زوجي يبيني أطبخ للديوانيه....إلحقوووووني

[أم حورية]

انا برايي تكونين واضحة يا اي او لأ

اما انج تتعمدين طباخج يكون مو حلو موحلوة بحقج ولا بحق ريلج جدام الرياييل

ومااشوف الوظيفة المرموقة لها شغل بشغل البيت بالعكس كل شي باجره وهذا بيتج

 

[حلااي]

انا اقول دام الديوانيه ديوانيه اهله يقومون كل الحريم اللي بالبيت يطبخون ويتعاونون بالطباخ كل وحدة تمسك لها شغله مو بس انتي لان هذي ديوانية العايله كلها مو بس بروحه الشايب والحموان كلهم بيدشون الديوانية عاجبهم اوكي مو عاجبهم خلاص تفاهمي معاه من غير زعل قولي مايصير ثلاثين رجال اقوم فيهم والحريم نايمين ماكو شغل والله خل يتقاطون اهو وحموانج ويجيبون العشا وخلاص

 

[um_saif]

انتوا بالكويت عندكم حريم يطبخون بالبيت مثلنا بالامارات
انتي لج ظروفج موظفة وام نصيحتي تسايرين ريلج وما تعارضينه. واتفقي مع حرمة طباخة تسوي لج الاكل وانتي ترتبينه في صحون البيت وهي فترة وتعدي ان شاء الله. بس كله ولا الفشيلة. موب زين تردين طلب ريلج وتفشلينه جدام ربعه وموب زين بعد تطبخين اكل ما يناكل وتفشلينه والله قمة الاحراج لج وله
الحمدلله انتي موظفةةوماعليج قاصر واتفقي مع تاجرة الاكل وظبطي امورج وخلج عادية ولا تزعلين ريلج. الله يوفقكم يارب

 

[Winter Q8]

الحمدلله انتي موظفةةوماعليج قاصر واتفقي مع تاجرة الاكل وظبطي امورج وخلج عادية ولا تزعلين ريلج. الله يوفقكم يارب

ليش اهي تقوم من الصبح و تشتغل علشان تكد على ديوانيتهم .. الحياة تعاون صح و اللي بجيبي حق بيتي و عيالي صح بس مو ديوانية العايلة ..

 

[رانس]

مااشوف فيها اي مشكله زوجج وطلب منج تسوين عشاء لربعه منو بيسوي له غيرج عيب تقولين امه تسوي له وانتي موجوده بس سالفة كل اسبوع قولي اقولك من الحين كل اسبوع لا مع اني ماشوف فيها اي مشكله هذا وانتي عندج خدامه

 

[noo7a]

اتفقي معاه
انج تسوين له السلطات و الحلو و الاطباق الجانبيه
والعيوش او مشويات كاطباق رئيسيه خل يطلبها من بره

 

[أنهار الكويت]

بنااات من قالكم ان الدوانيه حق ربعه بس مفتوووحه

اهي دوانيه البيت الكل يتجمع فيها عمامه عيال عمه عيال خاله ربعه ربع اخوه ربع ابوه

يعني عزيمه خاصه لريلها وربعه وبس

شنو ماتفهموووون تقولكم ثلااااثين رياااال تعرفوووون شنو ثلااااثين ريال <<< يعني كل هذول ربعه


تخيلوا كل اسبوع عندج ثلاثين حرمه شنو بتقدرين تطبخين لهم ؟؟؟ والله بوووفيه مايكفيييهم


لا خلج واضحه من البدايه وقوليله انا ابد ماعندي مانع ياقلبي بس عالاقل خل احد يساعدني ويتشارك معاي او تصير دوريه كل اسبوع على احد


انا مره .. ومرت حماي مره ... واذا خواته كبار هم يدشون المطبخ والام بعد لازم تساااعد شنو مو بيتهر ودوانية زوجها


والله انا امي اهي اللي تطبخ للدوانيه والعزايم ويساعدونها حريم اخواني هذا الطبيعي


واذا قالج ما يعرفون يطبخون قوليله يدشون معاي المطبخ ويساعدوني ،، يقطعون معاي ..يقلون .. يحمسون .. وانا معاهم بكون يعني لا تحاتي ماراح يخورونها


شنو الحين اليهال تعرف تقلي وتحمس والا بعد مايعرفون يقطعون الخضره او يخلطون ومن هالسوالف


كلنا ما كنا نعرف بس نتعلم وتعلمنا


وقوليله انا او اقدر على ثلاثيييبن ريال جان من عيووووني بس اقص عليك ماقدر ليش اقص عليك وعلى نفسي وتالي نتفشل

اصلن ماقدر اخلص بالوقت المطلوب لااااازم احد معاي غير امك خووو امك ماقدر آمر عليها واقولها قطعي وحمسي وسوي


طبعا مع الكلام الحلووو ان ودج بس العين بصيره واليد قصيره

 

[!! دلوعته !!]

