شرايكم بــ مكياج العزا ؟

[pretty sarona]

مو حلوة الحركة مراعتنا لشعور الناس اللي رايحه اعزيهم , و العزة مهما كان قريب او بعيد المكياج ما ينحط له ,

 

[فديت منورة]

قلة ذووق

 

[Bamya]

ساعات في ناس يكونون أساسا عقب العزى بيروحون مكان .. فمكياجها يكون مو للعزى !


عالعموم .. أنا ما أهتم بهالشكليات ... أهم شي الوحـــدة توجّب الناس وتروح لهم حتى لو ببجامتها كافي عنوتها والله

 

[حدى عنيده]

شنو هذا رايحه عرس كلها عشر دقايق اعزي واطلع

 

[Gilmore Girl]

انا حتى لو ناس بعاد وما اعرفهم ما احط شي احتراما لهم ولاني احط نفسي مكانهم !

بس بنات خلوا ويوهكم ترتاح من الميك اب اشوي

 

[*قفشة عسل *]

صراحه قلة حيا يعني انتي رايحه عزا شلون تحطين مكيااج اقعدي في البيت ابرك
على الاقل احترمي اهل العزا
وتقلبي مروري يا الغاليه يسلمووووو

 

[بساطه]

سبحان الله العزى المفروض الناس ما تطالع بالمظاهر فيه
يعنى لو ما اتعظنا فى العزى ولا حسينا بان الموت يخوف متى بتحرك مشاعرنا
لا حول ولا قوة الا بالله

 

[&أمواج&]

قلة احترام لاهل العزا

 

[ترانيم القصيم]

قلة احترام لأهل المتوفي أولا والمتوفي نفسه ..
واستهتار وعدم مبالاة برهبة المــــوت ..

حطوا نفسكم بمكان اهل المتوفي وانتو داشين عليهم بميك اب وعبايات الستراس أما الشعر حدث ولا حرج
اشدعوة يا حافظ منتي قادرة تلمين شعرج هالثواني وانتي تعزين!!؟؟

أحسنتِ

ما حبكت نحط مكياج إلا بوقت العزا ..

أصلاً فيه شي اسمه مكياج العزا ؟ .. -_-! ​

 

[ツ Βαbŷ Fąčę ツ]

عآآآدي شفيييج إنآ شفت نآس حآطين ميك أب والله تقولين حفله شنو !! اوكي حتى لو مآيصيرون حق المتوفي يآيتج وهالرموش الي مركبتهم وآصلين لي أفآهآ وهالآيلآينر والله ليييييييش حرآآم !! أوكي أنآ وحده كنت أطبطب باسفنجه الفآنديشن أطبطب فرق ! لأني ويهي وقتهآ كآن مآدري شلون بعدين تسنع الحمد لله والإ الي حآطه حمره حمره ومتحسفه عليهآ مطبطبه بالكلينكس مبيه أشكره !! هذيل كوم وإلي ييون عبآلهم عرس كوم ييون يضحكون والله ويسولفون !! عزى يآنآإس :eh_s(1):

 

["اسطورة العشق"]

صج وقااااااااااااااااااااحة و قلة ادب !!




ناس عندهم ميت توفى الله خذا روحه و اهما بمصيبه .. وحده داخله متمكيجه
امبييييييييييييييه لا لا مو طبيعي ..
اسمالله على اهلي من العزا بس لو انا من اهل العزا والله اطردها برى
صج ناس ماتستحي و بدون احساس .. يا ربي لا تبلاني بالقلب الميت

 

[حرة عسل]

اشوفه مصخره وعدم احترام لاهل العزا
مشاعر حزن ومتفرغه تحط ميك اب لهدرجه رهبة الموت صارت شي عادي
ارحمنا برحمتك يارب

 

[brat]

مكياج يغطي العيوووووووب ؟؟؟
اسمه مكياج ! وشنو العيوب اللي بتتغطى ؟!
الحبوب ؟ والا السواد ؟
انا وحده اذا شفت ويه بنت في حبوب وعليه كومباكت يعورني قلبي وبصراحه احسه مو نظيف واحس انها لازم تعالج الحبوب عشان تغطيهم!
مو تحط فوق السواد والحبوب كومابكت وتخرب بشرتها وتعميها !
وبعدين الشكل مو حلوووو اصلا !


