجيل الملاحظات وبين فتره والثانيه أسجل ، المهم براويكم ملف أسراري الرجيميه والي ماراويته إلا لجم وحده
**المرحلة الاولى >>> 107.4 - 100
6/7/2008 = 107.4
13/7/2008 = 105.2
20/7/2008 = 105
27/7/2008 = 104.6
3/8/2008 = 104.4
10/8/2008 = 104.2
17/8/2008 = 102.6
*** يتبع > المرحلة الاولى > بعد شهر رمضان
الأحد 5/10/2008 = 103.2
12/10/2008 = 101.6
19/10/2008 = 101
26/10/2008 = 100.8
الأربعاء 29/10/2008 = 99.9
----------------------------
**المرحلة الثانية >>> 100 - 90
الأربعاء 29/10/2008 = 99.9
الأحد 2/11/2008 = 98.1
9/11/2008 = 98
16/11/2008 = 97.1
23/11/2008 = 95.5
30/11/2008 = خرررررربطت
7/12/2008 = 94.7
14/12/2008 = هم خربطت
21/12/2008 = هم خررربطت
28/12/2008 = نص خربطه والوزن ثابت
4/1/2009 = 94.5
11/1/2009 = تخربط السفر لمصر
18/1/2009 = زدنااا 95 وكسور
25/1/2009 = 92.5
1/2/2009 = رجيم رجيم
15/2/2009 = 90.6
----------------------------
**المرحلة الثالثة >>> 90 - 80
الثلاثاء 17/2/2009 = 89.9
الاثنين 6/4/2009 = 87.8
الاثنين 15/6/2009 = 83.5
الاحد 11/10/2009 = 80.4
----------------------------
**المرحلة الرابعة >>> 80 - 70
الاثنين 12/10/2009 = 79.9
الاربعا 9/12/2009 = 75
----------------------------
**المرحلة الخامسة >>> 70 - 60
----------------------------

لو تلاحظون المده والنزول ، بتشوفون أغلبه نزول بطيء ، بس فعلاً ماكان هامني ، وكانت نيّتي بالرجيم فقـط والوقت مومهم وايد ، ماهتميت بالوقت إلا لما خلاص قرّبت صج ملجة اخوي خخخخخخخ

هممممم ، دام اني فتحت لكم ملف أسراري الرجيميه ، خلوني بعد أراويكم طريقة ثانية شجعت فيها نفسي ، وهي عن طريق شريط الوزن (التيكر) هذا صج ونّسني
شوفوا معاي مراحلي الرجيميه بالتيكر

المرحلة الأولى


المرحلة الثانية


المرحلة الثالثة
للأسف ضاعت مني ، بس هم كانت -10 كجم الحمدلله

المرحلة الرابعة ، والي حالياً أنا فيها



وهذا المجموع الكلي لنزول الوزن


وهذا مخطط بياني يوضّح مراحل نزول وزني



¸¸. ஜ¸¸. ஜ¸¸. ஜ¸¸. ஜ¸¸.ஜ¸¸. ஜ¸¸.​


7-ماهي الرياضه المستخدمه او الاعشاب او الادويه المستخدمه؟
بالبداية ماكان عندي رياضه معينه ، سجلت مرتين بنادي كل مره لمدة 3 أشهر وماكنت أروح منهم إلا شهر ونص بكل مره ، كنت ألعب على الأجهزه مثل المشي وغيره وأجهزة الأثقال عشان شد الجسم ، وكنت ألعب تمارين الأكوا وبعض المرات أتدرب على السباحه ، ودخلت مرتين كلاس تمارين وتشلخت وماعدتها خخخخخ
وبعدين عطيت أحلى طاف للرياضه ، وبيوم من الأيام بعيد ميلادي اخوي شرالي جهاز wii fit
بعد ما سألته عنه ونويت أشتريه ، وهذي صورته

وصـــج هالجهاز أنصح فيه حلووووووو رووووعه يووونس ، جابلته فتره وكنت ألعب فيه لعبة الطوق ومرات الستيبس ، فعلاً حلو والله ، ما أنكر اني الحين كاشته فيه لسبب واحد اني ابي مساحه أكبر ولو انه مايحتاج الجهاز للمساحه ، بس أنا جذي مشتهيه
ولما رحت للمطوع بديت أمشي ببعض الأيام ، وهو نصحني بالقرص الدوار وشريته ولعبت عليه ، وعلمني جم تمرين أسويه بالبيت ، وهذا أنا لليوم للأسف موملتزمه بالرياضه بس يالله الحمدلله على كل حال
بالنسبه للأعشاب ، ماكنت أقرب هالسوالف أبــد ، وعندي قناعه بالنزول الطبيعي بدون هالخرابيط بالأخص الحبووووب والعمليات والخرااااااااابيط واللعب الي فيها أبد أبد موصوبي الحمـــدلله ، لكن الأعشاب نصحني فيها العُبد ، ومعروف ان الأعشاب اذا مانفعت فما تضر لأنه كل شي طبيعي ومافيها مواد مني مناك