يييييييييييييييع نفسي

 

[شباصه ورديه]

ا

لسلام عليكم

اولا الله يعينج بس بسالج ثلاثين ريال بالدوانيه يعني حتى اخوه معاهم فلازم الدلوعه تساعدج ادري بيقول لا بس وضحي له ان العزيمه حق اهل البيت يعني مو ريلج بروحه

ثانيا. دقي على هذول الهنديات اللي يجون البيوت يطبخون طبخهم عجييييب وانتي اوقفي عليهم

ثالثا عطييه خبر انج ماتقدرين كل اسبوع لازم اللي معاج يشاركون لان اذا من اول شي وافقتي بيصيرًانتي الملزومه بهالشي يعني اذا في عزيمه طبييييعي بيقولون انتي اللي تسوينها

والله يوفقح​

 

[القطه توتو]

حبيبتي انتي احتسبيها صدقه والله ثم والله تهون وبتطبخين ل100 مو30 لاكن اهم شي انوي في داخلك انك صدقه تطلبين فيها وجه الله بس ومن طلب الله ماخيبه

 

[آجمل نسآء آلدنيآ]

والله انا استغرب من اللي يقولون لج مو ملزومه تطبخين ..!!

لا حبيبتي ملزومه ونص وحتى لو مو بيتج بس الديوانيه دوانية ريلج و ربعه اللي بيتعشون ..!

امه ملسونه او نسره ع نفسها وامشش عدل يحتار عدوك فيه .. انتي نازله تسوين عشا ريلج وتصعدين ..~

وبعدين اللي مو عدل ان يطلب كل اسبوع من المطعم واللي مو عدل اكثر ان الخدم يبربسون حق اكثر من 30 ريال بويه زوجج ..~

واللي يبط الجبد ويفقع المراره ان امه المره الكبيره تقعد تطبخ وانتي زوجته عذرج انج موظفه وبنتج صغيره ..!!

الله يرحم زمان اول المره تتزوج وعمرها 12 سنه وتشيل بيت حموله كااامله اهي اللي تطبخ وتنفخ وتداري خاله و عم وبالعه وساكته و شوفيهم الحين الكل
يشهد بتربيتهم وسنعهم ..~

وعمررر الوظيفه المرموووقه والعيال ما يلغون حق الزوج ع زوجته ..~

وووو طبخه موفقه ان شاءالله الاسبوع الياي

 

[granted]

اختي طلبي لهم اوبن بوفيه وفكي عمرج على بونه مفاجئه حقه وان انتي بتبيضين ويهه
من صجج بتطبخين لثلاثين واحد
وحتى لو خبصتي الطباخ بيدري لانه مجرب طباخج
فانا اقول سوي حلويات خفيفه وفطاير وهالسوالف عن قولته ماكلفتي عمرج تسوين شي
والباجي من المطعم
ومنها ماتعبين روحج بنقاش وقضيه خسرانه وعوار راس
ولمن ايقولج ليش شحقه تطلبين بوفيه قوليله ببيض ويهك:d

 

[ركووزه]

الله يعينج

 

[ام معاذ العجمي]

الزوج له حق عليج - وأي شئ يبيه قومي بنفسج ولا تعتمدين على الخدم -
نصيحة

 

[(*ام عهــــد *)]

بالعكس خل يفتخر فيج وجماعتج مالج شغل فيهم
من الليل على فراغه جهزي السلطات بس لاتبيلنها ولاتحطين ليمون ولاطماط بس قطعيها وجهزيهاا بالثلاجه,,,,,

ووصي الخدامه اتقطع لج البصل والثوم والزنجبيل كلهم ووغطيهم,,, واذا كان عشاج لحم جيبي الجوله الارضيه مالت العزايم وحطيها بالمطبخ في احجام أنا جذي اسوي اذا زوجي عنده عزيمه مع ان مطبخي صغير بس كيفي نفسج عالمكان
ولازهبتي شغلج كله ,,,,
من الصبح ضبطي عيالج ووديهم لاهلج,,,

وارتاااحي نااااامي على الساعه 2 دشي المطبخ وشغلي عندج القرأن ولا لاذاعه واسمعي وقطعي البصل وحطي اللحم وخل يطبخ على الراحه والعيش لاتنقعينه الا قبل ماتحطينه 10 دقاايق لا يطول عشان يصير نثري...

