زوجي يبيني أطبخ للديوانيه....إلحقوووووني

[kwait doll]

نزلي طبخي مره ومثلي انه بيغمى عليج وانج دختي ومثلي انه ظهرج يعورج منتي قادرة توقفين خليه يوديج طبيب خاص لوووعي جبده مصيره بينكسر خاطرة

 

[لمى...]

يممممممممممه 30 ريال

هذا شيشبعهم يمه العدد يخرع لو منج ابجي

 

[خوووخه w]

اذا بتطبخين الله يعينج اختي جذي كل اسبوع تطبخ لدوانيه وحامل بعد صار لها سنين وهي تطبخ وملت وزهقت انا اقولج لاتوافقين والله راح تاكلينها عدل مدل حتى هي تعبانه موتعبانه مايعذرها عندها عزيمه عرس يقول موذنبي مايخليها تروح علشان هالرياجيل والله حاله حريمهم يسرحون ويمرحون وهي المسكينه معلقه بالمطبخ لاتوافقين مثل اختي تبط الجبد وفوق هذا جاب لها شريجه على راسه وهي صغيره موكبيره حتى شريجتها اكبر منها ومن زوجها وتخرع الرياجيل مايبين بعينهم والله

 

[RowTow]

خاف صج بطبخ كل اسبوع حق 30 شارب!
هذا يصير نفس نظام قبل اللي المرا تطبخ لرجلها و حموانها وع, ماحب هالنظام. شحوط شطولهم و أطبخ لهم كأن مالهم والي.
إذا الوحده طبخت و من كيفها تتنقص لهم براحتها, أما لا و الله غصب حق ثلاثين رجال كل أسبوع ليش؟

أول شي مو لازم يتعشون عندهم, يطلعون و ياكلون من بره.
ثاني شي لو عزيمه وحده بين فتره و فتره هم أوكي. بس إني ألتزم فيهم و أطبخ لهم جني أمهم و الا مرتهم لا والله. آنا ماني ملزمه.

نفسي و عيالي أبدا علي.

و حاولي تصرفين نفسج من هالمسأله, لأن إذا مشيتي بهالدرب مراح يعذرج. لو تكونين ميته تعب بعدين ماله شغل ساعتها, تطبخين تطبخين.

 

[كريستال]

والله اذا ريلج يستاهل ويقدر تعبج طبخي له وبيضي ويهه

 

[mrs.abk]

الله يعينج ما عندي لج حل .. خذيه بالمسايس وربي بيسهل الامور

 

[um_saif]

آنهار الكويت مشكوووره والله هذا الي بسويه!! صاجه الديوانيهله ديوانيه للأهل تخيلي اول اسبوع قالي راح اييبلي عشرين ديايه لاااااااا والله مستحيل وآنا ما ابي اتعلم اصلا!! ومازال النقاش معاه مستمر والله كريم

اويه عشرين دياية ليش جيه يعذبج. تصدقين انا اول ما قريت الموضوع على بالي العدد مبالغ فيه. يعني رقم تعبيري لا اكثر بس شكلها السالفة صدق
بس ابا افهم انتوا عندكم بالكويت نظام عزايم كل اسبوع على عايلة والا كيف.
لا جيه وايد بصراحة اتفقي معاه اتييبون طباخات بالبيت او تتفقون مع مطبخ شعبي
ومعاج حق الفلبينيات شطرين بالتنظيف والاكلات البسيطة ما ينفعون للعزايم. عندنا بالامارات بعض العوايل الي تسوي عزايم دوم اييبون طباخين هنود رياييل لانهم يتحملون الطبخ كميات كبيرة اكثر من الطباخات الحريم

 

[قطوووة]

فكري شكثر بيستانس انج بيضتي وييهه

 

[miss_jamsheer]

اممم شوفي عادي تطبخين له وتعلمي وتفنني بعد ساعات بس قوليله مااقدر كل اسبوع صعبه واذا ماطبختي سوي سلطات غريبه وحلو وجذي وخلي العشا مطعم

 

[روحي تحبk]

لاتطبخين حراااام بتتتعبين خليه يشتري من المطاعم اللي طبخها مثل البيت وانتي عليج الحلا والسلطات وقولي له حبي مااقدر انا اتعب بالشغل وعندي بنت لازم اجابلها ومااضبط الطبخ بكميه كبيرة وانا من عيوني اسوي لكم السلطات والحلا بس الطبق الرئيسي من المطعم
لانج لو بتوافقين بتروووووحي فيها كل مرة بيقولج طبخي عشاني