ريلي قاللي بروح الحج! شوفوا وين راااااح ؟

[brettey]

رد : ريلي قاللي بروح الحج! شوفوا وين راااااح ؟

روحي دبي ودزي له مسج وقولي له سلم لي على لبنان
روحي واستانسي ولا يهمج شي

 

[انصاريه قمره]

انا اقول لا تشيلين هم وروحيي دبي استانسي ودزيله مسج سلملي عالبنان

 

[انصاريه قمره]

ولي رجع خليج راده بيتج وقوليله مالك محط ريل بالبيت الا لين اتسنع وتصير ريال وقد الثقه اللي كنت معطيتك اياها ولا بعد 20 سنه تطيح من عيني وتطلع بنظري جذاب

 

[رق رق]

واااااااااااي صرلحه سج مشكله
انا اقولج سافري دبي انزييييييين واستانسي مدام اهوة اصلا راضي من اول بس قالج اليهال ودزيله مسج وقوليله سلم على لبنان سلملم
وذا دق لا اتردين علييه ويكون احسن اتصكرين جهاوج صيري قويه خوو
وبعدين شنو يتزوج عادي وامسافر هم عادي وااايد على نياتج انتي

 

[ام عفاف الكويت]

اااااااه ياقلبي
قاموا يجذبون باسم الحج ؟؟؟؟؟؟؟؟
يارب يصبرج مادري احترت لاتعورين قلبج ياقلبي
الدنيا ايام مباركه وعيد
لاتضيقين خلقج وهو مستانس
بس عندج دليل انه رايح اخاف يجذبج

 

[الخفــوؤق..}]

رد : ريلي قاللي بروح الحج! شوفوا وين راااااح ؟

لا و الله الا طرشي له مسج


و احرقي قلبه مثل ما حرق قلبج


و قولي له بيتي لي رديت يتعذرك و هاي بيتي انا و عيالي وخل لبنان تنفعك

و اختار يا انا و عيالك ولا لعبتك و جذبك



اي شي بس حرقي قلبه لا تخلينه يتهنا بهالرووحه



انطبطب و انداري و اهم بس يحرقون بقلوبنا


ما اقول غير ربي يهديهم...

 

[شقرديـه عالطل]

مادري بصراحه بس جذبته قويه ويقص عليج ميخالف بس هم مايستحي ويقص على الله

 

[*peace*]

رد : ريلي قاللي بروح الحج! شوفوا وين راااااح ؟

لا لا لا شفيكم بنات !!

ليش ماتدزله مسج!

دزي مسج ونص بعد

خربي عليه سفرته خليه مايتهنا فيها

 

[مدام زيزي]

استغفر الله ياربي حتى بالحج يجذب ياويله من الله وريلج هذا كير مو صغير على هالجذب ............بس شوفي كلميه وعفسي مزالحه وقوليله ياويلك من ربك تكذب بالايام الفضيله وتقول بتحج ؟؟؟؟ انت ربي بيعاقبك ؟؟؟ اي خوفيه ؟؟ لاتخلينه يرتاح ؟؟؟ خوفيه من الله ؟؟؟ قوليله انت لما تسوي شي خاف من الله مو تخاف مني ؟؟؟؟مو محلل ؟؟هدديه ؟؟والله قهر:eh_s(14):
الله يصبرج ويعطيج الحلم​

 

[q8y-moon]

دزيله مسج او حاولي توصلين له حجي ضروري
قوليله خلك باللبنان شوف وناستك وانا بدبي بشوف وناستي
و وقت مارديت الكويت خل اللبنان تفيدك لاني ما اعيش ويا واحد جذاب
ومالي معاك كلام تفاهم مع ابوي
وعقبها صكي جهازج ولا تفكرين انج تردين عليه خليه يموت قهر مايدري وينج فيه ولا شبتسوين
واذا حصلتلج روحه دبي روحي وبلغي ابوج بهالسالفه فشليه عشان يتوب يجذب قطيعه يبطون الجبد

 

[مدام زيزي]

المهم تعالي عطينا اخر الاخبار نستنااااااااااااااااااااااااااااااااااااااااج وقلبنا معاج

 

[q8y-moon]

خربي عليييه سفرته خل تطلع من خشمه4انا مره ريلي قالي بيروح السعوديه وطلع رايح البحرين
بغيت اشق جوازه بس حسافه اسحبه من ايدي بسرعه ندمته انه جذب علي
مايجذب الا الي عنده بلا

 

[ELFAD3Ah]

رد : ريلي قاللي بروح الحج! شوفوا وين راااااح ؟

حرام عليه والله احد يجذب هالجذبه الله يكون في عونج بس نصيحه يااختي لاتخربين بيتج وتشتتين عيالج عشان سفره وصبري شتسوين بس لازم تقعدين وياه وتعلمينه انج عارفه كل الاعيبه ومو نايمه

 

[©unique]

رد : ريلي قاللي بروح الحج! شوفوا وين راااااح ؟

الله يعينج على مابتلاج

والله الرياجيل صايرين يخرعون ...

مالج الا انج تدعيله بالهدايه

 

[w7da-f9la]

رد : ريلي قاللي بروح الحج! شوفوا وين راااااح ؟

الله يهديه ان شاء الله =)

والله انربط لساني ومادري ششششقول

 

[حبيبي مالكني]

رد : ريلي قاللي بروح الحج! شوفوا وين راااااح ؟

الله يعينج
انا لو مكانج مت من القهر
بس شتسوين الله يكون بعونج

 

[Ma-tmneetk]

رد : ريلي قاللي بروح الحج! شوفوا وين راااااح ؟

الله يعيييييينج
اختي متزوجه وتقول مادام انه مراعي مشاعرج سكتي وبالطقاق
والله ان الرياجيل كلهم نذاله ومايملي عينهم شي
*ابرك من انه يدري وبالخير ترى كل اللي بيصير ماينفع
لان انتي لج 20 سنه وعندج قوقش جهال الله يحفظهم

 

[شـيـخــهـ الزيـنـاتــــ }..]

زوجج مراهق بالخمسين

انا اتوقع ان عمره بين ال٤٠ و ٥٠

لان الرياجيل يمرون بهالمرحله تخليهم على كلام دكتوره نفسيه يشوفون اذا هم مرغوبين لي الحين ولا لا

نصيحه ونسي نفسج و لا تعصبين و لا توترين اعصابج

لانه بهذي المرحله طبيعي يمر الرجال بهالشغلات

انتي حسسيه انه لي الحين على قولت الدكتوره "وسيم" و جذاااب" <مو جذاب يعني كله يجذب لا جذاب بالمعنى الثاني

و ان شا الله يعدي هالمرحله بدون لا يورطج بمشكله ثانيه

و اذا سألتي دكتوره نفسيه عن هالحاله بتفيدج او حتى اقري عنها

والله يعينج

خاصه اذا كان طبعه جذي

ويهديه لج ان شاء الله

ويسخره لكم

 

[۩۩ الجـــــود ۩۩]

قويه صراحه الحج

الله يهديه

 

[غلااه]

رد : ريلي قاللي بروح الحج! شوفوا وين راااااح ؟

حسبي الله ونعم والوكيل باللي ما يخافون الله ..
لو انا منج والله اشك فيه ملايس جديده وجاكيتات ..؟؟؟؟ << واضحة
بس تبين رايي .؟؟ لا تدزين له مسج اول نطري شوفي بيدق عليج والا لا
وقولي كل الكلام اللي عندج