ريلي قاللي بروح الحج! شوفوا وين راااااح ؟

[أم الغاااالية]

الله يهدددددددددددديه

 

[om deaj]

رد: رد : ريلي قاللي بروح الحج! شوفوا وين راااااح ؟

انا ادري ان تكلمت بهبب وماراح انفعج!

ان شاء الله البنات مايقصرون

بس انا اقول اخذي عيالج وروحي دبي ودزيله مسج سلملي علي لبنان!!!!!!!!!!!!

لي متي يعني وصار لكم 20 سنه استغفرالله يارب

ماقدرت امسك نفسي صراحه بس حبيبتي والله ماينفعج غير ربج

شنو هذا من صجه؟؟؟
الله يكون بعونج
بس انا مع اختي روحي ونسي عيالج وطنشيه وتكفين لا تهتمين فيه وايد وتسوينه ا دهينة لا تنكتين
وحابلي عمرج وعيالج وطنشيه ولا جنه موجود بس لا تعدينها له:23_asmilies-com:
عيل قامو يحجون بلينان؟؟؟
بحن على ريلي يوديني احج

 

[ام متلق]

رد : ريلي قاللي بروح الحج! شوفوا وين راااااح ؟

انا اقول دزيله مسج سلملي على لبنان انا رايحه بيت اهلي عشان يتنكد وتخرب سفرته ويقعد يحياتي وتتعب نفسيته ويصير ماله خلق شي بيقعد يسأل نفسه مية سؤال شلون عرفت ؟شسوي ؟شقول ؟شتصرف وبتروح الوناسه واهو يحاتي وان دق لاتردين كلش احقريه والله بيموت من التفكير لاتقولين ماراح يهمه صدقيتي بتخرب النفسيه والسفر اذا النفسيه تعبانه ويحاتي تصير مالها معنى صدقيني بس اذا نطرتي لين يرد على الاقل استانس وعاش احلى ايام خربي سفرته من الحين لاتنطرين

 

[الغاليه نونو]

شوفي بقول لج سالفه يارنا قبل كان يقص علي اهله يقول لهم بروح العمره واهمه مساكين يصدقونه ويدعوله مره مرتين ثلاث ماغير رايح راد من العمره واهم ماغير يقولوله تقبل الله طاعتك والحمدلله عالسالامه لييييييييييييييما اخر مره قال لهم بروح العمره والمدينه ويمكن اطول شوي قالوله تروح وترد بالسلامه شوي والا بالتلفزيووووون ربي يفضحه يوم انخطفت طيارة الجابريه تذكرينها كانوا بيروحون بانكوك واخطفوا الطياره وحطوه ضمن المخطوفين الكل طقته الوبهه مستغرب بس مرته قالت الحمدلله ياربي انك فضحته جدام كل الناس لاني ادري وسترت عليه ومابغيت اهز صورته جدام اهلي بس الله فضحه لانه مايستاهل هالمره السنعه

انتي خليه علي فاله وسكتي عنه ومسكي بيتج وعيالج ادري انج ميته من الحره وهالشي يغث بس لي لجاتي لله سبحانه وصرتي مع الله صدقيني ربي بيكون معاج وينصرج عليه هالجذاب مايتوفق يقول بروح بيت الله واهو رايح يدبج بلبنان اللي مايخاف ربه الناس الحين بالايام الفضيله تدعي وتطلب وكل عاضي يتوب من ذنبه ربي يغفر له واهو يقص عليج ترا الله مايطق بعصا يمه وحوبتج بيلقاها وصيري انتي السنعه اللي تقظب ارظها ونطريه لين يرد وعقبها اذا بتعاتبينه بينج وبينه بيني له انج بنت اصول ماحبيتي له الفضيحه وانج سترتي عليه لوجه الله وانا متأكده انه بيرجع لج وتكبرين بعينه اكثر من قبل وراح يترك خرابيطه كلها
بس اذا متزوج بالسر ورايح حق مرته اليديده اهني يبيلها حجي ثاني الله يعينج ويبرد نارج اللي بين ضلوعج ياقلبي

 

[sweet dashttya]

رد : ريلي قاللي بروح الحج! شوفوا وين راااااح ؟

لا حول ولا قوة الا بالله

والله زين اقشر والرياييل مالهم امان

الله يصبر قلبج حياتي انتي ويعينج

 

[ام دليار]

