=----> ( *تجربتي بين ايديكم*) <----= اانتظروا النتايج

[شيخه***البنات]

رد: =----> ( *تجربتي بين ايديكم*) <----=

ساروونه 87..

ماشاءالله علييييييييييج الف الف مبرووووووك عاللي نزلتييييه

ونزلي اكثرررررر واستمـــري ان شاء الله مابقالج شي :tek: ...

عنيــــــــــــــــد ..


لا إله إلا الله شنـــو هالحركات الطييييييييبه ماشاءالله عليج عيني عليج بارده ..

الله يتمم علييييييج ان شاء الله صراااااااحه انجاز تبارك الرحمن ...

يالله بعد بعد نبيج توصلين للمثاااااااالي الله يوفقج :tek: ...

*
*
*







تجااااااااااااربكم اكثر من روووووووعه ماشاءالله عليكم


وناطررررررررين الباجييييي تحمسنا ماشاءالله ..

يعطيكم العافيه ...

 

[teenaa]

رد: =----> ( *تجربتي بين ايديكم*) <----=

ايوااااااااااااااااااااااااااااا



عااااااااااااشت عنيد تبارك الرحمن
صج صج تغيرتي




وناااااااااسه
الله يتمم علييييييييييج انشالله




ايواااااااا ايوااااااااااا :ada::ada:

>>>>:krkrkr: شيفيني اندمجت

 

[سارونه87]

رد: =----> ( *تجربتي بين ايديكم*) <----=

عنيد ماشاءالله تبارك الرحمن عيني عليج بااااااااااارده
الله يتمم عليج هالنزول يااارب

 

[ام عفاف الكويت]

رد: =----> ( *تجربتي بين ايديكم*) <----=

تبارك الرحمن لا اله الا الله
تبارك الرحمن لا اله الا الله
تبارك الرحمن لا اله الا الله
تبارك الرحمن لا اله الا الله
تبارك الرحمن لا اله الا الله
تبارك الرحمن لا اله الا الله
تبارك الرحمن لا اله الا الله
ساورنه وعنيد
شكرا لانكم عطيتوني حافز

 

[Dorur]

رد: =----> ( *تجربتي بين ايديكم*) <----=

ماشالله تبارك الرحمن
رووووووعة يا سارونة وعنيد
عنيد اسلوبج اينن حبيتج يحليلج

والله يحفظج ويتم عليكم الصحة والعافية

 

[زيـنـه]

رد: =----> ( *تجربتي بين ايديكم*) <----=

ما شاء الله تبارك الرحمن .. تجارب مفيده و تشجع و تخلي الحماس يصير 100%
صج الاراده اراده .. و ان شاء الله توصلون اهدافكم بصحه و عافيه .. و الله يكافيكم شر العين و الحسد .
بالتوفيق جميعا .

عنيد .. خوووووش تجربه و خاصه الصور .. يعطيج العافيه على هالمجهود و عسى ربي يعطيج على نيتج اللهم امين .

 

[السليلة]

رد: =----> ( *تجربتي بين ايديكم*) <----=

السلام عليكم

الاسم .. فوفو
الوزن ا لسابق .. 49
الوزن الحالي ..46

شكراا على التجربة

 

[~*~الملكة~*~]

رد: =----> ( *تجربتي بين ايديكم*) <----=

ماشاءالله تبارك الرحمن

سارونه مبرووووك النزووول وان شاءالله توصلين للوزن المثالي


عنيييد مبرووووك النزووول ماشاءالله علييييج ان شاءالله توصلين للوزن المثالي

ان شاءالله يارب انا بعد اوصل للوزن المثالي وافتك من الشحووووم

موفقييين بنااات والله يتمم عليكم

 

[سارونه87]

رد: =----> ( *تجربتي بين ايديكم*) <----=

ام عفااااااااف اي ياقلبي استمري لاتقطعين الرجيم
انا بعد ان شاءالله لي الحين مستمره لاني ماوصلت لوزني اللي ابيه

 

[رهوف]

رد: =----> ( *تجربتي بين ايديكم*) <----=

ما شاء الله عليكم ... صج شجعتونا

عنيد حبيت تجربتج واااااااااايد

الله يوفقكم وتحافظون عالنزول

 

[بطة رشيقة]

رد: =----> ( *تجربتي بين ايديكم*) <----=

بسم الله الرحمن الرحيم ..


