=----> ( *تجربتي بين ايديكم*) <----= اانتظروا النتايج

[الحــــالمة]

رد: =----> ( *تجربتي بين ايديكم*) <----=

اذا يصير اشترك بالمساااااااااااابقة

بنزل تجربتي وبيااااااااناتي يوم الاربعااااا

لاني بوزن

ان شاء الله

حدي تحمست

 

[الحــــالمة]

رد: =----> ( *تجربتي بين ايديكم*) <----=

اذاااااا يصير اشترك

الرقم:17
الاسم: الحــــالمة
الوزن عند بداية الرجيم:100.7
الوزن الحالي: يوم الاربعااااااا احطه

وللعلم للحين انا مستمرة على الرجيم

 

[د.شريفة]

رد: =----> ( *تجربتي بين ايديكم*) <----=

ماشاءالله تبارك الرحمن لااله الا الله عاشت البطه الرشيقه صج صج ماشاءالله ربي يتمم عليها وايد وايد ضعفت .... واااااااااايد
فرق طبعا
انا الفال لي ان شاءالله اضعف مسكينه شكثر قالت لي يالله معاي ابدي بس ان شاءالله يا وخيتي الضعف حلووو صرتي حلوه وخفيفه وضعيفه فرق السما عن الارض ما اقول الا الله يتمم عليج وتحافظين على وزنج .. بصحه وعافيه ان شاءالله
الف مبروووك

 

[بطة رشيقة]

رد: =----> ( *تجربتي بين ايديكم*) <----=

نشكر لكم تعااااونكم معانا وما تقصروووووووون يا بنات يا حبيبااات قلبى شيووخه مشكووره على التشجيع ودكتورتنا الغاليه الف الف شكر لج وان شالله انتى بعد الفال لج يكون بطنج لازق بظهرج وتصيرين دكتوره رشيقه يالله شدى الحيل يالغاليه

 

[سمسميه]

رد: =----> ( *تجربتي بين ايديكم*) <----=

واي واخيرا بطل معاي الموضوع صار لي جم يوم مو قادره ادش!!!!!


بطه رشيقه
ما شاءالله ماشاءالله الصراحه انجاااااااااااااااااااااااازتبارك الرحمن الفرق مبين بالصور وانا اشهد لج التزامج ومشاركتج معانا بمسبقات القسم
كل شي يبيله اراده وصبر واهنيج عليهم
برافو عليج

الحالمه اوكي راح اضيفج معانا وحطي ببالج المسابقه قربت تنتهي سارعي بوضع تجربتج

 

[mn.mn]

رد: =----> ( *تجربتي بين ايديكم*) <----=

تجربتــــي بيــــن ايديــــكم

الرقم : 8

الاسم : mn.mn

الوزن عند البداية : 96.5

الوزن الحالي : 78.5

------------------------

1- الوزن قبل الرجيم مع التدعيم بالصور للشكل والملابس ان امكن

وزني قبل الرجيم كان 96.5 وبيوم من الايام وصلت 101 وهذا كان لبسي ذيج الأيام

تم تعديل الصور بواسطة المشرفه سمسميه

--------------------------------------------------

2- وصف لمشاعرج وصحتج قبل الرجيم

كنت اكتئب نفسيا من المناسبات واحس اي شي البسه او اشتريه مو حلو علي اشتري بس اللي القى منه مقاسي

بس كانت اشياء وايد تعجبني بس للأسف ما اقدر اشتريها وكنت اشوف الناس تلبس وتكشخ وانا ايدي مربوطة

لو اشتري غالي بس هم ما يكون على مزاجي وكنت دايما احس نفسي اكبر من سني كله مالي خلق شي

وكله كنت متضايقة وضايق خلقي واحساس بالأسى الداخلى على نفسي >>> صار فيلم هندي :dddds:

------------------------------------------------

3-ذكر تاريخج المرضي ان وجد وهل السمنه او النحافه عامل وراثي بالعائله؟

الحمد الله ما أعاني من أي أمراض والسمنة مو عامل وراثي انا بروحي طفرة طلعت متينة :krkrkr:

------------------------------------------------


4-لحظة اتخاذ القرار للرشاقه

يتني فترة كنت اتعب وايد لما أنزل واصعد الدري بالدوام ضاق خلقي على روحي وقلت امبيه انا توني ما وصلت ال30

وجذي اتعب عيل لو اوصل 50 شيصير فيني ؟ والسبب الثاني ان ريلي ضعف وايد عن اول وصار الفرق بينا شاااااااسع

حسيت شكلي يمه غلط وبدى حزتها المشوار بعد ما قعدت مع نفسي واتخذت القرار وهذا الكتاب شريته من مكتبة جرير

ولما قريته زاد عندي الاصرار على بداية التغيير

-----------------------------------------------

5-شنو نوع الرجيم؟ وكان عن طريق دكتور او بروحج؟ او يمكن عن طريق جراحه؟وصف مع ذكر التفاصيل