واللي تقول عزا ناس قراب والا بعاد
كله اسمه عزا .... ما اسمح لنفسي ابداااااااا ان احط نقطة مكياج وانا راحيه عزا ان شاء الله لو بالمريخ
الاحترام لاصحاب العزا / الام /الاخت / الزوجه / البنت .... بروح اعزيهم والا اقولهم شوفوني مافيني عيوب اشحلاتي ؟!


وبعد بالنسبه للي تقول [ كلكم تحطون ميك اب ولاتقولون مانحط ]

اختي احترت شنو ارد عليج
بس لو سمحتي لاتعممين ومابي اقول كلام اكثر





والسموحه حدي منقهره حددددددددددددددي
توني يايه من عزا ولد عمتي وادخلو بنات متمكيجات ومسوين تسريحه
اقسم بربي ارفعوا ضغطي
مو ضغطي انا بس.... بنات عمتي حسوا انهم مستهتريييييين فيهم
وبالعزا اللي هم اصلا يايين يعزون اهله


ماقول الا اللهم لاتفجعنا باحبابنا ..


مشكوره على فتح باب المناقشه حبيبتي
وسامحيني اشتطيت بس ميته قهر من اللي صار اليوم بالعزا
ولما قريت عنوانج اعتقدت انج وحده من اللي كانوا معانا بالعزا ..

أختي مادري إذا ردج لي أو لأ

بس آنا بشرتي قاعده أعالجها ما فيها حبوب الحمدلله، كنت أقصد الآثار. ومع الفاونديشن تصير حلوه بشرتي مو (مو نظيفة) على قولتج.

 

[alb7ranya17]

ممممممممممممممممممممم قله ااحترام لاهل المتوفي والمتوفي نفسه كلها ثواني قعدي من غير مكياج بعدين كيفج

 

[sereen]

توفي ابوي الله يرحمه قبل شهرين وبنت عمتي بالعزا مو مخليه شي مو حاطته والعبايه ستراس وحاله مع القذله اللي مطلعتها وذبحها الاستعراض مسكينه جدام الحريم مع اللي متوفي خالها اخوأمها وعادي تتصرف ولا كانها حاطه شي والمصيبه انها 3 ايام العزا موجوده بكل وقاحه وهي حاطه مكياج لانها مسكينه تعتبر روحها ملكه جمال الكون فما تقدر ماتطلع الا بمكياج ودرينا بعدين انها بكل عزا جذيه صراحه قله ذوق وقلة ادب وحنا سكتنا عنها احترما لعزا ابوي وطوفنا المترديه والنطيحه والله يغفر لك يايبه ويجمعنا معاك بالجنه ونشم ريحته يابعد الدنيا واللي فيها ،،،،،،

------
بعد عمرى والله عورتى قلبى على فراق ابوج , ذكرتينى بالغالى اللى راح احنا من 4 اشهر بس والله صغير ابوى مو من كبرا بس الحمدلله على كل حال . احسج تعانين نفس معاناتنا
ونفس البنات ويصيرون لنا المصيبه شعووور والعبايه مقطوووطه على الظهر , ماجنه عمهم على قوولتج الواحد يطووف لان اصلا مو بالمووود ولا وقت نجرة اذا اهم ماحسوا غلط وكل وحدة كبيرة فوق ال 28 سنه , يم العالم نمسك نفسنا بس انا اقولج حتى بعزا ابوهم ماهمهم ابد الشكل ثم الشكل الله يكافى جنه اللى متوفى قطووووووو , هالاشكال كاسرة هيبة العزا

 

[LoloBlueStyle]

عزا ومكياج ....