¸¸. ஜ¸¸. ஜ¸¸. ஜ¸¸. ஜ¸¸.ஜ¸¸. ஜ¸¸.​


8-الوزن الحالي مع الصور للوزن او الشكل او الملابس ان امكن
وزني بآخر مراجعة مع الدكتور بتاريخ 9/12/2009 كان 75 كجم بالضبط الحمدلله
هذي صورتي قبل جم شهر


وهذي صورتي بعيد الأضحى

والي كنت فيه نيووووولوووووك بمعنى الكلمه ^___^
اخوي كان مسافر ولما شاف الصوره يقولي عندووو جم صار وزنج ، وبيت أهل ابوي قالولي ضعفاااااااااااااااااااانه :>


¸¸. ஜ¸¸. ஜ¸¸. ஜ¸¸. ஜ¸¸.ஜ¸¸. ஜ¸¸.​


9-طريقتج في المحافظه على وزنج
حالياً أنا بمرحلة تثبيت مؤقت ، يعني استراحة المحارب ، والتثبيت من الدكتور المطوع حطيته مع باقي مواضيعي بقسم الأنظمة الغذائية بالمنتدى
تحصلون بهاللنك كل مراجعاتي مع الدكتور عبدالله المطوع
وبهاللنك تحصلون آخر زياره لي معاه واللي فيها نظام التثبيت رجيمي مع د.عبدالله المطوع (7)


¸¸. ஜ¸¸. ஜ¸¸. ஜ¸¸. ஜ¸¸.ஜ¸¸. ஜ¸¸.​


10-النتايج والنصايح الي وصلتي لها من خلاصة تجربتج في عالم الرشاقه
بقولكم كل الي عندي ، قلبي متروووووووسه ;p
- مثل ماقلت ، أهم شي ان الواحد لا يحط له مده معينه للرجيم ، أو كلش كلش يحط له مجال كبير
يعني سالفة شهر شهرين أبي أصير غصن البان بعد ماكنت فيل فهذي موخوش
- مو كل يوم تقولون من يوم السبت والحين لما تغيرت بداية الاسبوع صرنا نقول من يوم الاحد خخخخخ والله عياره ، الي بتبلش رجيم تبدي من اليوووم واذا ماقدرت فمن باجر ، وبلا تمطط
- مثل ماشفتوا جربت أكثر من نظام ، وبصراحه ماشفت أريح من نظامي مع د.عبدالله المطوع ، لسبب بسيط ، انه نظام حياة مو نظام شهر شهرين والسلام ، يعني بفترة الرجيم كان أكلي طبيعي وماحسيت اني منبوذه بالبيت خخخخخخ ، وبفترة التثبيت خووو عــز ولله الحمد ، الزبده صارت عندي فكره عن الأكل ، والزبده الثانية بعدوا عن رجيم بوصنف واحد ولا رجيم مافيه غير ماي وهوا ، ولا رجيم ينزل طعش كيلو بثلاث أيام نعم شكو !
يعني هالرجيمات الي مادري منو يألفها ومايفكر بالواحد شيسوي بعد ماينزل ، شيهبب وشنو ياكل !!!! طبعاً بعده وبكل بساطه يرجع كل الي نزله ويابوزيد كانك ماغزيت
جد فكروا بهالشي ، لا تقولون المهم ننزل وبعدين يصير خير ، ترى التثبيت أهم من النزول والله ، مويقولون ان الواحد صعب يوصل للقمه ولكن الأصعب هي المحافظة على القمه
قولولي بذمتكم اشرايكم فيني وأنا أضرب يمين وشمال بهالأمثله خخخخخخخخخخ
- لحد يقولي شنو آخرة الدنيا وكلنا بنموت وليش الواحد يحرم نفسه ، ترى محد يحرم نفسه الا الي يبي يحرمها ، أنا كنت آكل كل شي ولكن بكميه أقل من كميتي لما كنت فيل ، خو هالشي مو من الدكاتره ترى ، هذا شي الرسول صلوات الله عليه وآله موصي فيه قبل أي دكتور
"مَا مَلأ آدَمِيٌّ وِعَاءً شَرٌّا مِن بَطْنٍ، بِحَسْبِ ابْنِ آدَمَ أُكُلاتٌ يُقِمْنَ صُلْبَهُ فَإِنْ كَانَ لا مَحَالَةَ فَثُلُثٌ لِطَعَامِهِ وَثُلُثٌ لِشَرَابِهِ وَثُلُثٌ لِنَفَسِهِ"
وهالحديث واااااايد أحبه وأذكره ع الأكل : " كل وأنت تشتهي ، وأمسك وأنت تشتهي"
- ياجماعه من الآخر ترى الرشاقه حلوه ، هاااااااااااا الرشاقه المعقوله مو العصاااااااقل والسيقاااان الي تكون يلد على عظم ، الحمدلله والشكر صراحه مع احترامي بس اللبس يطلع عليهم يلوع الجبد ، ياااااازين الاعتدال زيناااااه ، على قولة بنت عمي حلو الواحد يكون من كل صوب فيه شوي زياده خخخخخ ، اي جد جد ترى موحلو الضعف الزايد فديروا بالكم وخير الامور أوسطها
- الرياضه ثم الرياضه ثم الرياضه ، أدري باب النجار مخلع أنصحكم وماسوي النصيحه ، بس ماعليكم مني ، بالأيام الي أسوي فيها رياضه أحس اني نشييييييييطه ومنعنششششششه وشعور حلووو جني منتصره بمعركه ، وخو هالأيام مااااااالكم عذر ماتمشون ع الأقل ، لأنه الجو رووووعه ، شوفووووا شووووفوا الجو بالله عليكم بهالصور ، خو أنا أمشي وأجكجك ، اذا يوم شفتوا أحد بالشارع سافط وقاعد يصور ترى هذي انا


