ريلي قاللي بروح الحج! شوفوا وين راااااح ؟

[ام الدرر]

رد: رد : ريلي قاللي بروح الحج! شوفوا وين راااااح ؟

حبيباتي الغاليات

شلوووووووووووونكم

حدي مشتاقتلكم

الريل حاكرني ومو مخليني أدش عالنت وأكتب لكم

بس ماصدقت طلع شوية عشانن أكتب لكم إن أموري معاه أحسها تحت المجهر

يعني جنة قاعد يجرب يصبر ولا يدلف حق اللي إختارها

وإن سهل ربي بكتب موضوع يديد عن حياتي في هالإسبوع اللي مر علي جنة 7سنين

وااااااااااايد صعب أحدد الحين شنو أبي

أدش بصراع أكون أو لا أكون عشان بيتي وحياتي وعيالي .... وللا ماأتعب نفسي مع بيت مهدوم مهدوم

اللي فهمته من باقي الموضوع انه يحاول يغطي عالغلط عقب ما كشفتيه
وناوي يتزوج
ياقلبي حاولي تقعدين معاه وتكشفون الاوراق
اذا انتي راضية بغلطته ومسامحته وشاريته وباقية على العشرة اللي بينكم
قولي له مستعدة انسى واسامح بس بوعد انك ما نجذب علي باي شي مرة ثانيه
وشوفي شنو قرر بالنسبة للزواج الثاني
اذا مازال عند رايه استخيري
وربي يسهل امرج
يسخره لج ويهديكم لبعض​

 

[الام الحنونه]

الله يعينج على ما بلاج اختي,صبري وتحسبي عليه بالله

 

[غدووور الكويت]

رد : ريلي قاللي بروح الحج! شوفوا وين راااااح ؟

عورتي قلبي الله يفرج همج حبيبتي

 

[أحساس مجروحهـ]

الله يعينج حبيبتي والله شي يقهر

انا توني متزوجه 5 اشهر ومن ثاني شهر زوجي خلاني وراح سوريا مع امه واخته ويحلف والله العضيم رايح علشان خاطر امي تبيني معاها لان مايعرفون شي هناك

ولم ارجعو امه قالت لا شفناه ولا شي الليل كله سهران برا وينام بالنهار يقعد المغرب ويطلع

وقال لي راح حفلة واحد وبعدين حده اعراقيه

الله لا يوفقهم ان شاءالله

ماادري ليش يحبون السفر

والحين طالعلي بطلعه يديده تايلند اوصخ دوله


الله يعينج والله ماادري شتسوين

بس مثل ماقالو البنات والله روحي لدبي واستانسي وخليه يموت قهر مثل ما مسوي فيج

حسبي الله عليه


اسفه بس انحرقت والله علشانج
الرياييل كلهم مالهم امان

 

[زهره الريف]

حبيبتي لاتحاتين كلنا معاك وان شاء الله سبحانه ماينسى عبيده اعطيك الحلول بالضبط
1- لاترخين كوني صامدة وقوية لان الرياييل مايون الا بالعين الحمرا
2- لاتتنازلين عن حقوقك المادية واملاكج في البيت والعمارة وابدئي من الآن برفع قضية عند محامي شاطر وجرجريه بالمحاكم كما سلب اموالك واغتصبها بالحيلة والكذب قبل سنوات
3- ارفعي قضية لاخذ حقوقك اللي باقها بتوكيلج اللي سويته له
4- العبي بورقة اعيالك هم ورقة الضغط الرابحة عليه
5- كوني على سنجة عشرة متزهلقة ومتعطرة مثل ما اعرفك لتسحرينه
6- عليك بالامر الخطير هو قيام الليل بسورة البقرة والله انها عجيبة وجربتها وانت تدرين
7- عليك بالدعاء وقت الاجابة عند الاذان والاقامة وبعد الصلاة وقبل التسليم من الصلاة وعند السجود والظي بالدعاء
8- اكثري من الاستغفار من لزم الاستغفار كان له من كل ضيق مخرجا
9- اطلبي من تتوسمين فيهم الصلاح ان يدعوا لك بظهر الغيب سواء شيخ او امراة او مسج ترسلينه لقناة اسلامية يشاركك الاف من المشاهدين فيدعون لك
10- اذا كان ليس لك احد يقف معك اخوان او اب وغيره فاعلمي ان هناك اقوى من هؤلاء هو الله الرحمن الاقوى
11- اكثري من الصدقة مفتاح الفرج والهم
ا12-كثري من دعاء الهم والغم (لااله الا انت سبحانك اني كنت من الظالمين)
13- هدديه انه لايعتقد انك ستكونين البيبي سيتر له انما ستكونين زوجة اذا تصلح وتعدل اما انه يخونك ويهدم عشرة عمر 20سنة في ثواني ويروح يتزوج ويختار على كيفه قولي له انك انا ساختار مثلك ولازلت شابة وصغيرة والكثير يتمنوني وخاصة اني جميلة وذات انوثة وملتزمة وما في احد احسن من احد
21- ادعي في ظهر الغيب ان يهديه ويسخره لك ويجمع مابينكم على خير واعلمي ان هذا ابتلاء ابتلاء ابتلاء فهل تصبرين وكيف تتصرفين
22- استشيري اهل الاختصاص بالشئون الزوجية افضل فهم اقدر على توجيهك الوجهة الصحيحة
23 وقبل كل شيء حددي انت ماذا تريدين بالضبط منه وهل تثقين به ان ينفذه وهل امل في اصلاحه
23- وكذلك لاتنسين استشارة اهلك احبابك والاستخارة فيما تقدمين عليه
24- وكذلك استشيري اكثر من رجل دين ليقول لك الحل من الناحية الشرعية
ووفقك الله وجمع بينكم بالحب وابعد عنكم بواقات الرياييل الوسخين عسى الله يفكنا منهم آمين
:yaaaaaarb::yaaaaaarb::hjy5jewf:

