شرايكم بــ مكياج العزا ؟

[miss_math]

افضل من غير مكياج ماله داعي

 

[عروووس الخليج]

مكياج يغطي العيوووووووب ؟؟؟
اسمه مكياج ! وشنو العيوب اللي بتتغطى ؟!
الحبوب ؟ والا السواد ؟
انا وحده اذا شفت ويه بنت في حبوب وعليه كومباكت يعورني قلبي وبصراحه احسه مو نظيف واحس انها لازم تعالج الحبوب عشان تغطيهم!
مو تحط فوق السواد والحبوب كومابكت وتخرب بشرتها وتعميها !
وبعدين الشكل مو حلوووو اصلا !


واللي تقول عزا ناس قراب والا بعاد
كله اسمه عزا .... ما اسمح لنفسي ابداااااااا ان احط نقطة مكياج وانا راحيه عزا ان شاء الله لو بالمريخ
الاحترام لاصحاب العزا / الام /الاخت / الزوجه / البنت .... بروح اعزيهم والا اقولهم شوفوني مافيني عيوب اشحلاتي ؟!


وبعد بالنسبه للي تقول [ كلكم تحطون ميك اب ولاتقولون مانحط ]

اختي احترت شنو ارد عليج
بس لو سمحتي لاتعممين ومابي اقول كلام اكثر





والسموحه حدي منقهره حددددددددددددددي
توني يايه من عزا ولد عمتي وادخلو بنات متمكيجات ومسوين تسريحه
اقسم بربي ارفعوا ضغطي
مو ضغطي انا بس.... بنات عمتي حسوا انهم مستهتريييييين فيهم
وبالعزا اللي هم اصلا يايين يعزون اهله


ماقول الا اللهم لاتفجعنا باحبابنا ..


مشكوره على فتح باب المناقشه حبيبتي
وسامحيني اشتطيت بس ميته قهر من اللي صار اليوم بالعزا
ولما قريت عنوانج اعتقدت انج وحده من اللي كانوا معانا بالعزا ..

 

[manhattan girl]

احترام المكان و المناسبه واجب مو معقوله ما استغني عن المكياج لي هالدرجه كل شي له وقته و مكانه المكياج لو خفيف معروف للمناسبات الحلوة و موت شخص عزا بالنسبه لاهله و اقاربه تقبلي مروري حبيبتي

 

[فلونة احلى وردة]

بصراحة انا وحدة احط وايد اخفاء عيوبج حتى لو بعزا
يعني بالفرح اخفي هلاتي السودة وبالعزا وقت الخز ما اخفيها
قولوا ان شاء الله يصير عند ثقة عميا بالنفس فاطلع بهلاتي السوداء
وبعدين الوية ماراح يطلع ملون بس راح يطلع طبيعي بس مغطية عيوبي البسيطة من نمش وغيرة
واذا درجة القرابة قوي الله يكفينا الشر ماراح يكون لي مزاج افكر بعيوب بشرتي
واهل العزا وينهم وين يشوفون منو حاط ميك اب ومنو مو حاط
بس جد مرة وحدة تحسفت اني حطيت لما رحت عزا شاب
الشايب عادي لكن موت الشاب وفجاة يعور القلب
انا غلط بس على الاقل واقعية واقول الصج
وفعلا انا مدمنة كريم اساس ما استغني عنة حتى لو للجمعية ما اعرف اطلع باهتة

 

[غربــــة اِحساس]

اورنجيااا اشوف القسم منور طلعتي فيه ^_*

انا اقوول الافضل تروح البنت جلحه ملحه لامكياج ولا كحل بس صعبه الي يطبقون هالشئ

* في بنات مايستغنون عنه صار بدمهم تعودوا

*وفي بنات عندهم عيوب مثل الهالات السودا او البقع البنيه بالبشره

يعني اذا حطت الوحده كريم خفيف او مرطب مافيها شئ

بس يقهروني الي تحط مكياج وتبرزه

على الاقل احترمي حزن اهل العزاء

*وفي بنات يضبطون عمرهم بالعزا لووووول

تكشخ حيل عشان تنشاف وتنخطب

وترا من زمااان هابين بمكياج العزا

بس الحين زادوا كميته لوول

 

[Tutti-Frutti]

لـو كـان الـمـكـيـاج هـدفـه اخـفـاء الـعـيـوب
اوكـي

بـس افـضـل انـه مـاتـحـط الـبـنـت ولا شـي
بـغـض الـنـظـر عـن صـلـه الـقـرابـه بـالـمـيـت
بـعـيـد ولا قـريـب

الـمـيـت لـه حـرمـه وهـذا عـزا رايـحـه تـوجـبـيـن نـاس
تـبـيـن تـحـطـيـن مـكـيـاج لا تـروحـيـن عـزا
هـالـشـي يـجـرح اهـل الـمـيـت