- العيب الوحيد للرشاقه ان الميزانيه تنكسر خخخخ ، والله صرت أشتهي أروح السوق ومرات أتغلى ع الملابس ، كبري بس ما آخذ إلا الي يعجبني ، ايييييييه عشون عيـــل
- الثقه صارت أقوى من قبل والله ، الحين الواحد يقدر يخالط الناس وهو حليـو ، وصرت أروح حفلات وماخلي بخاطري ، على طاري الحفلات خلأقولكم موقف صار معاي من جم يوم ، كنت بعرس ويات وحده سلمت على امي وخالتي وقعدت ورانا ، بعدها جان تهزززني على جتفي وتقولي عنـود !! اشلوونج ماعرفتج ماشااااالله ضعفاااااااانه ، قمت سلمت عليها وردت قالتلي والله ضعفانه مااااعرفتج ، قلت لها اي الحمدلله رجيييييم
- أخيراً ، خلوا ببالكم دايماً الرجيم ، أو شيلوا هالكلمه وسمّوها > نظام غذائي ، لأنه الواحد ماراح يتم طول عمره بشي اسمه رجيم ، صحيح أنا للحين ماوصلت للوزن المثالي وماخذه فترة تثبيت ، وهذا أنا من أيام الرجيم والحين أطلع وأدخل مع الأهل ورفيجاتي والنفسيه الحمدلله تمام وأروح مطاعم وأبلع كل شي لأنه عندي وجبة فري بالاسبوع ولأنه الأكل عموماً حتى بفترة الرجيم متنوع ونسبياً مافيه حرمان ، أهم شي الحمدلله ماشلت من بالي نيّة الاستمرار بالنظام والوصول للوزن المثالي والمحافظة عليه .


¸¸. ஜ¸¸. ஜ¸¸. ஜ¸¸. ஜ¸¸.ஜ¸¸. ஜ¸¸.​




يالله خلصت صفقولي
:D


لحظه لحظه تعالوا ، براويكم شي ، كنت مشتهيته من قبل لا أسوي الرجيم ، ولما سويت الرجيم ، ولما خربطت ، ولما رديت للرجيم ، وأخيراً سويته ، وأدري ومتأكده ان كل وحده تسوي رجيم خاطرها بهالشي
شنو هالشي؟ بتليعن وأقولكم نزلوا تحت


























بعد تحت






















خلاص لحد يدعي علي ، بس ذكروا ربكم ;p
























نياهاهاهاهااااا ، هذا بنطلوني اللعين بومقاس 24 ، والي شريت اثنين لبست واحد والثاني حذفته ، عاد هذا هو الثاني ، ذاك اليوم كنت أصفّي ملابسي ولقيته ، جان أدششششش فيه وأناقز :>

