رودي للاستشارات الهندسية

[منسيه99]

مشكوره ياقلبي ياالكيكه بس بغيت أدري ياكثر قرقي مايخلص بس دايمن الذوق الواحد يحب يستفيد من ذوقه تصدقين زوجي يأيد كلامك في كل شي أقترحتيه علي بس بغيت اذا عندك صوره للجرانيت فل بودي أكون شاكره وأبي أصبغ الصاله بأورنج معتق فاتح أو يسمونه منجاوي فاتح أيش رأيك ومطبخي مفتوح على الصاله أخليه أحمر معتق لأن يقولون هلون يفتح النفس للأكل يعني الصاله منجاوي والمطبخ بوسطه أحمر معتق أيش رايك تراي يعجبني ذوقك وأخذ برأيك والحمام بسويه زي ماقلتي السيراميك دراجات البيج الفاتح بس هو صغير وماأدري أسوي أفرنجي وعربي أوبس عربي لأني العربي أحبه أكثر بس ساعه أقول نحط مغسله باالحمام بدل الأفرنجي وساعه أقول لا أحط أفرنجي ولاألغيهم كلهم أبي اذا عندك صور حمامات صغيره وشلون أستغل المساحه ومايصغر أكثر لأني بسوي دولاب شكله حلو باالحمام عشان أغراض الحمام الخاصه بي وبزوجي بدون ماأضيق الحمام ماني عارفه وشلون:0bee2e8d89: أدري مصختها بس أنتي كريمه وأنا أستاهل 000

 

[الكيكة]

هلا منسية ...

الاورانج واااااااااااايد حلو خصوصا اذا بالاثاث خشب غامج ... وايد فخم
الاحمر بالمطبخ مو متخيلة شكله .... ليش ماتركبين بورسلان 10 في 10 بالمطبخ؟ اختاري معتق بدرجات البيج و البني و الاورانج مثل مطبخي الرئيسي ... أو اختاري البني الغامج مثل بورسلان مطبخي التحظيري


بالنسبه للحمام .. اسمحيلي اقول لج استغني عن حبج للعربي و ركبي بس افرنجي و مغسلة و شاور قدم . هذا حمامج محد بيستعمله غيرج انتي و زوجج فمافي سبب يخليج تكرهين الافرنجي.


بالنسبه لخزانة الحمام .. انا اقول دام ان الحمام صغير .. حطي بالممر اللي يمه ( المكان اللي كنتي ناويه تحطين فيه مغسله ) حطي كونسول انيق و علقي فوقه مرايا او سجاده تباستريي او لوحه و استغلي ادراجه علشان تحطين فيهم اغراضكم مثل الشامبوهات و الصابون الجديد و رولات الكلينكس و الفوط النسائية .

 

[frfr]

مراااحب

انا عندي بعد استشاره بخصوص غرفه لتبديل الملابس

يعني فيه ديزاين حق تخزين الجنط او مثلا شيلاتي او الجواتي

ومن وين اقدر احصل هشغلات وفيه احد يسوي لي الديزاين مثلا

 

[أسولة]

ماشاء الله خوش صور اتهبل ودي اضبغ السقف بيج غامج

 

[قلبي ابيض]

بالنسبة للأرضيات الخشب الباركيه ينفع للصاله ؟؟؟ والصالة اللي فيها اكثر من باب وين احط قنفاتها

 

[ام وهابي]

مشكوره الكيكه وحمد الله على السلامه
انا مع راي اختي الكيكه افضل شي الكلاسك لايمكن رترو ح موضته اختاري ورق جدران وحطيه بطوفه او طوفتين عندج تكون اهي واجهه الصاله وباوالطوف الثانيه اختاريله صبغ لون حلو يمشي مع لون ورق الجدران والديكور كل ما قللتي فيه الصبغ كان احلى ويوسع الصاله يعني يكون الصبغ بس تحديد بلون مناسب والافضل ادخلين اللون الذهبي بالديكور الصاله علشان يعطيها فخامه اكثر

قfrfr
شوفي ردي عليج في موضوعج وبديوانية بيت العمر

 

[الكيكة]

فرفر ... تحصلين هالسوالف بايكيا
و بعد ممكن النجار يفصل لج اللي تبينه على كيفج ... عطيه صورة كبت من النت فيه تقسيمة عاجبتج و يسويلج مثله

أنا شاريه كبتين كبار واحد لي و واحد لزوجي و شيفونيرتين وحده طويله و الثانيه اقصر بس اعرض ... شريتهم مع غرفة نومي و حاطتهم بغرفه منفصله ...صفيتهم ( وزعتهم) دار مدار الغرفه .. يعني شغلت كل الحوائط ( الطوف) و شريت صناديق من ايكيا لتخزين جناطي و حطيتهم بالرف العلوي

و حطيت حامل احذية تحت ملابسي المعلقه .... و حطيت مثل المواعين ( قماش) من ايكيا بعد داخل الادراج و داخل الكبت لملابسي و اغراضي .. و قسمت و رتبت كل شي ... وايد مرتبه اغراضي و اغراض ريلي

هلا قلبي ابيض ... اذا تحبين الباركيه .. حطيه بغرف النوم و المعيشه

بس بصالاة الاستقبال لا مو حلو ( هذا رايي )

اذا الصاله فيها ابواب وزعي الاثاث بوسط الصاله بحيث يكون مساحه المشي خلف القنفات .. مثل هالصور

 

[أريام]

يعطيج العافية فعلاً أفكارج مفيدة وكلج ذوق

 

[الكيكة]

الله يسلمج أم وهابي
أريام ...الله يعافيج و نورتي الموضوع

 

[rudy]