هذا نك نيم بنتي انا مستعيرته اليوووم

بصراحه كفيتي ووفيتي

 

[زوجة عزيز]

رد : ريلي قاللي بروح الحج! شوفوا وين راااااح ؟

طاحت دمعتي من غير ما احس حسبي الله ونعم الوكيل نفس زوجي عليه بجذبات قووووويه

 

[قطووه حلووه]

رد : ريلي قاللي بروح الحج! شوفوا وين راااااح ؟

حبيبتي عورتي قلبي حييييييييييل الرجاال شكل باااله طويييل

ونناا داايم مانصح بالطلااااق بس مااادري جد مادري حرااااااااااااااااام تضيعيين حيااتج مع رجاال مو مقدرج ممكن تصيرلج فرصه مع واحد ثااني يحبج ويقدرج اكثر منه

ادري كلام الصج يعور بس براايي ان هذا الحل ولو انه ابغض الحلاال الطلاااق بس انتي كييييييفج شوفي ايجابياته وسلبياااته وشووفي شنو الاكثر وشوفي قدرة تحملج اهم شي تقدرين تتحملين اكثر ولا للاا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الراي الاول والاخيير لج بس فكري عدددددددل بالكلام الي قلته لج الحياه بتعيشينها مره عيشيها صحح مع واحد يستااهلج
شكوو مايخليج شبكييين حتى بهذي ممنوووع استغفر الله منه هذااا ظاااالم ويقوول بسوي الحلاااااال والله ماشاف الحلاال ولا عرفه القرااار لج عيدي حسااباااتج حبيبتي
عيدي حساابااتج بهدووووء انا متأكده انج متوتره وحاسه بربكه مو عارفه شتسوييييييييييييييين
عيدي حسااباتج بهدووء والزم ماعليج صحتج ولا تحرقيين دمج عليييييييييه اخذي قرااار الي تحسينه يريحج واشتري راااحت باالج بعدهاااا والي قلتلج علييه اخذي رااي عيااااالج لاتستهيينييييييييييييين برااايهم مهم بهالشي وبالنهااايه انتي الي قرري

 

[عجزت أنساكـ]

حبيبتي يارب ينصرج عليه ويرد لعقله يمكن المسكين مضروب ع أفاه هل اللبنايه العوبه
مسويه له لا خويه انتي قولي اكيد وانت رايح تخطب ولا انت طالع معاه حطت لك بلا
يعني انتي وتعاتبينه رفعي له ونزليه حاولي تبين له انه هو زين وجتك زله وخلاص انا بسامحك
اما اذا هو معزم ع الزواج قولي له والله مالك شيئ بينا انا وعيالك حتى ملابسك تنقط بالشارع
والله في وحده من اهلنا تزج عليها وهي بعمرج اتوقع تخيلي قطت ملابسه من دريشه وع الشارع سيده ولا خلت له شيئ
والرجال خاف شاف الصج وما سكت عليه طلق شهر وما كمل
وعساااااااااه ما يتزوج عليج ويرد لعقله
والله بلا زبووووووووووحنا هالرجال تعبنا وحنا نركض وراهم مدري شنو يبون مالت عليهم بس

 

[ommishari]

الله يعينج ويصبرج
حبيبتي حطي في بالج إن محد يقدر يساعدج إلا رب العالمين سبحانه قادر على كل شيء......... عليج بالصلاة والدعاء ولا تنسين الأذكار والاستغفار على طول
وانتي وعيالج عليكم بقراءة سورة البقره على طول وصدقيني اذا سويتي هالشي باخلاص رب العالمين بيطلعج من هالمشكله على خير
والله يسخر زوجج وعيالج لج إن شاءالله

 

[ليـmــونة وردية]

رد : رد: ريلي قاللي بروح الحج! شوفوا وين راااااح ؟

الله يعينج ويصبرج
حبيبتي حطي في بالج إن محد يقدر يساعدج إلا رب العالمين سبحانه قادر على كل شيء......... عليج بالصلاة والدعاء ولا تنسين الأذكار والاستغفار على طول
وانتي وعيالج عليكم بقراءة سورة البقره على طول وصدقيني اذا سويتي هالشي باخلاص رب العالمين بيطلعج من هالمشكله على خير
والله يسخر زوجج وعيالج لج إن شاءالله

أتفق معها
الله يربط على قلبك ويلهمك الصبر
حبيبتي ركعتين في آخر الليل افضي همك لربك
مالك غيره سبحانه تضرعي له الحي بالدعاء وخلك واثقة ثقة تامة من نصرة الله لك سبحانه يعينك
والله يفرج عنك وراح أدعيلك من كل قلبي​

 

[om MaRyooM]

رد : ريلي قاللي بروح الحج! شوفوا وين راااااح ؟

لاحول ولاقوة الا بالله


ماذبحني وعور قلبي الا شي واحد ... انج قاعدة تعلمينه عن الحج وتعاونينه على هالشي

الله يآجرج في مصيبتج ..

20سنة زواج مانقدر نفتي ونعطيج حلول .. مشكلتج فيها وايد متاهات وتفاصيل انا اقول استشيري دكتورة اختصاص واايد احسن

عندج كتورة امنة الموسوي والله تهبل هالبني آدمة والله يرزقها من اوسع ابوابه اذا تبين رقمها مايردج الا لسانج ياقلبي

ومكانها بالدسمة

 

[بخـــارى]

رد : ريلي قاللي بروح الحج! شوفوا وين راااااح ؟

لاحول ولاقوة الا بالله
ناطرينج حبيبتي شيصير معاج والله يفرجها عليج