شفت وايد من هالنوعيات
عزا ابوي الله يرحمه ويسكنه فسيح جناته
كان بالعشر الاواخر من رمضان اللي فات
يت وحده تعزي ...تعرف نسيبة اختي ...
وحاطه مكياج وااااضح
والحمره حمممممممره
والله الكل بس يطالعها وهي ولا مهتمه ...
زين عالاقل مسحي الحمره بس او خففيها ...
ماكو احساس نهائيا ....
رحمة الله عليك يا احن واطيب اب
اللهم اغفر له ووسع مدخله ...واره مقعده من الجنه ..وقه عذاب القبر وعذاب النار
:
:
:
:

....بس حتى لو كان اهل العزا مو قرابه قويه
هم يتم اسمه عزا وحالة وفااة ......

الحمد لله ما احط بالعزا اي شي حتى لو بروح بعدها زياره لاحد او سوق

 

[Miss.6Mo7]

عيب !

 

[نـ(المطيري)ـازكـ]

يبة عادي لعل وعسى البنت تنخطب بالعزا هههههههه

والله ويصير هالشي ..

 

[HELPFULL]

السلام عليكم
اشكر الاخت صاحبه الموضوع يعطيج العافيه على هالموضوع الحلو
السؤال اللي سألتيه حلو وايد ان هل تروحون العزا تحطون " مكياج العزا المخصص اللي هابين فيه هالايام ؟."
انا سؤالي ان كنتي من اصحاب العزا لا سمح الله بعيد الشر عنكم يارب" ابوج والا امج والا اي احد من القراب حيل عليج شلون يطاوعج قلبي وتجابلين المنظره اصلا وتتمكيجين للعزا وانتي بهالفاجعه ؟ "
والله ان اعرف ناس قراب حيل من اهلنا يوم عزا ابوهم البنت الكبيره حاطه رمووش صناعيه وعدسات ملونه وماسكرا وتاتو على الحواجب وكريم اساس يعني يكون الويه طبيعي صج فشله والله ورب الكعبه اني مت من الحره يومها وبغيت اسمعها جم كلمه تحوس بقلبي ...مع انها كبيره بالعمر مو صغيره ام عياااااااااااال ...والبنت الثانيه مسكينه كانت تعور القلب مع ان اهيا الصغيره فديتها محترق قلبها من قلب على فراق ابوها وعداها العيب والله سنعه وبدال ما الكبيره تواسي الصغيره بس جد ما من احساس ابد بس رازه عمرها ومتمكيجه والله اسمع الحريم ينقدون عليهاااا من اهلهم
واشكال تدش العزا تحف هم من اهل المتوفي الله يرحمه برحمته والله مكيااااااااااج حيل واضح من قلب والشيله بف ودماغها جنه منطااااااااااد مادري من قاص عليها قايل لها ان اهني مسابقه احلى منطاد !!!
وسوالف وضحك وتكركر بالعزا صججججججججججججج قله ادب وقله احترام للمتوفي ماحسيت ان في احد متأثر صج للشخص الطيب اللي كان يلم كل اهله وعيال خواته عنده بكل حزه ويسأل عن الكل هذا اهو لهالدرجه كااااااااان عسل وحبيب وطيب لاقصى درجه جذي ماحترموا العزا عيل لو اللي متوفي شراني والا عصبي والا ما يوجب ولا يسأل عن احد جان شسوااا بعزاه اعتقد جان عادي العلجه بالحلج والتطقطق بالعلج ينسمع صوته اخر الفريج والمكياج حدث ولا حرج
اسفه على الاطاله بس جد تذكرت الموقف هذا واحتريت على الشخص اللي توفى
الله يرحم امواتنا واموات المسلمين

 

[المـــــها]

لأ ،، الناس تبجي و أنا جاية متزينة ،، أ؛س كأني عديمة إحساس لو أسوي جذي

بس لو البنت فيها شي بوجهها يحتاج التغطية مثل جرح أو شي بمخفي عيوب عادي ،، لكن تحط بودرة و مرطب لأ ،، الله يخلي
زبدة الككاو ،،