بالنسبة للأرضيات الخشب الباركيه ينفع للصاله ؟؟؟ والصالة اللي فيها اكثر من باب وين احط قنفاتها

مرحبا اختي
اذا كانت الغرفة كبيرة انا اقترح انك تحطين القنفات بالوسط اي تخلين منطقة المرور بين الابواب من وراء القنفات اما اذا كانت صغيرة فياريت تعطينا القياس وترسمين لنا الأبواب عشان نفيدك.​

 

[جيجان77]

انا سويت ستاير رومانيه لغرفة ولدي طلعت بااايخه شسوي
اذا فتحتها اوكي تطلع حلوة بس واهي نازله كني حاطه قماش بدون اي حركه ولا جمال شالحل

 

[كل الحب]

رودى حبيبتى ما أدرى تقدرين تفيدينى ؟ أبى أرضيات حلوة وبنفس الوقت مو غالية وتصلح للأطفال وين ألقاها ؟

 

[الكيكة]

كل الحب

في ارضيات بلاستك .. شكلها مربعات مثل السيراميك .. بس بلاستك تحصلينهم بمحلات الديكور بحولي .. المتر اب دينارين تقريبا و تركيبهم بنفس اليوم ... ( يلزقونهم فوق الكاشي بصمغ ) ميزته انه عملي سهل التنظيف و و أدفى من السيراميك و اذا طاح الياهل عليه ما ينفلع مثل طيحته عالسيراميك

في منه الوان وايد و نقشات و رسوم اطفال.

جيجان انتي مركبه الستاره الرول؟
ممكن تركبين فوقها ستاره ثانيه كامله مع البايب ... تكون شيفون او اي قماش عليه رسوم اطفال....الستاره تفتحينها و تمسكينها بالمرابط عالجوانب و ما تشيلينهم ....و تبين تحتها الرومانيه اهي اللي تفتحينها و تسكرينها .... أنا مسويه جذي بغرفة ولدي

 

[جيجان77]

تسلمين يالكيكه على ردك
بسشلون ؟؟قصدك افصل ثانيه فوقها ؟؟؟تراها كلفتني كثير لان درايشنا كبيرة وممكن صورة للي عندك
واهي اصلا قماش لصور كرتونيه
بارسل لك الصورةوانتظر ردك

 

[بنت ناس وقلبها الماس]

عندي مشكلة كبيررررررررة
تكفون ساعدوني فيها
اهل زوجي بنوا لنا شقة والعيب فيها ان المطبخ ما فيه تهويه وعلى الصالة سيده
وقالوا بنحط لكم مدخنة امريكية عاد تنفع ولا لأ؟؟؟؟؟؟؟؟
ان قلت ما فيه إلا ان افتح الصالة على المطبخ ويصير مثل اللي بكتالوج ايكيا بس خايفه من عيالي شياطين سمله عليهم
عطوني رايكم

 

[ام وهابي]

بنت ناس وقلبها الماس
انا شقتي الحاليه مطبخي ماله لا تهويه ولا دريشه وحاطين فوق الشوله شفاط كبير مع المدخنه ستيل مادري نفس اللي تقصدينه نظام امريكي يسمونه او لا
بس المهم انه نفعني حيل ريحة الطبخ ما تشمينها نهائي اذا عندك طبخ ثقيل شوي اتسكرين الباب المطبخ احسن
بس مشكلته الفلاتر مالته صعب تنظيفها ولازم كل شهر اتغيرينهم ولانه يصيرون مسدودين وما يشفط الشفاط عدل
واي بعد ملاحظه الشفاط احسن نوع الكبير من بنا سونك ولازم المدخنه تكون اكبر بعشره سنتي من الشوله علشان تنشفط الريحه على طول
وما انصحج بالمطبخ المفتوح اذا كان عندج عيال صغار خطر عليهم واذا مطبخج رئيسي وتطبخين فيه طبخ ثقيل الريحه بتكون بكل البيت

 

[الكيكة]

جيجان ادري انها غاليه... انا فصلت ستارة ولدي الرول اب 75 دينار ( انا مختاره لون بيج ساده)
و بعدين فصلت ستاره عاديه فوقها ... يعني اعتبري الرومانيه مو موجوده و فصلي ستاره عاديه و ركبيها .

اذا ستارة ولدج عليها رسوم اطفال ... فصلي فوقها ستاره قماش خفيف و ساده و مسكيها عالجوانب بتطلع وايد حلوه ( مثل المسرح)

بنت ناس .. ركبي شفاط فوق الجوله مافي حل ثاني ... وصبري كلها شقه عند الحموله و تقزوره انشالله ابيت العمر يصير مطبخج على كيفج

 

[بنت ناس وقلبها الماس]

ام وهابي مشكورة
بس شنو نوع مدخنة؟ ومن وين اخذتيها؟؟؟؟
المشكلة بعد انه مساحته 3×3

 

[بنت ناس وقلبها الماس]

ثانكس يالكيكة كلامج عدل بس زوجي الوحيد!!وما في غيره بس اللعنة والحسد اللي مالها اي داعي كل وحدة من حمواتي لها غرفة والبيت كله صالآت و قعدات والبيت بيت العمر مو بيتهم المليق

 

[ام وهابي]

حبيبتي المدخنه تفصيل ستيل ولها دكت يوصل لبره اللبيت وانتي تشترين الشفاط وتخلين العامل والكهربائي يركبونه لك من داخل المدخنه وتحطين فلاتر طبعا اللي مركبلج المدخنه يجيبه لك مع حسبة المدخنه
والمحل اللي فصلت عنده صراحه ما اذكره انا مفصله المدخنه من تقريبا 12 سنه