هـذا رايـي

 

[حنون^_^]

شدعوووووووووووووووه مكيااااااااج في عزاء هذا في اي كوكب عااااااايشه والله فرااااغه فرضا تاثرة مع اهل الميت وبجت يوووه الاالكحل على وجهه والبوودره مسوويه طريق لدمعه هههههههههههههههههههههههههههههههههههههههههههه والله قلة ادب لوو اكوون ابيخ وحده بالعالم بس مااحط مكيااج سواء كان خفيف ولا ثقيل اخرته مكيااج واهل الميت مب عااذريني حتى لوو كانو بعاد مب قرابه والله احط نفسي مكانهم قبل لااسووي هالحركه.....

 

[orangeya]

ما شا الله...

امنور الموضوع


ومشكورين وااااااااااااااااايد على الردود اللي تبرد الفاد (يعني فؤاد بالكويتي لول)

واكيد بدونه اهوا الصح واللي طول عمرنا نعرفه

انا مره حطيت كحل قلم خفيف بس اسم الماما نقدت علي وقالت مايسير ومن هالحجي

وسالفه عشان تنخطب وهابين فيها !! انا مادري اول مره اسمع !!!!!!!!!!!!!!!!!!!!!!!!!!!

لا يزيدون البنات ويترززون بسبة موضوعي لول

انا حطيت هالموضوع للمناقشه...

واكيد المفروض انج مارحتي تعزين الا انج توجبين الناس وتبين الاجر من رب العباد

ولا سالفه الالوان والعدسات والبف وهالمسخره اللي صايره بصراحه لاتعليق!

ماقول الا يبيلهم اسلوب حلو تفهمونهم ان هالشي غلط ومن هالحجي,,

والحمدلله يارب على نعمة الاسلام,, بنات حمدوا ربكم عالنعم اللي انتوا فيها ومن ضمنها نعمة الاسلام.


اللهم يامقلب القلوب ثبت قلوبنا على دينك
اللهم يامقلب القلوب ثبت قلوبنا على دينك
اللهم يامقلب القلوب ثبت قلوبنا على دينك


بنات انا اقول هالكلام لان في بنات وايد مايصلون,، وفي منهم متحجبات للأسف!!!

والأدهى والأمر على قولة خالد عبدالجليل لما تشوفينها عبايه ونقاب استغفر الله

اكيد مو قصدي النقاب العادي انا قصدي التقليدي ولا اللي لابسته بس جذيه مو ديانه

الله يهديهم يارب وينور بصيرتهم

بنات تذكروا ان الاسلام دين أخلاق,,, ومثل مانتو عارفين احلى شي اسلوب الترغيب والترهيب


يمكن شطيت عن الموضوع الاساسي بس كلام كان يقرقع بقلبي وقلته.


وابيكم تاخذون راحة راحتكم بالموضوع :gathering:



وحيا الله ام الفهد من زماااااااااااان عنج؟ شخبارج عساج بخير؟

وغروبه منور بوجودج ياقلبي

 

[G!RLooNa]

شوفي حبيبتي

اذا عزا ناس قراب حيل ماحط ميك اب كلش

اذا عزا ناس بعاد ممكن احط شي خفييييف كلللش طبعا بدون عدسات

لكن اشرايج باللي يقولج انهم بعزا ابوهم والله ابوهم

مسشورين الشعر ولابسين عبايه مفتوحه قاطينها ومترصصين بالجينز والبدي و فل ميك اب

عيب عليكم ابوكم ما تستحون على ويوهكم كل وحده ام عندها عيال يعني حتى مو تقولين تبين يخطبونها

اي يخطبونها لا تستغربون صارت موضه الحين يخطبون بالعزا

و هذا ممكن سبب ثاني انه يهولون بروحهم عبالهم رايحين عرس

 

[أنفاسي دخون]

قله ادب وعدم احترام لمشاعر اهل المتوفى واستهتار بالمصيبة ورهبة الموت

 

[كندية]

والله رااي ان الوحده ترووح مثل مااهي وماتحط شيء...يعني عزااا منو بطاالعج...على الاقل احترااماا لهم...
يعني اول شيء نقووول ميخالف خفيف وبعدين يزيد لين يصير مثل مكيااج الاعرااس ​

 

[Sparkle]

مكياج يغطي العيوووووووب ؟؟؟
اسمه مكياج ! وشنو العيوب اللي بتتغطى ؟!
الحبوب ؟ والا السواد ؟
انا وحده اذا شفت ويه بنت في حبوب وعليه كومباكت يعورني قلبي وبصراحه احسه مو نظيف واحس انها لازم تعالج الحبوب عشان تغطيهم!
مو تحط فوق السواد والحبوب كومابكت وتخرب بشرتها وتعميها !
وبعدين الشكل مو حلوووو اصلا !


