%%%%%سلمى و الخمس رياييل %%%%%

[همس الحنين]

الوووو كمليها ام يؤؤؤؤؤؤؤؤؤؤؤؤؤيؤؤؤؤؤؤؤؤؤ عفيه اشتقنا للقصه وعلى ساالفج لا تزعلين فديتج

 

[أم@الحلوين]

وينج ام يويو

 

[um_yoyo]

سلمى قعدت بغرفتها تفكر بالي صار و الي راح يصير قامت و راحت غرفه عبدالله افتحت الباب بعصبيه

عبدالله لف عليها : نعم ؟
سلمى بعصبيه : نعم الله عليك ...هذي اخر مره اسمحلك تكلمني بهالاسلوب سمعتني او لا
عبدالله ساكت يطالعها مصدوم اول مره تصارخ عليه
سلمى : و حط ياشاطر في بالك انك ما عندك ولاشي غير هالملابس الي عليك و اي انا الي شاريتهم
عبدالله : شنو ؟؟ لا غلطانه انت على بالج انا ياهل بتقصين علي انا انا ولد الفلاني
سلمى : و لعنه فيك و فيهم وايد مختب بعايلتك وينهم عنك طو هالسنين
عبدالله : ليش مو انتي خذيتيني منهم و منعتيني اشوفهم و يشوفوني
سلمى : منو الي قالك هالكلام ...؟
عبدالله ساكت
سلمى بصراخ : تكلم
عبدالله : عرفت و بس
سلمى : انت منو الي تبي تزوجها ؟
عبدالله : بنت رفيج ابوي و اهم الي قالولي عن كل شي انت خاشته عني
سلمى : اي رفيج ؟ منو ؟.
عبدالله : عمي خالد
سلمى حست الدنيا تفر فيها قعدت على الفراش : من وين عرفتهم ؟
عبدالله : عرفتهم و بس
سلمى حاولت تجمع كل قوه فيها ووقفت : اسمع قول حق عمك خالد و بنته ان ما عندك ولا دينار و كل هالخير مالي باسمي و ورثك انا خسرته بجم صفقه و مالك شي

عبدالله : شقاعده تقولين ؟ تبوقين ولدج ؟ صج انج .
سلمى قاطعته : اذا مو عاجبك الباب يوسع جمل روح حق عمك خالد

و طلعت

عبدالله يتكلم بالتلفون: هذا الي صار عمي
خالد : استغفر الله هذي امك ما تغيرت بس ولا يهمك انا قلت لك نور حقك انت ولد الغالي

فتحت سلمى الباب :
عبدالله : نعم ؟
سلمى : تعال المكتب


بالمكتب

سلمى : عطني عنوان خالد
عبدالله باستهزاء : ليش ؟ بتخطبينها لي !

سلمى : اي مو هذا الي تبيه
عبدالله باستغراب : صج ؟
سلمى : ها عيل اخسر ولدي ..بس احتاج اكلم خالد قبلها
عبدالله : انا اخليه ايي لج
سلمى : باجر الصبح بالمكتب

 

[um_yoyo]

اليوم الثاني بالمكتب انطق الباب دخل خالد على سلمى كان شكله حيل متغير و مبين عليه الكبر و الخبث

خالد : والله ايام ..
سلمى : شفت الدنيا شلون صغيره
خالد يضحك باستهزاء : اي شفت ( و قعد يتلفت على المكتب ) والله عايشه بنعيم يابنت الجليب هاهاها
سلمى تبتسم : اي شفت بنت الجليب وين عايشه الحين بشويخ وولد الاكابر قاعد بشقه بالمهبوله لما الحين هاهاهاها
خالد بنرفزه : شتبين الحين ؟
سلمى : انت الي شتبي .. مالقيت غير ولدي توهقه في بنتك يالسكير
خالد : و شنو يعني بنت السكير عفوا بس مو هذا لقب ابوج المرحوم
سلمى : اسمع خالد اذا على بالك عبدالله عنده افلوس انسى كل شي باسمي
خالد : و منو قالج احنا طمعانين بفلوسه شنو نسيتي ان نور ابوها دكتور و اهيه راح تصير مهندسه
سلمى :اممم دكتور الي انطرد و انسحبت اجازته لانه يبي يسوي عمليه و اهوه سكران ...ولا عبالك اخبارك ما توصلني
اي و نسيت بعد مو كانه امها خلتك تولي لما انطردت و تزوجت و حذفتها عليك .. امم يعني البنت تربيتك و كانه سمعت انها اهيه الي قامت تصرف عليك .. بس من وين مادري مااحب احط بذمتي

خالد بصراخ : احترمي نفسج
سلمى : شوف انت و بنتك الدره المكنونه اذا ما وخرتو عن ولدي الله بسماه اسجنك و اذا انت مو عارف منو ام عبدالله روح اسأل مو باقي الا هالاشكال الي بتحط راسها براسي