رد : ريلي قاللي بروح الحج! شوفوا وين راااااح ؟

وللا أنطر وأسوي نفسي غشيمة , وأخليه خايف مني و ما يعلمني يخش علي
هذا أحسن شي هلأ بيداري فيكي أحسن مايعملها علني
يلي فيه عادة الكذب صعب يتغير
أحسن ماتخربي حياتك شو ظل من العمر حتى تشتتي أولادك
الله يهديه

 

[يعني أني]

رد : ريلي قاللي بروح الحج! شوفوا وين راااااح ؟

الله يهديه

 

[الهامورة]

الرياييل مايحبون المراه الضعفه والي تحتهم يحبون القويه والله شيلي اغراضج وروحي بيت اهلج وانتي حرقي قلبه وطنشيه لي متى الواحد يعيش بهم وحزن ويول والله ابو عيالي واصبر لا ماما شخبار هالحجي .....
طنشييييه وبعدين حبيبتي الي تقولين تزوج عادي اذا انتي عندج عادي في ناس لا مو كل وحده ترضا بشريجه كل وحده على حسب ماتربت وبيئتها العائليه

الله ييصبر قلبج وشتري راحتج والله الريال بداله 10 شغل العيايز والعشره هذا مايوكل خبز باجر يتزوج وتلف عقله لبنانيه وايبها ويحطها بنص البيت ويوقولج يلا بره ناطره لي هالحزه وقفي عند حده لو انا منج اطير لبنان واقعد واستانس وحتى لي شفته اسوي روحي ماعرفه وكشخي خليه اهوا الي ينصدم مو انتي
استغفر الله حتى بروحتهم بيت الله يجذبون

 

[شيخة المزاين511]

رد : ريلي قاللي بروح الحج! شوفوا وين راااااح ؟

انا اقول روحي دبي ودزي مسج من خط اماراتي قولي ترا انا بعد حجيت مع العيال هههههههههههههههههههههههههههههههههههههههه

 

[((shoOoshoOo))]

ياكبر ذنبه عند ربــــــــــه
مو عارفه شقولج والله ماعندي خبره
اخاف اقولج هدي البيت وفيه خراب لبيتج
اخاف اقول سافري وهم شي مو حلوه بحقج لانج بنت اصول ولازم زوجج عنده خبـر

 

[تعويذه الحب]

طرشيله مسج وقوليله انج دريتي

وروحي حجزي واخذي عيالج وروحي حق خواتج استانسي و ونسي عيالج

 

[hadoy]

خل ابوج واخوانج يحطون له حد الله يصبر قلبج
يبا والله روحي سافري ونسي اليهال لا تعكرين على نفسج وبهالعيد هالانسان لازم احد يفهمه دوره كزوج الله ييسخره لج يااااااااااااارب ويصبرج

 

[mjoariam]

رد : ريلي قاللي بروح الحج! شوفوا وين راااااح ؟

الله يهدي ريلج لج و يسخره
لا حول ولا قوه الا بالله
شوفي حبيبتي انا اقول روحي حق مستشاره للحياة الزوجيه قبل لا تتهورين و تكلمينه او تطلبين الطلاق
و اقري سوره البقره و قبل لا تسوين اي شي استخيري ربج صلي صلاة استخاره و استغفريه
و الله يصبرج

 

[فديت السعادة]

رد : ريلي قاللي بروح الحج! شوفوا وين راااااح ؟

حبايبي فديتكم ,,, والله .. مقهوووورة من حقارة الرياييل ومن الجدب ..


باربي ,, alhnan ,, عسل مرت قيمر :

رايكم يازلي وااااااااااايد , صج حقير ,, وآنا ما قدرت أصبر قلت حق بنتي العودة اللي صافة مع أبوها ,, خبركم قاص عليها بالفلوس والطلعات ,, قلت يمكن قايل لها من وراي ... بس حيل إنصدمت وقالت لاااااااا صج صج قوووووووووووية !!!!!!
وعيالي ببعد منصدمين من جدب أبوهم ,, يقولون يقول لنا لا تجدبون وأهو يجدب ,, ولي نمنا بيت أحد يهاوشنا ليش ما ندق عليه وأهو مسكر جهاااازه ,, والحين كلنا ناطرينا عشان يشوف شغل الله في الجدااااااااااااب ....


noonaa ,,, sweet december
ودي والله أسويها وأسافرله مع ولدي العود بس أخاف أتبهدل وما ألقاه وآنا ما عمري رحت لبنان ولا شفتها ....
عبالج ما فكرت أسويها والله القهر خلاني أفكر بجنووووووووون ..