واللي تقول عزا ناس قراب والا بعاد
كله اسمه عزا .... ما اسمح لنفسي ابداااااااا ان احط نقطة مكياج وانا راحيه عزا ان شاء الله لو بالمريخ
الاحترام لاصحاب العزا / الام /الاخت / الزوجه / البنت .... بروح اعزيهم والا اقولهم شوفوني مافيني عيوب اشحلاتي ؟!


وبعد بالنسبه للي تقول [ كلكم تحطون ميك اب ولاتقولون مانحط ]

اختي احترت شنو ارد عليج
بس لو سمحتي لاتعممين ومابي اقول كلام اكثر





والسموحه حدي منقهره حددددددددددددددي
توني يايه من عزا ولد عمتي وادخلو بنات متمكيجات ومسوين تسريحه
اقسم بربي ارفعوا ضغطي
مو ضغطي انا بس.... بنات عمتي حسوا انهم مستهتريييييين فيهم
وبالعزا اللي هم اصلا يايين يعزون اهله


ماقول الا اللهم لاتفجعنا باحبابنا ..


مشكوره على فتح باب المناقشه حبيبتي
وسامحيني اشتطيت بس ميته قهر من اللي صار اليوم بالعزا
ولما قريت عنوانج اعتقدت انج وحده من اللي كانوا معانا بالعزا ..

مشاء الله ردج وأسلوبج حلو

والي تقول ما نحط ونحط لا تعممين

 

[brettey]

شوفي الكحل اساسا سنه بس داخل العين مو ارسم عيني واحط الكحل شطوله وبارز هذا عيب وفشله
وممكن كريم مرطب الي يكون ملون وزبده كاكاو ترطب الشفايف وماسكرا شفافه
لكن في بنات وحريم بالعزا كومباكت وكونسيلر ووحمره لحميه وبلاشر وماسكرا ويرسمون العين برسمه القطوه شالسالفه ؟
اذكره مره كنا يايبين الهندي ديو مال المكياج اخو كومار يورينا المكياج طلع لنا حمره لحميه جان يقول ( مادام هدا هومرررا مال ازا ما يبي ؟ هادا واجد هيلو كله هريم ياخد )
والله متنا من الضحك حتى العزا صارت له حمره مخصصه

 

[OM.HASHEM.5]

:انا افضل ما تروح احسن حتى لاتخرع اهل العزا مونقصين:krkrkr:

 

[@رومانسيه@]

لا مايصير يعني هذا عزا والناس كلها زعلانه ومتضايقه احتراما لأاهل المتوفي مااحط بصراحه

 

[hatoona]

استغفر الله اذا بالعزا الواحد ما يتعظ ويراعي وين بعد بنراعي ربنا

 

[بحط قلبي بين إيدينك هدية]

ما أأيده كلش
أولا في احترام للناس اللي رايحة أعزيهم
والحمد لله ماني متعقدة بالمكياج اني لازم أحطه, فعادي ما حط شي للعزا ولأغلب طلعاتي هم بعد
وبعدين في شي غاثني من هالناحية

العزا شفيه كلما له يقلب كأنه مناسبة سعيدة!!!! شوفوا العطووووووووور والبخوووووور الحريم جنهم رايحين عرس@@ يعني عطور قوية حاطينها, غربل ابليسكم لو لرياييلكم جان ما حطيتوا جذي عطور!!!!! هذا غير العدسات, شدعوة عليكم بيصير فيكم شي إذا ما تزينتوا في هالجم دقيقة؟!!!

 

[katko0ota]

صباحكم خييير

انا ملاحظه هالشغله كذا مره اكون بعزا و اشووف هذا غير البف ههههه

و بصراحه ان دل انما يدل على قله احترام للأهل العزا يا جماعه كل مكانه له احترامه ؟؟

و بالنهايه تبقى وجهه نظر

 

[Q8NONA]

طبعااا غلط الي تحط مكياج بالعزا لازم تحترم اهل المتوفى
وهذا عزا (يعني حزن) ماله داعى هاالميك اب حتى لو خفيف

 

[اميره بضحكتي]

يمااااااااااا بنات والله ماتصدقون
من فتره توفى زوج حماتي المهم وانا بالعزا اقسم بالله الحريم اشاكلهم تقولين رايحين عروس شدو اسود وحمرة حمرررررررررررا وعطورات وبخور والشعر الطالع وتعالي شوفي وانتي بالعزا هذي تقول ها شفتوا الجناط اللي نازلين يهبلون واااااي ترى نبي نسافر لندن بس ماادري شستري وشوفي المسخرة تدرين ليه لانهم اهم مسخرة