واذا جا المغرب تكونين مزهبه القهوه والشاي وطالبه حلا وموالح
وحاطه بخور للديوانيه ومجيكه عليها وعالمغاسل بس انزلي مره وحده جيكي على كل شي وانتي ساكته مالج شغل فيهم هذا بوعيالج لاتكسرينه قدام ربعه هم جذي يفتخرون عند بعض بيضي وجهه..

وبعدها لااستوى اللحم قطي العيش تكونين داهنه صينية الفرن ومقطعه فوقها حلقات بصل وطمااط روحي وادهني اللحم في شوية معجون وصفيه بالفرن قبلها نقعي زعفران في ماي لاصار لونه حلو صبيه عاللحم
ودخليه يتحمر على مايستوي العيش زهبي الحشو والكشمش ..
بس لاتخلنه يطول حاولي تطفين النار عن العيش تنجبين على طول عشان مايتكسر العيش ويصير مو نثري

زهبي الرول مع لصحون على زوجج مايوديهم الاانتي ناجبه
ومزهبه اللبن والبيبسي والمااي وخلااص,,,

روحي اخذي لج دش وارتاحي روحي اقعدي عند هلج والخدامه تجي تنظف الشقه واتبخرها بعدها تعالي تكونين روقتي وعيالج يبون النوم وانتي عااد تنطرين رااي زوجج بالعشا
صدقيني اهم شي تنظمين وقتج وخلاص’’ بس اهم شي لاتكثرين اطباق عشان مايصير ضغط لانج بروحج
اذا قدرتي اطلبي من الحريم بشاميل ولامحاشي
وعالاقل جريش يصير حلو تقديمه وموفقه ياقلبي

 

[Laidy n3ooma]

بسسسسيطه

طلبي من المطابخ الشعبيه اللي تسوي العيوش والمجبوس وجذي

وحطيهم بصحونج

عيل كل اسبوع تقعدين تطبخين لهم شتسوا عليج

 

[ديماا]

حبيبتي طبخي والحين الحمدلله واااايد شغلات جاهزه مثل الكبب والسمبوسه والمحاشي وتقدرين تطلبين سلطات وانتي عليج الطبق الرئيسي الحياه سهالات مريت بنفس تجربتج وبيضت ويهه جدام اهله وربعه وحتي خدامه ما كان عندي ولا احد يساعدني وتلحمدلله نسيت التعب يوووم ياني وقالي ما قصرتي االله لا يقصر بعمرج بيضتي ويهي وحتي اخوانه اثنين متزوجين وساكنين معانا كانووو يمدحون طباخي وحريمهم من الغيره قالوو كل اسبوع وحده تسوي وقبل ما كانووو موافقين يساعدوني وعمر الوظيفه المرموقه علي قولتج ما نستي واجبي كزوجه واهووا لما كلمج ما كان مراجع عندج كلمج كزووووووووج وهذاا حقه والله يهديكم ويسعدكم

 

[um_saif]

ليش اهي تقوم من الصبح و تشتغل علشان تكد على ديوانيتهم .. الحياة تعاون صح و اللي بجيبي حق بيتي و عيالي صح بس مو ديوانية العايلة ..