الرقم: 5
الاسم : بطة رشيقة
الوزن سابقا : 95 ( الله لا يعيد الشر )
الوزن الحالي : 75





1- الوزن قبل الرجيم مع التدعيم بالصور للشكل والملابس ان امكن

كان وزنى 95 اعوذ بالله من ذيج الايام روبى لا يعيدها ان شالله ..





2- وصف لمشاعرج وصحتج قبل الرجيم مع التدعيم بالصور ان امكن

ممممم ... والله مو عارفه شنو اقولكم بس كان شعورى خايس وموحلو واحس انى استحى من كل شى وما احب اطلع ولا احب اروح مكان ودوم كنت انحرج من شكلى .. واكيد المتن يأثر على الصحه .. ويعنى الواحد ينطر لما يحوشه السكر والضغط علبووو يالله خل ناكل وماعليه وماتسوى .. بس جد كانت مشاعرى وايد افكر بالشى هذا وكنت اكره نفسى لما اكل اتحسف وان ماكليت ما اقدر ... امسك نفسى اكثر من يومين 3 ...

3-ذكر تاريخج المرضي ان وجد وهل السمنه او النحافه عامل وراثي بالعائله؟

الحمدلله ما اعانى من اى امراض ولله الحمد بس المتن اى موجود يعنى امى واخوانى هم عندهم نفس المشكله ..

4-لحظة اتخاذ القرار للرشاقه


هالحجى قبل سنه ونص بالضبط يعنى شهر 6 من سنه 2008 قررت انى اودع هالمرض واودع هالجسم واودع هالانسانه المتينه هالانسانه اللى شكلها موحلوووو ... ما ادرى بس يعنى هالكلمات الجارحه اللى اسمعها من هنى وهناك وهالمواقف الخايسه اللى تصير جدام الاهل والحموله .. قلت خلاص لى متى ..؟ شنو بيفيدنى الاكل شنو بيفيدنى الكاكاو والخرابيط والمطاعم شنو بتفيدينى ..؟ وتوكلت على الله وبديت ..

5-شنو نوع الرجيم؟ وكان عن طريق دكتور او بروحج؟ او يمكن عن طريق جراحه؟وصف مع ذكر التفاصيل


بديت من هنى من منتداى الغالى .. من المنتدى اللى ما انسى فضله على من بعد ربى سبحانه توكلت على الله وبديت من رجيم لى رجيم ومن مسابقه لى مسابقه ومن اجتهاد لى اجتهاد ولله الحمد ما زلت متواصله .. المهم بديت برجيم 1400 سعره واللى مازلت متواصله فى لى اليوم واهو مال الصباح ماخذته من المنتدى وحلو ومتنوع وبديت فيه .. لما طيحت بالشهر الاول 5 كيلو قمت اخذ فرى دى كل نهايه اسبوع اكل اللى بخاطرى ومن ثانى يوم ارد التزم من يديد .. وعقبها صادف علينا رمضان وهم خذيت رجيم من المنتدى حق رمضان حلو وسهل ومشيت عليه ( اول كانت عندى قناعه ان رمضان شلون اكيد لازم اكل وبلعه والا ما ييصير بس الحين عرفت ان الواحد لما يوازن الامور يصير كل اللى يبيه ) ممم عقبها يعنى مرات اسوى السوائل مرات اسوى رجيم المطوع وتمر الايام والحمدلله انا تعرفت على صحبه طيبه وخيره مشالله واللى اهم بنات دوانيه رشيقات المستقبل وانا من المؤسسين ما امدح روحى بس اهيا افتتحتها سمسم حقنا عقب مسابقه برمضان مو هذا اللى قبله وقالت عشان تتيمعون فيها وتعرفون كل وحده وين وصلت والحمدلله كل اللى فيها بنات حلوين وذهب وقاعد نشجع بعض عشان نوصل للى نبيه روبى يتمم علينا ان شالله .. والله يعلم انى احبهم بالله ..


