زوجي يبيني أطبخ للديوانيه....إلحقوووووني

[دندون ام عبود]

يطلبلهم من المطعم
بعدين تركو هالعادات طبخ البيت
وقوليله يابو فلان انا مشغولة يكفي اداوم واجيي مرهقة وتعبانه وعندي مسئ وليات في البيت من نتظيف وغسيل والبنت بروحها شغله
اوقوليله الله يرضى عليك اطلب من مطعم عددهم كبير وانا ماعرف اطبخ كثير

 

[كويتية آنا]

قوليله انج ماتعرفين تطبخين كميه كبيره
وقترحي عليه تشترين من مطعم إذا وافق زين اذا ماوافق
انتي طبخي بعد شتسوين
انا لو مكانج بسوي اكل ما يناكل عشان يحرم يقولي طبخي حق ربعي
لان الخوف اذا عجبهم اكلج يبون كل مره تطبخين لهم
وراح تتوهقين
واذا ريلج عصب وقالج ليش الاكل مو حلو ويفشل قولي له قلت لك من البدايه ماعرف اطبخ كميه كبيره
واستحملي اطنازته عليج جم يوم لانج فشلتيه جدام الريايل بس راح تفتكين

بس هذا مو طبعي ما اعرف اسوي جذيه

 

[كويتية آنا]

حبيبتي اذا العزيمه لزوجك لازم انتي اللي تطبخين لزوجك امه مالها علاقه لانه متزوج وزوجته اللي مفروض تقوم بعزايمه
والحمدلله عندك شغاله خليها تجهزلك كل شي وانتي عليك الطبخ واذا ماتعرفين تطبخين اتصلي على امك او خواتك واساليهم ويعلمونك النقاط اللي منتي عارفتها اما من ناحية انها كل اسبوع هذي اقعدي معاه قعده وفهميه انك تتعبين وقولي ع الاقل خلها مره بالشهر

تعتقدين اذا اتصلت على امي تقدر تعلمني اشلون اطبخ بجدر العود مال العزايم لاوالله ما اعتقد :eh_s(10):

 

[كويتية آنا]

بصراحة منتي ملزومة تطبخين حق 30 ريال و منتي صاحبه البيت علشان تدخلين مطبخهم و تاخذين راحتج و اتوقع انج راح تطبخين و انتي لابسه حجاب صح ؟؟ لان بيت حموله
من البداية صكي هالباب لان لو طبختي مره خلاص راح يتمادا بالطلبات و كل شوي يطلب منج شي
قوليله ان بيتج الزم عليج من الديوانية و ترا الاغراض اللي بيشتريها حق الطباخ تقريبا نفس قيمة المطعم اللي بيطلب منه عيل ليش التعب ؟؟
بينيله وجهه نظرج و انتي عيالج صغار حرام تخلينهم عند الخدامة او عنده لان راح يمل منهم و مسئوليتج انتي بعد تمسكين العيال الصغار

صااااجه والله هذا الي خايفه منه انه يلزق بالسالفه واتوهق علشان جذيه انا مصره اني ما اطبخ من البدايه!
مشكوره على ردج الي يبرد الجبد

 

[كويتية آنا]

[size="7خلي الخدم يطبخون بس انتي اشرفي عليهم وانتي سوي الحلويات السريعة[/size]

خداماتي فليبينيات ومايعرفون يطبخون عيوش وكميه كبيره للأسف

 

[كويتية آنا]

صعبة
ننصحج تطبخين
وانت وظيفتج مرموقة
كافي انج شايلة مسؤولية عيالج
رغم وظيفتج المرموقة

والله لو اقولكم شنو وظيفتي ولا المكان الي اشتغل فيه بالكويت راح تنصدمون!
but trying to protect my privacy

 

[um_saif]

حبيبتي صاحبة الموضوع اذا انتي خلاص في قرارة نفسج رافضة انج تطبخين او تحلين موضوع العزيمة الي بالديوانية هالشي يريحج خلاص ماله داعي تاخذين راينا. لان الكل يبي يساعدج ويعطيج حلول للمشكلة الي انتي فيها. بس احس انج انسانة صريحة وواضحة وجادة جدا وفضلتي ترفضين من البداية. انا خوفي هالشي يزعل ريلج منج الله لا اييب زعل بينكم ان شاء الله وصليله رفضج بطريقة حلوة وباعتذار وان شاء الله ربي يرزقج بيت خاص ومطبخج وخدمج وترتاحين انتي وريلج الله يسعدكم

