%%%%%سلمى و الخمس رياييل %%%%%

[nunu alghanim]

ناطرينج p:

 

[استبرق أم علاوي]

ويتنج

 

[♥ الــزيــن ♥]

حبيبتي توني اشوف روايتج حدها عجيبه

وسلمى حدها تكسر الخاطر

ناطرين البارت الياي لاتطولين علينا ونبغى بارت طويييييييييييييل

 

[أم@الحلوين]

صار الصبح
ماكو بارت؟؟؟؟؟؟؟؟؟؟

 

[um_yoyo]

بنات عذروني بس المنتدى موراضي يفتح معاي امس ادخل و يطردني لاعت جبدي انشالله اليوم البارت الاخير

 

[pearlq8]

هبااااااااااااااااااااااااااااااا يالله ناطرين والله تعبت من كثر النطره و المنتدى لوع جبدنا

 

[um_yoyo]

و مر اسبوع ...

حمدان يتصل على سلمى : هلا حمدان
حمدان نزلي تحت انا ناطرج
سلمى : ماشي

انفتح باب الاصنصير شافت حمدان شايل عبدالله ولدها من غير شعور قامت تركض و و خذته من ايده و قعدت تبوسه و تبجي

حمدان : بس عاد عن البجي تخرع الولد مسكين ترى اخذه منج مره ثانيه
سلمى و اهيه تبجي و تضحك بنفس الوقت : شلون؟ وليش ؟
حمدان : تعالي نقعد الناس قاعده تتفرج علينا

حمدان : الله يسلمج بواحمد توه كاسب عقد بناء عندنا بدبي قيمته بالملايين و والدي اهوه الي خلى العقد يرسي عليه يعني ضغطت عليه شويه بان القعد الي معاه مب نهائي و ممكن ينسحب منه .. يعني اسلوب الغابه

سلمى : و اهوه ما استغرب و ماسالك شنو علاقتك فيني و شلون تعرفني

حمدان بتردد : انا اسف بس اضطريت اقوله انك خطيبتي
سلمى : لاتتاسف حمدان امبيه انا لو شنو اسوي مااطلع من جزاك ..موعارفه شقولك بس انت خليتني ارد افكر ان الدنيا لما بخير
حمدان : و الحين شنو بتسوين ؟
سلمى : ماادري موقادره افكر بشي الحين احس مخي مجمد من الفرحه هاهاهاهاها
حمدان : يالله اخيرا شفتج تضحكين
سلمى و اهيه تبوس ولدها : بذمتك مو قمر
حمدان : الله يخليه يارب

و مر اسبوع و سلمى و حمدان طول الفتره مع بعض مع ولدها
وبيوم بمطعم سلمى قاعده توكل ولدها
حمدان : سلمى تزوجيني ؟
سلمى لفت ويهها مصدومه
حمدان : انا احبج و ودي اكمل باجي عمري معاج وولدج راح يكون بعيوني و اعتبره اكثر من ولدي ماراح ينقصكم شي ابد
سلمى نزلت راسها : اعذرني بس انا انتهيت من هالسالفه انا بعيش حق ولدي وبس انا منحرجه منك وايد بس صدقني رفضي مو لشخصك رفضي للزواج ككل

حمدان : عطيني فرصه
سلمى تبتسم : انت عطني فرصه ارتاح فيها بحياتي مع ولدي و يكون اهوه الريال الوحيد بحياتي

و مرت18سنه و سلمى و ولدها استقرو بالكويت و ردت سلمى حق شغلها و قدرت توصل لمكان مميز في التجاره و تربي ولدها وتوفر له كل شي يبيه و دخلته مدارس خاصه و كل طلباته اوامر و ظل قلبها امسكر ..ولكن ظلت على علاقه بسيطه و بحدود الصداقه و الشغل مع حمدان الي تزوج و عاش حياته ..اما اهل عبدالله فكانت العلاقه مقطوعه بينهم نهائيا


بيوم عبدالله دخل على امه : صباح الورد طويلة العمر
سلمى : هلا بعمري كله
عبدالله : يمه باركيلي
سلمى : الف مبروك شنو عاد بشرني
عبدالله : اطلعت لي بعثه لامريكا ادرس هندسه
سلمى حست ان راسها يفتر : شنو امريكا !! و شفيها جامعه الكويت
عبدالله بعصبيه : يمه اشفيج بدال ما تفرحين ولدج بيروح يدرس بره !
سلمى : بس يايمه انا مالي غيرك بالدنيا ...مبروك يمه الله يوفقك
عبدالله : اي جذي ...