الغالية اعتقد انا رديت على صاحبة المشكلة ما رديت عليج. لو عندج موضوع ورديت عليج ذيج الساعة اقتبسي كلامي وردي علي وموب شرط رايي يعجبج
انا موب موظفة الحمدلله بس عندي فلوس وما عندي مشكلة اصرف عالعزايم اذا في حالة ما كنت اقدر اطبخ وشغالاتي ما يقدرون على عزيمة كبيرة مثلا من ثلاثين شخص
اذا هي تقدر تطبخ خل تطبخ وتبيض الويه واذا ما تقدر انا نصحتها تتفق مع تاجرة اكل تساعدها والديوانية موب ديوانية العايلة ديوانية ريلها لان الي بيحضرون العزيمة ربعه موب ربع العايلة وهي ملزومة في ريلها ان تطبخ له في ديوانيته وتبيض ويهه جدام ربعه هي موب اقل من حريم ربعه في اي شي وفوق هذا وظيفتها مرموقة يعني انسانة متميزة بحياتها عيب تفشل نفسها وريلها بسبب الطبخ
وهي كيفها انا نصحتها هي ما نصحتج انتي والله يوفقها ويفرج همها ويسخر لها زوجها امين

 

[كويتية آنا]

الله يعينج خل يطلبلهم مطعم بعد كفايه أنتي تطبخيله
بعد دوانيه :eh_s(4):
مشكله بعد أمه أنتي علاقتج معاها مو ذاك الزود:bbbiu:
شوفي قولي حق أمج يمكن أساعدج
​

هذي أحد الحلول الي قلتها له وان شالله يقتنع!!

 

[كويتية آنا]

السلام بنات

والله اني مقهوره.....يعني قلنا اني طيبه وحبوبه بس مو لهذي الدرجه!!!

إحنا ساكنين بشقة ببيت أبوه.... وآمه وخواته موجودييين ويبيني آنا الي آطبخ للدوانيه كل اسبوع حق ثلاثين ريال ويقولي لا تفشليني والله قهر!!!

خليني اقولكم وضعي وانتم حكموا ونصحوني شنو اسوي لاني احبه واموت عليه وما ابي ازعله!!!

بنات انا موظفه وظيفه مرموقه والحمدلله ومع هذا اطبخ وانظف بالبيت واقعد مع العيال وما اخليهم مع الخدامه علشان زوجي جذيه يعتقد الأم المثاليه لازم تصير.....الدوانيه راح تكون بيتنا من الشهر الياي وقالي انت لازم تطبخين!!!! قلتله وليش مو امك يعني هذا بيتها وهذي ديوانيتكم وانا مطبخي صغير وموظفه وبنتي صغيره تبي اهتمام وانا ما اعرف اطبخ كميه!!!! تخيلوا بنات مع كل هذي النقاط قالي ميخالف انا امسك العيال وانت تنزلين تطبخين بمطبخ امي الكبير واهي تعلمج الطريقه!!!! طبعا أنا سكت لاأني آدري لو رديت عليه بعصب.....بس كاعده افكر ان هذا ظلم والله حرام ليش أنا بالذات يعني الي اطبخ!!! اوكي بعد خلوني اشرح لكم نقطه مهمه خالتي نسره ولسانها طويل وعلشان جذيه انا صرت كله اقعد بشقتي وخليت علاقتي فيها رسميه لانها على كثر الي سويتله لها من الطيب ما عطني الا الاهانه والمذله فالحين اشلون انزل بمطبخها والله اني صرت اكره دشت البيت منها ومن تصرفاتها :eh_s(16):
وطبعا على فكره آخوه متزوج وساكن بنفس البيت وزوجته ماتطبخ حتى البيض وكل على الخدامه وآنا يبيني آطبخ للديوانيه يعني هم ليش اهي المدلله ويصعد لها الغدا كل يوم للشقه لانها ماتعرف تطبخ وانا طول عمري اطبخ لعيالي وريلي وما قلت شي بس مو لهذي الدرجه عاد!!!!!
بنات ابي تقولولي شنو أسوي؟ وآبي وحده تقولي رد مقنع حق زوجي لاأني ما ابي ازعله.....الله يخليكم ساعدوني واذا غلطانه قولولي[/b][/b]

شفت العنوان وييت اركض لانه ريلي قالي اطبخ اليوم لربعه بالدواام بالعكس انه وافقت بس مو ثلاثين ريال !!!!!!

شــوفي قولي لريلج انه علي السلطات ما سلطات وامگ خل تسوي الاكله ألرئيسيه


مايصير جذيه كله عليج ولا بعد كل اسبوووع او اهله يسون اسبوع وانتي الاسبوع اللي وراه


وبعدين ما فيها شي إذا طبختي لربع ريلج بالعكس راح يفتخر فيج

صاجه صح مافيها شي اذا طبخت حق ريلي وعيالي بس مو حق الديوانيه....المشكله انا مابي انزل مطبخ بيتهم....الله كريم