 

[كويتية آنا]

انا برايي تكونين واضحة يا اي او لأ

اما انج تتعمدين طباخج يكون مو حلو موحلوة بحقج ولا بحق ريلج جدام الرياييل

ومااشوف الوظيفة المرموقة لها شغل بشغل البيت بالعكس كل شي باجره وهذا بيتج

صح بس وحتى انا بالبيت اييب معاي الشغل من الدوام.....بس ريلي الله يهديه مايقدر

 

[كويتية آنا]

انا اقول دام الديوانيه ديوانيه اهله يقومون كل الحريم اللي بالبيت يطبخون ويتعاونون بالطباخ كل وحدة تمسك لها شغله مو بس انتي لان هذي ديوانية العايله كلها مو بس بروحه الشايب والحموان كلهم بيدشون الديوانية عاجبهم اوكي مو عاجبهم خلاص تفاهمي معاه من غير زعل قولي مايصير ثلاثين رجال اقوم فيهم والحريم نايمين ماكو شغل والله خل يتقاطون اهو وحموانج ويجيبون العشا وخلاص

تسلمين على الرد...لأن هذا الي بسويه.....مستحيل راح اوافق!!

 

[كويتية آنا]

مااشوف فيها اي مشكله زوجج وطلب منج تسوين عشاء لربعه منو بيسوي له غيرج عيب تقولين امه تسوي له وانتي موجوده بس سالفة كل اسبوع قولي اقولك من الحين كل اسبوع لا مع اني ماشوف فيها اي مشكله هذا وانتي عندج خدامه

هذي ديوانيه الأهل مو ربع ريلي يعني انامو ملزمه فيهم بروحي.....هذا بيتهم مو بيتي يعني اشمعنه انا....بس لاني زوجة ولدهم الكبير وشنو يعني.....الله يهديهم

 

[كويتية آنا]

بنااات من قالكم ان الدوانيه حق ربعه بس مفتوووحه

اهي دوانيه البيت الكل يتجمع فيها عمامه عيال عمه عيال خاله ربعه ربع اخوه ربع ابوه

يعني عزيمه خاصه لريلها وربعه وبس

شنو ماتفهموووون تقولكم ثلااااثين رياااال تعرفوووون شنو ثلااااثين ريال <<< يعني كل هذول ربعه


تخيلوا كل اسبوع عندج ثلاثين حرمه شنو بتقدرين تطبخين لهم ؟؟؟ والله بوووفيه مايكفيييهم


لا خلج واضحه من البدايه وقوليله انا ابد ماعندي مانع ياقلبي بس عالاقل خل احد يساعدني ويتشارك معاي او تصير دوريه كل اسبوع على احد


انا مره .. ومرت حماي مره ... واذا خواته كبار هم يدشون المطبخ والام بعد لازم تساااعد شنو مو بيتهر ودوانية زوجها


والله انا امي اهي اللي تطبخ للدوانيه والعزايم ويساعدونها حريم اخواني هذا الطبيعي


واذا قالج ما يعرفون يطبخون قوليله يدشون معاي المطبخ ويساعدوني ،، يقطعون معاي ..يقلون .. يحمسون .. وانا معاهم بكون يعني لا تحاتي ماراح يخورونها


شنو الحين اليهال تعرف تقلي وتحمس والا بعد مايعرفون يقطعون الخضره او يخلطون ومن هالسوالف


كلنا ما كنا نعرف بس نتعلم وتعلمنا


وقوليله انا او اقدر على ثلاثيييبن ريال جان من عيووووني بس اقص عليك ماقدر ليش اقص عليك وعلى نفسي وتالي نتفشل

اصلن ماقدر اخلص بالوقت المطلوب لااااازم احد معاي غير امك خووو امك ماقدر آمر عليها واقولها قطعي وحمسي وسوي


طبعا مع الكلام الحلووو ان ودج بس العين بصيره واليد قصيره

آنهار الكويت مشكوووره والله هذا الي بسويه!! صاجه الديوانيه ديوانيه للأهل تخيلي اول اسبوع قالي راح اييبلي عشرين ديايه لاااااااا والله مستحيل وآنا ما ابي اتعلم اصلا!! ومازال النقاش معاه مستمر والله كريم

 

[batool H]