و سافر عبدالله و سلمى ظلت بالكويت حاسه ان روحها فارجتها بس كانت تقول حق نفسها انا لازم مااكون انانيه و هذا مستقبله
كانت الايام تمر طويــــــــله عليها و دموعها ما تنشف على فراق ولدها ..

 

[@فطفوووطه@]

القصه اتينن
لايوقف لايوقف لايوقف

كملي متابعين

 

[um_yoyo]

و مرت 4 سنين و صار عبدالله بالسنه الاخيره رجع الكويت بالاجازه و بيوم دخل على سلمى الغرفه
سلمى : هلا بروحي تعال انا مو نايمه
عبدالله : يمه انا بتزوج
سلمى : هاهاهاها يمه حلاتهم الي يبون يتزوجون
عبدالله : يمه انا من صجي
سلمى : ماما انت ماتخرجت باقي لك سنه كامله
عبدالله : اي وشنو يعني لايكون انا محتاج المعاش علشان اتزوج نسيتي ان اقدر اتصرف الحين بورثي و اقدر اروح من اليوم ادير شركات ابوي
سلمى : انا ادري انك مو محتاج معاش علشان تتزوج ... وشركات ابوك شلون تبي تديرهم و انت ماعندك خبره ولا شهاده !
عبدالله : ياسلام كا انتي ماعندج حتى الثانويه و قاعده اتدرينهم من سنين !! و فوق كل هذا قاعده اتدرين شركة المجوهرات مالتج
سلمى حست بغصه بقلبها : عبدالله انا الدنيا علمتني و انا كنت مضطره ادير شركات ابوك علشان احافظ على حلالك و حلالي خاصه ان اهل ابوك كانو ضدنا
عبدالله : اي البركه فيج خليتيهم ضدنا
سمى اوقفت : شنو ؟ تكلم معاي بادب الظاهر انت نسيت عمرك و لا على بالك صرت ريال لما كملت 21 سنه لا اصحى
عبدالله : اي انا ريال بس الظاهر انتي مو راضيه تتقبلين ان كل شي راح يروح من ايدج
سلمى : اذا قصدك الشركات فانا كنت انطر و احسب الايام الي اشوفك فيها ريال و تمسك حلالك ... ماهقيت ان الغربه جذي تنسيك حبي و تضحيتي لك

عبدالله : اووو تبي تشتغل اسطوانه التضحيه خل امشي احسن

و طلع و رقع الباب
و سلمى مصدومه من الي صار !!!

 

[mr244]

ام يويو كملي

 

[@أحلاهم وأتحداهم@]

كملي
ام يويو نبي نهايه سعيده مانبي تعيسه عفيه والله سلمى تعور القلب ماتهنت بحياتها كلش

 

[girla]

لا يوقف لا يوقف
ام يويو كملي القصه كلهااااااااااااااااااااااااااااااا بليييييز

 

[gala q8]

أم يويو بليييييييييييز كمليها ..
و مشكورة على البارت ..

 

[@فطفوووطه@]

عفيه ام يويو نبي النهايه والله مااقدر ادخل كل شوي النت
النفاس هاد حيلي بليييييز نبي النهايه

القصه رووووعه نبي النهايه بلييييز

 

[pearlq8]

waiting

 

[فيلجـ كول ـاويه]

ويييي عبدالله ولدها يبط الجبد !!!!!

مشكووره عالبارت
ناطرييييينج بليييز موتطولين واايد

 

[meera15]

تسلمين بارتين بيوم واحد
نشكرك وايد

 

[دموع وشموع]

شكله عبدالله الخامس

بنات لا تضغطون عليها خلو النهاية مثل ما اهلي عفيه

ناطرينج ؟

 

[Babya Doll]

تكسر الخاطر سلمى وين ما تطقها عوية !!
يعطيج العافية حبيبتي

 

[miss disaster]

امبيه عبدالله no coument


يسلمو ناطريين الياي