شرايكم بــ مكياج العزا ؟

[shooshaa]

عن نفسي انا مستحيل اسويها .. لان من وجه نظري انه مو حلوه بحق الناس ولا بحقي
اروخ عزا وانا كاشخه ومتمكيجه ..

بس اذا شفت وحده حاطه بعزا .. ماراح اعتبرها قليلة ذوق ..

ولا راح اقول عنها غير محترمه ..

ويمكن في حريم وجيهم تعبانه حيل او السواد وايد الي تحت عيونهم ..

وفي جريم يكونون تعودو على المكياج يعني الناس مو متعودين عليها بدون ميك اب وراح يطلع شكلها مختلف بدونه ..


ولكن راي الشخي انا اعارض ..

 

[*ZARA*]

شكو اهي رايحة تعزي ولا تنخطب صج فراغة
قلة احترام لاهل العزا

 

[أغلى غلا]

قلة احترام لأهل المتوفي أولا والمتوفي نفسه ..
واستهتار وعدم مبالاة برهبة المــــوت ..

حطوا نفسكم بمكان اهل المتوفي وانتو داشين عليهم بميك اب وعبايات الستراس أما الشعر حدث ولا حرج
اشدعوة يا حافظ منتي قادرة تلمين شعرج هالثواني وانتي تعزين!!؟؟

أأيد كلامج اميه بالاميه

واحب اضيف
يعني ابفهم بنات انتو لي هالدرجه جياكر عشان ماتقدرون تستغنون عن المكياج ...؟؟!! صج شغله عجيبه !

وانتي لما تروحين العزا على الاقل بوقت العزا يكون تفكيرج ان الدنيا فانيه وماتسوي وانتي تحاتين عيوب بشرتج ..!

 

[brat]

الصراحة يعتمد عالمكياج

يعني مثلاً آنا بشرتي فيها آثار حبوب فأغطيها بفاونديشن بس والعبايه اللي ألبسها ما فيها ألوان

بس إذا وحدة حاطه ماسكرا وآيلاينر وشادو وقلوس، أحس ماكو احترام حق أهل العزا نفس ما قالوا البنات.

 

[ضحكتي هيبة بكاي]

مو حلووة في حق اهل العزا خصوصا انهم في حزن
بالنسبة لي الحمدلله بشرتي زينه يعني كريم مرطب وانتهى الموضوع

 

[بيــــــــــــب]

بودر ومرطب بسسس

هذا اذا العزا بعييد

 

[• قلبه نصيبي •]

وين قاعدين مكياج بالعزا استغفرالله لهدرجه وصلت بالناس !

 

[الكريستال]

لوووووووووووووووول من صجكم مكياج بعد حق انا احس عيب
العباية مافيها ملامة لان الوحدة ما تبي تروح سوق مخصوص عشان تشتري عباية حق عزا .. اللي عندها بتلبسه
بس المكياج احس عيب اللي بتحط لا تروح احسن ولا عشان الهبة اللي هابين فيها يخطبون بالعزا لووووووول

 

[Preity]

لا مو حلوه الصراحه كلش بالعزا ومكياج اصلا الناس بوقت حزن وحاله حاله من راح يطل بويهه ماله داعي المكياج كلش

 

[toooot]

اكيييييييييييييييد ضد
وبعد انا من النوع احط جهازي سايلنت احترررررررام لهم

 

[« لـ / غيـرگ »]

ْْ


انا سووق مآآحط شي هالنوب عزآآ اللهم ياكآآفي والله ينقدون علي

وانا عن نفسي مآآروح إلا عزآآ القرايب يعني فششله علي والله لا احساس ولا مشاعر @@

 

[أم هـجـرس]

اعتبره تخلف

 

[blAnK hEaRT]

وين قاعدين مكياج وبعزا شنو ماكو احترام حق اهل الميت
استغفرالله ياربي

 

[عجمية ماتهاب]

اهوا يعتمد عالثقة اذا وحدة واثقة من نفسها ما تحط كلها 10 دقايق وتطلع
يسلمو

 

[Mrs_Orchidia]

انا ابصراحة ارفض المكياج بالعزا بكل الاحوال .. شالسالفة؟؟؟ عزا هذا !! في احد مات!!!! مو تسيورة و للا سوق؟؟؟



و الله ان بعزا يدتي وحدة كانت حاطة فاونديشن و كحل و ماسكارا و تاتو حواجب!!!! و المشكلة انها مننا و فينا مو غريبة!!




الصراحة المكياج بالعزا غلط ... غلط ... غلط .. لانه يعتبر قلة احساس و عدم احترام لظروف الناس اللي رايحة تعزينهم





و شكرًا عالموضوع حبيبتي

 

[روحي زوجي]

استغفر الله كلش ماراح يكون وقته انا وين والميك اب وين ...

اذا رايحه اتطمش اقول يمكن احط والعياذ بالله اما غيره مستحيل يالله ترزقنا نعمة العقل ...

 

[الغدق]

والله انا عن نفسي اذا المكياج اللي مايبين
بس اتغطين عيوب بشرتج اوكيك
عادي
بس سالفة اللبس العبايات كلها الوان وخبه
ليش يمه وين رايحه
بس حرام يمكن اهي ماتلبس عبي وماكو غير هالعباية
بس بصراااحه مو حلوة
انا بعزا خالتي الله يرحمها والله تنرفزت مع اني ماالاحظ هالشغلات
بس داشه والعيابة كلها شغل والوان
بغيت اطردها بس استحيت
لوووووووووول ===عشان تطردني جدتي وراها

 

[وديمه 399]

أنا ما أأيد المكياج في العزا ابداااااااااااااااااااااااا
اكتفي احيانا بكحل اذا كان العزا بعيد وخلص
احس من باب الاحترام احترام مشاعر اهل العزا وحزنهم

 

[بنتي سوسو]

وليش جايه تعزي تروح عرس اوسوق احسلها
مااحب كذا

 

[sereen]

شوفى اذا البنت فعلا فيها عيووووب ماعليه تغطى و العزا صاير مثل الاعراس ناس طالع ناس من فوق ليه تحت من جذيه يانييين وفاصخين والله ياختى اذا فى مكياج للعزا مثل ماتقوولين بالطريقه هذى ياليت للاسف عزانا كان ابداااااااااااااااااااااااااااااااع فل ميك اب , لا والله ورا البنت والقفيف اللى ليه فوووق , يعنى بصراحه رايحين سووق مو عزا واللى موووحطه الويه صاير رمادى والعدسات بس ماسوت شى
بس تبوون الصج ااذا لان انا ولان انتى ولاهى وكلنا معارضين للميكب منو عيل اللى يحط , والمنتدى كلمن يدشه ويشوووف بس عمك اصمخ
اهم شى شكلنا واهل المتوفى بالطقاق لا حترام ولا حشيمه