ملح وسكر ,, عايدوش : إختي متأكدة إنه راح لبنان وبأي ساعة بعد !!!!
وحق الشماتة يا سعد..... إهئ إهئ إهئ

تالي تقديرك :
أي وحدة تشتغل بالداخليه تقدر تطلعلج حركة تحركاته .. الله يعينااااااااااااا

noo7a ,, جوري :

ليش أهو ناطر مسجاتي ,, أهو مسكر الجهاز بكبره ,, أعرفه يموت على هالحركات العبيطة ,, أهو إدا داخل الديرة أدق عليه ما يرد ,, ما أقول إلا الله يرد كيده في نحره آميييييييييييييييييييييين ..


hope77 :
آآآآآآآآآآآآآآآه من سالفة الدين هدي .. خلتني أطيعه بغبااااااااء طول عمري ,, وعالفاضي والمليان ,,وأهو عارف يستغل هالنقطة عدل ,, الله يكملني بديني ويكفيني شر نفسي ,, ويهديني للي فيه صالحي بدون ما أغضبه- سبحانه - .

ماما نونا - تبارك الرحمن - فروحة الحلوة - وكل الطيبات ... إسمعونييييييييييييي :

أهلي ما يكلمونه ولا يشتهون يشوفون ويهه ,,وينطرون طلاقي منه اليوم قبل باجر ,, بس آنا اللي مسوية فيها المرأة الحديدية ومنثبرة في بيتي ...
أبوي لا يهش ولا ينش ,, ما وده أتطلق وأزيد بناته المطلقات ,, وأخواني أصغر منه وايد ما يعترف فيهم ولا يعبرهم ,, لأنه لما تزوجني كانوا حيل صغار وأهو رباهم ,,,, وكل واحد فيهم الحين لازق بمرته وماله خلق مشاكل مع هالنسيب الزفت الملسون ..




تدرون ودي ( أحج ) أقصد أسافر دبي بس آنا الغبية لما سألني جم تبين قلت له اللي بتعطيني .. والمبلغ ما يكفي إلا تدكرة وحدة لدبي ,, حسبنا الله ونعم الوكيل..


إهئ إهئ إهئ
إهئ إهئ إهئ

والله لو تدرون بمشاكلي لا تطقون على راسكم ,, بس شسوي ؟!!!
قلت لكم مسوية نفسي تاتشر المرأة الحديدية(شخباريييييييييي تدكرونها) )

 

[حلوه وبس]

دخلي فيها رياييل اخوانج ابوج خل من يرجع يستلمونه خل يعرف انج مو مدغمة و ان لج سند خل يتوب من الجذب و يعملج حساب

حسبي الله ونعم الوكيل شهالضمير الجذب مثل شربة الماي و ياليت جذب شي هين شنو يقول بروح مكة يتحجج بالعبادة و الفرض وهو رايح لبنان والله حرق اعصابي الله يعينج و يسهل امورج بهالجمعة المباركة ان شاءالله

 

[جروح خالده]

رد : ريلي قاللي بروح الحج! شوفوا وين راااااح ؟

حسبي الله عليه

يقهررر

 

[&شهرزاد&]

الله يعينج ويهداااه


اصعب شي الجذب

 

[kuwaitya_zoGaa]

شوفى انتى عطيتيه بدال الفرصه 1000
اللى ماخاف من الله بيخاف منج ؟
انا من رايي ... تأكدي ...
وبعدين دزي له مسج خليه يتصرقع وتخترب سفرته ... خل يعرف ان الله فضحه ...
كتبي له ... الحج بمكه مو بلبنان ... يا ويلك من غضب الله !!!!
وسكري جهازج واخذى عيالج وسافري وخليه يتخسبق ... ولمايرجع البييت يستخف علميه درس انج مو مغفله وانه الله فضحه .

 

[BiiShOoO]

الله يهديه

لو انا منج اروح دبي و استانس

 

[فديت السعادة]

رد : ريلي قاللي بروح الحج! شوفوا وين راااااح ؟

الله يهدي ريلج لج و يسخره
لا حول ولا قوه الا بالله
شوفي حبيبتي انا اقول روحي حق مستشاره للحياة الزوجيه قبل لا تتهورين و تكلمينه او تطلبين الطلاق
و اقري سوره البقره و قبل لا تسوين اي شي استخيري ربج صلي صلاة استخاره و استغفريه
و الله يصبرج

يزاج ربي الجنة بس وين ألاقي هالمستشارة ؟؟ والحين فاتحين ولا مسكرين عشان العيد ؟؟ تكفوووووووووووووون

عطوني رقم مستشارة إدا أحد يعرف ,, بس مستشارة عدل مدل ... هئ هئ هئ هئ