الريال يحب يفتخر بطباخ مرته عند اهله وربعه بس انتي 30 شخص وااااايد
قولي له مافيني حيل اطبخ هالكمية وايد وانا مو متعوده

 

[كويتية آنا]

انتوا بالكويت عندكم حريم يطبخون بالبيت مثلنا بالامارات
انتي لج ظروفج موظفة وام نصيحتي تسايرين ريلج وما تعارضينه. واتفقي مع حرمة طباخة تسوي لج الاكل وانتي ترتبينه في صحون البيت وهي فترة وتعدي ان شاء الله. بس كله ولا الفشيلة. موب زين تردين طلب ريلج وتفشلينه جدام ربعه وموب زين بعد تطبخين اكل ما يناكل وتفشلينه والله قمة الاحراج لج وله
الحمدلله انتي موظفةةوماعليج قاصر واتفقي مع تاجرة الاكل وظبطي امورج وخلج عادية ولا تزعلين ريلج. الله يوفقكم يارب

ام سيف انا ما ابي افشله بس هذا ظلم يعني البيت بيتهم وامه وخواته موجودين وانا الي اطبخ بروحي للديوانيه ليش؟

 

[كويتية آنا]

ا

لسلام عليكم

اولا الله يعينج بس بسالج ثلاثين ريال بالدوانيه يعني حتى اخوه معاهم فلازم الدلوعه تساعدج ادري بيقول لا بس وضحي له ان العزيمه حق اهل البيت يعني مو ريلج بروحه

ثانيا. دقي على هذول الهنديات اللي يجون البيوت يطبخون طبخهم عجييييب وانتي اوقفي عليهم

ثالثا عطييه خبر انج ماتقدرين كل اسبوع لازم اللي معاج يشاركون لان اذا من اول شي وافقتي بيصيرًانتي الملزومه بهالشي يعني اذا في عزيمه طبييييعي بيقولون انتي اللي تسوينها

والله يوفقح​

صراحه ما فكرت بالطباخات الي يطبخون بالبيت.....مشكوره راح ادور ارقامهم :rerrerek:

 

[كويتية آنا]

والله انا استغرب من اللي يقولون لج مو ملزومه تطبخين ..!!

لا حبيبتي ملزومه ونص وحتى لو مو بيتج بس الديوانيه دوانية ريلج و ربعه اللي بيتعشون ..!

امه ملسونه او نسره ع نفسها وامشش عدل يحتار عدوك فيه .. انتي نازله تسوين عشا ريلج وتصعدين ..~

وبعدين اللي مو عدل ان يطلب كل اسبوع من المطعم واللي مو عدل اكثر ان الخدم يبربسون حق اكثر من 30 ريال بويه زوجج ..~

واللي يبط الجبد ويفقع المراره ان امه المره الكبيره تقعد تطبخ وانتي زوجته عذرج انج موظفه وبنتج صغيره ..!!

الله يرحم زمان اول المره تتزوج وعمرها 12 سنه وتشيل بيت حموله كااامله اهي اللي تطبخ وتنفخ وتداري خاله و عم وبالعه وساكته و شوفيهم الحين الكل
يشهد بتربيتهم وسنعهم ..~

وعمررر الوظيفه المرموووقه والعيال ما يلغون حق الزوج ع زوجته ..~

وووو طبخه موفقه ان شاءالله الاسبوع الياي

اجمل نساء الدنيا الديوانيه ديوانيه العايله انتقلت لبيتنا مو ديوانيه ربع ريلي.....وانا طول عمري اطبخ لريلي وعيالي وما تذمرت بس مو لهذي الدرجه.....انا قلتله امك تطبخ الرئيسي وانا الاطباق سلطه وحلو...اهي مو راضيه....واهو يقول لازم وحده فيكم تتنازل......يعني انا الحين الغلطانه؟

 

[كويتية آنا]

بالعكس خل يفتخر فيج وجماعتج مالج شغل فيهم
من الليل على فراغه جهزي السلطات بس لاتبيلنها ولاتحطين ليمون ولاطماط بس قطعيها وجهزيهاا بالثلاجه,,,,,

ووصي الخدامه اتقطع لج البصل والثوم والزنجبيل كلهم ووغطيهم,,, واذا كان عشاج لحم جيبي الجوله الارضيه مالت العزايم وحطيها بالمطبخ في احجام أنا جذي اسوي اذا زوجي عنده عزيمه مع ان مطبخي صغير بس كيفي نفسج عالمكان
ولازهبتي شغلج كله ,,,,
من الصبح ضبطي عيالج ووديهم لاهلج,,,

وارتاااحي نااااامي على الساعه 2 دشي المطبخ وشغلي عندج القرأن ولا لاذاعه واسمعي وقطعي البصل وحطي اللحم وخل يطبخ على الراحه والعيش لاتنقعينه الا قبل ماتحطينه 10 دقاايق لا يطول عشان يصير نثري...