الرجيم اللي بديت فيه ولا افكر اسوي غيره رجيم المطوع بديت ب5 رجيمات كانت حاطتهم بنت الكويت

حسيت رجيمه مريح وما يقيد وما فيه حرمان والحمد الله قدرت اوقف على الطريج الصح وكملتهم ونزلت عليهم

اول 10 كيلوات ولي الحين انا بروحي اجاهد بدون متابعة من دكتور وكنت انقي الرجيمات واعلقهم عالباب

واحط لي تواريخ واسجل وزني بعد كل رجيم

---------------------------------------------

6-المده الي خذيتيها للوصول لوزنج الحالي مع ذكر شي بسيط عن مراحل تغيير الوزن

صار لي الحين من بديت سنة وشهر بس يتني فترات كنت اقطع الرجيم مثل عطل العيد وعطلة الربيع

وعطلة العيد الوطني ورمضان وعطلة الصيف اللي طافت نسيت الرجيم بسبب ظروف قهرية

عشان جذي نزولي شوية مقارنة بالمدة لاني استمر واقطع بس للمشوار بقية لو اتم سنة بعد اسوي رجيم

----------------------------------------------

7-ماهي الرياضه المستخدمه او الاعشاب او الادويه المستخدمه؟

الرياضة الاساسية اهي المشي كنت اروح الممشى وساعات امشي بالبيت وشريت لي اوربتراك وجهاز المعدة

ومن فترة بعد شريت القرص الدوار والاعشاب جربت اعشاب من الحواي والجاي الاخضر والزنجبيل والدرارسين

وهذا النادي اللي سويته بالبيت

----------------------------------------------

8-الوزن الحالي مع الصور للوزن او الشكل او الملابس ان امكن

وزني حاليا 78.5 ووصلت بيوم من الايام لي 74 وهذا النفنوف شريته بالصيف ولما لبسته كنت نيو لوك

والله وياني يوم البس فيه قصير :ggdw:

--------------------------------------------

9-طريقتج في المحافظه على وزنج

لو اتم اخربط شهر شهرين ادري راح ارد مرة ثانية على الرجيم اصلا اقتنعت اني بتم طول عمري اسوي رجيم

قمت اقول حق نفسي انا وناستي وراحتي بالرجيم خلاص صار شي اساسي بحياتي وان شاء الله شهر 3 موعدي

مع المطوع عشان اكمل معاه واثبت وزني عنده لان لي سوابق انزل وارد اصعد اللي نزلته وكأنك يا بوزيد ما غزيت
----------------------------------------------

10-النتايج والنصايح الي وصلتي لها من خلاصة تجربتج في عالم الرشاقه

قليل دائم خير من كثير منقطع والرياضة لازم تكون جزء من حياتنا لو نمشي 3 مرات بالاسبوع لو نقطع

فترة نرد لما الظروف تسمح والله الاكل ماله قيمة مقابل الثقة والسعادة والراحة اللي تحسين فيها لما تشوفين

الزوائد والاشياء اللي طالعة مني ومناك قاعدة تخف وتختفي شوي شوي والرشاقة مو بس شكل لا والله

نفسية تتغير مع كل اللي حواليج ميخالف آكل بطلعة ولا يمعة ولا عطلة ولا مناسبة بس مردي على قدري

المحتوم واهو الرجيم :0bee2e8d89:
-------------------------------------------


في الختام اتمنى تكون تجربتي عطت حافز للي تفكر تبدي تسوي رجيم وللي قررت بس ما بدت توكلوا على الله لا تضيعون

وقت زيادة وهم اشكر سمسية على هالموضوع العجيب وما انسى فضل المنتدى ترى انا ما التزمت الا لما اندمجت مع البنات

وشفت التشجيع والتواصل ترى والله له دور كبيييييييييييييييييييير وهم ما أنسى حبيباتي رشيقات المستقبل اللي مالي غنات

عنهم وما اقدر اكمل بدونهم واللي يربطنا ما صار رجيم ومنتدى لا ربي يشهد بمعزة كل وحدة فيهم

مراسلتكم من عالم الرشاقة الرجيم منمن :eh_s(1):

 

[سمسميه]

رد: =----> ( *تجربتي بين ايديكم*) <----=

تذكير للبنات الي ليلحين ما نزلوا تجاربهم

المسابقه راح تكون مدتها اسبوعين لذكر تجاربكم
البدايه : 13-12-2009 النهايه :26-12-2009

 

[سمسميه]

رد: =----> ( *تجربتي بين ايديكم*) <----=

من من
واااااااااااااااو روعه تبارك الرحمن
اعجابي فيكم يا عضوات قسم السمنه كل ماله ويزيد
الله يتمم عليكم بالصحه والعافيه يارب
الصراحه ماشاءالله عليج من 100 وفوق لي السبعينات انجاز كبير ما شاءالله
والصور تشهد
انتي بعد ما انسى مشاركاتج معانا بكل المسابقات بالقسم وصمودج
الله يوفقج يا رب