6-المده الي خذيتيها للوصول لوزنج الحالي مع ذكر شي بسيط عن مراحل تغيير الوزن

سنه ونص تقريبا ادرى بطئ بس هم احسن من ولا شى ..

بالبدايه اكيد بيكون النزول اسرع من الحين يعنى 5 كيلوات اول شهر وعقبها على كيلو كيلو ونص او 2 كيلو بعدين لا قام يتنح يعنى بالغصب يصير كيلو او نص كيلو بالاسبوع بس هم نعمه ...

7-ماهي الرياضه المستخدمه او الاعشاب او الادويه المستخدمه؟

المشى المشى المشى .. اهو اهم شى ولا تقولون ما نقدر نطلع وحر وبرد والله يا بنات الحمدلله ربى سهل على .. ريلى ما يخلينى اروح الممشى وشسوى جذى راح يخترب كل شى ولا خلانى اشترك بنادى تدروون شسويت .. والله توكلت على الله وقمت امشى بدارى .. اى لا تستغربون بدارى امشى نص ساعه يوميا صج الكبت يكفخنى من صوب وولدى يركض وراى وانا امشى وتصير اشياء تضحك بس المهم انى اكمل هالنص ساعه يوميا مع لعب بعض التمارين .. واشرب جاى اخضر اداوم عليه واكيد هذا مع هذا يساعد بعض كله .. وعرفت ان ماكو شى مستحيل الوحده لازم تكيف روحها على ما عندها .. الحمدلله يارب .. وهذه صوره الاشياء اللى استخدمها ..




8-الوزن الحالي مع الصور للوزن او الشكل او الملابس ان امكن


75 ووصلت من قبل 73 بس يعنى تعرفون اكيد الوزن بطلع شوى وبينزل شوى ويبيله وقت على ما يتثبت ..



هذه بجامتى الحمدلله قمت البس مديم ومقاس 14 عقب 3 اكس لارج ...



وهذه انا بعد التحسينات ما ادرى اذا الفرق مبين او لا بس احمد ربى الف مره عن الصوره اللى فوق اللهم ياكافى .. كبت مو بنت والخدود مشالله بتنفجر بس حساااافه ماقدرت اوريكم اياها خخخخخخخخخخخخخخخخ
9-طريقتج في المحافظه على وزنج

والله الف الف الف الف حمد لله .. انا قاعده احاول جااااهده انى انزل بعد المشوار ما خلص ابى بعد على الاقل 8 او 10 كيلو اى اللى اي من الله حياه الله .. يعنى بعد ودى اكمل المشواااار ولا ابى اترك ابد حتى لو الله كتب لى وحملت ان شالله هم ما راح اترك الرجيم .. وانا ودى اراجع دكتوووور وخذيت موعد عند المطوع شهر 5 الياى هخخخخخخ الله يحيننا حياه طيبه وياكم ان شالله ... بس يعنى انا هاليومين احس روحى انى متملله وسويت طريقه عنيد الفتره اللى طافت بس شنو اليوم وقفت وراح ابدى من يديد اللى اهيا كانت انى اكل يوم او يومين واسوى رجيم وراهم .. بس خلاص احس خرابيط الاسبوع اللى فات وايد واليوم توكلت على الله ومسويه رجيم ما ادرى شسمه بس المهم انه رجيم خخخخخخخخ واكيد لازم احافظ على وزنى وعقب هالتعب حسافه عليه ..


10-النتايج والنصايح الي وصلتي لها من خلاصة تجربتج في عالم الرشاقه

ممممممم

النتايج الحمدلله انا بالنسبه لى وكل اللى حوالى حاس بالفرق وانا مستانسه جذى وابى بعد اكثر اكيد الواحد قام يعرف يشترى والوحده تعرف تلبس وانا هالشى سويته عشان روحى بس هم عشان ريلى عشان لايقول والله متينه ومو عاجبنى شكلها الحين ما يقدر يتكلم يا ويله منى خخخخخ .. والحمدلله قمت البس اللى بخاطرى وهم بعد يبيلبى عشان البس اكثر من جذى .. اقصد السةوووق متروووس وكل ما الوحده كانت حلوه ورشيقه الهدوم تيها تركض هههههه