أمس كنت أراوي رفيجتي هالصوره ، أقولها أنا مومتخيله اني قبل كنت ماليه كل هالمساحه الفاضيه !!! خخخخخ


،
،


جمهورنا العزيز ، شكراً على حسن المتابعة
مشرفاتنا العزيزات ، شكراً على حسن الضيافة
شكر خاص جداً جداً لحبيباتي بنات دوانية رشيقات المستقبل + متابعين مواضيع رجيمي + مسابقات القسم ، على تشجيعهم الدائم لي والله انكم سبب رئيسي باستمراري بالرجيم


*^__^* ​
 
عنيّد

عنيّد

New member
إنضم
29 يونيو 2008
المشاركات
5,705
مستوى التفاعل
2
النقاط
0
العمر
40
الإقامة
الكويت صل على النبي
رد: =----> ( *تجربتي بين ايديكم*) <----=

سمسميه ،، عندي مووولاااااحزاااااات

أول شغله ، ترى طفرناااااااااااااااا من سالفة تحديد عدد الصور ، خو 15 صورة اشوووووويه ، أنا ماعرف أتكلم بدون الويووووه :(
وقلللللللللللللللصت بالصور لما وصلت للحد الي شفتوه فوق
ترى لما اوصل للوزن المثالي باذن الله ، أبيكم تخلون لي عدد مفتوح من الصور بطلع حرّتي :/


الشغله الثانيه ، المنتدى ذبحناااااااااااااااا من كثر ماتطلع هالــ ايروووور
شكلكم بتمددون المده والسبه هالسالفه :eh_s(1):


وبس كويتيين لازم نتحلطم :krkrkr:
 
mn.mn

mn.mn

New member
إنضم
6 أغسطس 2008
المشاركات
8,959
مستوى التفاعل
0
النقاط
0
رد: =----> ( *تجربتي بين ايديكم*) <----=

عنيد الصراحة ابدااااااااااااااااااااااااااااااااااااااااااااااااااع

صكيتي علينا من الحين لووووووووووووووول

الله يتمم عليج وعلينا
 
سمسميه

سمسميه

**مشرفة قسم الطب والصحة**
إنضم
3 أكتوبر 2004
المشاركات
10,529
مستوى التفاعل
1
النقاط
0
الإقامة
حبيبتي الكويت
رد: =----> ( *تجربتي بين ايديكم*) <----=

واااااااااااااااااااااااااااااو
واااااااااااااااااااااااااااااو
تبارك الرحمن لا اله الا الله
عنيد صراحه انجاز كبير كبير كبيييييييييييييييييييير
ما شاءالله عليج:ggdw::ggdw:
تجربتج وافيه وشامله ومدعمه بالصور روعه وانجازج تبارك الرحمن مو طبيعي
برافو عليج:tek:

الله يتمم عليج بالصحه والعافيه يارب
وشكرا لج لذكر تجربتج الرائعه

والمنتدى معلق هاليومين مع الكل والله حتى انا مو قادره اتابع اول باول
 
milkey way

milkey way

New member
إنضم
4 أبريل 2009
المشاركات
2,989
مستوى التفاعل
0
النقاط
0
الإقامة
بأحلى بلد
رد: =----> ( *تجربتي بين ايديكم*) <----=

ابيه عنيد حييييييييل حيل اندمجت مع موضوعج ايهبل وصج تجربتج خطيره الله يتمم عليج بس بصراحه تغيرتي حيل والله صورتج ايام المتن وصورتج الحين جنه الام وبنتها صج صج صغرتي مع اني ماشفت ويهج بس كل شي فيج تغير حتى ذوقج باللبس غير الله يتمم عليج وتوصلين للوزن اللي في بالج .

تبارك الرحمن مشالله مشالله
 
بطة رشيقة

بطة رشيقة

New member
إنضم
28 مايو 2007
المشاركات
8,673
مستوى التفاعل
1
النقاط
0
رد: =----> ( *تجربتي بين ايديكم*) <----=

مشالله تبارك الرحمن يا حلووه من تقرير ل اله الا الله عليج بالف الف الف الف عافيه ربى يتمم عليج يالغاليه وربى يعينج وتحافظين على هالوزن يارب مشالله تبارك الرحمن عنووووده الحلوه سيرى ونحن من ورائج ربى يبارك لج ويسعدج ويبعد عنج العين والحسد ويرزقج الزوج الصالح اللى يستاهل هالبنت الحبوبه الطيبه :)

( هم جااااااااااارى عمل التقرير )


خخخخخ
 
الحالة
مغلق و غير مفتوح للمزيد من الردود.
أعلى أسفل