خالد : راح يتزوجها و نفس ما خليت اهل ريلج ياخذون ولدج منج بعد ماقلت لهم كل شي عنج راح اخذه منج مره ثانيه
سلمى اوقفت : بس نسيت شغله ان بالنهايه ولدي رجعلي و الحين الي ما تطاوله بايدك طاوله بريولك يلا اطلع بره

 

[so_what]

يسلمووو على البارت

 

[um_yoyo]

خالد طلع و اهوه معصب بيموت من القهر راح اتصل على احمد ولد عمة عبدالله ولد طيبه كانت بينهم علاقه محوده جدا لان جدة احمد امصويتهم يعطونه فلوس كل ما يحتاج لاعماله الجليله معاها ( اهوه الي فضح ماضي سلمى لهم ) و احمد كان اهوه الي يتعامل بشكل مباشر مع سلمى و يعرف كل شي عن شغلها

بعد السلامات
خالد: الا بغيت اسالك شخبار ولد خالك عبدالله
احمد : الي اعرفه انه بامريكا
خالد : الا امه صج كاتبه كل شي باسمها
احمد : بييه من زمان حولت كل شي باسمها علشان تقدر اتمشي الشغل و هذا الي خلى جدتي تموت بحسرتها
خالد مصدوم : يعني عبدالله ماعنده شي كل حلال ابوه راح حق سلموو !
احمد مستغرب : اي عادي امه يعني مرد الفلوس حقه الا انت ليش مشتط
خالد : لا بس لان اهوه خاطب بنتي نور
احمد قاطعه : شنووووو بنتك ؟ !!
خالد : اي بنتي زميلته بامريكا
احمد : انزين شتبي الحين يلا انا مشغول

احمد سكر التلفون مصدوم شلون ولد خاله ( حتى لو العلاقه مقطوعه بينهم ) ياخذ نور بنت خالد لانه كان يدري انها مو مضبوطه من غير شعور اتصل على سلمى

سلمى : هلا احمد
احمد : ام عبدالله شنو الحجي ؟
سلمى : خير
احمد : عبدالله يبي يتزوج بنت خلود رفيج خالي المرحوم
سلمى : منو قالك ؟
احمد : مو مهم بس ترى البنت هذي مو محترمه و سيرتها على كل لسان و لها بصمات بالحفلات الخاصه
سلمى : اه يا احمد تقولي انا هالحجي
احمد : لا لازم اكلم عبدالله
سلمى فكرت بسرعه ان ولدها صارله جم يوم وايد يتكلم بعايلة ابوه و باين من كلامه ان وده يقوي علاقته معاهم فحست ان احمد راح يقدر يغير رايه عن نور
احمد : ام عبدالله انا ادري انج ما تبين اي علاقه بينه وبينى
سلمى قاطعته : لا لا انتو اهله اخذ رقمه و كلمه بس لا تقوله ان انا ادري

 

[MaFaZ]

ان شاء الله يتكرفس خالدو يطيح ببالوعة

مشكورة ام يويو فديت اناملج خووووووووووش ستوري مترقبين الاحداث وان شاء الله احمد فديت اسمه يقدر يأثر على عبدالله

 

[@أحلاهم وأتحداهم@]

سبحان الله الي سواه خالد بسلمى انقلب ضده صج كما تدين تدان
يسلمو قلب على البارت

 

[pearlq8]

أحداث قويه ... صار في اكشنات

يعطيج العافيه .. صج كما تدين تدان

 

[كويتية و النعم]

احداااث صج قوووية
يعطيج الف عااافية
ناطرييين

 

[Zozαĺiиaђ]

alah wanasa 6weeel
thanks waaaaayed
maskena salma inshalah 3abdalah y'3ayer rayaa en bnt 5alid !
Cham part bagy 3al 8i9aa ??
na6reenich

 

[miss disaster]

يسلمو ناطريين الياي

 

[بنت حمووله]

بلييييز كملي

 

[zooz92]

وييي الله يستر من خالد وبنته :s

يعطيييج العاافية على البااارت ام يويو

ناااطرينج

 

[توتا كويتيه]

يعطيج العافيه حبيبتي

 

[Babya Doll]

يعطيج العافية
لا تطولين علينا

 

[@فطفوووطه@]

يعطيج العافيه ام يويو

 

[@فطفوووطه@]

ناطرين البارت الياي ام يويو

 

[Danya =)]

:|
من وين طلع هالخالد !
الله يستر منه
يعطيج العافيه ام يويو
ناطريين

 

[أم@الحلوين]

الاحداث كلها صارت اكشن

كملي ام يويو عفيه......