والنصاااايح ... والله اقول حق كل وحده مو قادره وما تقاوم الاكل اقول ترى الاكل ما ينفع والاكل ما راح يطير احنا اول كنا ناكل الحمدلله والشكر جنا مو شاييفين خير ليش عاد شالله حادنا والله الحين عقب يوم الاوف وعقب الخرابيط اقول شلون اول انا كنت جذى !!! شلون كنت قادره اسوى جذى بروحى والله الحمدلله على الثبات اقول حق كل وحده مو قادره تنزل وزنها توكلى على ربج وادعيه من كل كل كل قلبج انه يثبتج ويخفف عنج بصحه وعافيه انا اسوى جذى ومن بديت لى اليوم وانا الحمدلله اطلب من ربى الثبات والاستمرار ترى حتى هالشى بيد ربنا اذا ربنا اراد لنا الصحه والعافيه عاطانا اياها فهم احنا لازم نسعى وربى يكون بالعون .. واشكركم على فتح المجال لى وللبنات عشان نذكر تجربتنا اكيد فى احسن منى وايد بس هذى تجربتى بين ايدكم واتمنى انها تنفعنى وتنفعكم بشى ويارب يارب ربى يحقق لى هدفى المنتظر ( حلوه المنتظر هذى ) ويحقق حق كل البنات خصوصا بنات دوانيه رشيقات المستقبل وربى يكون بالعون ويبارك لنا فى وقتنا وصحتنا ويثبتنا ويعينا ... ومشكووورين وايد وايد ...

 

[teenaa]

رد: =----> ( *تجربتي بين ايديكم*) <----=

عااااااااااااااااشت بطبط

ايوا يا بطبط




ما بقا شي


استمررررررررري



ايووووااااا


مبين مشالله الفرق اهم شي الواحد يمشي واهوا واثق من روحه :>

 

[كراميلا مرة]

رد: =----> ( *تجربتي بين ايديكم*) <----=

ماشاء الله عليكم بنات تجاربكم وايد حلوه استمرروا
وانتم السابقون ونحن الاحقون ان شاء الله
مبرووك عليكم هالنزول شجعتوني اني اكمل الرجيم وبقوه

 

[mn.mn]

رد: =----> ( *تجربتي بين ايديكم*) <----=

عاشت والله بطة

انا من يومين وانا بنزل موضوعي والمنتدى يعلق وخصوصا هالموضوع

ان شاء الله تجربتي بنزلها قريب

 

[بطة رشيقة]

رد: =----> ( *تجربتي بين ايديكم*) <----=

مشكورين وماقصرتوا بعد عمرى على التشجيع ويارب نستمر وننحج باذن الله ..

 

[زيـنـه]

رد: =----> ( *تجربتي بين ايديكم*) <----=

عاشت بطبط .. و ربي يوفقج و توصلين للنتيجه اللي تبينها و لا ترجعين حق الوزن السابق
مشكوره على عرض تجربتج .. فعلا تشجعون

 

[شيخه***البنات]

رد: =----> ( *تجربتي بين ايديكم*) <----=

بطــــه رشيــــقـــه ..


الف الف الف مبرووووووووووك ماشاءالله عليييييج

ماشاءالله تبارك الرحمن ضعفتي اكثر من لما شفتج عسى ربي

يتمم علييييييج وتنزلين الباقي من وزنج وحتى لو نزولج بطيء

احسن عالاقل ماترديييين اللي نزلتيه عفيه عليج بطووووووط

انتي قدها وتجررررربتج روووعه و كامله :* ..

:ggdw:عاشت:ggdw: بطووووووطه:ggdw: عاشت :ggdw:

 

[شيخه***البنات]

رد: =----> ( *تجربتي بين ايديكم*) <----=

يالله بنااااااااات ناطرين تجارررررربكم :dddds: حدي تشجعت

 

[سارونه87]

رد: =----> ( *تجربتي بين ايديكم*) <----=

بطوطه خوش تجربه ماشاءالله تبارك الرحمن

 

[الحــــالمة]

رد: =----> ( *تجربتي بين ايديكم*) <----=

مرحبااااااااااا

اقدر اشترك بالمسااااااااااااابقة الحين

ولا الاشترااااااااك سكر؟؟؟؟؟