 

[قطرية كوول]

رد: =----> ( *تجربتي بين ايديكم*) <----=

ماشاءالله

مبرووووك بنوووتااات صج تحمسووون وتعطوون دافع للكل

الله يتمم عليكم وتضعفووون زياده لين توصلون للأوزان اللي تبونهااا بصحه وعافيه يااارب

اللي عجبني صج انكم ماخذين الموضوع شويه شويه وصاير لايف ستايل وهذا هو الشي السليم


خساره جان زين اشتركت معاكم

 

[بطة رشيقة]

رد: =----> ( *تجربتي بين ايديكم*) <----=

مشالله وان شالله تبارك الرحمن منمن حبيبتى مشالله مشالله تبارك الرحمن وانا اشهد فعلا مشالله شزينج وشحلوج وعليج بالعافيه واهم شى انج تكملين وانا وياج وعسى ربى يخفف علينا بصحه وعافيه ..

ومشالله واضح من الملابس والفرق شاااسع وربى يكون بالعون ونوصل للى نبيه ...

سمسم حبيبتى اى والله صاجه انا بعد احبكم واجب مساااابقاتكم وعسى ربى يخليج خلنا وتساعدينا ونضعف كمان وكمان وربى يكون بالعون

 

[mn.mn]

رد: =----> ( *تجربتي بين ايديكم*) <----=

سمسمية ميرسو على تعديل الصور مادري شالسالفة اليوم مو راضين يضبطون معاي ومشكووووووووووورة

على التشجيع واي والله كنت وين وصرت وين ربي لا يعيد ذيج الايام حتى النومة كنت أتأذى فيها

قطرية شدي الحيل صدقيني ماكو أحلى من الرشاقة

بطبط يا بعد عمري والله فديتج ولا تحاتين ان شاء الله بكمل المشوار ما راح أكتفي باللي وصلت له

 

[just-me]

رد: =----> ( *تجربتي بين ايديكم*) <----=




عاشو البنات

عاشت عنيد

عاشت بطه

عاشت من من

عاشو بنات الديوانية

 

[mn.mn]

رد: =----> ( *تجربتي بين ايديكم*) <----=

بعد عمري والله جسوت فديتج عالتشجيع

 

[عـزيـ لـحـآلـي~]

رد: =----> ( *تجربتي بين ايديكم*) <----=

للحيــن مآ ووزنــت خآآيفـه من الصدمـــه ...!!:0bee2e8d89::0bee2e8d89::0bee2e8d89:

يآآرب ستــررك حددي خآآقـه من النتيــجـه :eh_s(1)::eh_s(1): ..<<

 

[شيخه***البنات]

رد: =----> ( *تجربتي بين ايديكم*) <----=

mn.mn ...


ماشاءالله تجرررررررربتج روووعه عفيه علييييييج ..

عسى ربي يتمم علييييييج ان شاء الله وتضعفيين اكثر و اكثر وتوصلين حق

هدفج بصحه و عافيه ياااااااااااااا رب ..

 

[سمسميه]

رد: =----> ( *تجربتي بين ايديكم*) <----=

بانتظار البقيه

 

[mn.mn]

رد: =----> ( *تجربتي بين ايديكم*) <----=

شيوووووووووووووووخ يا بعد عمري والله فديتج انتوا كنتوا رفقاء الدرب في البداية ربي لا يخليني منكم

حلمي اوصل الستينات يارب تحقق لي هالحلم بصحة وعافية

 

[قطرية كوول]

رد: =----> ( *تجربتي بين ايديكم*) <----=

سمسمية ميرسو على تعديل الصور مادري شالسالفة اليوم مو راضين يضبطون معاي ومشكووووووووووورة

على التشجيع واي والله كنت وين وصرت وين ربي لا يعيد ذيج الايام حتى النومة كنت أتأذى فيها

قطرية شدي الحيل صدقيني ماكو أحلى من الرشاقة

بطبط يا بعد عمري والله فديتج ولا تحاتين ان شاء الله بكمل المشوار ما راح أكتفي باللي وصلت له

اي والله صاجه ماكو احلى من الرشاقه .. انا وصلت للوزن المناسب بس مبتلشه مع التثبيت

عذااااب اكثر من الرجيم :0bee2e8d89:

 

[سارونه87]

رد: =----> ( *تجربتي بين ايديكم*) <----=

عاااااااااااااشت من من

 

[mn.mn]

رد: =----> ( *تجربتي بين ايديكم*) <----=

قطرية الف مبروك وصولج للوزن المطلوب وديري بالج حبيبتي اهم شي لا تخلين روحج بدون مراقبة

سارونة عااااااااااشت أيامج يا قلبي