واذا جا المغرب تكونين مزهبه القهوه والشاي وطالبه حلا وموالح
وحاطه بخور للديوانيه ومجيكه عليها وعالمغاسل بس انزلي مره وحده جيكي على كل شي وانتي ساكته مالج شغل فيهم هذا بوعيالج لاتكسرينه قدام ربعه هم جذي يفتخرون عند بعض بيضي وجهه..

وبعدها لااستوى اللحم قطي العيش تكونين داهنه صينية الفرن ومقطعه فوقها حلقات بصل وطمااط روحي وادهني اللحم في شوية معجون وصفيه بالفرن قبلها نقعي زعفران في ماي لاصار لونه حلو صبيه عاللحم
ودخليه يتحمر على مايستوي العيش زهبي الحشو والكشمش ..
بس لاتخلنه يطول حاولي تطفين النار عن العيش تنجبين على طول عشان مايتكسر العيش ويصير مو نثري

زهبي الرول مع لصحون على زوجج مايوديهم الاانتي ناجبه
ومزهبه اللبن والبيبسي والمااي وخلااص,,,

روحي اخذي لج دش وارتاحي روحي اقعدي عند هلج والخدامه تجي تنظف الشقه واتبخرها بعدها تعالي تكونين روقتي وعيالج يبون النوم وانتي عااد تنطرين رااي زوجج بالعشا
صدقيني اهم شي تنظمين وقتج وخلاص’’ بس اهم شي لاتكثرين اطباق عشان مايصير ضغط لانج بروحج
اذا قدرتي اطلبي من الحريم بشاميل ولامحاشي
وعالاقل جريش يصير حلو تقديمه وموفقه ياقلبي

والله كلامج عسل بس هذا الي قلتيه يبيله مهاره ومبين عليج شاطره ماشالله...انا طبخي على قدي يعني وايد صعب علي اني اطبخ كميه جذيه....ومشكوووره

 

[كويتية آنا]

حبيبتي صاحبة الموضوع اذا انتي خلاص في قرارة نفسج رافضة انج تطبخين او تحلين موضوع العزيمة الي بالديوانية هالشي يريحج خلاص ماله داعي تاخذين راينا. لان الكل يبي يساعدج ويعطيج حلول للمشكلة الي انتي فيها. بس احس انج انسانة صريحة وواضحة وجادة جدا وفضلتي ترفضين من البداية. انا خوفي هالشي يزعل ريلج منج الله لا اييب زعل بينكم ان شاء الله وصليله رفضج بطريقة حلوة وباعتذار وان شاء الله ربي يرزقج بيت خاص ومطبخج وخدمج وترتاحين انتي وريلج الله يسعدكم

ام سيف انا مقتنعه اني لازم ما اطبخ بس اشلون اقنع ريلي وما يزعل مني ..... هذي مشكلتي..... اهو وايد طيب واذا زعل يشيل بقلبه وهذا الي ما ابيه......بس والله الحين قاعده ادور على الي ايون يطبخون بالبيت وان شالله يقتنع

 

[BubbLe87]

قعدي معاه و كلميه حتى اذا عصب شلون يعني انتي مو سووبر ومن
من رايي تصرين على موقفج و تبينيله انج مو قادرة فعلا على هالشغلة و انتي مو ملزومة فيها
اذا اصر قوليله مرة بالشهر بس مو كل اسبوع

 

[beauty rose]

حق 30 واحد ما ينفع بروحج لازم احد يساعدج
الله يعينج حبيبتي
بس اذا صارت السالفة و ما قدرتي تتصرفين طبخي من اليوم اللي قبله جم طبخه سهله و سوي السلطات
و اليوم اللي وراه خلطيهم

 

[beauty rose]

قصي عليه قوليله راح افشلك و كيفك انا قتلك كمية بروحي ماقدر لوول
خرعيه ان انتي مو قادرة بس لا تحطينه امام الامر الواقع بنفس اليوم